يـــــــوم ... فى المنتـــدى ...!

[نيهال]

هههههههههههههههههههههههه

كالعاده
تحفه
وجامده قوى
طبعا لانى كنت فيها
بس انا مش بحب افلام الرعب ابدا والقتل
روح الله يسامحك
فراق كانت حتقتلنى
ههههههههههههههههههههههههههه

[Elsayed_taha12]

حلو والله احسن من القاعده فاضيين استمر يا مان

[فراق84]

انا قلت حمر هنا تاني وافصل الموضوع حتة حتة

أم بدوى : استنى استنى .. أنا عارفة إجابة السؤال ده .. الإجابة التالتة (بالأحضان)
أبو بدوى : لا فالحة .. ده سؤال السرعة يا ولية .. هى ناقصة جنان دلوقتى !!
أم بدوى : خلاص أنت بتزعق ليه أنا غلطانة على الأقل بثقفك
أبو بدوى : بتثقفينى .. شكرا على المعلومة يا نبويه موسى .. امسكى بقى الأيريال صح بدل ما أقوم تقتلنى
أم بدوى : إنت تقتلنى هههههه .. نكتة دى ههههههه
أبو بدوى : اللهم طولك يا روح .. خلى الليلة تعدى على خير يا ولية بقــــــــــــــــــى

مسكينة ام بدوي ...هي مالها ومال كل الموضوع !!!
اعتقها..

جناب العمدة : أهلا فراق.. خايفة ليه ؟
فراق : أصل سؤال صعب زى ده ممكن اتحسد عشان جاوبته .. والمشكلة إنى ممكن اتحسد من أمة لا إله إلا الله اللى بتتفرج دى كلها
جناب العمدة : لالا .. متخافيش وسيبيها على ربنا
فراق : يا رب

اتحسد على ايه!!!!

جناب العمدة : اتفضلى هون ... إذن مين جه معك اليوم ؟
فراق : صاحبتى عتاب
جناب العمدة : أهلا يا عتاب .. خبرينا هل صديقتك تقدر توصل للمليون ؟
عتاب : والله من واقع خبرتى إن قليل أوى اللى بياخد المليون وحتى فى ناس بتبقى ذكية جدا ومثقفة لكن ما بتوصلش للمليون .. فما بالك بفراق بقى !
فراق : كــــــــده .. طب لما نخرج بره .. لينا شارع يلمنا
عتاب : كده ؟؟ يعنى أنا غلطانة إنى جيت معاكى كهف الرعب اللى أحنا فيه ده .. ماشى يا فراق ماشى ..
فراق : على فكرة أنتى وترتى أعصابى من قبل ما نبدأ
عتاب : لالا انا مش عايزة أعصابك تزعل .. خلاص أنا هسكت أهو .. بس أنا مش هرضى بأقل من 45.231 % من نسبة الفلوس دى
فراق : مين ؟؟ .. 45 % .. انسى الكلام ده .. هى 0.1221 % .. وعليكى فلوس السفر كمان ..
عتاب : خلاص يا فراق ما تزعليش نفسك .. ركزى فى الحلقة يا بنتى
جناب العمدة : هدوا أعصابكم يا جماعة .. صوووووووبحى .. شاى بليمون لعتاب هنا .. يللا نبدأ بسرعة .. جاهزة يا فراق ؟؟
فراق : جاهزة بإذن الله

عتاب لو شفتي الموضوع:
ليكي كل المليون..بالعند في ابن البلد

(كم عدد أصابع النملة ؟ ) :
1- 1
2- 2
3- 3
4- 5
:
(كم عدد أصابع القطة ؟ ) :
1- 2
2- 5
3- 4
4- 6

جناب العمدة : 1- 20 سنة
2- 30 سنة
3- 40 سنة
4- 50 سنة
فراق : إحنا لسا كنا محتفلين بعيد ميلاده الستين .. وبعدين إيه الحوت الأزرق ده أساسا .. هو فى حوت مش أزرق ؟
جناب العمدة : طيب جمهور حضروا حالكم للى بيعرف يختار بس

انا مظلومة هنا
انا ما بحبش اسألة الارقام ابدا
بس حلوة الاسئلة..
وكويس اني جاوبتها!!!

