تعرف تعيش فى مصر بـ 1000 جنيه ؟؟؟

[amr_miza1]

المشاركة الأصلية بواسطة teto_g14

بدون تعليق

انا حروح ادفن نفسى فى مكان قبل ما حد يروح قبله

يا ساتر يا رب

[amr_miza1]

المشاركة الأصلية بواسطة امرأة العزيز

مفيش كرنب في مصر .؟؟ نفسي فيه بصراحة..

المرة الجاية خلي موضوعك عن الكرنب بليز

هههههههههههههههه كرنب ايه بس دا رخيص جدا
لا هيبقى عن البيض اعتقد .. البيضة بقت بـ 75 قرش
والناس هتموت نفسها علشان شم النسيم

[**ريفيرا**]

هههههههههههههههههه
والله انا فطست من الضحك علي الاسعار الجميلة دي
وعلي ردود الناس
والله في ناس معندهاش مرتب يجلها اخر الشهر
الراجل الي شغال علي باب الله يوم معاه 100 جنيه مش الف يعني
ويوم مش معاه ربع جنيه مخروم
شكرا لك علي الموضوع

[True_Face]

للاسف مقدرش اعلق لكونى مش عايش فى مصر

لاكن الموضوع عجبنى جدا وطريف المشتريات والكميات التى لا تكفى فردين حتى تكفى اسره مكونه من اربع افراد
كان الله فى العون

[نسيم الورد]

هههههههههههههههههههههههه

مستحيل اقدر اعيش

[amr_miza1]

المشاركة الأصلية بواسطة **ريفيرا**

هههههههههههههههههه
والله انا فطست من الضحك علي الاسعار الجميلة دي
وعلي ردود الناس
والله في ناس معندهاش مرتب يجلها اخر الشهر
الراجل الي شغال علي باب الله يوم معاه 100 جنيه مش الف يعني
ويوم مش معاه ربع جنيه مخروم
شكرا لك علي الموضوع

100 ايه بس ... دا 2000 وبيخلص ونص الشهر تقريبا ..
ربنا يكون فى عوننا ..
وبعدين فكرتيمى بالجنيه المعدنى .. هو صفيح تقريبا ..

المفروض ان الجنيه يبقى معدن لما يكون الراتب مثلا متوسط 2000 زى اليورو مثلا
انما 200 جنيه ويبقى معدن .. يعنى الواحد يقبض شوية شلنات اخر الشهر ..

[amr_miza1]

المشاركة الأصلية بواسطة True_Face

للاسف مقدرش اعلق لكونى مش عايش فى مصر

لاكن الموضوع عجبنى جدا وطريف المشتريات والكميات التى لا تكفى فردين حتى تكفى اسره مكونه من اربع افراد
كان الله فى العون

هى ممكن تكفينى انا لوحدى .. لكن صابونة واحدة فى الاسبوع بردة مش هتكفى

شكرا تروو

[سها soha]

مين يقدر يعيش ب 1000 جنية فى الشهر ؟!

(ساح يابداح ياسؤال جراج )

زمان كنا بنحس ان 1000 جنية مبلغ
على رأى ناس زمان الجنية كان بيجيب عجل دلوقتى مبيجبش ربطة فجل

بقيت بحس ان البقالين دلوقتى بقوا عملين زى بتوع البرصة
البقال واقف بيكلم التجار :

الوووووو بقولك يافلان ك الدقيق بقة بكام دلوقتى

والله يكون فى عون اصحاب العيال

كفاية ياعمر عشان اتأثرت اوى

[THEGOODWOLF]

من المذيع المشهور

ألف جنيه ايه يابو ألف جنيه انت

ده الي يعيش بالف جنيه في الشهر يبقى غني

انت تعرف اكيد ان فيه ناس بتقبض في الشهر اقل من 400 جنيه و ياريتهم بيكملوا يبقى هيجيبوا بقيت الألف منين ؟

عليه انه يعيش بيهم هو و اسرته اكل و شرب و مواصلات و لبس و مصاريف مدارس و مصاريف عيا و فواتير غاز و كهرباء و مياه و تليفون ان كان فيه كمان ده غير المصاريف التانية و الي بتتحط تحت بند مصاريف نثرية

يبقى بقى هايجيب بقيت الألف جنيه منين ؟
شاورلي على اي حته بتقبض 1000 جنيه في الشهر ( بس يكونوا حلال طبعا ) و أنا اروح أشتغل فيها بعون الله

انت مسمعتش عن الإحصائية الي بتقول ان اكتر من ستين في المية من شعب مصر تحت خط الفقر

و تقولي ألف جنيه !

