يـــــــوم ... فى المنتـــدى ...!

[Ebn elbalad]

مستر كاراتيه
hay_sam
rosi_smile
omarr
توتى3000

نورتوا صفحات الموضوع وإن شاء الله دايما تكونوا متواجدين معايا بالمساندة والتضامن

جناب العمدة
من عينيا هابلغهم إن شاء الله ابتداء من الضحية التالية

ثوانى اخلص الحلقة التالتة وانزلها دلوقتى إن شاء الله واتمنى إنها تعجبكم زى اللى فاتوا

فاصل قصييييييييييير ونرجعلكم تاااااااااانى

[rosi_smile]

متتظرين بفارغ الصبر بس بسرعه علشان مستنينها علي نار

[Ebn elbalad]

شكرا على تواجدك rosi smile ... دقايق وتكون جاهزة إن شاء الله

[rosi_smile]

والله انا الموضوع عجبني جدا علشان كده متواجده يعني مش بجاملك
فمتشكرنيش
وياريت بأه
متستغلش ان الموضوع عجبنا وتعد تتقل علينا بيه كده
يلا يا عم مستنينه اهه

[انا مصريه]

الصراحه توبك جميل جدا دا انا ضحكت ضحك

[Ebn elbalad]

والآن مع الحلقة الثالثة ووووووومن سيربح المليون

تاتاتاتاااااااااااااااا .... دن تششششش
جناب العمدة : أهلا فيكم مرة تانية بعد هالفاصل وبنرجع لمتسابقينا اللى معنا هون بالأستديو واللى أصبح عددهم ستة بعد خروج عمر وهيروو من المسابقة ... ونيجى لسؤال السرعة تانى وجمهور اعملوا اللى أنتم عايزينه أنا زهقت خلاص .. سؤال السرعة هو :
(رتب مطلع الأغنية التالية ) :
1- بالأحضان
2- بالأحضان
3- بالأحضان
4- بالأحضان
أم بدوى : استنى استنى .. أنا عارفة إجابة السؤال ده .. الإجابة التالتة (بالأحضان)
أبو بدوى : لا فالحة .. ده سؤال السرعة يا ولية .. هى ناقصة جنان دلوقتى !!
أم بدوى : خلاص أنت بتزعق ليه أنا غلطانة على الأقل بثقفك
أبو بدوى : بتثقفينى .. شكرا على المعلومة يا نبويه موسى .. امسكى بقى الأيريال صح بدل ما أقوم تقتلنى
أم بدوى : إنت تقتلنى هههههه .. نكتة دى ههههههه
أبو بدوى : اللهم طولك يا روح .. خلى الليلة تعدى على خير يا ولية بقــــــــــــــــــى
جناب العمدة : ... والآن نشوف الجواب الصح والأسرع .. الترتيب الصحيح هو :
3- بالأحضان
2- بالاحضان
4- بالأحضان
1- بالأحضان
والجواب الصح والأسرع : ..... فـــــــــــــراق
تاتاتاتاتااااااااااااااااااااااااااااا .. دن تشششششش
جناب العمدة : أهلا فراق.. خايفة ليه ؟
فراق : أصل سؤال صعب زى ده ممكن اتحسد عشان جاوبته .. والمشكلة إنى ممكن اتحسد من أمة لا إله إلا الله اللى بتتفرج دى كلها
جناب العمدة : لالا .. متخافيش وسيبيها على ربنا
فراق : يا رب
جناب العمدة : اتفضلى هون ... إذن مين جه معك اليوم ؟
فراق : صاحبتى عتاب
جناب العمدة : أهلا يا عتاب .. خبرينا هل صديقتك تقدر توصل للمليون ؟
عتاب : والله من واقع خبرتى إن قليل أوى اللى بياخد المليون وحتى فى ناس بتبقى ذكية جدا ومثقفة لكن ما بتوصلش للمليون .. فما بالك بفراق بقى !
فراق : كــــــــده .. طب لما نخرج بره .. لينا شارع يلمنا
عتاب : كده ؟؟ يعنى أنا غلطانة إنى جيت معاكى كهف الرعب اللى أحنا فيه ده .. ماشى يا فراق ماشى ..
فراق : على فكرة أنتى وترتى أعصابى من قبل ما نبدأ
عتاب : لالا انا مش عايزة أعصابك تزعل .. خلاص أنا هسكت أهو .. بس أنا مش هرضى بأقل من 45.231 % من نسبة الفلوس دى
