| |
19-04-2008, 06:22 PM
|
#166 (رابط ثابت)
|
|
ابن البلد
تاريخ التسجيّل: Nov 2007
الإقامة: أرض الحرمين
المشاركات: 2,999
|
مبروك يا ابو رقيه الـ 500 ريال بس كان فى حاجة غريبة شوية يا ابن البلد
كل ما يجاوب كان يقفل عينيه ولما سألته ليه يا ابو رقية قاللى أصلى حريف
بجاوب وانا مغمض . وكمان وانا حاطط ايدى ورا ضهرى عشان تصدق .
شوفت يا ابن البلد .. ليه حق يكسب دا خطير صحيح .
هو كان ناوى يكمل بس انا اتخنأت وكان عندى معاد فى الغيط قمت طلعلتلو الطبنجة وقولتلو
يتكل على الله السعادى ويخفى من البرنامج .. سمع كلامى وخلع .
|
|
|
|
19-04-2008, 06:24 PM
|
#167 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
إقتباس:
كل ما يجاوب كان يقفل عينيه ولما سألته ليه يا ابو رقية قاللى أصلى حريف
بجاوب وانا مغمض . وكمان وانا حاطط ايدى ورا ضهرى عشان تصدق .
شوفت يا ابن البلد .. ليه حق يكسب دا خطير صحيح .
|
ههههههههههههه شغل محترفين بقى 
الحلقة الاولى من سلسلة .. " المنتــدى .. لجنـــــــة امتحان "
بعددد شوية |
|
|
|
|
19-04-2008, 06:28 PM
|
#168 (رابط ثابت)
|
|
ناقلة الإحساس من الداخل
تاريخ التسجيّل: Dec 2007
الإقامة: فلسطين..والدموع
المشاركات: 5,943
|
__________________
مراقبة قسم البيت بيتك ************** اللهم هؤلاء عيني لا تراهم ..فبعينك اللهم ارعاهم ..ولا تحرمني لقياهم حبيب ليس بعد له حبيب ..وما لسواه في قلبي نصيب..حبيب غاب عن بصري وعن شخصي ..ولكن عن فؤادي لا يغيب كل عام وأنتم بخير
|
|
|
|
|
19-04-2008, 06:45 PM
|
#169 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
الحــــلقة الأولى .. المنتدى .. لجنة امتحان
المنتدى ... لجنــــة امتحان
الحلقة الأولى : قبل الامتحان
جناب العمدة (أمام باب المنتدى بيكلم نفسه) : يا ررررب ... ياررررب ... اليوم ده باين مش هيعدى على خيــــر ... هو مفيش حد ليه هنا ؟؟ هو مفيش امتحان ولا إيه ؟؟؟ ولا يمكن يكونوا دخلوا وأنا اللى جاى متأخر ... يا خرااااااااااااااااااابى
اللـــــــــــــه أكبرررررررررررررر .... الله أكبررررررررر
جناب العمدة (بيكلم نفسه برده) : ده أدان الفجر ... لا يمكن أكون جيت متأخر .. أما أخش أصلى وأدعى ربنا يعدى اليوم ده على خير
الساعة الآن 7 صباحا ... باقى ساعتين على الامتحان .. الطلبة كتروا أدام باب المنتدى ... جناب العمدة وعمر وتروفيس وعتاب ونيهال وزهرة مصر و امرأة العزيز
نسرين (بثقة وتفاؤل) : السلام عليــكم
المجموعة (فى نفس واحد) : سلاااااااااااااام ورحمة الله وبركاته
نسرين : وحدوووووووووووووووووووووه
المجموعة : لااااااا إله إلا الله
نسرين : مالكم يا جماعة فى إيه ؟؟ انتم مش مذاكرين ومفيش حاجة وقعت منكم ؟؟
المجموعة كلها ينظرون إلى نسرين نظرة غريبة وينزلوا راسهم تانى فى الأرض
نسرين : طيب .. طالما مذاكرين ماتخفوش من حاجة
عتاب : منخفش إزاى بس ... ده المشرف العام جايب الامتحان من المنهج كله ومش راضى يلغى حاجة ... وكمان قال إنه هيشد علينا المراقبة فى اللجنة وهيتلكك فى تصحيح الورق
نسرين : طالما مذاكريييييييييين ... متخفوش
عمر : طب غيروا السيرة بقى عشان أنا قربت أروح خلاص
جناب العمدة : هو الجو حر ليه كده ؟
نيهال : حر ؟؟؟ أنا هموت من البرد
جناب العمدة : مكنش كده من تلات ساعات
نسرين : يا جماعة صدقونى ، طالما .....
