اللى بينكسر ما بيتصلح؟؟

[نيهال]

دائماً نسمع عبارات ونرددها بلا شعور أو إحساس حتى تصبح جزءاً من حياتنا...
كلمه او جمله....لو فكرنا فيها شويه ممكن نلاقى انها صح ونبدا نرتب حياتنا عليها

ذكريات بتتحطم
وكبرياء مجروح

بنلاقى اول المجروحين هوه قلبى وقلبك
ومع ذلك ........
بردوا بنكابر

جمله ممكن اللى قالها يكون قالها فى لحظه غضب وندم عليها
ممكن يكون قالها ومات من شده حزنه

ممكن وممكن حاجات كتير واحتمالات اكبر لخروجها
اللى انكسر ما بيتصلح.........

يااااااااه
جمله بتهدم اجمل العلاقات

جملة فرقت ناس
وعذبت ناس
وسهرت ناس
وأبكت عيون ناس

تقوله اللي ينكسر مايتصلح وتكون نهاية زواجهم طلاق..
تقولها اللي ينكسر مايتصلح وتكون نهاية صداقتهم فراق..
تقولها اللي ينكسر مايتصلح ويكون نهاية حبهم عذاب..

احساس بالصدمه لما بفكر في اجمل علاقه ربطتنى باى انسان واشبهها بزجاج هش ممكن اقل خدش يجرحه

أتعجب لحالنا عندما نقارن أنفسنا كبشر ومشاعرنا المتدفقة وذكرياتنا الرائعة بقطعة زجاج من صنعنا نرميها في لحظة غضب...

ايعقل ان نتحول لقطعت زجاج هشة ... تكسر بسهوله وما تتصلح...

((الي انكسر .... ما يتصلح))

تأملت هذه الجملة كثيراً...
نعم اللي ينكسر فعلا ما يتصلح...

لكن
عشرتنا
أيامنا
صداقتنا
أخوتنا

مصيرها تتصلح وترجع المياه لمجاريها

لأن اللي ينكسر وينجرح... قلب

مجموعة أحاسيس من صدقها يتدفق داخلها الدم
احنا نملك بداخلنا قطعة طاهرة تنبض
مش قطعة زجاج مركونة بزاوية غرفة...

يالله ما اصعبه من احساس ...
بجلمه تقولها بكبرياء تنهي سنين وذكريات... وتخلى الندم مع دموع الفراق

فهل ما زلت تؤمن... ان الي انكسر ما يتصلح؟؟؟؟

هل الي ينكسر بداخلنا ما بيتصلح...؟؟؟

منتظره ارائكم....

[وائل المصري]

فهل ما زلت تؤمن... لن الى انكسر مايتصلح؟؟؟؟

هل الى ينكسربداخلنا ما بيتصلح...؟؟؟

************************************************

سيدتي المثل ده أتغير من زمان

الى انكسر يدغدغ حد فاضي يصلح هههههههههههه

عند جاد الموضوع جميل لكن

عند جاد الى بينكسر داخلنا مش بسهولة يتغير أو يتصح

تقبلي تحياتي

وائل المصري

[نيهال]

وتهون عليك الايام الحلوه والذكريات اللى جمعت بينكم فى لحظه غضب؟؟

[نرجسية]

شوفى يا نيهال
المقولة بتاعة اللى انكسر مش ممكن يتصلح دى حقيقية فعلاً

صعب أن الشئ السليم يرجع كما كان بالضبط

لكن لازم نضع فى الاعتبار نوع العلاقة بين الاثنين اللى حصل بينهما خلاف

فاذا كانوا مجرد زمايل أو علاقة عابرة فأعتقد أنه صعب تعود المياه لمجرايها تانى

لكن لو كانوا أصحاب بينهم عشرة و حب و ذكريات و مواقف لا تنسى

هنا أعتقد أن الحنين ممكن يلعب لعبته

الحنين للأيام الحلوة و الذكريات الجميلة

و القلوب فى الحالة دى بتكون متسامحة أكتر

و ممكن كل واحد يختلق للآخر العذر

احتمال كبير يظل بين الاثنين حساسية من أى شئ بالرغم من عودتهم لبعض

و الأمور اللى كانوا بيفوتوها لبعض
بتبقى صعب يفوتوها بعد انكسار الزجاج


نقطة تانية و هو الذنب نفسه

فاذا كان شئ هيّن بيبقى سهل نسيانه

أما لو كان غدر أو اساءة بعد احسان
هنا صعب الانسان ينساها
و لنسيانها تحتاج الى قلب مؤمن بالله أولاً و أخيراً


ان شاء الله الزجاج ما ينكسرش أصلاً يا نيهال

[دقه قلب]

اهلا نيهال
وحشتنى مواضيعك
بصى يا ستى
مش فى كل الاحوال اللى ينكسر ما يتصلح
فى احوال كتير بيكون زعل صغير ويروح لحاله وترجع الميه لمجاريها ولكن
لما بتزيد المشاكل بتحسى ان شىء جواكى اتغير
وانك بتحاولى تبقى عادية زى زمان بس مش قادرة
ساعتها بيكون اللى انكسر جواكى
وانتى اللى مش قادرة تصلحيه
وكتير بيكون الطرف التانى مطنش ولا بيحاول يصلح اى شىء
وللحديث بقية الانى بناااااااام
سلام مؤقتا