......................

جناب العمدة : لاااااااااااااااااااااااا .. بصى اعملى اللى إنتى عايزاه عشان أنا بعد الحلقة دى هعتزل الإعلام كله

اعتزل يا جناب العمدة
لانو ابن البلد الظاهر حيفرتك اعصابنا كلنا

فراق: واضح إن أنا اللى ليلتى هتكون زرقة .. أنا هاجى يا نيهال واخليكى أنتى البطل اللى هيتقتل ده

هو انا شرسة للدرجة دي!!!
ما تصدقيش يا نيهال
انا بس حخليكي تدفعي اللي خسرتو!!

جناب العمدة : إيه ده ؟؟ .. إيه ده ؟؟ .. يا أمن يا أمن
فراق : أمن مين .. خلى الامن ينفعك .. أنا جاية ومعايا حق زملائى اللى فاتوا

"وتتاخد فراق مع رجال الأمن اللى قاموا معاها بالواجب وخلوها فعلا تعد أسنان الحوت الأزرق بجد "
للفقيدة الرحمة ولأهلها الصبر والسلوان

معلش ..ادعولي بالرحمة

جناب العمدة : حلقة عجيبة جدا .. على العموم فاصل ونواصل مع برنامجكم من سيربح المليون .. يا رب أنا أواصل فى الجنان ده كمان نص ساعة !
تاتاتاتاااااااااااااااا .. دن تشششششششش

يتبــع >>> (( ولكن بعد فاصل بايخ بسبب الامتحانات ))

تحيــة خاصة لـ فراق ــ عتــاب ــ نيهــال

اخي ابن البلد
حلوة الحلقة اوي
انتظر باقي الاعضاء
وهدي اعصاب اخي جناب العمدة
علشان يرجع بضيف جديد
اختك فراق

[Dr.Hammood]

المشاركة الأصلية بواسطة Ebn elbalad

والآن مع الحلقــة الثانية من برنامج " من سيربح المليوووووون "

تاتاتاتاتاااااااااااااااااااااااااااادن تششششش

جناب العمدة : أهلا فيكن مرة تانية مع برنامجكم " من سيربح المليون .. كان معنا قبل الفاصل الأخ عمر وطبعا ما أخد ولا شى وطلع من المسابقة من أول سؤال .. ولحد الآن هو بالداخل عند الكنترول وبيزعق لإنه متأكد من إجابته (الشبكة) !
طبعا هالحين نرجع لمتسابقينا اللى معنا هون بالأستديو ونسأل سؤال السرعة .. جمهور رجاء الهدوء التام .. السؤال هو :
رتب الدول الآتية حسب قربها أول بعدها من دولة تيمور الشرقية :
1- تيمور الغربية
2- تيمور الوسطى
3- تيمور من غير حاجة
4- تيمورة
........ انتهى الوقت المحدد .. والجواب الصح والأسرع لـ ..
H.E.R.O ... (تصفيق حاااااااااااااد)
جناب العمدة : أهلا وسهلا فيك .. اتفضل معى هون .. مالك مندهش ليه ؟
هيرو : أصلى ما دستش أصلا على الزراير ولا أخترت حاجة !
جناب العمدة : شلون هادا ؟(يعنى إزاى ) .. لــ .. لــ .. لالا تلاقيه من التوتر بس .. الأخ هيرو طالب مكافح من مصــر .. أعزب ويعول .. مين جه معاك يا أخ هيرو ؟؟
هيرو : شاعر الليل صاحبى .. راجل جدع أوى
جناب العمدة : أستاذ شاعر .. إيه رأيك فى صديقك .. بدو هيصل للمليون ولا لاء ؟؟
شاعر الليل : بسم الله الرحمن الرحيم الإجابة طنطا
جناب العمدة : طنطا ... إيش هادا ؟؟ .. أنى مانى فاهم ولا شى ! .. يا أستاذ أنا بسألك عن صاحبك ... تقولى طنـ .. طنـ ... تششششششش