عمر : ... مذاكرين متخفوش من حاجة ، خلاص فهمنا والله العظيم
نسرين : ساكتة ليه يا زهرة ؟
زهرة مصر : سيبى زهرة فى حالها بالله عليكى
نسرين : مالك ؟
زهرة مصر : مليش .. مفيش حاجة خااالص .. داخلين امتحان المنهج بتاعه 30 باب وماذكرناش كلنا إلا 5 أبواب بس ... أنا مطمئنة خالص
نسرين : ربنا هيكرمنا بإذن الله
جناب العمدة : يا أخوانا نقرأ شوية قرآن وندعى ربنا يوفقنا بقى
نيهال : هو الامتحان مدته أد إيه ؟
عمر : تلات ساعات بس
زهرة مصر : نسرين .. عايزاكى فى موضوع مهم .. تعالى
نسرين : فى إيه ؟
زهرة مصر : طبعا أنا قاعدة وراكى على طول ... متنسيش أختك الغلبانة بكلمتين تلاتة أربعة .....
عشرين واحد وعشرين .... سبعين واحد وسبعين ........ بصى براحتك يعنى على حسب ما تقدرى عليه
نسرين : ومين قال إنى عندى القدرة إنى أغشش
زهرة مصر : يعنى إيه ؟
توتى : أنا مش مذاكرة غير أول سبع أبواب بس
زهرة مصر (بنرفزة) : نعمممممممم ، وعمالة تقولى طالما مذاكرين متخفوش ......امممممم
عمر : وأدى آخر أمل كنا متعلقين بيه .. شكلنا هنطلع بالمادة دى
نسرين : يا جماعة أهم حاجة الحالة النفسية بس
ترو فيس يأتى من بعيد
ترو فيس : السلام عليكم
المجموعة : وعليكم السلام ورحمة الله وبركاته
ترو فيس : إيه يا جماعة واقفين كده ليه ومتوترين زى ما يكون ورانا امتحانات ولا حاجة
جناب العمدة : بالله عليك يا شيخ .. أحنا كلنا مش ناقصين
ترو فيس : مالكم بجد ؟
جناب العمدة : ما أنت عارف إن علينا النهارده امتحان
ترو فيس : امتحان إيه ؟
جناب العمدة : امتحان فى التاريخ يا خفيف
ترو فيس يسكت هنيهة
ترو فيس : يا خراااااااااااااااااااااااااااااااااااااااااااااااا ااااااااااااااااااابى
عمر : آآآه ... أوى يكون حصل اللى فى بالى
ترو فيس (وهو يبكى) : حصـــل حصــل
عمر : لا حول ولا قوة إلا بالله .. طب صلح غلتطك بقى
جناب العمدة : وده وقت هزار يا عمر .. الواد هيضيع
عتاب : قال يعنى إحنا اللى هندرس المادة
جناب العمدة : طب ارجع وراجع أى حاجة كده بسرعة
عتاب : مش هيلحق حاجة طبعا
نسرين : توكل على الله يا بنى ... واللى فيه الخير هيقدمه ربنا ... وبعدين طالما ذاكرتك متخافش
الساعة الآن 8.30 صباحا ... فتح باب المنتدى ودخول اللجنة
يتبع >>>>
|
|
|
|
|
19-04-2008, 06:54 PM
|
#170 (رابط ثابت)
|
|
ناقلة الإحساس من الداخل
تاريخ التسجيّل: Dec 2007
الإقامة: فلسطين..والدموع
المشاركات: 5,943
|
انتظر الباقي!!!