فراق : مين ؟؟ .. 45 % .. انسى الكلام ده .. هى 0.1221 % .. وعليكى فلوس السفر كمان ..
عتاب : خلاص يا فراق ما تزعليش نفسك .. ركزى فى الحلقة يا بنتى
جناب العمدة : هدوا أعصابكم يا جماعة .. صوووووووبحى .. شاى بليمون لعتاب هنا .. يللا نبدأ بسرعة .. جاهزة يا فراق ؟؟
فراق : جاهزة بإذن الله
إذن مع المتسابقة الثالثة ومن سيربح المليون
تاتاتااااااااااااااااااا ... دن تششششش
السؤال الأول بمية ريال .. ويبدو عليكى ملامح الذكاء يعنى مش هتتعبينى زى اللى قبلك :
(كم عدد أصابع النملة ؟ ) :
1- 1
2- 2
3- 3
4- 5
فراق : بس أنا مبحبش النمل
جناب العمدة : السؤال قدامك لو سمحتى فكرى وجاوبى ومعاكى وقتك
فراق : نقول صباع واحد ...
جناب العمدة : جواب صحيح صاروا 100 ريال
فراق : ياااااه أنا بحب النمل أوى .. أصل أنا كنت زمان بقعد مع النمل وبعد صوابعهم يعنى
جناب العمدة : طيب .. السؤال الثانى ب 200 ريال .. نفسى حد يعدى بقى السؤال ده :
(كم عدد أصابع القطة ؟ ) :
1- 2
2- 5
3- 4
4- 6
جناب العمدة : لا حول ولا قوة إلا بالله .. هو أنا يعنى شفتونى متخصصة فى عدد صوابع الحيوانات ..مين اللى بيحط الأسئلة دى .. تلاقيه بيحب ياكل صوابع زينب .. وزينب بتصعب عليا أوى
جناب العمدة : طيب شو الجواب الصحيح ؟
فراق: أنا كنت بفكر إنهم 6 بس مش متأكدة .. دى هى رجلها كلها قد كده .. طب نقول 4 بقى ونتكل على الله
جناب العمدة : جواب نهائى ؟
فراق : نهائى إن شاء الله .. ومفيش استئناف
جناب العمدة : هو الجواااااااب الصح .. صاروا 200 ريال .. الله أكبر الله أكبر .. معنا الأخت فراق حطمت الرقم القيااااااسى وكسرت الحاجز النفسى اللى كان عندى .. ربنا يكرمك يا فراق يااااااااااااااااااااااارب
فراق : لالا .. متشكرنيش .. ده واجبى .. وبعدين صوابع الحيوانات دى لعبتى .. إدينى فى الصوابع وأنا أحبك يا فننس
جناب العمدة : طيب .. السؤال الثالث ب 300 ريال .. وأوعى تكسرى فرحتى يا فراق :
(كم عدد ...
فراق : .... صوابع الفيل .. عشان تكمل بقى
جناب العمدة : لا المرة دى مش فيل
فراق : أمال إيه .. خروف ؟؟
جناب العمدة : يووووه .. المرة دى قصدى مش صوابع .. اسمعى السؤال بقى :

(كم عدد أسنان الحوت الأزرق ؟) :
فراق : لاااااااااااااااا بقـــــــــــــــــــــى .. سبنا الصوابع ودخلنا فى الأسنان .. ارحمنا برحمتك يا رب
جناب العمدة : استنى يا فراق لما أقول الأختيارات
فراق : قول يا ريس
جناب العمدة : 1- 20 سنة
2- 30 سنة
3- 40 سنة
4- 50 سنة
فراق : إحنا لسا كنا محتفلين بعيد ميلاده الستين .. وبعدين إيه الحوت الأزرق ده أساسا .. هو فى حوت مش أزرق ؟
جناب العمدة : قدامك وقتك
فراق : هو فين .. أنا مش شايفاه .. أندهى عليه عشان أسلم عليه
جناب العمدة : يووووه .. قصدى معاكى وقتك يعنى
فراق : لا مش معايا حاجة خالص .. أصل أنا نزلت من البيت مستعجلة ونسيت آخد وقتى معايا .. زمانه زعلان دلوقتى
جناب العمدة : يا مالك الملك راحمنى برحتك يااااااااارب
فراق : بص .. أنا زهقت بقى .. عايزة رأى الجمهور أنا ميهمنيش رأى الصحافة والجرايد .. أهم حاجة الجمهور
جناب العمدة : طيب جمهور حضروا حالكم للى بيعرف يختار بس

......................

