إقتباس:
لقد تم حذف موضوعك (ولعة البيبي دول )
لان المنتدى لا يسمح بمثل هذه المواضيع
فالمنتدى ليس مكان للاعلان عن ارباح الافلام
كما انه ممنوع وضع صور خادشة للحياء
|
؟؟؟
انا فضلت اضحك 3 دقايق وعشرين ثانية علي الكلام دا
الحقيقة حاجة تموت م الضحك فعلا
يا مدام ميسم دي رسالة من الاخت عتاب لحضرتي
ياريت حضرتك تبقي تشوفي الموضوع المحذوف
وتقولي رأيك !!
مشرفة منتدي الحوار العام المبجلة : قالت ان المنتدي
لا يسمح باعلان عن ارباح الافلام
وافتكر ان شاهدت اكثر من موضوع بيتكلم عن الافلام الاجنبية
والمصرية والارباح ..و. الخ ... وعادي جدا موجودين ولم يتم مصادرتهم
تاني حاجة احب اوضحها ان الموضوع بيتكلم عن ميزانيات افلام الصيف بشكل عام ( الصيف اللي جاي)
وليس عن الارباح كما ذكرت المشرفه في رسالتها لحضرتي
والصيف لسه مبدأش اصلا عشان يتم تحديد ارباح وخساير
ودا نص الموضوع اللي مش مسموح بيه في المنتدي :
إقتباس:
ارتفعت ميزانيات افلام الصيف بشكل ملحوظ هذا العام فبعد ان كان اضخم انتاج ف تاريخ السينما لشركة جود نيوز بفيلم ( عمارة يعقوبيان ) بتكلفة 25 مليون جنية بلغت تكلفة فيلم ( ليلة البيبي دول ) الى 40 مليون جنية . وهذة قائمة باعلى الافلام تكلفة
- فيلم ليلة البيبي دول - 40 مليون جنية
- فيلم حسن ومرقص لعادل امام وعمر الشريف - 30 مليون جنية
- فيلم الديلر لاحمد السقا - 30 مليون جنية
- فيلم عمارة يعقوبيان - 25 مليون جنية
- فيلم ساعم حظ لمحمد سعد - 18 مليون جنية
|
لحد هنا انا مش شايف ان فيه اي مشكلة
نيجي للاهم وهو الصور التي قالت عنها انها خادشة للحياء
الحقيقة موضوع الصور دا بالذات بيعملي حساسية
وباعتقد ان اختلاف البيئة والثقافة والتعليم .. والحياة بشكل عام
بتؤدي لاختلاف طباع البشر فنجد من هو متزمت ولا يفهم الفرق
بين الفن بأشكاله المختلفة و خدش حياء البشر ونجد من يفهم
في فنون معينة ولا يتدخل فيما لا يفهم به وهكذا ...
ومن جهة اخري يمكن لشخص ان يري صورة ما برؤية مختلفة
عن رؤية شخص آخر ... وهكذا تختلف الاراء ويبقي المضمون ثابت
ملوش لزوم نكرر الصوره تاني .. هي حاليا موجوده ف قسم الاشراف
والمشرفين هيشوفوها .. وناس هتشوف انها عادية جدا
وناس هتشوف انها خادشة للحياء
وتبقي المصادرة علي أفكار البني آدمين قائمة ليوم الدين
مصادرة من أشخاص لا نعلم أي شيء عن تاريخهم الفني او حتي الادبي
يصادرون افكار البني آدميين لأنها الأفكار لا تناسب عقليات لا تفهم معني الاختلاف
والرأي والرأي الآخر واختلاف البشر والاشكال والالوان .
علي كل : انا لا اطالب بشيء فقد مضي وقت الطلبات
ولا اتخيل قيامي بكتابة موضوعات جديدة
ولا هي شكوي حتي ,, في مشرفة القسم
فالادارة الموقرة التي قامت بتعينها , اكيد تري فيها صورة المشرف المحايد والاشراف النزيه الخالي
من اي مصالح شخصية .
الموضوع عبارة عن فضفضة وتوضيح لمسخرة ومفارقة ضحكتني .
peace
مواضيع مشابهة
ويخلق ما لا تعلمون
النمط الخطي
