حبعتلك دعوة لهناك فيه مدينة اسمها مدينة الاشباح حلوة جدا تنفع في الرعب وانا عرفاك غاوي فروسية يعني حتيجي حتيجي امال انا حقعد لوحدي لازم الاقي حد يكتب عننا قصص والمرة دي حتكون مرعبة يمكن تنزل في السينما بعد كده ونتشهر علي ايديك
آه فعلا والله أنا غاوى فروسية .. وجمال هههههههههههه
والله فكرة حكاية الرعب دى بس معاكم مش هتنفع ههههههههههه
إقتباس:
ياللا يا جماعة كل محبين ابن البلد ... الفااااااتحة .
كل من عليها فان ..
المعلق " جناب العمدة " : أعزائى القارئين أينما كنتم السلام عليكم ورحمة الله وبركاته ننقل لحضراتكم الوصف التفصيلى للمباراة التاريخية اليوم فى نهائى كاس ابن مصر بين فريق الشباب وفريق البنات وزى ما أنتم عارفين إن الفريقين اتقابلوا قبل كده فى 40 مباراة فاز فيها فريق الشباب 39 مرة واتعادلوا مرة واحدة وبرده فى الآخر فريق الشباب فاز بضربات الجزاء الترجيحية يعنى فريق الشباااااب خد البطولة دى 40 مرة وفريق البنات بيحاولوا النهاردة ياخدوا البطولة الأولى ليهم لما يغلبوا فريق الشباب ، وفريق الشباب عايز يضيف بطولة جديدة لتاريخه العظيم فهنشوف ماتش جميل يا أخوانا ..!
جناب العمدة : لو أنت قاعد فى مدرجات الدرجة التالتة مش هتشوف حاجة خالص .. ولو أنت قاعد فى التانية برده مش هتشوف أى حاجة .. لو أنت بقى قاعد فى مدرجات الدرجة الأولى برده مش هتشوف حاجة خالص .. لو أنت بقى قاعد معزز مكرم فى بيتك وفتحت منتدى ابن مصر على موجة القاعة العامة والتحديد أول ما تدخل على يمينك كده هتلاقى الماتش بالوصف التفصيلى مع معلقكم المفضل جناب العمدة .. الجو جميل النهاردة أوى .. يعنى مفيش أى حجة للفريقين .. كان فى امبارح شوية تراب فى المنتدى لكن الحمد لله عدت على خير واليوم النهاردة جميل جدا وينذر بمباراة ساخنة ومثيرة نتنظرها من فترة طويلة
جناب العمدة : تشكيلة الفريقين زى ما أنا شايفهم دلوقتى نازلين أرض الملعب الدولى فى قاعة ابن مصر العامة ، نقول الأول تشكيلة فريق الشباب :
فى حراسة المرمى : أبو رقية
فى الدفاع : The myth و مستر كاراتيه و amr miza ... دفاع جامد جدا
فى نص الملعب : ابن البلد وترو فيس
وفى الهجوم : عمــــــر
طبعا هتقولى دول سبعة بس ، هى قواعد اللعبة دى كده ومتركزشى معايا كتير عشان هى مش طالبة ماشى ؟؟
.. والى بيدرب فرق الشباب النهاردة هو الاستاذ Batista وأما تشكيلة فريق البنات :
فى حراسة المرمى : نسرين
فى الدفاع : عتاب وفــراق
فى خط الوسط : وردة مصرية وابتسامة الحياة ومجرد شعوور
وفى الهجوم : نيهـــال
والمدرب العام لفريق البنات هى hend
وطبعا زى ما أنتم شايفين إن تشكيلة فريق الشباب هى 3/2/1 أما تشكيلة فريق البنات 2/3/1 ودى تشكيلة هجومية يعنى فريق البنات ناوى على البطولة وطبعا فى انتظار تحليل أكتر وأعمق بين الشوطين من الكابتن الدكتور حمود والمحللة الكبيرة الورد الجورى
ونزل الحكام لأرض الملعب .. وزى ما أنتم شايفين إن إدارة اتحاد الكرة بالمنتدى قررت تجيب حكام من منتديات تانية عشان الشفافية بقى وكل سنة وأنتم طيبين وربنا يعود الأيام دى علينا بالخير والسعادة والسلام
وفى فرق الشباب :
باتيستــا : بصوا بقى .. إياكم تتغروا إننا خدنا البطولة دى قبل كده 40 مرة .. ممكن فى أى لحظة يفجروا المفاجأة ويأخدوا البطولة
أبو رقية : يفجروا مين ؟؟ ده احنا كنا نسفناهم
باتيستــا : ما بلاش الثقة الزيادة دى ملهاش لزمة خالص .. وخلى بالك يا أبو رقية وأنت واقف جون .. البت نيهال بتشوط كور غريبة ممكن ماتشفهاش إلا فى الجون