جناب العمدة : الجمهور أعطالك 25 % للجواب الأول و25 % للجواب الثانى ، أما الجواب الثالث 25 % والجواب الرابع الوحيد المختلف عنهم وهو 25 %
فراق : ههههههههههههه والله العظيم ... ههههههههه لا دى مؤمراة بقى !!!
جناب العمدة : خدى وقتك
فراق : أخده منين .. أنا مش قلتلك إنى سبته فى البيت
جناب العمدة : لاااااااااااااااااااااااا .. بصى اعملى اللى إنتى عايزاه عشان أنا بعد الحلقة دى هعتزل الإعلام كله
فراق : لالالا .. ليه بس كده .. طب خد وقتك ووقتى كمان أهو مش عايزاه وفكر كويس
جناب العمدة : أفكر؟؟ .. وهى الحكاية أصلا عايزة تفكير .. البركة فيكم يا شباب مصر
فراق : ربنا يخليك .. بتحرجنا بأخلاقك والله
جناب العمدة : العفو يا ستى .. جاوبى بقى
فراق : طب أنا اتصل بصديقة
جناب العمدة : اسمها إيه ؟
فراق : نيهــال .. هو بتحب ساعات تقعد قدام ترعة المريوطية .. أكيد عنده خبرة فى الموضوع ده
فرح : طيب نتصل بنيهــــــال ............
تييييييييييت تييييييييييييت

نيهال : ألو
جناب العمدة : أهلا أخت نيهال .. أنا جناب العمدة من برنامج من سيربح المليون mbc ومعنا الأخت فراق معها 200 ريال وبدها مساعدتك .. معكم 30 ثانية لما بتبدأ فراق بالكلام .. اتفضلى فراق30
29
28
نيهال : مثـــاء الخير
فراق : لااااااا نيهال أرجوكى ركزى معايا .. ارجوكى اسمعى السؤاااااااااااال
نيهال : معاكى يا قمر والله ... بــ .. ياااااااااااااه .. قتله .. قتله الجبان ..
فراق : يوووووه .. هو ده وقته .. بتتفرجى على ايه .. يللا الوقت بيعد
نيهال : طب استنى يا فوفا الحتة دى بس هاشوف إيه اللى هيحصل فى الآخر
15
14
13
12

فراق : نيهال اسمعى السؤااااااااااااااال بقى
نيهال : قولى قولى .. أنا رايحة المطبح دقيقة وراجعة أجيبلك حاجة معايا ؟؟ شكلك ما كلتيش .. تحبى تطلبى إيه ؟؟
فراق : فى حيتان زرقة عندكم ؟؟
نيهال : حيتان زرقا .. بتفكرينى بأيام المريوطية والله ... كانت أياااااام .. صحيح كنتى عايزة تسألينى فى إيه ؟؟
فراق : كم عدد أسنان الحوت الأزرق ؟
نيهال : نعم .. الحوت الأزرق .. وأسنان كمان .. ليه شايفانى بفطر معاه الصبح .. يا رب اشفى كل مريض يا رب .. يعنى متصلة بيا دلوقتى عشان تقوليلى قلى عدد أسنان الحوت هههههه .. وأزرق كمان هههههههه .. يعنى لو كان أحمر أو أخضر معلش .. إنما أزرق هههههههههههههههههههههه
3
2
1
.......
فراق: واضح إن أنا اللى ليلتى هتكون زرقة .. أنا هاجى يا نيهال واخليكى أنتى البطل اللى هيتقتل ده
جناب العمدة : هاه .. هتختارى إيه ؟
فراق : طيب عشان مزعلش الناس اللى جت قبلى أنا هختار أى حاجة والسلام وأنضم للموسوعة .. هقول 20 سنة
جناب العمدة : جواب نهائى
فراق : بص .. خلص بسرعة بقى أنا مش ناقصة
جناب العمدة : طيب نشوف الجواب الصحيح
تييييييييييت
فراق : للأسف الجواب خطأ .. والإجابة الصح هى 40 سنة
جناب العمدة : يووووووه يعنى أنا أسافر كل المسافة دى وفى الآخر أطلع من مولد بلا حمص .. لا تعالى بقىىىىىىىى
جناب العمدة : إيه ده ؟؟ .. إيه ده ؟؟ .. يا أمن يا أمن
فراق : أمن مين .. خلى الامن ينفعك .. أنا جاية ومعايا حق زملائى اللى فاتوا