ألف جنيه مين يا أبو ألف جنيه ؟

قبل ما تسأل إن كان يقدر يعيش بألف جنيه في الشهر ولا لأ إسأل هو هايجيبهم منين الأول ؟
اذا قبضت على لص يجب قبل أن تحاسبه على ما سرق يجب أن تسأله لماذا سرق ؟


بالله عليك بلاش الأسئلة دي إلي تفقع المرارة

[amr_miza1]

المشاركة الأصلية بواسطة نسيم الورد

هههههههههههههههههههههههه

مستحيل اقدر اعيش

ولا وانا وحياتك

.. وبتضحك كمان

[amr_miza1]

المشاركة الأصلية بواسطة سها soha

مين يقدر يعيش ب 1000 جنية فى الشهر ؟!

(ساح يابداح ياسؤال جراج )

زمان كنا بنحس ان 1000 جنية مبلغ
على رأى ناس زمان الجنية كان بيجيب عجل دلوقتى مبيجبش ربطة فجل

بقيت بحس ان البقالين دلوقتى بقوا عملين زى بتوع البرصة
البقال واقف بيكلم التجار :

الوووووو بقولك يافلان ك الدقيق بقة بكام دلوقتى

والله يكون فى عون اصحاب العيال

كفاية ياعمر عشان اتأثرت اوى

ماشى يا سها ..

كفاية خالص
افتكر فعلا ان الالف جنيه كان اسمه بيخوف فى يوم من الايام .
يــــــــاه .. الف جنييييييه .. دانا ابقى بيه

طيب هسكت لسلامة مرارتى

[eshoo4ever]

والله يااخى العزيز كتر الكلام عن موضوع الاسعار
تعب الواحد نفسيا ً

فالواحد ميقلش غير
لا تعليق على الاسعار

[amr_miza1]

المشاركة الأصلية بواسطة THEGOODWOLF

من المذيع المشهور

ألف جنيه ايه يابو ألف جنيه انت

ده الي يعيش بالف جنيه في الشهر يبقى غني

انت تعرف اكيد ان فيه ناس بتقبض في الشهر اقل من 400 جنيه و ياريتهم بيكملوا يبقى هيجيبوا بقيت الألف منين ؟

عليه انه يعيش بيهم هو و اسرته اكل و شرب و مواصلات و لبس و مصاريف مدارس و مصاريف عيا و فواتير غاز و كهرباء و مياه و تليفون ان كان فيه كمان ده غير المصاريف التانية و الي بتتحط تحت بند مصاريف نثرية

يبقى بقى هايجيب بقيت الألف جنيه منين ؟
شاورلي على اي حته بتقبض 1000 جنيه في الشهر ( بس يكونوا حلال طبعا ) و أنا اروح أشتغل فيها بعون الله

انت مسمعتش عن الإحصائية الي بتقول ان اكتر من ستين في المية من شعب مصر تحت خط الفقر

و تقولي ألف جنيه !

ألف جنيه مين يا أبو ألف جنيه ؟

قبل ما تسأل إن كان يقدر يعيش بألف جنيه في الشهر ولا لأ إسأل هو هايجيبهم منين الأول ؟
اذا قبضت على لص يجب قبل أن تحاسبه على ما سرق يجب أن تسأله لماذا سرق ؟


بالله عليك بلاش الأسئلة دي إلي تفقع المرارة

بالراحة عليا بس .. انا ذنبى ايه
والله انا برييييء

منا عارف يا باشمهندس ان حوالى نسبة 70% من موظفى مصر بيتقاضوا اقل من الـ 1000 جنيه وبكتير كمان ...
مدير الادارة التعليمية لا يتعدى راتبه ال 600 جنية ... صلى ع النبى بس

وبعدين مرارة ايه اللى انا فقعتها هى مش مفقوعة اصلا ..
وبعدين سايب الحكومة والريس والحرامية وجاى عليا
يا عم انا بريييييييييء

[amr_miza1]

المشاركة الأصلية بواسطة eshoo4ever

والله يااخى العزيز كتر الكلام عن موضوع الاسعار
تعب الواحد نفسيا ً

فالواحد ميقلش غير
لا تعليق على الاسعار

اها تقدر تقول انها الشغل الشاغل حاليا
ولكل فئات وطبقات المواطنين ..

شكرا يا ايشوو

[Dream Girl]

يالهوى دة الواحد مبقاش عارف يعيش خالص والله و بعدين مين اصلا الى بيجيلو 1000 جنية دة الى يجيلو الرقم الهايل دة يبوس ايدة وش و ضهر انما بقى الناس الى فى اشغلها دول بيجلهم 300 او 400 جنية دول يعملو اية يلا ربنا يسهل للكل مرسى يا عمرو على الموضوع المهم دة