كرسى الاعتراااااف

[m00000n]

اوك وانا مستنية الأسئلة

[mostafa tifa]

ماهو هدفك في هذي الحياة ؟
2_صفه فيك تحبها؟-صفه فيك تكرهها ؟
3_اكثر شئ يعصبك؟
4_اكثر شئ يخوفك؟
5_من مثلك الأعلى؟
6_أعظم شيء فقدته ؟
7_وأعظم جرح دفنته ؟
8_اسوأ خبر سمعته ؟
9_دعوه صادقه من اعماق قلبك لمن تهديها ؟
10_اوصف نفسك كما تراها ؟
11_و اخيراً صف نفسك بكلمات بسيطة كما يراك الناس

[m00000n]

ماهو هدفك في هذي الحياة ؟
هدف حاليا اني اخلص دراستي واتوفق
2_صفه فيك تحبها؟-صفه فيك تكرهها ؟
صفة بحبها جايز اني محبوبة بلاقي نفسي مع صحابي
وصفة بكرها مفيش بس ممكن صفة بتدايقني من اني لما بزعل بزعل جامد
3_اكثر شئ يعصبك؟
لما حد يعمل حاجة ويكون عارف ومتأكد اني بتدايق منها
4_اكثر شئ يخوفك؟
مكنتش بخاف من حاجة بس بقيت بخاف من المستقل
5_من مثلك الأعلى؟
بابا وماما
6_أعظم شيء فقدته ؟
حبي الأول وأعز صديقة ليه
7_وأعظم جرح دفنته ؟
فراق الحبيب بس معتقدش حيندفن في يوم من الايام
8_اسوأ خبر سمعته ؟
موت عمتي الله يرحمها
9_دعوه صادقه من اعماق قلبك لمن تهديها ؟
لكل واحد قريب مني وهيا يارب ميجبش زعل بينا
10_اوصف نفسك كما تراها ؟
هادية وفي نفس الوقت بحب الضحك واللعب مش بستسلم لحاجة بسرعة
بفكر كتير في بكرة صريحة.. بحترم اللي يحترمني .. وبعز اللي يعزني ومش بعرف اكره
أهم حاجة عندي دراستي .. ممكن اصبر كتيير على اي حاجة .. بحب اتعلم من غلطاتي
مش بزعل من حد عايز مصلحتي وبحب البحر اوى وبحب الحب ومش بحب حد يزعل مني وبس
11_و اخيراً صف نفسك بكلمات بسيطة كما يراك الناس
امممم بيقولو : حبوبة طيوبة لما بتحب بتحب بجد و زعلها وحش ههههه خلي بالكوا بقى
تسلم مصطفى اسئلة حلوة بجد

[وشوشنى]

اوكى منمونة اتا هسال..

السؤال الاول: ياورد مين علمك تجرح ,,, لمن توجه هذه العباره ؟؟
السؤال الثاني : اعتذار الرجل للمراه ذل ام احترام للذات ؟؟
السؤال الثالث : هل بحياتك قصه حب الان؟
السؤال الرابع : هل تري ان الحب الاول ناجح ام فاشل؟
السؤال الخامس : رتب هذه الكلمات حسب اهميتها عندك :
المال - الحب - الصديق - المستقبل المهني - العائلة
السؤال السادس: اغمضي عينكي دقيقه وتخيلي انكي صاحبه الموقع ما هوه اول قرار تتاخذيه ؟
السؤال السابع :ما رايك في الغيره؟
السؤال الثامن : كم وزنك ؟
السؤال التاسع : كمن طولك ؟
السؤال العاشر :ماذا تقولين لمن ظلمك ؟
السؤال الحادي عشر : سر لاول مره تقوليه لنا ؟
السؤال الثاني عشر : وجه نقد لكاتب الموضوع ؟
السؤال الثالث عشر :كتاب حياتك بما تصفيه في كلامات معدوده ؟
السؤال الرابع عشر : شخص تفتقديه من هوه ؟
السؤال الخامس عشر :قرار اتخذته وتسرعت به ومن ثم ندمت عليه ؟
السؤال السادس عشر : لا اسمع لا راي متي تطبقين هذه المقوله في حياتك ؟
السؤال السابع عشر :قم بتوجيه نصائح لخمس اعضاء قم باختيارهم انت ؟
السؤال الثامن عشر : ما هو اكثر شي يحرجك ؟
السؤال التاسع عشر :
لو الزمان عاد يوما ما الشي الذي ستفعله مره اخرى وما الشيء الذي لن تفعله مره اخرى؟؟
السؤال العشرين: كلمه تتمني سماعها كل يوم ؟
السؤال واحد وعشرين : ما هي اسؤء صفات شخصيتك ؟

تحياااااااااااااتى

[m00000n]

