السلام عليكم ورحمة الله وبركات
وحشتونى جدا بجد افتقدكم كتير اليوم اللى انا ما دخلتش فية المنتدى وانا متاكد انكم انتو كمان افتقدتونى انا شايف مشاء الله عددكم بيزيد يوم بعد يوم بعد كدة هكتب باليورو و بالدولار انا بقولكم اهو منا لازم ابقى استغلالى اه انا عايز اتجوز وبصراحة دة الموضوع اللى انا قررت اتكلم فية معاكم النهاردة ونبدء من الاول بقى من ايام الجامعة السعيدة كنت مرتبط ببنت زميلتى حاجة كدة عقبال عندكم تشرح القلب الحزين وقررت ان انا اخطبها وطبعا روحت فاتحت والدى فى الموضوع دخلت علية الاوضة واخترت وقت الصلاة علشان يبقى الجو كلة روحنيات وملائكة احسن انا شياطين ابويا لو حضرو يبقى مافيش جواز ولا بعد 60 سنة بعد ما خلصنا صلاة قولتلة انا كنت عايزك فى موضوع يا حاج قالى اتفضل يا حبيبى (بداية موفقة) قولتلة انا بصراحة كدة عايز اقرا فاتحة قالى ومالة اقرا الفاتحة وشد حيلك واختم القرأن كمان قولتلة لا مش قصدى انا قصدى نروح نقرا فاتحة قالى والله فيك الخير يا واد انا بردة كنت لسة هقولك نروح نقرا الفاتحة لجدك ولستك الله يرحمهم بسطلة وانا خلاص هيغمى علية بس ماسك نفسى بالعافية قولتلة ياباب طرب اية وجدى مين انا عايز اتجوز وهنا بس حضرت الشياطين وقام هبدنى الم وقالى تتجوز اية يا مفعوص هو انت لاقى تاكل ده انت بتاخد المصروف منى لحد دلوقتى انا خرجت اجرى من قدامه وقفلت الباب وراية والحمد لله انى قفلتة لانة رزعنى بلامؤخذة الشبشب وانا بجرى بس لحمد الله وسترة الشبشب جه فى الباب طبعا شلت الموضوع من دماغى خالص وقررت انى مفتحوش تانى غير بعد ما اشتغل واكون قادر على فتح بيت وادينى اهو بشتغل وقادر على فتح بيت وروحت لبابا واخترت نفس الظروف سابقة الذكر بس المرة دى كان موقفى قوى بابا بصلى كدة وقالى انا عارف انك لازم تتجوز بس انا يا حبيبى دلوقتى كبرت وانت اللى فاتح البيت يعنى يرضيك انا افضل اعلف فيك 23 سنة وانت اول ما رجليك تشيلك تروح رايح صارف فلوسك على وحدة تانية وتسيب ابوك وامك اللى ربوك وتعبو فى تربيتك بصراحة انا قلبى اتقطع والدموع فرت من عينى وقومت حضنةوقولتلة لا يابابا انا عمرى ما اخون بلدى ابدا قصدى عمرى ما هسيبك ابدا انت وماما نسيت اقولكم ان ماما دخلت علينا فى نص الكلام وطبعا عرفت احنا بنتكلم فى اية فا انا لفيت لماما وقولتلها ولا انتى رايك اية يا حجة (على امل انها تقولى لا يا ابنى انت لازم تتجوز وتشوف نفسك بس دة عشم ابليس فى الجنة ) لقيتها بتقولى راى انك تسيبك من الكلام الفارغ دة وبعدين انت ما بتخدش عبرة من اللى بتشوفة مش شايف انا وابوك عملين ازاى ولا انتو ما بتبصوش غير تحت رجليكم قولتلها لا صحيح فى دى انتى عندك حق طيب عيزين منى حاجة يقوم الاتنين فى صوت واحد عايزين فلوس النور والمية و
اشوفكم المضوع اللى جاى ان شاء الله سلالالالالالالالالالالالالالام
مواضيع مشابهة
انا عايز اتجوز
[center]
النمط الخطي
