يـــــــوم ... فى المنتـــدى ...!

[OSHOSH2050]

هههههههههههههههههههههه
فكره حلوه اوى
جميله جدا

[نيهال]

يا الله


تحفه


اسلوبك حلو جدا



وقعتنى من الضحك



تسلم ايديك



انا معاكم
اوك
هههههههههههههههههههه

[Ebn elbalad]

نيهال ، أوش أوش : الموضوع منور والله

أكيد إن شاء الله ليكم دور معانا فى السلسلة دى وغير دى كمان .. أنا كل شوية تجيلى فكرة مجنونة كده ناوى اعملها .... بس واحدة واحدة بقى .. أنا هانطلق

[مشاعر دفينة]

فكرة جميلة وظريفة جدا
بالتوفيق

[Ebn elbalad]

شكرا على مرورك وتعقيبك مشاعر دفينة
اليوم إن شاء الله الحلقــة الثانية من : برنامج " من سيربح المليون " فى استضافة من سيتم استضافته ... لن أحدد عضوا أو عضوة .. اتمنى إن الحلقة تعجبكم ...

فاصل إعلانى ونعود إن شاء الله

[زهره مصر]

الموضوع تحفه تحفه بجد

انا مش عرفه اكتب من كتر الضحك

الفكره حلوي اوي وانا هتابع باستمرار ومستنيه الحلقه التانيه بس بسرعه

[Ebn elbalad]

زهرة مصر منورة الموضوع والحمد لله إن الحلقة عجبتك ..

الآن الحلقة الثانية من برنامج " من سيربح المليون "

....

[مشاعر دفينة]

المشاركة الأصلية بواسطة Ebn elbalad

شكرا على مرورك وتعقيبك مشاعر دفينة
اليوم إن شاء الله الحلقــة الثانية من : برنامج " من سيربح المليون " فى استضافة من سيتم استضافته ... لن أحدد عضوا أو عضوة .. اتمنى إن الحلقة تعجبكم ...

فاصل إعلانى ونعود إن شاء الله

ستجدنى هنا متابعا
ان شاء الله

شكرا لك

[Ebn elbalad]

والآن مع الحلقــة الثانية من برنامج " من سيربح المليوووووون "

تاتاتاتاتاااااااااااااااااااااااااااادن تششششش

جناب العمدة : أهلا فيكن مرة تانية مع برنامجكم " من سيربح المليون .. كان معنا قبل الفاصل الأخ عمر وطبعا ما أخد ولا شى وطلع من المسابقة من أول سؤال .. ولحد الآن هو بالداخل عند الكنترول وبيزعق لإنه متأكد من إجابته (الشبكة) !
طبعا هالحين نرجع لمتسابقينا اللى معنا هون بالأستديو ونسأل سؤال السرعة .. جمهور رجاء الهدوء التام .. السؤال هو :
رتب الدول الآتية حسب قربها أول بعدها من دولة تيمور الشرقية :
1- تيمور الغربية
2- تيمور الوسطى
3- تيمور من غير حاجة
4- تيمورة
........ انتهى الوقت المحدد .. والجواب الصح والأسرع لـ ..
H.E.R.O ... (تصفيق حاااااااااااااد)
جناب العمدة : أهلا وسهلا فيك .. اتفضل معى هون .. مالك مندهش ليه ؟
هيرو : أصلى ما دستش أصلا على الزراير ولا أخترت حاجة !
جناب العمدة : شلون هادا ؟(يعنى إزاى ) .. لــ .. لــ .. لالا تلاقيه من التوتر بس .. الأخ هيرو طالب مكافح من مصــر .. أعزب ويعول .. مين جه معاك يا أخ هيرو ؟؟
هيرو : شاعر الليل صاحبى .. راجل جدع أوى
جناب العمدة : أستاذ شاعر .. إيه رأيك فى صديقك .. بدو هيصل للمليون ولا لاء ؟؟
شاعر الليل : بسم الله الرحمن الرحيم الإجابة طنطا
جناب العمدة : طنطا ... إيش هادا ؟؟ .. أنى مانى فاهم ولا شى ! .. يا أستاذ أنا بسألك عن صاحبك ... تقولى طنـ .. طنـ ... تششششششش