__________________
مراقبة قسم البيت بيتك ************** اللهم هؤلاء عيني لا تراهم ..فبعينك اللهم ارعاهم ..ولا تحرمني لقياهم حبيب ليس بعد له حبيب ..وما لسواه في قلبي نصيب..حبيب غاب عن بصري وعن شخصي ..ولكن عن فؤادي لا يغيب كل عام وأنتم بخير
|
|
|
|
|
19-04-2008, 07:14 PM
|
#171 (رابط ثابت)
|
|
مثلى ألأعلى الحمار
تاريخ التسجيّل: Mar 2008
الإقامة: أوروبا
المشاركات: 1,481
|
موتنى من الضخك لازم البقيه سريعا متشوق
وعاوز ياراجل تحرمنا من الماده الدسمه دى
__________________
-_____________________________________________- ليس هناك من يستحق دموعى
لان من يستحقونها
لن يجعلوننى ابكى
-_____________________________________________-
|
|
|
|
|
19-04-2008, 07:24 PM
|
#172 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
فـراق .. أكمل اليوم إن شاء الله وشكرا على متابعتك
ترو فيس .. هههههه منوّر الموضوع والله .. وربنا يسترها معانا فى الامتحانات  |
|
|
|
|
19-04-2008, 07:24 PM
|
#173 (رابط ثابت)
|
|
shaimaa
تاريخ التسجيّل: Jan 2008
المشاركات: 1,315
|
لا بجد مش قدره هموت من الضحك
انت شوفتني انا وفي الامتحان ولا ايه
مستنيه الباقي بس بسسسسسسسسسرعه
|
|
|
|
|
19-04-2008, 07:27 PM
|
#174 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
زهـــرة مصــر .. هههههه كلنا عندنا نفس الحالة قبل الامتحانات .. ماعدا نسرين ههههههه
شكرا على مرورك وبالنجاح إن شاء الله
|
|
|
|
|
19-04-2008, 11:51 PM
|
#175 (رابط ثابت)
|
|
مثلى ألأعلى الحمار
تاريخ التسجيّل: Mar 2008
الإقامة: أوروبا
المشاركات: 1,481
|
بس للعلم
..........
لا حستنى لما اشوف باقى المسلسل
__________________
-_____________________________________________- ليس هناك من يستحق دموعى
لان من يستحقونها
لن يجعلوننى ابكى
-_____________________________________________-
|
|
|
|
|
20-04-2008, 04:28 AM
|
#176 (رابط ثابت)
|
|
مراقب ضحك ولعب وجد
تاريخ التسجيّل: Dec 2007
الإقامة: بلا وجود..!! .. طفل مات كان نفسه فى يوم يعيش ..
المشاركات: 3,703
|
بجد انت كاتب كوميدى جامد جدا .. لازم تستثمر مجهودك ده على فكره
ان امتابع معاك .. كمل ..
__________________
الحزين .. الوحيد .. الشريد
|
|
|
|
|
22-04-2008, 03:12 PM
|
#177 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
ترو فيس .. فى انتظار تعليقك إن شاء الله
مستر كاراتيه .. شرفنى مرورك واتمنى إنك تتابع معانا على طول بإذن الله
اعتذر عن التأخير فى إضافة الحلقة الثانية
|
|
|
|
|
22-04-2008, 03:16 PM
|
#178 (رابط ثابت)
|
|
مثلى ألأعلى الحمار
تاريخ التسجيّل: Mar 2008
الإقامة: أوروبا
المشاركات: 1,481
|
طاب امتى
طال الانتظار
__________________
-_____________________________________________- ليس هناك من يستحق دموعى
لان من يستحقونها
لن يجعلوننى ابكى
-_____________________________________________-
|
|
|
|
|
