رجاء أن يشارك الجميع : إذا كان معاك 65.000 تجيب أنهي عربية ؟؟!!..

[The Myth]

المشاركة الأصلية بواسطة ابن شحطوطة

لا .. لا .. لا ..
مين معاه فلوس يأكلها بنزين ؟؟!!..

و بعدين دي عربية حيزبون عمرها تلاتين سنة ؟؟!!..

أقدم حاجة تكون موديل 2006 !!..

مش بتاكل بنزين بالمنظر اللي انت متخيله ده
عموما في منها 2000 سي سي
يعني بنزين اقل
و علي فكرها رغم ان عمرها 30 سنة بس هي عربية قوية و بتتحمل اكتر من اي عربية جديدة

عموما لو عاوز حاجة موديل اعلي من 2005 ممكن تجيب اوبل كورسا

[mahmoud2]

بصراحه اجيب عربية اوبل استرا لانها سيارة فولاذية

[ابن شحطوطة]

المشاركة الأصلية بواسطة mahmoud2

بصراحه اجيب عربية اوبل استرا لانها سيارة فولاذية

أوبل استرا بـ 130000 جنيه مصري فقط لا غير !!..

[ابن شحطوطة]

المشاركة الأصلية بواسطة طاير في السماء

ملف مرفق 57619انا رائي هيونداي فيرنا
بحكم عملي فهي سياره عمليه وسلسة وقطع غيار متوفرة ورخيصه
فهي فيات العصر الحالي

الله ينور عليك دي لقيتها ( زيرو ) بـ 63000 و كمان في منها ( فيفا ) و هي أحسن لأنها تقفيل ( هندي ) !!..

تخيل ( الهندي ) أحسن من المصري و كمان موتور ( الفيفا ) 1500 يوفر بنزين أكتر ..

و الاتنين موديلات قديمة من الـ ( أكسنت ) بس اتقفلت في مصر باسم تاني عشان التسويق !!..

بينما فضلت ( الأكسنت ) موديل 1999 تنزل هي هي لحد سنتين فاتوا !!..

إقتراح مناسب بارك الله فيك .

[ابن شحطوطة]

المشاركة الأصلية بواسطة justme

هوندا سيفيك....بس انت بتقول اقل حاجة 2005...انا من رايي تجيب هوندا سيفيك 97 في حدود 60 الف وبالخمسة الباقيين تروقها كدا

لا لا لا عايزين حاجة جديدة تفرّح العيال !!..

انا نفسي والله اجيب واحده واعدلها بس العين بصيرة والايد قصيرة

ربنا يفتح عليك أبواب فضله و يوسع رزقك ..

[ بس انت شيل القرنين اللي في الصورة و كله هيبقى تمام .. تقبل مزاحي ]

[ابن شحطوطة]

[color="Blue"]

المشاركة الأصلية بواسطة The Myth

مش بتاكل بنزين بالمنظر اللي انت متخيله ده
عموما في منها 2000 سي سي
يعني بنزين اقل
و علي فكرها رغم ان عمرها 30 سنة بس هي عربية قوية و بتتحمل اكتر من اي عربية جديدة

أيوه هي جامدة جدًا ..

بس باحس و انا راكبها إني قاعد في ( خلاَّط ) ، و أنا مش عايز ( العيال ) يبقوا ( كابتشينو ) ..

و بعدين باحس إني أنا فُرجه ، عشان العربية ( مصيفة حبتين ) حتى بعد تركيب الغطاء الجلد !!..

عموما لو عاوز حاجة موديل اعلي من 2005 ممكن تجيب اوبل كورسا

فكرة ممتازة و لو ان توكيل ( منظور ) مُفتري في الصيانة ، و العربية فيها حجات تكنولوجيا ( غير الهيونداي خالص ) ..

بس يا ترى موديل 2005 منها يجي بـ 65000 ؟؟!!..

[ابن شحطوطة]

لنتحول لتفضيل السيارات بدلاً من الاقتراح ؟؟!!..

إيه رأيكم في العربيات ( الزيرو ) دي :

هيونداي ( A10 )

هيونداي ( viva )

فيات ( paleo )

فيات ( sienna )

و إيه رأيكم في دول ( مستعمل موديل حديث ) :

بروتون ( waja )

بروتون ( wira )

رينو ( clio )

شيفروليه ( aveo )

دايهاتسو ( sirion )


و من عنده موديل مشابه ليشارك به فليتفضل مشكورًا ..