أبو رقية : كله على الله
باتيستــا : عايزكم تخلصوا الماتش بدرى بدرى أنا مش ناقص تعب أعصاب فاهمين ؟؟؟
الفـــــــــريق : فاهميــــــــــن
باتيستــا : مش عايزين عصبية .. أو أنانية .. أو أى حاجة بتخلص بــ (إيه) دى مفهوووووووووووم ؟
الفريق : مفهووووم .. 1 2 3 شبااااااااااااااااااب هييييه
وعلى الجانب الآخر :
hend : لو قدرتوا تخطفوا جون فى أول الماتش يبقى كويس ده له عامل كبير فى الضغط النفسى عليهم .. وربنا يوفقكم وتفرحوا بقى ولو لمرة واحدة
نسرين : بإذن الله نفرحك يا قمر
Hend : عايزاكم تركزوا كويس فى الماتش ده .. مش كل مرة هما اللى ياخدوا البطولة .. النهاردة بقى ده يومنا .. هنوريهم إحنا مين تمااااااااااام
الفــــــــريق : تمااااااااااااااااااام هيييييييييه
جناب العمدة : ووووودلوقتى الماتش هيبتدى ... فريق الشباب بالفانلة الحمراء والشورت الأبيض ، وفريق البنات بالفانلة البيضة والشورت الأبيض .. وضربة البداية لفرييييق البنات
توووووووووووووووووووت
جناب العمدة : وبدأ الماتش بداية حماسية جدا جدا .. يااااه أنا مش مصدق يا جماعة .. الماتش ده تاريخى فعلا .. يارب نتفرج على كورة جميلة ونظيفة إن شاء الله .. الكورة دلوقتى مع مجرد شعور فى نص المعلب ... ماشية لولو .. ماشية .. ويدخل ترو و...طااااااااااااخ
تووووووووووووووووووووت فاول
جناب العمدة : الحكم حسب فاول على ترو فيس .. واضح إن الماتش بادىء بعصبية من الفريقين واضحة جدا فربنا يستر .. هتلعب وردة مصرية الفاول .. اتلعب كورة عااااااااااااااااااالية لنيهال جوه المنطقة .. ماشية نيهال بدون رقابة .. انفردت نيهال بالجون .. طلع أبو رقية عشان يسد الزاوية ... وجه مستر كاراتيه مع نيهال .. نيهال ومستر كاراتيه .. نيهال والجون .. نيهال ومستر كاراتيه .. نيهال والجوووووووووووووووون ... نيهال ومستر كاراااااااتيه .. نيهاااااال والجووووون ... الله الله الله ... جووووووووووووووووووووووووووووووووووووون جميل جدا جدا جدا بعد حوالى دقيقة واحدة من عمر اللقاء بتجيبله نيهال من بين رجلين أبو رقية وتصبح النتيجة 1 للبنات و0 للشباب
جناب العمدة : وأنا شايف إن BATISTA بيطلب وقت مستقطع .. لا دى لعبة تانية .. أنا شايف Batista متعصب جدا جدا مش عارف ليه .. أكيد عشان الجون اللى جه بدرى أوى ده .. لكن معلش الماتش لسا طويل .. وفى فرص كتيرة للتعديل .. بس التاريخ بيقول إن فى ال39 مرة اللى فازوا فيها الشباب البنات ماجبوش ولا جون وحتى المرة اللتى اتعادلوا فيها كان الشباب جايبين جون الأول .. فعمر فريق البنات ما اتقدم على الأولاد .. شكلنا هنشوف مباراة مثيرة جدا جدا جدا ....!
أبو رقية : إيه يا عمرو انت و the myth بتعملوا إيه ؟؟؟؟؟؟؟
amr miza : بنفيش الهوامش
أبو رقية : نعم ؟؟؟؟ ... إزاى تسيبوها تعدى كده ؟؟؟؟ ... ابقوا خلوا بالكم بقى
The myth : خلى أنت بالك بس من رجلك المفتوحة على البحرى دى .. ابقى سدها بحاجة أو البس جلابية بلاش فضايح
ابن البلد : أوعوا تفتكروا عشان جبتوا جون خلاص خدتوا الكاس ... شيلوا الفكرة دى من دماغكم خالص
عتاب : شيلوها أنتم أحسن .. أنتم مش قدنا
ابن البلد : أحنا هنفذ الخطة (ع ح) والخطة (ل ز) وابقوا قابلونى لو طلعتم من الملعب ده سُلام
عتاب : ههههههههههه إيه الخطط الغريبة دى ؟؟ الكلام ده مش بياكل معانا خلاص
ابن البلد : العين الحمرا وليلتكو زرقة .. الخطط دى بتعمل أحلى شغل بص أصبروا علينا بس
جناب العمدة : توووووووووووت .. يصفر الحكم وضربة البداية لفريق الشباب بعد جون نيهـــال .......
