بحث لوحة التحكم مصر
خروج التسجيل مواضيع اليوم

العودة   عالم ابن مصر > ----عالم ابن مصر---- > ضحك...ولعب...وجد
التسجيّل الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

المشاركة في الموضوع
   
 
قديم 18-04-2008, 01:00 PM   #1 (رابط ثابت)
الاميره الصغيره
 
الصورة الرمزية لـ نيهال
 
تاريخ التسجيّل: Nov 2005
الإقامة: أرضى وأرض جدودى
المشاركات: 10,871
نيهال is on a distinguished road
Cool تتجوزينى؟

تتجوزيني ؟!!!!!


واحد بيحب وحده شوفوا معايا حكايته





تتجوزيني ؟
ـ أفندم ؟
ـ بقولك تتجوزيني ؟
ـ !!!!!




ـ تتجوزيني ؟
ـ لا !
ـ ليه ؟
ـ بصراحة كدة شكلك مش عاجبني ..
ـ إزاي يعني ؟
ـ يعني .. أصل أنا ليا مواصفات معينة لفارس أحلامي .
ـ مواصفات معينة ؟ .. هو انتي هتتجوزي عربية ؟
ـ لا ! .. بصراحة كدة .. إنت مش فارس أحلامي اللي باتمناه !




ـ تتجوزيني ؟
ـ إيه ده ؟ شكلك اتغير !
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة !
ـ ودي عدسات خضراء ؟
ـ أيوة !
ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
ـ مين عباس كيج ده ؟
ـ عباس ؟!! ياي ! .. إيه عباس دي ؟ اسمه نيكولاس ..
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي !




ـ تتجوزيني ؟
ـ انت لسة ليك عين تكلمني ؟
ـ أيوة .. أنا عرفت مين بنكرياس كيج ده !
ـ أولاً : اسمه نيكولاس كيج ..
ـ أيوة أيوة .. كنت هاقول اسمه صح .. بس اختصرته .. ده ممثل !
ـ ممثل إيه ؟
ـ ممثل أمريكاوي !
ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
ـ دونكي دي تبقى شتيمة ؟
ـ أف كورس !



ـ تتجوزيني ؟
ـ عندك عربية موديل كام ؟
ـ موديل دي تبقى شتيمة ؟



ـ
تتجوزيني ؟
ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟



ـ تتجوزيني ؟
ـ ما قلتليش .. إنت بتشتغل إيه ؟
ـ أنا -بلا فخر- عاطل !
ـ عاطل ؟ .. ياي ! ..
ـ مش أحسن من اللي ما بيشتغلش ؟
ـ لا !
ـ يعني مش هتتجوزيني ؟
ـ لا !
ـ كدة أنا أزعل !
ـ ما تزعلش يا بابا ! .. خليك فريش !
ـ ماشي .. ماشي .. بس قوليلي ..
ـ إيه ؟
ـ فريش دي تبقى شتيمة ؟



ـ تتجوزيني ؟
ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت ..
ـ وإيه هو ؟
ـ سواق تاكسي .
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس ..
ـ شرف ؟ جتك القرف
!



ـ تتجوزيني ؟
ـ جمعت مبلغ كويس ؟
ـ طبعًا .. مبلغ كبير جدًا ..
ـ قد إيه يعني ؟
ـ ألف جنيه !
ـ نعم ؟!!! .. ألف جنيه دول تروح تسرح بيهم ببطاطا ..
ـ يعني موافقة ؟!
ـ روح اتنيل .



ـ تتجوزيني ؟
ـ عندك شقة ؟
ـ طبعًا ! .. أودة على السطوح ..
ـ نعم ؟!! ..
ـ إيه المشكلة ؟! .. أحسن ما ننام في الشارع !
ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
ـ طيب .. كلها كام سنة وأجيبلك أحسن شقة في الدنيا .
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع !



( بعد سنوات) :



ـ تتجوزيني ؟
ـ جبت الشقة ؟
ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
ـ ـ فانتاستيك !
ـ بس الشقة ناقصة حاجة .
ـ إيه هي ؟
ـ مفيهاش حمام !
ـ امشي من قدامي ! .. مش طايقاك !



مره تابيه راحلها وقال

ـ تتجوزيني ؟
ـ إنت تاني ؟
ـ جبتلك حمّام إنما إيه !
ـ خليه ينفعك !
ـ ليه بس ؟ .. ده ينفع لينا احنا الاتنين !
ـ وأنا مالي ؟
ـ مش عاجبك .. مش مشكلة .. أكتبه باسمك !



