البنات احسن من الولاد ادخلوا و انتوا تصدقوني

[*ملك روحي*]

بعد البحث والتدقبق ثبت أن البنت أحسن من الولد:

البنت بتتكلم براحتها فى التليفون وأبوها أو جوزها هو أللى
بيدفع الفاتورة فى الأخر .

البنت مش ملزمة تجهز نفسها أبوها أو البيه (خطيبها) هم أللى
هايدفعوا دم قلبهم .

مفيش حد بيبص على بدلة العريس كله بيبص على فستان العروسة .

لو واحدة عملت مخالفة وعيطت شوية للظابط هايعديها لو راجل هاياخد على دماغه .

لو واحدة ما أدتش قرايبها عيدية مش هايقولوا عليها بخيلة ... هايقولوا أصل العيب على جوزها .

لو واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم برة فى الشمس .

لو حصل زعل بين البنت وباباها مش هايطردها برةالبيت ...وهى بس يادوب تعيط شوية وبابا هايروح يصالحها علطول .... أما الولد فايدوب يلحق مكان ينام فيه جنب البواب

دلع البنات:

ياختى كميلة ( سنتين
ياعسولة ( 5 سنين )
ياعروسة ( 12 سنة )
ياقمر ( 18 سنة
يا هانم ( 40 سنة )
يا أم العيال ( 50 سنة )
يا ست الكل ( 60 سنة )

دلع الولاد :
انت ياد ( 10 سنين )
انت ياشحط بقيت طول الباب ( 18 سنة )
يارا جل ( 40 سنة )
ياعم الحاج ( 50 سنة )
ياراجل يا عجوز ( 60 سنة )

شوفتوا ان الولاد مظلومين وحقهم رايح أوى

[قلب جرئ]

تسلمي يا ملك .......... موضوعك حلوووووووووو أوي.

فعلا إحنا حقنا ضايع خالص.

وتقبلي تحياتي
قلب جرئ

[*ملك روحي*]

المشاركة الأصلية بواسطة قلب جرئ

تسلمي يا ملك .......... موضوعك حلوووووووووو أوي.

فعلا إحنا حقنا ضايع خالص.

وتقبلي تحياتي
قلب جرئ

ايوه حقكو ضايع
بس احنا نستاهل
ميرسي لردك

[teto_g14]

المهم احنا فى حريه ودا الاهم


ولو كان فى عيب يبقى العيب فى المجتمع مش عند الشاب وله البنت

[محمد كمال على]

انا عايز حقى
عايز محامى يجيب لى حقى
انا مش حاسكت

[انا مصريه]

البنت احسن في حجات والولد برضوا احسن في حجات

[mostafa tifa]

موضوع حلو اوى

[*ملك روحي*]

انا معاكي يا مصرية
لانه في حاجات كتير لو الولد عملها عادي و كانه محصلش اي حاجة
و لو البنت عملت نفس الحاجة دي يبقي ازاي تعمل كده وازاي و ازاي
بس ماتنسوش ان الهدف من الموضوع البسمة

[egyption girl14]

ههههههههه
حلو اوي الموضوع
شكرا

[لاجئة]

صدقوني لو بصينا للموضوع بنظرة شاملة هنكتشف ان الكل واخد حقه...
بعدين "محمد كمال علي" انا هشفلك محامية شاطرة تدافع عنك ولا يهمك ههههههه!

[الرومنسيه]

موضوعك حللللللو اووووووووي اه بس احنا موظلمين لانو معندناش حريه الكامله لاجثه وجبيلي انا كمان محامي ههههههههه

[اسيره الاحزان]

ايه ياجماعه انتم بتحقدو علينا اهه حبه دلع قبل الجواز وحملان الهم والعيال مه انتم بتاخدو حقكم وزياده كمان وانا بصراحه شايفه ان انتم مش محتاجين لمحامى ولا حاجه كلنا واخدين حقنا واذا كان بابا بيعمل كدا معاك علشان يطلعك راجل صح ده رايى

[نور السماء]

ههههههههههههه
موضوع جامد جدا
ميرسى يا ملك

[sleeping angel]

جميل اوي الموضوع تسلم ايدك وفققك الله

[نواسي]

والله انا شايفة ياتيتو ان في ايامنا البنت واخدة حريتها قد الولد و محدش يقدر يكلمها
و بعدين ماهو البنت لازم تبقى دلوعة امها و ابوها و الناس عشان هي الي دايما بتفضل جمبهم و بتساعد امها في البيت ..مش بتخرج تصيع مع صحابها 24 ساعة (زي الشباب) ههههههههه
شفتو بقى ان احنا بنستاهل و اكتررررررر في الاول و الاخر الست بتشقى في دنيتها اكتر من الراجل
عشان كدا ربنا جعل الجنة تحت اقدام الامهات
ده رأيي الشخصي اكيد ليه موافقين و ليه معارضين
و ارجو ان ما يسببش لحد ازعاج
تحيااااتي يا ملك
اختك نواسي