22-04-2008, 03:53 PM
|
#179 (رابط ثابت)
|
|
عمـــــار يا مصـــــر
تاريخ التسجيّل: Mar 2008
الإقامة: Egypte
المشاركات: 1,091
|
الحلقة الثانية
والآن الحلقة الثانية من .... (المنتـدى .. لجنة امتحان)
" ويضرب الجرس معلنا بدء دخول الطلبة إلى اللجان "
عتاب : يا رب اليوم ده يعدى على خيـــــــر
نسرين : ما بلاش التوتر ده ... طالما مذاكرة متخافيش
عتاب " تنظر إلى نسرين ولا ترد "
نسرين : بتبصلى كده ليه ؟؟ طالما واثقة من نفسك خلاص اتكلى على الله
عتاب : نسرين إنتى عايزة إيه ؟
نسرين : عايزة سلامتك
عتاب : خلاص خديها وابعدى عنى
نسرين : بقى كده يا عتاب .. ماشى
" ويبدأ الطلبة فى الجلوس فى أماكنهم المسموح بها "
زهرة مصر : هى مال اللجنة دى مكتومة ليه كده ؟؟ ده فال وحش على فكرة
عتاب : ولا حتى فال حلو .. هى هتفرق معانا
نيهال : أسكتوا بقى خلونى أعرف أراجع أى حاجة فى دماغى
زهرة مصر : ماشى يا مجتهدة ... شكلك مذاكرة يا نيهال ومخبية علينا
نيهال : كان على عيـــــــــــــنى .. أنا مش عارفة غير الخمس أبواب الأولى بس .. وياريتنى فاكراهم
" ويدخل المراقبان "
فـــــراق : السلام عليكم
الطـــلبة جميعا : وعليكم الســ ...
فراق : .... بص يا ابنى أنت وهو عشان أنا مش ناقصة وجع قلب ... كل بنى آدم يقعد فى المكان المخصص ليه .. ممنوع تكلم زميلك أثناء الامتحان .. ممنوع تبص فى أى حتة غير ورقة الإجابة أثناء الامتحان .. أى واحد أو واحدة معاه محمول يقفله ويطلعه بره ... وأى واد معاه أى أوراق للمادة يطلعها بره ... ممنوع الكتابة بالقلم الرصاص .. ممنوع الكشط فى الورق وإلا هنعمللك محضر شخبطة .. الامتحان مدته 3 ساعات .. يعنى المسألة مسألة وقت وتغوروا من وشنااا ..... فاهمين ؟ :
الطلبــــــــــــة : …………………..
فراق : بقول فاهمييييييييييييييييين ؟
جناب العمدة : فاهمين يا فندم ... فاهمين .. أنا قلت اليوم ده مش هيعدى على خير
فــراق : بتبرطم بتقول إيه يا أستاذ ؟
جناب العمدة : لا انا بقول إن اليوم ده هيعدى على خير طالما حضرتك هتراقبى علينا
فراق : آه بحسب .. دلوقتى المراقب التانى هيوزع عليكم ورق الإسئلة و الإجابة .... اتفضل يا استــ ..... لااااااا ... يا أستاذ يا أستااااااذ
مستر كاراتيه : اخخخخخ .. إيه إيه .. أمى جرالها حاجة ؟؟
فراق : ده أنا اللى هيجرالى حاجة النهاردة .. قوم يا استاذ وزع الورق عايزين نخلص
" يقوم مستر كاراتيه بتوزيع الورق على الطلبة "
عمر : يا سلام .. إيه الامتحان السهل ده .. يا استاذ يا استاذ
مستر كاراتيه : نعم يا سيدى
عمر : ممكن تاخد الورقة دى مع حضرتك .. تديهالى السنة الجاية .. ما انا كده كده شايلها
مستر كاراتيه : إحنا بنهزرررررر
عمر : لا أنا بنكت هههههههههههههه
مستر كاراتيه : الظاهر كده إنى هستفتح بيك فى التعليم على الورق
عمر : وماذا يفيد الشاة سلخها بعد ذبحها
مستر كاراتيه : نعم .. احم احم طـ .. طيب اسكت وخليك فى ورقتك
جناب العمدة : عايدين .. عايدين .. عايدين فى إيدينا سلاح
فراق : باين عليكم لجنة مقرفة وهتتعبونا
