موبينيل الراعى الرسمى لنهائى كاس عالم ابن مصــر
اتكلم من القلب
هذه المباراة قدمت لكم برعاية .. Sony
دن دن دن دن دن دن .. تششششششش
(ستـــــــاد ابن مصر )
جناب العمدة : أهلا بيكم أعزائى المشاهدين ورجعلناكم مرة تانية بين شوطى المباراة لتحليل أحداث الشوط الأول .. واللى انتهى نهاية غريبة .. غريبة جدا .. انتهى بتقدم فريق البنات على فريق الشباب بهدف نيهال من بين رجلين أبو رقية !!
نرجع مع ضيوفنا ونبدأ بالورد الجورى ..وعشان وقتنا القصير .. الله يسامحها الإعلانات بقى .. هنقول على طول .. إيه رأى حضرتك فى أداء فريق البنات على مدار الشوط الأول ؟؟
الورد الجورى : أولا تحية لكل اللى بيتابعونا حصريا على ستاد ابن مصر ولى تحفظ على كلامك يعنى .. نهاية الشوط الأول مش غريبة ولا حاجة .. فريق البنات جاى وناوي لفريق الشباب .. ومستعدين لإحراز اللقب إن شاء الله .. أنا حقيقى عجبنى أداء فريقنا ويارب يستمروا على كده إن شاء الله ..
جناب العمدة : شكرا على تعقيبك الورد الجورى .. ونروح لمحللنا الرياضى الدكتور حمود ونقوله .. مش شايف إن فريق الشباب قدم أداء أقل من المتوسط ؟؟
الدكتور : سلامى للمشاهدين طبعا فى البداية .. وأحب أقول إنك عارف الظروف اللى مر بيها فريق الولاد .. يعنى السفر بالميكروباص والتعب والحر والإصابات وأنت عارف إن اللاعيبة بتوعنا مناموش أمبارح كويس عشان كانوا قاعدين يلعبوا بلاى استيشن ...!!
جناب العمدة : بلاى استيشن .. وما قلتليش ليه ؟؟ .. قصدى .. إيه توقعك للشوط التانى .. هل فريق البنات هياخد البطولة ؟؟
الدكتور حمود : نعممم؟؟ ههههههههههه .. هاهاهاهاهاهاهاهاهاها
ده سؤال يا راجل ؟؟ على الهوا كده ؟؟ هاهاهاهاهاها .. أنا اتوقع طبعا فريق الشباب ويكسبوا 2 / 0
جناب العمدة : ده ماتش تانى ده ولا إيه ؟؟ .. طيب يعنى إنت رأيك إن الشباب هما اللى هيفوزوا ..
وللأسف وقتنا انتهى اعزائى المشاهدين فاصل إعلانى ونتنقل بحضراتكم إلى ملعب ستاد ابن مصر لنقل أحداث الشوط التانى من مباراة فريقى الشباب والبنات واللى انتهى شوطه الأول بتقدم البنات بهدف نظيف ..
فاصل ونتابع .. مشاهدة طيبة
مواضيع مشابهة
النمط الخطي
