بالله عليكم ...ماذا يسمي هذا التصرف ؟

[Menino]

أدخل في الموضوع علطول بدون مقدمات

اليوم كنت بسيارتي في أحد اهم شوارع مدينه جده وأزحمها وبعدين كانت امامي سياره من التي يقال عليها فارهه ..لفت نظري ان الشباك الخلفي مفتوح وتخرج منه يد تمسك بورقه صغيره ...قلت يمكن ورقه مبلوله وبينشفها ..عادي يعني
شويه وهو لسه امامي الورقه كبرت واصبح يمسكها باليدين ويخرجها خارج السياره .. ...برضه عادي قلت يمكن الراجل كله مبلول وبينشف اوراقه ورقه ورقه
وبعدين وقفت الإشاره وكان لسه امامي لكن الأن أقرب ...وجدته هذه المره يمسك بقطعه من البلاستيك مكتوب عليها مغلق للصلاه من التي تستخدم علي ابواب المحلات ...هنا الفار ابتدي يلعب في عبي وقلت يمكن الواد مجنون .. ...لكن بسرعه لقيته قلب اليافطه اللي معاه ولقيت مكتوب عليها رقم تليفون ...هنا إكتشفت إن انا اللي مجنون او علي الأقل عبيط ولاحظت لأول مره بعد كل الوقت ده ان السياره التي تسير امامي مباشره سياره تاكسي وفيها بنت او سيده لا أعلم بالضبط تجلس في المقعد الخلفي وأن الشاب المحترم يريد ان يعطيها رقم تليفونه ..انا قلت طيب هي لو البنت محترمه خلاص مش حتسأل فيه ....فجأه لقيت الباب الأمامي لسياره الشاب يفتح ونزل منه شاب طول بعرض بنضاره شمس ماركه وكاشخ الثوب السعودي الكامل نزل من السياره في كل عظمه وإبتسامه واسعه ترتسم علي وجهه وبكل شجاعه وإقدام وبساله الحقيقه حسدته عليهم خصوصا وإحنا ما زلنا في الإشاره والناس كتير والكل يتابع ...نزل الشجيع وفتح باب سائق سياره التاكسي وأعطي السائق ورقه مطويه واشار له بإيماءه فيما معناه باصيها للي وراك يا اسطي ..... وبكل عظمه رجع لسيارته ثانيه وكأن شيئاً لم يحدث ...كل ذلك وصاحبنا الأولاني ما زال يشير باليافطه التي يحملها وكأنه بيشجع المنتخب او بيقول كفايه ...هل هي منافسه بينهما رغم انهم في سياره واحده يعني اصحاب ...انا الحقيقه ما سألتش
نفسي حد يقولي اللي حصل ده ممكن نسميه ايه ؟؟ انا في حياتي لم أري مثل هذا التصرف الغريب ...ممكن حد يسميهولي

[فراق84]

معلش الناس بقت دي اكبر همومها
معلش ..
انتظر ردود الاعضاء الباقين
لانو الموضوع ...نرفزني ...ولا يحتاج تسمية ...
شكرا لك
اختك فراق

[جناب العمدة]

مساء الفل يا احمد ..
أنا شفت أسوء .. شباب غلس بيغلس على تاكسى فيه بنات
وعلشان ممعهومش حد أتجرأوا بالشكل ده وطبعا السواق هندى
مش هيعمل حاجة .. الولاد فى الاشارة كانوا عايزين يفتحو الباب بالعافية
علشان يرمو ورقة فيها رقم التليفون .
وحاجات زى كده كتير . شباب فارغ .

[Ebn elbalad]

جــــدة ؟؟

حاجة تنرفز بجد ..!! .. لا حول ولا قوة إلا بالله

[أدهم]

الشارع الكثير الإزدحام ممكن يكون الملك عبد العزيز .. يعنى قلب السوق .. وما أدراك ما السوق .. وفى كل البلاد منطقة الأسواق المركزية يتبارى الشباب فى الوصول إلى فتيات معينة قطعا فتصدر منهم تصرفات لها العجب .. فى الشارقة وقفت سيارة أمام سيارة تاكسى فجأة ونزل منها شاب وفتح باب التاكسى الخلفى وجلس لجوار فتاة وتبادلا حوار خاطف وركب سيارته وإنتهى المشهد وكان فاضل يصفق المشاهدين على الرصيف .. ياسيدى الأمر تطور من زمان وأصبحت الحكمة هى التحلى بالصمت . ولا عزاء للرجال .