"وتتاخد فراق مع رجال الأمن اللى قاموا معاها بالواجب وخلوها فعلا تعد أسنان الحوت الأزرق بجد "
للفقيدة الرحمة ولأهلها الصبر والسلوان

جناب العمدة : حلقة عجيبة جدا .. على العموم فاصل ونواصل مع برنامجكم من سيربح المليون .. يا رب أنا أواصل فى الجنان ده كمان نص ساعة !
تاتاتاتاااااااااااااااا .. دن تشششششششش

يتبــع >>> (( ولكن بعد فاصل بايخ بسبب الامتحانات ))

تحيــة خاصة لـ فراق ــ عتــاب ــ نيهــال

[مستر كاراتيه]

حلقه جميله من حلقاتك بجد .. بس كان أملى ان فرارق تفوز .. كنت عامل حسابى أطلعى بإتنين تلاته جنيه فى جيبى .. محبه وإعتنا

[انا مصريه]

هههههههههههههههههههههه حلو قوي

[فراق84]

الحلقة دي جامدة فعلا
ايه اللي اعملتو دا في!!!
اولا انا بجد بحب النمل
وانا وعتاب حبايب انتا عاوز تفركشها ولا ايه
ونيهال انا حتفاهم معها تاني
بس حلوة اوي
لي رجعة تانية
وارد على الموضوع حتة حتة
تسلم ايدك
اختك فراق

[Ebn elbalad]

مستر كاراتيه .. أنا عايز جناب العمدة هو اللى يفوز والله ههههههههههه

أنا مصريـة .. شكرا على المتابعة

وانا وعتاب حبايب انتا عاوز تفركشها ولا ايه

ههههههههه أهو أنا مستنى الجملة دى عشان أرد
أكيد لاء طبعا دى مجرد دردشة إعلامية على الهوا هههههههههه

نورتى الموضوع يا فراق وفى انتظار ردك المفصـل إن شاء الله

[فراق84]

المشاركة الأصلية بواسطة Ebn elbalad

مستر كاراتيه .. أنا عايز جناب العمدة هو اللى يفوز والله ههههههههههه

المشاركة الأصلية بواسطة Ebn elbalad

أنا مصريـة .. شكرا على المتابعة


ههههههههه أهو أنا مستنى الجملة دى عشان أرد
أكيد لاء طبعا دى مجرد دردشة إعلامية على الهوا هههههههههه

نورتى الموضوع يا فراق وفى انتظار ردك المفصـل إن شاء الله

انا فاهمة قصدك
بس بهزر
بس بجد حلوة اوي
تسلم ايدك
دحكت عليها اوي
ربنا يسعدك

[Ebn elbalad]

اللهم آمين

ربنا يكرمك .. بس أنا ممكن أكلم جناب العمدة يجيب الـ 200 ريال وتاخديهم .. بس الكلام ده ضد قوانين المسابقة .. أهو يبقى حد كسب برده

[rosi_smile]

جناب العمدة : إيه ده ؟؟ .. إيه ده ؟؟ .. يا أمن يا أمن

والله هدعيلك من قلبي في الامتحانات
علي حبة الضحك الجمال دول
بجد بجد يعني ميه ميه يا ابن البلد
ابن بلد فعلا
احييييييييييييييييييييييييك

[ابتسامة الحياة]

السلام عليكم ورحمة الله وبركاته

ابن البلد
انا جاية بدرييييييييييييييييييييييييييييي اوى خالص

حلوين اوى ال 3 حلقات
يموتو من الضحك

موضوع رااااائع بحييييك عليه

انا متابعة لما نشوف مين الضحية الرابعة

[زهره مصر]

ايه الحلقه الجمده ديه بس بجد موتني من الضحك
وبعدين انا عملتلك دعايه جمده للبرنامج بتاعك لصحابي لزم تديني تمن الدعايه انا مش بشتغل ببلاش
بجد حلقه تحفه
بس ليه النهايه المئسويه ديه لفراق حرام عليك