مشكور على مرورك وإتمنى إن شاء الله إن الموضوع يعجبك
وأنت حجزت أول مقعد فى المسابقة معانا
فى انتظار باقى المتسابقين اللى هيشاركوا معانا فى أول قصة إن شاء الله .. أنا قلت نخلى الموضوع فيه شىء من الشفافية والأعضاء اللى هتكتب الردود اللى جاية هى المشتركة الأولى فى القصة الأولى إن شاء الله
النينجا المصرى مبدئيا دى مش مسابقة .. مسابقة من سيربح المليون هى مسابقة فى نفس القاعة ودى فكرة منفصلة .. فكرة موضوعنا إنها قصة بعنوان من سيربح المليون ؟؟ وفيها أعضاء من المنتدى .. تحب تشارك معانا ؟؟
فاضل عضوين يا شباب معانا عشان نكمل 5 إن شاء الله لكن فى انتظار إضافة النينجا لو معانا وعلى فكرة .. جنـــاب العمــــدة هو اللى هيقوم بدور جورج قرداحى بالإنابة .. تحيا الديموقراطية .. فى انتظار آخر عضوين ...
طيب أنا ممكن أختار مبدئيا omarr وامرأة العزيز عشان نبدأ فى الموضوع على طول إن شاء الله وباقى الأعضاء ليهم دورهم برده
احم احم أنا هانطلق
" الحلـــقة الأولـــــى "
من سيربح المليون ؟
تاتاتاتاتاتااااااااااااااااااااااا ... دن دششششش
جناب العمدة : يسعد مساكم وألف اهلا وسهلا فيكم مع برنامجكم " من سيربح المليون " عم بنرحب بضيوفنا اليوم و.... تش تششششششششششش
أبو بدوى : يا ولية اعدلى التليفزيون خلينا نعرف نتفرج
أم بدوى : ما أنا بقالى ساعة واقفة وماسكة الإيريال .. تعالى أنت بقى شوية أمسكه
أبو بدوى : يا ولية أنا راجل البيت .. أفرض حد جه ودخل عليا ولقانى ماسك الأيريال يقول إيه ؟؟ .. امسكيه يا ستى .. البرنامج هيخلص
جناب العمدة : ... المتسابقين معنا اليوم وتقريبا معظمهم من أرض الكنانة وهم : omarr ــ H.E.R.O ــ امرأة العزيز ــ فراق ــ محمد كمال ، أهلا وسهلا فيكم .. واضح عليكم القلق .. طيب .. حضروا حالكم لسؤال السرعة .. رجاء من الجمهور الهدوء التام السؤال هو :
** رتب الكلمات لتكون المثل التالى :
1- على
2- نفسها
3- جنت
4- مراكش
والآن الجواب الصح والأسرع هو : ............
إيه ده ؟؟ .. مافى ولا سؤال صح .. بس فى أسرع .. أسرع واحد كتب غلط هو :
عمررررررررررررررررررررررررررر
تاتاتاتاتاااااااااااااااااا .... دن دشششششش
جناب العمدة : اتفضل معى هون .. أهلا وسهلا فيك .. أو مرة تشترك معنا هون ؟؟
عمر : لا أنا اشتركت فى مسابقات كتير .. اشتركت فى برنامج " هيا بنا نلعب " وبرنامج " حظك اليوم " وبرنامج " طالع نازل "
جناب العمدة : أحم .. لا أنا قصدى مسابقات ثقافية زى أحنا هون .. طيب على العموم أهلا وسهلا فيك .. من مصر ومقيم فى البحر الأحمر ومتزوج وما فى أحد جه معك وهادا أرحم لى لإنى بكون متضايق جدا لما بشوف حد قاعد هون وراك .. المهم طبعا إنت عارف قواعد اللعبة .. قصدى المسابقة .. ربنا يوفقك .. جاهز ؟؟؟؟
عمر : جاهز .. بس أنا كنت متفق مع واحد من سفاجا هيجى يحضر معايا الحلقة .. الظاهر وقفوه فى الجمرك ولا حاجة
جناب العمدة : الله يعينه .. إذن مع المتسابق الأول .. ومن سيربح المليون
تاتاتاتاتااااااااااااا .. دن تششششششش
جناب العمدة : السؤال الأول ب100 ريال :
من الكلمات الآتية ما لا يستخدم فى الرياضة :
1- المضرب
2- السلة
3- الصابونة
4- الشبكة
عمر : أمممممم .. الشبكة
جناب العمدة : نعممم ؟؟؟؟ ... قصدى فكرت كويس ؟؟؟
عمر : أيوة فكرت ومتأكد .. وجواب نهائى عشان ما توجعيش قلبى بقى والأفلام دى
جناب العمدة : طيب إزاى يا محترم ؟؟؟ ركز فى السؤال
عمر : وبعدين بقى .. أنا بختار اللى واثق فيه
جناب العمدة : طيب ركز كده شوف فى حاجة تانية ما نستخدمها فى الرياضة !
