رجاء أن يشارك الجميع : إذا كان معاك 65.000 تجيب أنهي عربية ؟؟!!..

[ابن شحطوطة]

إذا كان معاك 65.000 جنيه في مصرنا المهروسة ..

و كنت عايز تجيب عربيَّة تشيل خمسة أفراد مستريحين ..

و يُفضل إنها تكون أقل من 1600cc !!..

هتجيب أنهي عربية ؟؟!!..

برجاء تدعيم الاقتراحات بصورة العربيَّة المُقترحة ..

و ربِّنا يخلِّي لنا أوتوبيس حداشر ..

[amr_miza1]

موضوع حلو ..

هو بصراحة بخصوص السوق المصرى بيفرض علينا انواع قليلة جدا لو تقيدنا بالمبلغ دا ..
يعنى فى الاغلب ( دايو / كيا / فيات )
هجيب دايو نوبيرا .. هى 1600 .. وبفضل تكون اوتوماتيك ..



وربنا يسهل بقى

[ابن شحطوطة]

عزيزي ( عمرو ) ..

( النوبيرا ) الأوتوماتيك توصل ( 90.000 ) ..

و ( الدايو ) الوحيدة اللي بـ ( حاجة و 60.000 ) هي ( لانوس ) ..

و ( الكيا ) الوحيدة اللي مناسبة للمبلغ ( بيكانتو ) بـ ( حاجة و 50.000 ) و ما تكفيش 5 أفراد ..

أما ( الفيات ) ففيها ( سيينا ) و ( باليو ) و ( أونو ) و دول مناسبين للسعر ..

جزاك الله خيرًا على التوجيه و النصيحة اللطيفة ..

بالمناسبة :

الموديل اللي في الصورة ( نوبيرا خليجي ) ما فيش منه فمصر ..

لأن ( أبو الفتوح ) بقاله كام سنة بينزل موديل قديم تقفيل محلِّي جديد ؛ على إنه موديل سنة البيع ..

و شاكر لك جدًا أنك دخلت و شرفتني بالتعليق و النصيحة ..

دُمت بودّ

[مستر كاراتيه]

انا حاسس انى وقعت فى أجنس عربيات

بص بقى يا سيدى انا نفسى بصراحه أشترى عربيه جيب رانجلر ... واطلع بيها سفارى

لكن لو معايا 65000 هاشترى لانسر وأقسط الباقى ..

[zm_18]

انا لو معايا 65000 مش هشترى عربيه ولا حاجه من دى خالص
انا هعجيب بيهم ساندوتشات ههههههههههههههههههههه

[محمد العجمى00]

اكيد هاجيب عربية على قد الفلوس

[The Myth]

ممكن اشتري مرسيدس 230 موديل ( من 77 لحد 82 )
2300 سي سي
مانيوال
سنتر و باور و فتحة سقف

و لما بيتصرف عيلها و تتظبط بتكون لذيذة جدا

[eshoo4ever]

خليك فى تيوتا كورلا موديل 2005 ااقل من 1600 سى سى هات 1300
2007مابعدها مافى منها 1600

وبجد رائعه

[ابن شحطوطة]

المشاركة الأصلية بواسطة مستر كاراتيه

انا حاسس انى وقعت فى أجنس عربيات

بص بقى يا سيدى انا نفسى بصراحه أشترى عربيه جيب رانجلر ... واطلع بيها سفارى

لكن لو معايا 65000 هاشترى لانسر وأقسط الباقى ..

( الرانجلر ) الأمريكي أو ( الويلز ) الانجليزي الاتنين شكل واحد ..

و مشاكلهم كتير ، نتيجة التعديلات الرهيبة التي تُجرى عليهما ( لأن السيارة تُبنى من جديد ) ..

و في بعض ناس بتركب لهم ( غاز ) عشان توفر الوقود لأنهم غالبًا بيكونوا 2000 سي سي - و دي مشكلة الساعة - ، بس الغاز بيحتاج عمرة موتور كل سنة أو سنتين كأقصى حدّ ..

و الموضوع ده لاختيار عربية ( كاااااااااااش ) ..

دُمت بودّ

[ابن شحطوطة]

المشاركة الأصلية بواسطة zm_18

انا لو معايا 65000 مش هشترى عربيه ولا حاجه من دى خالص
انا هعجيب بيهم ساندوتشات ههههههههههههههههههههه

دي تكفِّي حي بحاله :

سندوتشات فول ( شَبَع ديناميكي ملو بطن فقط ) = ( 65000 \ 0.5 ) = 130000سندوتش

سندوتشات فراخ و خلافه ( شَبَع فسيولوجي حقيقي ) = ( 65000 \ 10 ) = 6500 سندوتش

بالهناء و الشفاء

أو تبيعهم بهامش ربح بسيط هتجيب بعد كده BMW

[ابن شحطوطة]

المشاركة الأصلية بواسطة محمد العجمى00

اكيد هاجيب عربية على قد الفلوس

زي إيه .. هوَّ ده اللي بسأل عليه ؟؟!!..

[ابن شحطوطة]

المشاركة الأصلية بواسطة The Myth

ممكن اشتري مرسيدس 230 موديل ( من 77 لحد 82 )
2300 سي سي

لا .. لا .. لا ..
مين معاه فلوس يأكلها بنزين ؟؟!!..

و بعدين دي عربية حيزبون عمرها تلاتين سنة ؟؟!!..

أقدم حاجة تكون موديل 2006 !!..

[ابن شحطوطة]

المشاركة الأصلية بواسطة eshoo4ever

خليك فى تيوتا كورلا موديل 2005 ااقل من 1600 سى سى هات 1300
2007مابعدها مافى منها 1600

أقل حاجة في الكرولا 85000 ..

و دي طلعت أوف سايد ..

لازم ما تزيدش العربية عن 65000 ..

[طاير في السماء]

eaf_v-vs_tu-16rr_over_uss_roosevelt_cv-42%5B1%5D[1].jpgانا رائي هيونداي فيرنا
بحكم عملي فهي سياره عمليه وسلسة وقطع غيار متوفرة ورخيصه
فهي فيات العصر الحالي

[justme]

انا مع اللي بيقول فيرنا
بس انا عايز اقولك على حاجة كويسة محدش قالها
هوندا سيفيك....بس انت بتقول اقل حاجة 2005...انا من رايي تجيب هوندا سيفيك 97 في حدود 60 الف وبالخمسة الباقيين تروقها كدا
او تجيب 99 ب 65 الف ومتعملش فيها حاجة
بس هي الصراحة عربية ناشفة جدا وبتستحمل ومبتعطلش....وقطع غيارها موجودة عشان عليها اقبال...انا نفسي والله اجيب واحده واعدلها بس العين بصيرة والايد قصيرة