يعطيكي العافية وشوشني ايه ده كله حبدأ واقول باسم الله
السؤال الاول: ياورد مين علمك تجرح ,,, لمن توجه هذه العباره ؟؟
مفيش حد
السؤال الثاني : اعتذار الرجل للمراه ذل ام احترام للذات ؟؟
طبعا مش ذل مش عيب الواحد لما يغلط يعتذر سواء رجل او مراة
وبالعكس كده بيزيد الاحترام اكييد
السؤال الثالث : هل بحياتك قصه حب الان؟
لاء
السؤال الرابع : هل تري ان الحب الاول ناجح ام فاشل؟
هوا ميتقلش عليه ناجح او فاشل
هوا مستمرش لاسباب ومفشلش لانو الاسباب مش مننا احنا
السؤال الخامس : رتب هذه الكلمات حسب اهميتها عندك :
المال - الحب - الصديق - المستقبل المهني - العائلة
العائلة .. الحب .. الصديق .. المستقبل المهني .. المال
السؤال السادس: اغمضي عينكي دقيقه وتخيلي انكي صاحبه الموقع ما هوه اول قرار تتاخذيه
امممم اول قرار ممكن اقلل الفروع بتاعته شوية علشان مش بعرف اقرا كله ههههه
السؤال السابع :ما رايك في الغيره؟
الغيرة الصح احبها لأن بتحسسك ان فعلا الشخص بيحبك انما الغيرة
انو زعيق وتحكم والكلام ده لا اعترف بيها اساسا .. ومفيش حد
مش بيغير على حد بيحبه لأنو بيكون بيحبه بجد بس المهم متسببش مشاكل تبقى بعقل
السؤال الثامن : كم وزنك ؟
ليه كده بس ههههه انا رفيعة ووزني في الاربعينات بس مش فاكرة بالظبط
لسؤال التاسع : كمن طولك ؟
طولي 162
السؤال العاشر :ماذا تقولين لمن ظلمك ؟
ربنا يسامحك
السؤال الحادي عشر : سر لاول مره تقوليه لنا ؟
مفيش
السؤال الثاني عشر : وجه نقد لكاتب الموضوع ؟
هوا مش نقد راي مش أكتر ان تقلل مدة الاسئلة متبقاش أسبوع كامل بس
السؤال الثالث عشر :كتاب حياتك بما تصفيه في كلامات معدوده ؟
حياتي فيها تفاؤل رغم انو حزين مفرحش قد ما حزن ولسه معرفش مستخبيله ايه تاني
السؤال الرابع عشر : شخص تفتقديه من هوه ؟
شخص كان في يوم من الايام اقرب واحد ليه
السؤال الخامس عشر :قرار اتخذته وتسرعت به ومن ثم ندمت عليه ؟
مفيش
السؤال السادس عشر : لا اسمع لا راي متي تطبقين هذه المقوله في حياتك ؟
لو حد قالي اقول حاجة على صحبتي يضرها حقول كده
لان مستحيل اقول سر من اسرارها هيا مئتمناني عليه
السؤال السابع عشر :قم بتوجيه نصائح لخمس اعضاء قم باختيارهم انت ؟
مصطفى : خلي بالك على دراستك وانسى اللي ينساك
تيتو : متزعلش على حاجة راحت لانك تستاهل كل خير
عتاب : اقولها النوم مفيد وانصحك بالتنازل عن منصب الامبراطور ههههه
...
....
السؤال الثامن عشر : ما هو اكثر شي يحرجك ؟
بعد الناس القريبة من قلبي
السؤال التاسع عشر :لو الزمان عاد يوما ما الشي الذي ستفعله مره اخرى وما الشيء الذي لن تفعله مره اخرى؟؟
الشي اللي حعمله مرة تانية إن أفضل مع شخص غالي اوى
الحاجة اللي مش حعملها تاني إني ااجل دروس ليوم الامتحان ومعرفش ازاكر يومها ههههه
السؤال العشرين: كلمه تتمني سماعها كل يوم ؟
هيا دعوة يارب يحميكي ويهنيكي
السؤال واحد وعشرين : ما هي اسؤء صفات شخصيتك ؟
معرفش بالظبط بس اكيد اللي المفروض يجاوب الناس اللي تعرفني
بس ممكن اني زعلي وحش و بتعصب بسرعة لما اشوف حاجة متعجبنيش
اسئلة جميلة زي اللي كتبتها تسلمي يا هبة

[teto_g14]

سؤال يومك ازى

[m00000n]

المشاركة الأصلية بواسطة teto_g14

سؤال يومك ازى

امممم يومي ياسيدي بصحى بدري بجهز علشان المدرسة طبعا
وبفتح الكمبيوتر وبفتح المنتدى زي مانت عارف شوية وبقوم انزل
برجع الظهر بتغدى وابص بصة على الكمبيوتر نص ساعة كده
بقوم ازاكر لحااد الساعة 6 او 7 بالكتير يا اما بقعد اسمع اغاني بعد كده او
اكملها كمبيوتر برده وتلفززيون لو كان يوم اجازة مبيبقاش في مزاكرة بخرج
ساعتين كده ولا حاجة وبرجع بالكتير 10 وبسهر مع صحابي على الميل
هوا ده يومي هنا
انما لو في مصر بتلاقي الواحد صحي الظهر نزل العصر البحر يرجع المغرب
يروح سينما ولا حاجة ويقضيها بعد كده نادي او كورنيش مع القرايب او الصحاب برده
وهكذا .... بس
سؤالك عجبني سبيشال

[قلب ورح]

هااااااااااااااااااااااااى انا احمد ممكن اشترك معاكم فى العبه دى ممكن

[m00000n]

أكيد يا احمد ولو حابب تسالني اي سؤال انا موجودة وحجاوبك ان شاء الله

[mostafa tifa]

ايه هى احلى حاجه بتحبيها وايه اكتر حاجه بتكرهيها

[m00000n]

المشاركة الأصلية بواسطة mostafa tifa

ايه هى احلى حاجه بتحبيها وايه اكتر حاجه بتكرهيها

هوا سؤالك مفتوح فانا حخصصه في الصفات
بحب الحب والصداقة اللي بجد والصراحة
واللي بكرهه الكدب والزعيق وان حد يحرجني

[mostafa tifa]

اوك كفايه كده على منى اساله ممكن تختارى حد تانى لو عايزة

[sandrella2008]

يلا يامنى

إنتي لسة ماختارتيش

[قلب ورح]

ياترا يا هل ترى حتخطارى مين منى
ياله بقى

[وشوشنى]

منموووووووووووووووووووووووووونة نحن هنا