[Dr.Hammood]

دا با اختصار شديد

اسمه

ترقييييييييييييييييييييييييييييم

[Menino]

المشاركة الأصلية بواسطة فراق84

معلش الناس بقت دي اكبر همومها
معلش ..
انتظر ردود الاعضاء الباقين
لانو الموضوع ...نرفزني ...ولا يحتاج تسمية ...
شكرا لك
اختك فراق

بعد الشر عليكي من النرفزه يا فراق

الموضوع هنا في السعوديه للأسف اصبح مألوف جدا زي ما انتي شايفه من ردود أحبابنا اللي موجودين هنا في المملكه
لكن برضه مش عارف ممكن نسميه ايه؟

[Menino]

المشاركة الأصلية بواسطة جناب العمدة

مساء الفل يا احمد ..
أنا شفت أسوء .. شباب غلس بيغلس على تاكسى فيه بنات
وعلشان ممعهومش حد أتجرأوا بالشكل ده وطبعا السواق هندى
مش هيعمل حاجة .. الولاد فى الاشارة كانوا عايزين يفتحو الباب بالعافية
علشان يرمو ورقة فيها رقم التليفون .
وحاجات زى كده كتير . شباب فارغ .

مساء الهنا والسعاده يا جناب العمده المحترم

طيب انا معاك السواق هندي مش حيعمل حاجه لكن الناس اللي مش هنود بيعملوا ايه ؟؟؟

الواد عمل كده بكل تلقائيه وكأن الموضوع طبيعي او علي رأي الست نجاه وكأن شيئاً لم يكن وبراءه الأطفال في عينيه ...لو كانت شافته الست نجاه او عمنا كامل الشناوي كان قال ووقاحه الأندال في تصرفه

[Menino]

المشاركة الأصلية بواسطة Ebn elbalad

جــــدة ؟؟

حاجة تنرفز بجد ..!! .. لا حول ولا قوة إلا بالله

اه والله جده وربنا ...تخيل يا ابن البلد لو الموقف ده حصل عندنا في مصر كان حيبقي مصير الكابتن ده ايه ؟؟؟ أظن عنبر الكسور في القصر العيني هو المكان المناسب علي احسن تقدير

[Menino]

المشاركة الأصلية بواسطة أدهم

الشارع الكثير الإزدحام ممكن يكون الملك عبد العزيز .. يعنى قلب السوق .. وما أدراك ما السوق .. وفى كل البلاد منطقة الأسواق المركزية يتبارى الشباب فى الوصول إلى فتيات معينة قطعا فتصدر منهم تصرفات لها العجب .. فى الشارقة وقفت سيارة أمام سيارة تاكسى فجأة ونزل منها شاب وفتح باب التاكسى الخلفى وجلس لجوار فتاة وتبادلا حوار خاطف وركب سيارته وإنتهى المشهد وكان فاضل يصفق المشاهدين على الرصيف .. ياسيدى الأمر تطور من زمان وأصبحت الحكمة هى التحلى بالصمت . ولا عزاء للرجال .

لا والله يا ادهم هو شارع الأمير سلطان ومفيش سوق ولا حاجه ...هي بنت او سيده في تاكسي ..شيء عادي جدا يعني لكن من الواضح ان بعض الشباب بيستغل وجود اي انثي بمفردها ويقوم بمثل هذه التصرفات لعل وعسي ... لا زلت مش عارف اسميه ايه والله

[Menino]

المشاركة الأصلية بواسطة Dr.Hammood

دا با اختصار شديد

اسمه

ترقييييييييييييييييييييييييييييم

اوكي يا دكتور ...ده اسم جديد ..لكن انا عايز اسم يعبر عن الحاله اللي كان فيها الشاب وهو بيعمل كده مش الحاله مجرده ....عايزين تشخيصك يا دكتور نفسيا او أخلاقيا

[nonety]

لا حول ولا قوة الا باللة
انا فعلا" مش مصدقة ان الكلام دة بيحصل في السعودية واللهي احنا في اخر الزمان ربنا يلطف بينا وبأولادنا

[Menino]

المشاركة الأصلية بواسطة nonety

لا حول ولا قوة الا باللة
انا فعلا" مش مصدقة ان الكلام دة بيحصل في السعودية واللهي احنا في اخر الزمان ربنا يلطف بينا وبأولادنا

ايه ده انتي مش مصدقاني ولا ايه ...
يالا يا ستي حنعمل ايه بس شباب فاشل وفاضي وربنا فعلا يستر علي اولادنا ويبارك فيهم ويجعلهم من المؤمنين الصالحين المحترمين يا رب

[عتاب]

لا حول ولا قوة الا بالله
هي مش الستات هناك بيبقوا لابسين نقاب ؟؟
والا الشباب مش بيسيبوا واحدة حتى لو منتقبة
وبعدين ايه رد فعل البنات اللي بيحصل معاهم كده
ازاي يسكتوا والموضوع يعدي ببساطة !!

[لما]

لا حول ولا قوة الا بالله

كل القصة ان الدين بعيد عنا ونحن غرباء عن القرآن وعن الله

فلقد اصبحت حياة الاسلام تهجرنا

هدانا الله جميعا واياكم

تحيتي لك