أبو بدوى : يووووه .. يا ولية أعدلى التليفزيون .. الراجل بيقول طنطا .. يمكن هيجيى يصوروا عندنا فى البلد
أم بدوى : يووه بقى أنا زهقت منك .. طلقنى وامسك أنت الأيريال
أبو بدوى : لو الواد هيرو ده جاب المليون أنا هطلقلك بالتلاتة .. استبينا ؟؟
أم بدوى : استبينا
أبو بدوى : ادعلى بقى الإيريال .. عشان نعرف إذا كان الليلة دى هتعدى على خير ولا لأ
شاعر الليل : أنا بقول إن هيرو ده واد جدع أوى أوى أوى .. وهو عزيز عليا جدا .. ربنا معاه ويوفقه وأنا بحب الريس حسنى مبارك وبهديه أغنية ( نحن لا نزرع الشوك)
جناب العمدة : آآآآه ... هو اليوم باين من أوله .. طيب على كل حال يا سيد هيرو هنبدأ دلوقتى المسابقة .. وووومن سيربح المليون !
تاتاتاتاتااااااااااااااااااااااااا دن تش
جناب العمدة : السؤال الأول ب100 ريال .. استرها يا رب
أكمل العبارة التالية :
(تأتى الرياح بما لا تشتهى ..... ) :
1- الرياح
2- السفن
3- البواخر
4- الأسماك
هيرو : امممممم .. طبعا الجواب الثانى السفن
جناب العمدة : الله أكبرررررررررررررر ... أيوه كده منيح .. تصفيق حاد من الجمهور للأخ حماده .. صار معك 100 ريال .. لو وفقت عند الحد ده هتعمل إيه بالفلوس دى ؟
هيرو : هديهم لـعمــــر
جناب العمدة : لاااااااااااااا ... ولا أقولك .. دى أرزاق .. المهم نكمل
.. السؤال الثانى ب200 ريال
(ما هو عمر رئيس جمهورية مصر العربية) :
1- 50
2- 130
3- 66
4- 79
هيرو : ليه بس كده .. هما قالولى إن الأسئلة السهلة فى الأول .. يوووه بقى .. طب ممكن أحذف إجابتين
جناب العمدة : طيب نطلب من الكومبيوتر يحذفله إجابتين هون ويخلى إجابة صح وإجابة غلط

" وتم حذف 50 و 66 "

هيرو : ياااااااه .. كده بقت أصعب خالص !! .. طب وبعدين .. طب ممكن اتصل بصديق
جناب العمدة : هتتصل بمين ؟؟
هيرو : هتصل بـ Dr.Hammoud .. هو مهتم بالسياسة و أكيد عارف عمر الرئيس
جناب العمدة : طيب اتصلوا بالدكتور فى مصر ..... ألو مساء الخير .. معك جناب العمدة من برنامج من سيربح المليون mbc ومعنا الأخ هيرو واقف عند 100 ريال وبدو مساعدتك .. معكم 30 ثانية لما بيدأ هيرو بالكلام .. اتفضل هيرو ......
30
29
دكتور حمود : جناب العمدة .. المليون .. إنت حاططلى إيه فى الشاى يا ابنى ؟؟
هيرو : لاء أبوس إيدك يا دكتور ركز معايا
دكتور حمود : ولا .. أنا نسبتى كام فى العملية دى ؟؟
هيرو : هو أنا داخلين نسرق .. يللا بسرعة يا دكتور مفيش وقت .. ما هو عمر رئيس جمهورية مصر العربية هل هـ ...
دكتور حمود : ياااه .. هى مصر بقت جمهورية .. لا حول ولا قوة إلا بالله العلى العظيم
هيرو : ركززززز بقـــــى ... هل هو 130 أم 79 ؟
دكتور حمود : عمر رئيس الجمهورية .. عمر رئيس الجمهورية باق على مدار الساعات والأيام والليالى والأسابيع والشهور والسنين .. هو عمر الشعب الذى طالما كافح وجاهد حتى ينال الحرية .. ومازال يـ ..........
10
9
8
هيرو : لاااااااااااااااااااااا .... يللا بسرعة هلى مش ناااااااااقصة
الدكتور حمود : طب إنت قصدك مدة الحكم ولا عمر الرئيس نفسه ... أصل هما الأتنين واحد فأنا خايف ألخبطك يعنى
هيرو : ياااااااااااااااااارب ارحمنى .. قولى يا79 يا 130
دكتور حمود : 66 سنة
2
1
...

