تنبيـــــه .. القاعة العامة مش بتاعة كله!!

[عتاب]

ياجماعة عايزين ناخد بالنا شوية واحنا بننزل المواضيع

يعني ماينفعش الاقي موضوع سياسي في القاعة العامة رغم ان فيه قسم سياسي

والا موضوع عن الكمبيوتر فيها وبرده فيه قسم مخصوص للكمبيوتر

والا اعياد الميلاد والترحيب والمناسبات برده ليها قسم البيت بيتك

والازياء والموضة والاكلات واي شيء يخص المرأة له قسم النص الحلو

وطبعا المواضيع الدينية ليها حوار اسلامي

وقضايا المجتمع في دهاليز المجتمع

والمواضيع الخاصة بالنكت والهزار والالعاب ليها قسم ضحك ولعب

ومواضيع الكمبيوتر ليها قسم الكمبيوتر والانترنت

والاشعار لها قسم حبر وورقة

والقصص لها قسم قصة وعبرة

ومواضيع الفضفضة لها قسم فضفضة

لكن انا شايفة الناس بتستسهل وتحط اي موضوع في اي مكان

انا بقعد ساعات معملش حاجة غير اني انقل المواضيع لمكانها الصحيح

مع ان بكل بساطة ممكن العضو يفكر موضوعه يصلح لأي قسم ويحطه فيه

واذا مالقاش قسم مناسب وقتها بس يحطه في القاعة العامة

ياريت ناخد بالنا شوية من النقطة دي وخصوصا الاعضاء الجدد

انا عايزة الاقي وقت اتابع المواضيع اللي في القسم مش بس اقعد انقل وخلاص

يارب مكونش ضايقت حد بكلامي

بس كله لمصلحة المنتدى

[hend]

معلشى ياجميل
الله يكون فى العون
انا عارفه ان الحمل عليكى تقيل قوى
بصراحه اصله اكتر قسم عليه اقبال
وان شاء الله هناخد بالنا بعد كده

[love_baby]

معلش يا عتاب
ان شاء الله بعد الكل هياخد باله وهوه بيحط اى حاجه
تحياااااااااتى
Khadiga...

[ابتسامة الحياة]

اهلا يا عتاب
ايوه كده تمام
انتى عارفة طبعا
وفعلا القسم هنا ربنا يكون فى عونك لأنه عليه اقبال جامد

[عتاب]

المشاركة الأصلية بواسطة hend

معلشى ياجميل
الله يكون فى العون
انا عارفه ان الحمل عليكى تقيل قوى
بصراحه اصله اكتر قسم عليه اقبال
وان شاء الله هناخد بالنا بعد كده

اهلا نودة
والله انا بابقى سعيدة لما الاقي القسم عليه اقبال
بس اتمنى يكون الاقبال في محله
يعني تكون المواضيع في مكانها الصحيح حتى عشان الناس تشارك فيها تبعا لاهتماماتهم
واسفه اذا كان كلامي ضايق حد
بس كله عشان المنتدى يكون في احسن صورة

[عتاب]

المشاركة الأصلية بواسطة love_baby

معلش يا عتاب
ان شاء الله بعد الكل هياخد باله وهوه بيحط اى حاجه
تحياااااااااتى
Khadiga...

اهلا دودي
اتمنى ان كلامي ميكونش ضايقكم
وشكرا لمشاركتك الجميلة

[عتاب]

المشاركة الأصلية بواسطة ابتسامة الحياة

اهلا يا عتاب
ايوه كده تمام
انتى عارفة طبعا
وفعلا القسم هنا ربنا يكون فى عونك لأنه عليه اقبال جامد

اهلا سمسمة
القسم فعلا عليه اقبال كبير
وعشان كده بازعل اوي لما الاقيه متلخبط
لانه واجهة للمنتدى
انا مش عايزة حد يزعل من كلامي
بس الاعضاء الجدد ياخدوا بالهم من تقسيم الاقسام وتخصصاتها

[Ebn elbalad]

خير إن شاء الله يا عتاب

ربنا يكرمك وفعلا الموضوع ده صعب جدا وأنا مجربه شخصيا

كان الله فى العون .. وياريت الأعضاء وخصوصا الجدد يخلوا بالهم من الموضوع ده

[فراق84]

يعطيكي الف عافية اختي عتاب
اكيد لازم كلامك يمشي
لانو من مصلحة المنتدى
اختك فراق

[amr_miza1]

كلامك تماااام جدا ..
ودا كمان هيساعد الاقسام الاخرى فى انها تلاقى اقبال اكتر ..
هو ساعات مثلا يبقى فيه موضوع سياسى ولكن له رائحة الحوار العام .. او العكس مثلا فممكن هنا تحصل اللغبطة لكن بالنهاية كله فعلا لصالح المنتدى .. النظام أهم طبعا

شكرا عتاب

[Dr.Hammood]

اؤيدك بشده

فعلا الموضوع ده زاد اوي في الفتره الاخيره

ربنا معاكي يا ليدي

[عتاب]

اهلا ابن البلد
اكيد مادمت جربت الموضوع ده يبقى قدرت الموقف
اتمنى الباقيين كمان يقدروه

[عتاب]

اهلا فراق
ياريت بجد كلنا ناخد بالنا
القسم شكله بيبقى وحش اوي بسبب نقل المواضيع كل شوية

[عتاب]

المشاركة الأصلية بواسطة amr_miza1

كلامك تماااام جدا ..

ودا كمان هيساعد الاقسام الاخرى فى انها تلاقى اقبال اكتر ..
هو ساعات مثلا يبقى فيه موضوع سياسى ولكن له رائحة الحوار العام .. او العكس مثلا فممكن هنا تحصل اللغبطة لكن بالنهاية كله فعلا لصالح المنتدى .. النظام أهم طبعا

شكرا عتاب

اهلا عمرو
فيه فعلا مواضيع تنفع تتحط في قسمين
بس فيه مواضيع لا تقبل القسمة على اتنين
انا بتكلم عن الشيء الواضح للجميع
ومع ذلك بنستسهل ونحط في اللي يقلبلنا وخلاص
انما طبعا اللخبطة واردة لينا كلنا

[عتاب]

المشاركة الأصلية بواسطة Dr.Hammood

اؤيدك بشده

فعلا الموضوع ده زاد اوي في الفتره الاخيره

ربنا معاكي يا ليدي

اهلا دكتور حمود
ربنا يسهل والاعضاء الجدد ياخدوا بالهم من اقسام المنتدى كلها