أبو بدوى : يووووه .. يا ولية أعدلى التليفزيون .. الراجل بيقول طنطا .. يمكن هيجيى يصوروا عندنا فى البلد
أم بدوى : يووه بقى أنا زهقت منك .. طلقنى وامسك أنت الأيريال
أبو بدوى : لو الواد هيرو ده جاب المليون أنا هطلقلك بالتلاتة .. استبينا ؟؟
أم بدوى : استبينا
أبو بدوى : ادعلى بقى الإيريال .. عشان نعرف إذا كان الليلة دى هتعدى على خير ولا لأ
شاعر الليل : أنا بقول إن هيرو ده واد جدع أوى أوى أوى .. وهو عزيز عليا جدا .. ربنا معاه ويوفقه وأنا بحب الريس حسنى مبارك وبهديه أغنية ( نحن لا نزرع الشوك)
جناب العمدة : آآآآه ... هو اليوم باين من أوله .. طيب على كل حال يا سيد هيرو هنبدأ دلوقتى المسابقة .. وووومن سيربح المليون !
تاتاتاتاتااااااااااااااااااااااااا دن تش
جناب العمدة : السؤال الأول ب100 ريال .. استرها يا رب
أكمل العبارة التالية :
(تأتى الرياح بما لا تشتهى ..... ) :
1- الرياح
2- السفن
3- البواخر
4- الأسماك
هيرو : امممممم .. طبعا الجواب الثانى السفن
جناب العمدة : الله أكبرررررررررررررر ... أيوه كده منيح .. تصفيق حاد من الجمهور للأخ حماده .. صار معك 100 ريال .. لو وفقت عند الحد ده هتعمل إيه بالفلوس دى ؟
هيرو : هديهم لـعمــــر
جناب العمدة : لاااااااااااااا ... ولا أقولك .. دى أرزاق .. المهم نكمل
.. السؤال الثانى ب200 ريال
(ما هو عمر رئيس جمهورية مصر العربية) :
1- 50
2- 130
3- 66
4- 79
هيرو : ليه بس كده .. هما قالولى إن الأسئلة السهلة فى الأول .. يوووه بقى .. طب ممكن أحذف إجابتين
جناب العمدة : طيب نطلب من الكومبيوتر يحذفله إجابتين هون ويخلى إجابة صح وإجابة غلط

" وتم حذف 50 و 66 "

هيرو : ياااااااه .. كده بقت أصعب خالص !! .. طب وبعدين .. طب ممكن اتصل بصديق
جناب العمدة : هتتصل بمين ؟؟
هيرو : هتصل بـ Dr.Hammoud .. هو مهتم بالسياسة و أكيد عارف عمر الرئيس
جناب العمدة : طيب اتصلوا بالدكتور فى مصر ..... ألو مساء الخير .. معك جناب العمدة من برنامج من سيربح المليون mbc ومعنا الأخ هيرو واقف عند 100 ريال وبدو مساعدتك .. معكم 30 ثانية لما بيدأ هيرو بالكلام .. اتفضل هيرو ......
30
29
دكتور حمود : جناب العمدة .. المليون .. إنت حاططلى إيه فى الشاى يا ابنى ؟؟ انا رخم كدا ماشي
هيرو : لاء أبوس إيدك يا دكتور ركز معايا
دكتور حمود : ولا .. أنا نسبتى كام فى العملية دى ؟؟ دا اكيد مش منوفي بقى
هيرو : هو أنا داخلين نسرق .. يللا بسرعة يا دكتور مفيش وقت .. ما هو عمر رئيس جمهورية مصر العربية هل هـ ...
دكتور حمود : ياااه .. هى مصر بقت جمهورية .. لا حول ولا قوة إلا بالله العلى العظيم خلاص بقى على اساس اني عايش في مية البطيخ وبسخن السلطه
هيرو : ركززززز بقـــــى ... هل هو 130 أم 79 ؟
دكتور حمود : عمر رئيس الجمهورية .. عمر رئيس الجمهورية باق على مدار الساعات والأيام والليالى والأسابيع والشهور والسنين .. هو عمر الشعب الذى طالما كافح وجاهد حتى ينال الحرية .. ومازال يـ .......... شايف راجل فاهم برضو
10
9
8
هيرو : لاااااااااااااااااااااا .... يللا بسرعة هلى مش ناااااااااقصة
الدكتور حمود : طب إنت قصدك مدة الحكم ولا عمر الرئيس نفسه ... أصل هما الأتنين واحد فأنا خايف ألخبطك يعنى قلبي عليه
هيرو : ياااااااااااااااااارب ارحمنى .. قولى يا79 يا 130
دكتور حمود : 66 سنة
2
1
...

