اين المشرفين

[koko15]

السلام عليكم

انا زعلانة جدا مينفعش يا اخونا اللى بيحصل دا فى اخطاء كتير موجودة ومش ممكن انا احيانا بحس ان مفيش مشرف موجود فى القسم بتاعة انا منكرش ان فى مشرفين موجودين بس فى مشرفين محدش بيشوفهم ممكن اقعد يومين او تلاتة ومش بيدخلوة القسم المسؤلين عنة وفي مشرفين بجد موجودين 27 ساعة فى 24 ساعة وكمان فى تجاوزات كتير منها وضع ارقام موبيلات كتير جدا وفى موضوعات محتاجة للنقل والمشرفين فى الباباى انا شايفة انة المفروض يبقى فية قانون فى المنتدى للمشرف اللى ميدخلش اكتر من يومين يتشال وعارفة انكم هتقولة ان المشرفين فى منهم عندة شغلة ودراستة طيب يعنى راجل مش فاضى لية يمسك الاشراف وغيرة فاضى ومتواجد والله العظيم انا لا اطمح فى الاشراف لعلمى بمدى تعبة وارهاقة بس نأخد بالنا اكتر من كدة

ولو عايزين المواضيع اللى بتكلم عليها

موضوع اسمة (اجمل اشعار ألفتها .. يارب تعجبكو .)


الموضوع دا فى فضفضة وياريت حد يقولى اية علاقتة بفضفة وطبعا المفروض يتنقل لقسم حبر وورقة


اما الموضوع التانى اسمة (عاااااااااااااااااا جل ... غرفة عمليات ليوم الإضراب 6 ابريل ). والموضوع دا فى القاعة العامة ومليان ارقام موبيلات

[teto_g14]

صح يا شرين بجد فى مشرفين مش موجدين خالص

[بنت فلسطين]

أهلا اختي الكريمة ,

أولا اشكرك على تبليغنا بمثل هذه الأخطاء , وأشكرك على حرصك الشديد على المنتدى
المشرفين موجودين .. وان غاب حد فالآخر بيغطي عنه
لكن يا أخي المسؤلية كبيرة جدا فالأعضاء ماشاء الله في تزايد والمواضيع والردود لا تحصى
احنا بنحاول قد منقدر نتابع الأخطاء ونحذفها لكن بنفس الوقت بنطلب منكم دايما مساعدتنا
بهذه المهمة , عن طريق تبليغنا بأي مشاركة مخالفة بالضغط على الإشارة الصفراء اسفل كل مشاركة , أو وضع موضوع في قسم الشكاوي أو ارسال رسالة خاصة لأي مشرف .

أنا شفت الموضوعين , الأول سأبلغ الإدارة بضرورة نقله والثاني يجب أن تأخذ الإدارة القرار بكونه مسموحا أم لا.
القسمين المذكورين لا استطيع حذف أو نقل مواضيع فيهم لأنهم مش أقسامي لكن أنا حبلغ الإدارة بالخطأ وان شاء الله مشرفين الأقسام يصلحوه أول مايدخلوا .

اشكرك مرة اخرى على اهتمامك .. ونرجو منكم المعذرة

[koko15]

اشكرك بنت فلسطين على تعليقك على الموضوع بس لو لحظتى وقريتى المواضيع اللى حتى مش فى الصفحات الاولى هتلاقى نفس الاخطاء فى الصفحات التانية والثالثة والرابعة ضرورى الرقابة وانا عارفة ان المسؤلية مش سهلة بس المفروض نبقى اد المسؤلية ولا اية رايك

[koko15]

المشاركة الأصلية بواسطة teto_g14

صح يا شرين بجد فى مشرفين مش موجدين خالص

عارف يا تيتو فى مشرفين فعلا موجودين على المنتدى كتير جدا وبحس انهم مش بيقوموا من على المنتدى وفى مشرفين فى الباباى وفى الروقان ومعتمدين على المشرفين التانين ودا عدم مسؤلية ربنا يهديهم وميرسى لتعليقك يا تيتو

[teto_g14]

الموجدين على طول ورد عتاب بنت فلسطين باتستا

[عتاب]