هيرو : أيوه أنا قلت كده .. بس يمكن هما غلطوا وحذفوها .. طيب على العموم أنا مش عايز أجازف .. بس .. تق .. هختار 130 وخلاص
جناب العمدة : جواب نهائى ؟؟
هيرو : نهائى نهائى
هو الاستاذ شاعر الليل واضح إنه مش عارف الإجابة لإنه ما أختار.... أيش هادا .. الأخ شاعر الليل نايم ولا إيه ؟؟.. يا أستاذ فوق أنت نمت ؟
شاعر الليل : ياااااه .. أصل التكييف هنا ساقع أوى .. الظاهر إن الهوا ده بيسطل
جناب العمدة : طيب تصبح على خير ... بدنا نشوف الجواب الصحيح
تيييييييييييييييييييت
للأسف الجواب خطأ والجواب الصح هو 79 سنة و... إيش هادا ؟؟ .. إيه اللى بيحصل هنا .. أنتم مين أنتم ؟؟؟؟؟؟
المجمـــوعة : أحنا من رياسة الجمهورية وأمن الدولة وجايين نمسك الولد ده اللى نشر إشاعة إن عمر الرئيس 130 سنة .. تعالى وودع أهلك وأصحابك لإنك مش هتشوفهم إلا فى الجنة إن شاء الله .. تعاااااااااااااااااالى
هيرو : لا .. لا .. لاااااااااااااا .. أنا مليش دعوة .. هما اللى جابولى السؤال وأنا جاوبت بحسن نية والله .. لا .. لا .. لااااااااااااااااااااااااااااااااااااااااااااااااا
" ودى كانت آخر (لا) قالها هيرو فى حياته لإنه بعد كده نسى حروف اللغة العربية كلها !! "
جناب العمدة : هادى حلقة فى منتهى الغرابة .. كان معنا هون الأخ هيرو ـ الله يرحمه ـ ووصل لـ 100 ريال لكنه أخفق فى السؤال التانى ومشى من غير برده ما ياخد أى شى .. حتى حياته !!
نعود للمتسابقين معانا هون بالأستديو ونكمل مسابقتنا اليوم ولكن بعععععععد الفاصل .. ولا تنسوا قراءة الفاتحة للسيد هيرو !
أبو بدوى : يا حظى النحس .. لو الواد كان خد المليون كنت هخلص .. راح الواد فى شربة مية .. ولية فظيعة .. يا ستير يارب !

يتبع >>>


فى انتظار آرائكم .. وخاصة من بطل الحلقة

[مجرد شعووور]

بجد فظيييييييييييييييييييييييع موت
انا مت من الضحك

كله كوم و130 دي كوم
ولا الدكتور حمود
ولا الولية الفظيعة

بس بجد انت بااااااااااااااااااااشا
الله يجازيك يابن البلد
هتموتني من الضحك وهبقى انا وهيرو في سفينة واحدة

انا ممكن ابعت شغالة تمسك لهم الاريل
اصلي منضمة لحركة الحفاظ على الازواج
ههههههههه

تحياتي ليك
يابن البلد ياحرييييييييييييييف

[Ebn elbalad]

كله كوم و130 دي كوم
ولا الدكتور حمود
ولا الولية الفظيعة

ههههههههههههههه إتصال الدكتور حمود لما قريته تاني ضحكني شخصيا

بس بجد انت بااااااااااااااااااااشا
الله يجازيك يابن البلد
هتموتني من الضحك وهبقى انا وهيرو في سفينة واحدة

الحمد لله إن الحلقة عجبتك والظاهر إن كل اللى هيقرأ الحلقة دى هيسافر مع هيرو ههههههههههه

انا ممكن ابعت شغالة تمسك لهم الاريل
اصلي منضمة لحركة الحفاظ على الازواج
ههههههههه

هههههههههههههههههه لا ده انا بفكرلهم في حاجة كده بس الحلقة الجاية إن شاء الله

تحياتي ليك
يابن البلد ياحرييييييييييييييف

.. شكرا على مرورك وتعقيبك يا ألاء واتمنى متابعة باقى الحلقات إن شاء الله

تحيــاتى
ابن البلد

[نيهال]

ايه ده
انت مش قلت المره اللى جايه بنت
فاعتقدت انها فراق


بس هيرو عامل شغل جامد
ياالله دايما مشرفنا ورافعين راسنا
بجد تحفه .......منتظره الحلقه التالته بسرعه
على فكره نسيت اقولك انى بحكى لاصحابى على اللى بتعمله ده ......وبيقولوك تسلم ايديك يا باشا

[جناب العمدة]

مش ممكن .. والله انت فظيع .. اكثر من رائع يا ابن البلد
انا أخذت ثلثين الوقت فى الضحك والثلث الباقى فى القراءة

انا سمعت ان عمر ضرب المخرج فى عينه بالبوكس .دا صح وللا اشاعة .

ربنا يطمنا على هيرو .. عايزين بس نعرف عايش وللا لأ .. وفى اى عمبوكة بالظبط
علشان منروحلوش .. هو اللى يروحله هيعرف يرجع تانى .

استمر .. وخلى بالك اللى مش هيطول بالو معايا انا جنبى
البندقية هطوخه على طول مفيش كلام .

انا بس النهاردة عرفت بموضوعك الهايل ده آسف على التاخير

احسنت .. احسنت يا ابن البلد .

[زهره مصر]

انا هتجيلي سكته قلبه من كتر الضحك بجد تسلم افكارك تحفه
بليز ابقي قلنا هيرو عامل ايه ولو محتاج عيش وحلاوه ولا حاجه ربنا يكون في عونه

[بوسي احمد]

لالالالا مش معقول بجد انت فظيع

ههههههههههههههه

هتصل بـ Dr.Hammoud .. هو مهتم بالسياسة و أكيد عارف عمر الرئيس


دكتور حمود طلع ميعرفش حاجة في السياسة خالص

حرام عليك هتودي الراجل في حديد