هيرو : أيوه أنا قلت كده .. بس يمكن هما غلطوا وحذفوها .. طيب على العموم أنا مش عايز أجازف .. بس .. تق .. هختار 130 وخلاص
جناب العمدة : جواب نهائى ؟؟
هيرو : نهائى نهائى
هو الاستاذ شاعر الليل واضح إنه مش عارف الإجابة لإنه ما أختار.... أيش هادا .. الأخ شاعر الليل نايم ولا إيه ؟؟.. يا أستاذ فوق أنت نمت ؟
شاعر الليل : ياااااه .. أصل التكييف هنا ساقع أوى .. الظاهر إن الهوا ده بيسطل
جناب العمدة : طيب تصبح على خير ... بدنا نشوف الجواب الصحيح
تيييييييييييييييييييت
للأسف الجواب خطأ والجواب الصح هو 79 سنة و... إيش هادا ؟؟ .. إيه اللى بيحصل هنا .. أنتم مين أنتم ؟؟؟؟؟؟
المجمـــوعة : أحنا من رياسة الجمهورية وأمن الدولة وجايين نمسك الولد ده اللى نشر إشاعة إن عمر الرئيس 130 سنة .. تعالى وودع أهلك وأصحابك لإنك مش هتشوفهم إلا فى الجنة إن شاء الله .. تعاااااااااااااااااالى
هيرو : لا .. لا .. لاااااااااااااا .. أنا مليش دعوة .. هما اللى جابولى السؤال وأنا جاوبت بحسن نية والله .. لا .. لا .. لااااااااااااااااااااااااااااااااااااااااااااااااا
" ودى كانت آخر (لا) قالها هيرو فى حياته لإنه بعد كده نسى حروف اللغة العربية كلها !! "
جناب العمدة : هادى حلقة فى منتهى الغرابة .. كان معنا هون الأخ هيرو ـ الله يرحمه ـ ووصل لـ 100 ريال لكنه أخفق فى السؤال التانى ومشى من غير برده ما ياخد أى شى .. حتى حياته !!
نعود للمتسابقين معانا هون بالأستديو ونكمل مسابقتنا اليوم ولكن بعععععععد الفاصل .. ولا تنسوا قراءة الفاتحة للسيد هيرو !
أبو بدوى : يا حظى النحس .. لو الواد كان خد المليون كنت هخلص .. راح الواد فى شربة مية .. ولية فظيعة .. يا ستير يارب !