جزاكم الله خيرًا أجمعين ..

[justme]

لنتحول لتفضيل السيارات بدلاً من الاقتراح ؟؟!!..

إيه رأيكم في العربيات ( الزيرو ) دي :

هيونداي ( A10 ) ماشي

هيونداي ( viva ) ماشي برضه

فيات ( paleo )لأ
مش ماشي
فيات ( sienna )وده برضه مش ماشي

و إيه رأيكم في دول ( مستعمل موديل حديث ) :

بروتون ( waja ) لأ من هنا لبكرة

بروتون ( wira )
نفس الشيء
رينو ( clio ) دي كويسة جدا

شيفروليه ( aveo )متهيألي دي احسن حاجة فيهم

دايهاتسو ( sirion )لأ دي عربية ورق بكل معنى الكلمة
ومش هشيل القرنين

[The Myth]

المشاركة الأصلية بواسطة ابن شحطوطة

أيوه هي جامدة جدًا ..

بس باحس و انا راكبها إني قاعد في ( خلاَّط ) ، و أنا مش عايز ( العيال ) يبقوا ( كابتشينو ) ..

و بعدين باحس إني أنا فُرجه ، عشان العربية ( مصيفة حبتين ) حتى بعد تركيب الغطاء الجلد !!..



فكرة ممتازة و لو ان توكيل ( منظور ) مُفتري في الصيانة ، و العربية فيها حجات تكنولوجيا ( غير الهيونداي خالص ) ..

بس يا ترى موديل 2005 منها يجي بـ 65000 ؟؟!!..

ايه ده ايه ده
انت شكلك يا ابن شحطوطة مش عارف العربية اللي انا قصدي عليها اصلا
العربية مش مصيفة و صوتها مش عامل زي الخلاط و عربية شكلها مش عار زي ما انت بتوصف

العربية دي لو اتنين باب و اتوماتيك و جنوط سبور و لونها ابيض بتكون حكاية

هي فالصورة لونها مش أبيض قوي يعني

علي فكرة الكورسا 2005 ب 60 الف بس مش 65 كمان
يعني هايتبقالك 5,000 جنية تشيلهم لوقت الصيانة فالعربية

[ابن شحطوطة]

المشاركة الأصلية بواسطة justme

ومش هشيل القرنين

اقتراحاتك التي ذكرتها طيبة و إن كنت أريد منك تفصيل أكثر مثلاً لماذا تعادي ( البروتون ) مع إن موتورها ( ميتسوبيشي ) ؟؟!!..

و بالنسبة للقرنين ، خد راحتك لا يوجد قانون يمنع القرون ..

أنا بس خايف تشُكّ حد بيهم ..

[ابن شحطوطة]

[color="Blue"]

المشاركة الأصلية بواسطة The Myth

ايه ده ايه ده
انت شكلك يا ابن شحطوطة مش عارف العربية اللي انا قصدي عليها اصلا
العربية مش مصيفة و صوتها مش عامل زي الخلاط و عربية شكلها مش عار زي ما انت بتوصف

أنا شديد الأسف ..

لأنني رددت عليك باعتبارك تتكلم عن ( الرانجلر ) ؛

فقد اختلطت في ذهني مشاركتك مع مشاركة ( مستر كاراتيه ) :

المشاركة الأصلية بواسطة مستر كاراتيه
انا حاسس انى وقعت فى أجنس عربيات
بص بقى يا سيدى انا نفسى بصراحه أشترى عربيه جيب رانجلر ... واطلع بيها سفارى

العربية دي لو اتنين باب و اتوماتيك و جنوط سبور و لونها ابيض بتكون حكاية

هي فالصورة لونها مش أبيض قوي يعني

العربية شكل و منظر زي الفل ( قيمة و سيما يعني ) ،

بس أنا عايز حاجة عملية و ما تصرفش كتير بنزين و لا صيانة ، و تكون جديدة أو كالجديدة عشان تفرح العيال ..

علي فكرة الكورسا 2005 ب 60 الف بس مش 65 كمان
يعني هايتبقالك 5,000 جنية تشيلهم لوقت الصيانة فالعربية

دي فكرة زي الفل ، و لو ان ( خد من التلّ يختلّ ) ..

دُمت بودّ