(بعد سنين) ..
ـ
هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم !
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل ..
ـ أصل إيه ؟
ـ أصل أنا بحُبك (بضم الحاء) !
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول
I love you !
ـ ماشي .. بس قوليلي ..
ـ نعم ؟
ـ روش دي تبقى شتيمة ؟



ـ تتجوزيني ؟
ـ بصراحة .. في حاجة كنت عاوزة أقولهالك من زمااااااان .
ـ إيه ؟
ـ أنا بصراحة .. مش شايفة إن في حد في العالم يستاهلني !
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة ..
ـ رقيقة ؟! .. ده انت بدأتي تقشفي !
ـ فشر !
ـ فوقي لنفسك .. العمر بيجري ..
ـ أنا مصرة على رأيي !
ـ يعني إيه ؟
ـ يعني اقطع معايا !
ـ بعد كل السنين دي ؟! .. بعد كل الحب ده ؟!!
ـ بلاش تراجيديا من فضلك !
ـ ماشي .. بس قبل ما أمشي عاوز أسألك سؤال واحد بس ..
ـ إيه هو ؟
ـ تراجيديا دي تبقى شتيمة ؟



( بعد سنين) ..
ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني !
ـ طيب شاعدني عشان ألاقي النضارة !
ـ آهي على الترابيزة قدامك !
ـ فين ؟!!
ـ لا دي نظارتي أنا !
ـ أيوة لقيتها ..
ـ البشيها بقة !
ـ ططييبب !
ـ عينيكي فوق شوية .. ده بقك ..
ـ طيب لبشهالي إنت !
ـ عقبال ما البشك الدبلة !
ـ ما تكشفنيش ! .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
ـ دي شتيمة ؟
ـ لاااااء .. بقولك تتجوشيني ؟!!
ـ آه !! .. أجوشك !
ـ بالضااااابط ! .. هاه ؟
ـ شيبني أفكر !
ـ أشيبك تفكري ؟! .. ده انت هتموتي خلاش !
ـ لا .. شيبني أفكر بش !
ـ ربنا يوفقك !
ـ إيه ؟
ـ ربنا ييوفقك !
ـ بتقول إيه ؟
ـ ربنا ياخدك !



(على فراش الموت) :
ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
ـ مش شامعة !
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
ـ أجوش مين ؟!!!
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
ـ إيه ؟ ..
ـ لا .. كوح .. أبدًا .. كوح .. كنت … كح كح .. بأكح !!
ـ كنت بتكح ؟!!!! .. شلامتك !! .. ما قلتليش ليه ؟!
ـ هو .. كوح .. إنتي .. لشة .. عارفـ .. ـة .. كوح كوح !
ـ بتقول إيه ؟!!
ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
ـ أجوشك ؟!! .. طب بش خد الدوا الأول !
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
ـ أيوة يا حاج .. موافقة !! .. موافقة إنك تتكوشني ..
ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع !
ـ يا حاج .. يا حاج .. لااااااااااااااااااااااااااااا

!!
ومات الشاب.....


من قراءاتى
__________________
إنا لله وإنا إليه راجعون
اللهم أجرنا في مُصيبتنا واخلف لنا خيراً منها
نيهال is offline   الرد مع إقتباس
قديم 18-04-2008, 02:05 PM   #2 (رابط ثابت)
banota magnona
 
الصورة الرمزية لـ وشوشنى
 
تاريخ التسجيّل: Apr 2008
الإقامة: فى قلب حبايبى
المشاركات: 608
وشوشنى is on a distinguished road
إرسال رسالة عبر MSN إلى وشوشنى
Wink رد

موضوع حلو اوى تسلمى...
__________________
وشوشنى is offline   الرد مع إقتباس
قديم 18-04-2008, 02:15 PM   #3 (رابط ثابت)
مثلى ألأعلى الحمار
 
الصورة الرمزية لـ True_Face
 
تاريخ التسجيّل: Mar 2008
الإقامة: أوروبا
المشاركات: 1,210
True_Face is on a distinguished road
على فكره مضحكه ومسليه ولكنها تحمل الكثير من المعنى بداخلها ولو تمهنا نجد فيها ايضا كثير من العبر لمن يعتبر
لا شك بداخلها نقد ساخر ايضا
اخيار رائع
__________________
-_____________________________________________-
ليس هناك من يستحق دموعى
لان من يستحقونها
لن يجعلوننى ابكى


-_____________________________________________-
True_Face is offline   الرد مع إقتباس
قديم 18-04-2008, 02:32 PM   #4 (رابط ثابت)
دندنة ملؤها حبى
 
الصورة الرمزية لـ نسيم الورد
 
تاريخ التسجيّل: Mar 2008
الإقامة: قلب الحبيب
المشاركات: 3,166
نسيم الورد is on a distinguished road
ههههههههههههههههههههههه

لية التفاخر دة يعنى

مكانت اتجوزتة من الاول وخلاص

مرسى
__________________
نسيم الورد is offline   الرد مع إقتباس
قديم 18-04-2008, 02:50 PM   #5 (رابط ثابت)
احتسبتك عند الله
 