يتبع >>>


فى انتظار آرائكم .. وخاصة من بطل الحلقة

على فكره عمر الريس 82 سنه

شكرا يا ابن البلد بس اما اشوفك يا ابن المنطقه

[Dr.Hammood]

المشاركة الأصلية بواسطة بوسي احمد

لالالالا مش معقول بجد انت فظيع

ههههههههههههههه

هتصل بـ Dr.Hammoud .. هو مهتم بالسياسة و أكيد عارف عمر الرئيس


دكتور حمود طلع ميعرفش حاجة في السياسة خالص

حرام عليك هتودي الراجل في حديد

الاختيارات غلط والله انا بريء

وبعدين انا مش بتاع سياسه

مظلوووم يا ناس

[amoonh14]

القصص حلوة كتير ومضحكة
شكرا الك كتير اخي ابن البلد عالقصص الحلوة الي كتبتها
تحياتي

[Ebn elbalad]

هههههههههههههه أنا ضحكت على ردودكم أكتر من الموضوع نفسه

شكر خاص لكل اللى أبدوا أعجابهم بالموضوع ..

أحلى حاجة إن مفيش حد عمل حاجة بيعملها هههههههه حد فاهم حاجة ؟؟

يعنى نيهال مش بتحب أفلام القتل .. فراق مش بتحب أسئلة الأرقام مثلا .. الدكتور مش بيحب السياسة .. جناب العمدة مش بيحب المتسابقين ههههههههههههههههه

شكرا على مرورك وتفصيصك للموضوع يا فراق

دكتور حمود : يعنى هو عدد أصابع النملة 1 ؟؟ أنا معرفتش عمر الريس غير منك دلوقتى .. على العموم ربنا يخليه للبلد

[rosi_smile]

ههههههههههههه
وده هيتعرف اذاي ده؟؟؟؟؟؟؟؟؟؟
ده اللي يقول سنه الحقيقي ممكن يروح ورا الشمس امال ايه
بنخاف من الحسد

هههههههههههه حبيبي بابا مبارك ده
والنبي لو ابويا لكنت ولا بلاش .......((00 خلينا ناكل جبنه رومي ))

[Ebn elbalad]

هههههههههههه حبيبي بابا مبارك ده
والنبي لو ابويا لكنت ولا بلاش .......((00 خلينا ناكل جبنه رومي ))

هههههههه وحبيبى أنا كمان والله وماما سوزان كمان واخواتى علاء و جمال مبارك

[H.E.R.O]

اي جماعة هوا الموضوع اتقلب نفااااااق ولا ايه ؟؟ ههههههههههههه

حلوة اوي الحلقة التالتة وتسلم ايدك يا مان ودايما في تقدم

بس الحاجة اللي محيراني ونفسي اعرفها

هوا جناب العمدة كان مسرح شعره في اليوم داه ولا لأ ؟؟ هههههههههههه سؤال بارد اوي ههههههههههههههه

[Ebn elbalad]

هههههههههههههههههههههه سؤال غريب فعلا

بس ما اعتقدش إنه فى آخر الحلقة كان متسرح

[امرأة العزيز]

هههههههههههههههههههههه

والله يا ابن البلد الناس كانوا ماشيين جنب الحيط وتمام التمام

بصراحة شردتهم ههههههههه

تسلم ايديك الموضع والردود روعة ..

ربنا يوفقك وتنجح ونشوفك انت كمان من المتسابقين

سلاام

[جناب العمدة]

المشاركة الأصلية بواسطة H.E.R.O

بس الحاجة اللي محيراني ونفسي اعرفها

هوا جناب العمدة كان مسرح شعره في اليوم داه ولا لأ ؟؟ هههههههههههه سؤال بارد اوي ههههههههههههههه

عرفت قصدك يا هيرو .. عايزنى اخلع الطاقية . دا بُعدك .
يا ابنى دى فيها ضرب نار للصبح .
شرف العمدة .. الناس تقول أيه العمدة ماشى عريان .
عارف لو عملت كدة تانى .. هخلى ابن البلد يستضيفك تانى .
وقد اعذر من انذر .

[Ebn elbalad]

هههههههههههههههه

أهلا امرأة العزيز .. جناب العمدة

[H.E.R.O]

ههههههههههههههههههه
لا يا عم كله الا البرنامج داه الواحد حرم خلاص
دي بعد العلقة اللي انا اخدتها اخدت شهر علشان افتكر اسمي هههههههههه