احنا متابعين يا كوكو
بس احنا برده زيكم اوقات بننشغل شوية واوقات النت بيعطل
يعني انا من امبارح فاتحة المنتدى ومش عارفة اكتب ولا رد فيه بسبب النت
ودوركم انكم لما تلاقوا حاجة تبعتوا ولو رسالة خاصة لمشرف القسم بتاعها
وهو اكيد هايتصرف
انا شفت الموضوع في القاعة العامة ومستنية رأي الادارة فيه
لان ارقام التليفونات المقصود بيها هيئات مش افراد
هاشوف امكانية حذفها او تركها وربنا يسهل
وياريت اي حد فيكم يلاقي اي شيء مخالف يبلغ مشرف القسم بيها
وميرسي يا حبيبتي لخوفك على المنتدى ومتابعتك المستمرة

[عتاب]

المشاركة الأصلية بواسطة teto_g14

الموجدين على طول ورد عتاب بنت فلسطين باتستا

اهلا تيتو
احنا وغيرنا موجودين
بس هما بيدخلوا في وضع التخفي
عشان كده مش بتلاحظوا وجودهم بسهولة
و زي ما قلت لشيرين (اي حد يشوف شيء مخالف يبلغ مشرف القسم مباشرة )

[koko15]

المشاركة الأصلية بواسطة teto_g14

الموجدين على طول ورد عتاب بنت فلسطين باتستا

لا وعندك كمان يا تيتو هيثم بسم الله ماشاء الله علية موجود كل يوم وكمان نيهال موجودة بأستمرار بس المشكلة اننا كترنا والحمد لله وعايزين مجهود مضاعف هية دى القصة وما فيها ومرسى لمتبعتك يا تيتو

[koko15]

المشاركة الأصلية بواسطة عتاب

احنا متابعين يا كوكو
بس احنا برده زيكم اوقات بننشغل شوية واوقات النت بيعطل
يعني انا من امبارح فاتحة المنتدى ومش عارفة اكتب ولا رد فيه بسبب النت
ودوركم انكم لما تلاقوا حاجة تبعتوا ولو رسالة خاصة لمشرف القسم بتاعها
وهو اكيد هايتصرف
انا شفت الموضوع في القاعة العامة ومستنية رأي الادارة فيه
لان ارقام التليفونات المقصود بيها هيئات مش افراد
هاشوف امكانية حذفها او تركها وربنا يسهل
وياريت اي حد فيكم يلاقي اي شيء مخالف يبلغ مشرف القسم بيها
وميرسي يا حبيبتي لخوفك على المنتدى ومتابعتك المستمرة

ميرسى لتعليقك الراقى يا عتاب اشكرك واحيكى وانتى من الناس المحترمة اللى بعزهم تحياتى ليكى

[بنت فلسطين]

المشاركة الأصلية بواسطة koko15

اشكرك بنت فلسطين على تعليقك على الموضوع بس لو لحظتى وقريتى المواضيع اللى حتى مش فى الصفحات الاولى هتلاقى نفس الاخطاء فى الصفحات التانية والثالثة والرابعة ضرورى الرقابة وانا عارفة ان المسؤلية مش سهلة بس المفروض نبقى اد المسؤلية ولا اية رايك

كلامك مزبوط 100%

بس زي مقالت عتاب , احنا لا يمنعنا عن المنتدى إلا الظروف الخارجة عن ارادتنا
حتى الاختبارات بنخصص وقت لو ساعة يوميا للمتابعة هنا.

و حتى أنا بدخل بالوضع المتخفي غالبا ,مش دة الموضوع , احنا كل واحد فينا مخصص من ساعتين إلى 4 على الأقل كل يوم للمنتدى , وفيه ناس بتفضل أكثر من 12 ساعة أونلاين

عموما .. زي ما سبق وقلت ياريت انتو كمان تساعدونا , وتبلغونا بأي مخالفة
واحنا حنقوم بالواجب بأسرع وقت ممكن

تحياتي للجميع , ودمتم بخير

[hend]

ياجماعه المفروض اننا نكون كلنا مع بعض
يعنى اللى يلاقى موضوع وفيه مشاركات مخالفه ليه ما يبلغشى المشرف المسؤل عن القسم برساله خاصه ولو كان الوضع مستعجل ليه ما يبلغشى اى مشرف متواجد
فيه فينا ناس متواجده لكن كل واحد وله ظروفه ومهما كنت فاضى اكيد فيه ظروف خارجه عن ارادتك

[koko15]

فعلا كلامك صح يا هنودة واتمنالك التوفيق فى جميع اعمالك