الصورة الرمزية لـ الورد الجوري
 
تاريخ التسجيّل: Jun 2006
الإقامة: المنصورة
المشاركات: 10,936
الورد الجوري is on a distinguished road
اهلا نونه
ايه النور ده في القسم
لذيذه القصه دي
حلو قوي انه متفاني في حبه
تسلمي
__________________
يا موت قد مزقت صدري
وفجعتني فيمن أحب ، ومن إليه أبث سري
وأعده فجري الجميل إذا ادلهم علي دهري
ورزأتني في عمدتي ، ومشورتي في كل أمري
ففقدت روحاً طاهرا ً، شهماً ، يجيش بكل خير
وفقدت قلباً همه أن يستوي في الأفق بدري
وفقدت كفاً في الحيـاة يصد عني كل شـر
وفقدت وجهاً لا يعبسه سوى حزني وضري
وفقدت نفساً لاتني عن صون أفراحي وبشري
وفقدت ركني في الحياة ، ورايتي ، وعماد قصري


احتسبتك عند الله

لأننا نتقن الصمت حملونا وزر النوايا !!
الورد الجوري is offline   الرد مع إقتباس
قديم 18-04-2008, 04:20 PM   #6 (رابط ثابت)
الاميره الصغيره
 
الصورة الرمزية لـ نيهال
 
تاريخ التسجيّل: Nov 2005
الإقامة: أرضى وأرض جدودى
المشاركات: 10,871
نيهال is on a distinguished road
مرسيه لكم مرورك الطيب اصدقائى.......

الغرض من القصه مش الضحكه خالص
الغرض اننا نفكر قبل ما نختار ..
ومش مجرد تعنت والسلام

اتمنى انكم تكونوا استمتعتم بيها
__________________
إنا لله وإنا إليه راجعون
اللهم أجرنا في مُصيبتنا واخلف لنا خيراً منها
نيهال is offline   الرد مع إقتباس
قديم 19-04-2008, 09:37 AM   #7 (رابط ثابت)
احب حبيبي
 
الصورة الرمزية لـ just egyption
 
تاريخ التسجيّل: Apr 2008
الإقامة: ام الدنيا ....
المشاركات: 277
just egyption is on a distinguished road
Smile

هههههههههههههههههههه حرااااااااااام عليها خلاااااص انتهت حياتو ههههههه موضوع روووعة مرسي اوي ع مجهودك
__________________
كلموها عني من بعديد لبعيد .....
عرفوها اني لسه بحبها ......
وامانة حد يقولها .... بسأل عليها ازيها .. وعاملة ايه ...
حد يقولها .. دي ماليش حبايب بعدها ....
والي باقيلي بعدها ... عايش عليه ...
فاكر بيها ... ايام بتصور بيها ... وعشان عندي امل فيها ...
انساها ياقلبي انا ليه ...
فاكر بيها ... ايام بتصور بيها ... لو مااتكلمش عليها ...
في ايه هتكلم فيه ...
just egyption is offline   الرد مع إقتباس
قديم 19-04-2008, 02:47 PM   #8 (رابط ثابت)
ميما
 
الصورة الرمزية لـ ضحكة الدنيا
 
تاريخ التسجيّل: Apr 2008
الإقامة: مصر حبيبتي
المشاركات: 113
ضحكة الدنيا is on a distinguished road
ههههههه حلوة اوي
بس احلي حاجة انه فضل يحبها و مصمم انه يتجوزها لآخر يوم في عمره
__________________
ضحكة الدنيا is offline   الرد مع إقتباس
قديم 19-04-2008, 05:37 PM   #9 (رابط ثابت)
tifa
 
الصورة الرمزية لـ mostafa tifa
 
تاريخ التسجيّل: Mar 2008
الإقامة: egypt
المشاركات: 2,572
mostafa tifa is on a distinguished road
رد

بجد حراااام عليكم الشاب مات واكيد فيه كتير زيه ربنا يستر على باقى الشباب
__________________
[color="Gray"][color="Gray"][size="4"][font="Arial Black"][b][center][color="Gray"][center][center][b][font="Arial"][size="4"][color="Magenta"]



احب الحب واكره عذابه


mostafa tifa
mostafa tifa is offline   الرد مع إقتباس
 
   
المشاركة في الموضوع


خيارات الموضوع
طريقة العرض قيّم هذا الموضوع
قيّم هذا الموضوع:

قوانين المشاركة
لا يمكنك إضافة موضوع جديد
لا يمكنك إضافة مشاركات جديدة
لا يمكنك إضافة مرفقات
لا يمكنك تعديل مشاركاتك

كود [IMG] متاح
كود HTML غير متاح
Trackbacks are متاح
Pingbacks are متاح
Refbacks are متاح


جميع الأوقات بتوقيت مكة المكرمة. الساعة الآن » 10:36 AM.

ترجمة كلمات - دليل مواقع ابن مصر - مواقع صديقة - منتدى ابن مصر
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39

Powered by: vBulletin الاصدار 3.6.4
Copyright ©2000 - 2008, Jelsoft Enterprises Ltd.
SEO by vBSEO 3.2.0 RC4 ©2008, Crawlability, Inc.