مستر كاراتيه : أنا كده انتهت مهمتى .. بالله عليكى يا أستاذة صحينى أول ما اللجنة تخلص عشان ألم الورق
فراق : هى ناقصاك .. قوم يا أستااذ
مستر كاراتيه : حاضر حاضر خلاص
" وفجاة فى وسط اللجنة يسمعون صوت غريب "
تكتكتتتكتكتكتكتكتكتكتكتكتكتكتكتكتكتك
نسرين : إيه ده .. زلزال ولا إيه ؟
جناب العمدة : أنا قلت إن اليوم ده مش هيعدى على خير
يبصوا كلهم ويلاقوا ترو فيس هو والديسك بتاعه بتهزوا جامد جدا
فراق : مالك يا بنى فى حاجة؟ أنت عيان أو حاجة ؟
تــرو : ل.ل.ل.لا أننا مششش عييااااان
مستر كاراتيه : أممممماااال مممماااالك ؟
تـــرو : أصصصلى متتتوتر حبببتين
فراق : طيب هدى أعصابك هدى أعصابك .. طالما مذاكر متخافش واتكل على الله
تــرو : برده ؟؟ .. ربنا يستر
نيهال : نسرين .. نسرين .. نسريييييين
نسرين : اممم نعم .. أيوة .. فيه إيه ؟ خلونا نعرف نمتحن بقى
نيهال : ماشى يا اختى .. قوليلى السؤال الأول بسرعة
نسرين : ومــــاذا يقول السؤال الأول ؟
نيهال : دى هتكلمنى بالفصحى .. ما الورقة أدامك شوفيه
نسرين : آه .. من هو آخر شهيد قاوم الأحتلال الأجنبى فى عصرنا الحديث ؟
جناب العمدة : على فكرة على فكرة أنا عارف الإجابة
نيهال : طب قول ربنا يخليك
جناب العمدة : الإجابة هى : جنـــــاب العمدة
نيهال : ناقصاك هى دلوقتى
عتاب : نيهال .. بت يا نيهال
نيهال : أيوه
عتاب : أنا مش فاهمة حاجة .. هو السؤال الأول إجبارى ولا اختيارى
نيهال : الله تعالى أعلى وأعلم .. هو تقريبا السؤال الأول اختيارى والباقى كله إجبارى
فراق : أنتى يا بنت إنتى وهيه .. اسكتوا بدل ما أطلعكوا بره
" زهرة مصر تجلس فى آخر الصف وبتبص فى السقف من أول الامتحان "
زهــرة : زيزى .. زوزو .. زهايمر .. زكريا
نسرين : مالك يا بت يا زهرة ؟
زهرة : أيوه زهــــررررررررررررة
نسرين : لا حول ولا قوة إلا بالله .. البت نسيت اسمها
ويسمعوا مرة واحدة صوت خفيف قادم من الخلف
جناب العمدة : جدو على عنده خروف .. إيا إيا أو .. ليه فروة مليانة صوف .. إيا إيا أو
عتاب : لا مش ممكن .. لازم نتصرف قبل ما حد فينا يتجنن
نسرين : بصوا يا جماعة أنا فى أسئلة حاسة إنى عارفاها .. هاكتبها وأقولهالكم على طول
زهرة مصر : يا سلام عليكى تسلمى
نسرين : اسمعوا .. السؤال بتاع التاريخ الرياضى اللى بيقول كم مرة فازت مصر بكاس العالم اكتبوا مرتين مرة سنة 1934 ومرة سنة 1990
عمـــر : متأكدة يا نسرين ؟
نسرين : على ما أظن .. أما السؤال بتاع مدة حكم الرئيس مبارك فاكتبوا 120 سنة
نيهال : متأكدة ؟؟
نسرين : لالا... استغفر الله العظيم يا رب .. 125 سنة
عمـــر : أيوة كده طمنينا
فـــــراق : يللا يا شباب المستقبل .. فاتت ساعة من الامتحان
" وفجأة يدخل شخص غريب الهيئة .. ولم يره الكثــــير من الطلبة .."
يتبــــــــع >>> |
|
|
|
|
22-04-2008, 03:59 PM
|
#180 (رابط ثابت)
|
|
ابو رقية
تاريخ التسجيّل: Mar 2008
الإقامة: الاسكندرية
المشاركات: 2,873
|
انا متابع
100 فىال100
تسلم الايادى
|
|
|
|
|
مواضيع مشابهة
النمط الخطي