أنتم عارفين إن الفريقين اتقابلوا قبل كده فى 40 مباراة فاز فيها فريق الشباب 39 مرة واتعادلوا مرة واحدة وبرده فى الآخر فريق الشباب فاز بضربات الجزاء الترجيحية يعنى فريق الشباااااب خد البطولة دى 40 مرة وفريق البنات بيحاولوا النهاردة ياخدوا البطولة الأولى ليهم لما يغلبوا فريق الشباب ، وفريق الشباب عايز يضيف بطولة جديدة لتاريخه العظيم فهنشوف ماتش جميل يا أخوانا ..!
40 مرة وحدة ...طيب يمكن المرة دي تبقى على مليون مرة حتى هنا العنصرية حنقول ايه
إقتباس:
باتيستــا : ما بلاش الثقة الزيادة دى ملهاش لزمة خالص .. وخلى بالك يا أبو رقية وأنت واقف جون .. البت نيهال بتشوط كور غريبة ممكن ماتشفهاش إلا فى الجون
ايوة خدوا بالكم نيهال كدة
إقتباس:
باتيستــا : مش عايزين عصبية .. أو أنانية .. أو أى حاجة بتخلص بــ (إيه) دى مفهوووووووووووم ؟
ليه يعني!!!!اشمعنى ايه؟؟
إقتباس:
أبو رقية : إيه يا عمرو انت و the myth بتعملوا إيه ؟؟؟؟؟؟؟
amr miza : بنفيش الهوامش
: خلى أنت بالك بس من رجلك المفتوحة على البحرى دى .. ابقى سدها بحاجة أو البس جلابية بلاش فضايح
دا غش بقى ..جلابية ايه ..ما ينفعش
إقتباس:
ابن البلد : أحنا هنفذ الخطة (ع ح) والخطة (ل ز) وابقوا قابلونى لو طلعتم من الملعب ده سُلام
حرب نفسية يعني ..اما نشوف
الحلقة جميلة تخيلت المباراة وكانها قدامي وتنفع معلق رياضي ومع اني ما افهمتش القوانين ولا الاحداث بدقة بس تخيلت صورة المباراة وانا اكيدة اننا حنفوز (من 1000 جنيه لمليون جنيه وتفوزنا ..ماشي؟؟)
تسلم ايدك اتابع اختك فراق
__________________
اللهم هؤلاء عيني لا تراهم ..فبعينك اللهم ارعاهم ..ولا تحرمني لقياهم
***********
حبيب ليس بعد له حبيب ..وما لسواه في قلبي نصيب..حبيب غاب عن بصري وعن شخصي ..ولكن عن فؤادي لا يغيب
************
الدخول إلى قلبي عسير يا سيدي..لأن الخروج منه مستحيل..!!
ههههههههههههه حلقة جميلة بس ياريت تلعبني في الهجوم او صانع لعب لاني مانفعش في الدفاع خالص وبعدين مين قال ان الشباب بيكسبوا دول عمرهم ما كسبونا في اي حاجة ههههه
ده مش مصطلح كروى .. مصطلح شبابى لحد دلوقتى مش عارف معناه بس جملته يعنى تخليص أى حاجة
إقتباس:
الحلقة جميلة
تخيلت المباراة وكانها قدامي
وتنفع معلق رياضي
ومع اني ما افهمتش القوانين ولا الاحداث بدقة
بس تخيلت صورة المباراة
وانا اكيدة اننا حنفوز
(من 1000 جنيه لمليون جنيه وتفوزنا ..ماشي؟؟
ربنا يكرمك يا فراق وشكرا على مرورك
بس هى وصلت لحد المليون جنيه ؟؟؟
والله ممكن أفكر
إقتباس:
ههههههههههههه
حلقة جميلة
بس ياريت تلعبني في الهجوم او صانع لعب
لاني مانفعش في الدفاع خالص
وبعدين مين قال ان الشباب بيكسبوا
دول عمرهم ما كسبونا في اي حاجة ههههه
هههههههه دى وجهة نظر المدرب بقى
وبعدين الشباب واخدين الكاس 40 مرة يعنى الفوز أصبح عادة عندهم زى النادى الأهلى كده
ع العموم لسا هنشوف
النمط الخطي