عمر : طيب ، المضرب فى التنس
جناب العمدة : جميل
عمر: والسلة فى كرة السلة
جناب العمدة : ممتاز
عمر : والصابونة بنحطها تحت جيمى صاحبنا وهو بيعلب معانا الكورة عشان يتزحلق ونجيب جون
عمر : أما الشبكة فدى عند بتوع فى وزارة الداخلية بس
جناب العمدة : احم .. حضرت ممكن تركز شوية بعد إذنك لو سمحت عشان أنا مش ناقص
عمر : طيب مادام الموضوع فيه شك .. اطلب مساعدة الجمهور
جناب العمدة : طيب يا جمهور حضروا حالكم وخلوا ليليتنا دى تعدى على خير ... اللى بيعرف بس هو اللى .. لا حول ولا قوة إلا بالله .. يارب ارفع مقتك وغضبك عنا
" طبعا الجمهور أعطوه 100 % للصابونة "
جناب العمدة : الجمهور أعطالك 100 % للصابونة .. اختار وريحنى !
عمر : امممم .. بس برده فى شك ! .. طيب ممكن اتصل بصديق
جناب العمدة : لا إله إلا الله ..هتتصل بمين ؟؟
عمر : بباتيستا .. هو مشترك فى مركز شباب الحوامدية
جناب العمدة : طيب اتصلولنا بيه يا جماعة
تيييييييت.. تيييييييييت
البيت (عند باتيستا) : ألو .. أيوه يا أنكل
جناب العمدة : أيوه يا حبيبى ممكن حد كبير أكلمه .. بسرعة بس
البيت (صوت راجل كبير) : ألو يا فندم
جناب العمدة : ألو .. مساء الخير .. معك فرح من برنامج من سيربح المليون mbc ومعنا الأخ عمر واقف عند السؤال الأول وما معاه ولا هللة وعايز مساعدة حضرتك .. معكم 30 ثانية لما بيدأ أمير بالكلام .. اتفضل عمر
29
28
البيت (عند باتيستا) : أيوه بس أنا منصور أخوه استنى أندهولك
عمر : بسرعة بس يا منصور
27
26
25
البيت : ألو
أمير : ألو يا باتيستا .. معايا سؤال بيقــ ...
البيت : بس أنا مش باتستا ، أنا فايزة .. ثوانى أندهولك
أمير : بسرعة يا فايزة أرجوكى
10
9
8
البيت : ألو .. أنا فايزة .. باتيستا نايم دلوقتى .. تحبه أقوله حاجة لما يصحى
3
2
1
........
عمر : أيوة .. قوليله ينسى إن له صاحب اسمه عمر
جناب العمدة : يا استاذ ارحمنا .. ما ينفع هالكلام !!!
عمر : طيب انا بفضل انسحب واكتفى بكده وبلاش مجازفة
جناب العمدة : أحسن هادا .. وأنت ما هتاخد أى شى أصلا
عمر : يللا .. أهم حاجة الصحة
جناب العمدة : للأسف دى راحت من عندى .. بعد ما حضرتك شرفت هون .. تحية كبيرة للأخ عمر على المجهود اللى عمله ده وطبعا الجواب الصحيح هو (الصابونة) !
فرح : والآن نرجع للمتسابقين وسؤال السرعة ولكن فاصل من الإعلان ونعود إليكم
تاتاتاتاااااااااااااا ... دن تششششش
يتبع >>> ((تحية لأخى عمــر)) ههههههههههههههههههههههههههه
__________________
آخر تعديل بواسطة Ebn elbalad ، 30-03-2008 الساعة 02:53 PM.
مواضيع مشابهة
.. 
.. اتمنى إن الموضوع يعجبكم وإن شاء الله قريب جدا تنطلقوا معايا وألاقى ناس أكثر ابداعا منى إن شاء الله 
..
النمط الخطي