[نيهال]

المشاركة الأصلية بواسطة نرجسية

شوفى يا نيهال

المقولة بتاعة اللى انكسر مش ممكن يتصلح دى حقيقية فعلاً

ليه بس؟؟

المشاركة الأصلية بواسطة نرجسية

لكن لازم نضع فى الاعتبار نوع العلاقة بين الاثنين اللى حصل بينهما خلاف

لكن الرسول ( عليه الصلاه والسلام) امرنا اننا نلتمس العذر........وقال فيما منعناه
التمس لاخيك سبعين عذرا

المشاركة الأصلية بواسطة نرجسية

هنا أعتقد أن الحنين ممكن يلعب لعبته

.......

و القلوب فى الحالة دى بتكون متسامحة أكتر

و ممكن كل واحد يختلق للآخر العذر

الله ينور عليكى
اتمنى بجد ان الانسان يحاول يلاقى عذر للى قدامه
واكيد هوه مش عمل كده علشان يجرحه

مفيش انسان بياذى اللى قدامه بسهوله منغير سبب

المشاركة الأصلية بواسطة نرجسية

نقطة تانية و هو الذنب نفسه

فاذا كان شئ هيّن بيبقى سهل نسيانه

أما لو كان غدر أو اساءة بعد احسان

دى النقطه المثاره........
بين الاصدقاء
لان العلاقه بينهم بتكون مبينيه على الثقه والحب والذكريات الحلوه اللى جمعت بينهم
ليه فى اقل حاجه تحصل بينهم او مشكله يقولوا صعب اللى راح يرجع تانى
وتهون فى اللحظه دى كل الايام الحلوه
وينسوا اى لحظه جمعت بينهم




مرسيه يا جميل على مرورك الطيب

[أدهم]

صعب يانيهال التعميم فى المثل ده لأن العبارة دى لها ثقلها .. مش ممكن نطلقها على مجرد خلاف بسيط مثلا .. لازم الحدث يكون لايستهان به ولا يصلح معه تبريرات .. وعندما تقال فى موضعها فبكل تأكيد اللى إنكسر عمره ما يتصلح .

[جناب العمدة]

نيهال .. فى رأيى المتواضع . ليس كل ما يكسر يستعصى على الاصلاح
يعود ذلك الى حجم الكسر وحجم العلاقة بينى وبين من تسبب فيه
والوقوف على أصل هذا الشخص .. فإن كان أصله طيب وسريرته نقيه
أغفر له ذلته بحق علاقتى به لكونه بشرا والبشر معرض للخطأ والوقوع
فى بعض الذلات . بشرط العودة والاعتراف بخطأه ومحاولته التصحيح .
فكل ابن آدم خطاء وخير الخطائين التوابون .
ومن عفى وأصلح فأجره على الله .
من منا معصوم ؟

[ابو اصاله]

اانا فى عن تجربه شديده الحساسيه ااكد
ان فعلا الى انكسر لا يمكن يتصلح
حتى لو كان بين اخوات من اب وام مش بين اصدقاء
من الصعب على الانسان ان ينسى اهنته
وحتى اذا حاول يتناسى مش هيئدر يتعايش مع كدبت انه نسى
لانه ببساطه
لا يمكن ينسى الاهانه

[aamin]

سيدتي نيهال

تساؤلات ذكية وفي محلها حول تخلخل العلاقات

الاجتماعية بانواعها بين الناس واكتر شي بيخرب

هادي العلاقات هو عدم تجاوز اخطاء اصدقائنا

او احبابنا .. لو صبرنا عليهم وغمضنا عينينا على

بعض اخطائهم ونصحناهم بقلب رحيم محب

لكان تغير الحال وما فقدناهم .. ما في انسان

كامل الاوصاف .. الصبر والحلم على الاخطاء

هو اجمل شي في دوام المحبة ..

شكرا لالك يا نيهال ..

aamin

[نيهال]

المشاركة الأصلية بواسطة دقه قلب

ساعتها بيكون اللى انكسر جواكى
وانتى اللى مش قادرة تصلحيه
وكتير بيكون الطرف التانى مطنش ولا بيحاول يصلح اى شىء
وللحديث بقية الانى بناااااااام
سلام مؤقتا

يا هلا بيكى يا دقه
كلماتك اوقفتى فتره من الزمن

لانى فكرت من زاويه اخرى وهيه انى بحاول انى انى مش افكر فى اهانه الغير
ولكن الغير لم يحرك اى ساكن للتثبيت على خطواتى تجاهه


انتظر حديثك معى بكل تاكيد

[نيهال]

المشاركة الأصلية بواسطة أدهم

صعب يانيهال التعميم فى المثل ده
لأن العبارة دى لها ثقلها ..
مش ممكن نطلقها على مجرد خلاف بسيط مثلا ..
لازم الحدث يكون لايستهان به ولا يصلح معه تبريرات ..
.

لم اقصد بها ان يكون الخلاف بسيط ابدا

فالمشاعر و الذكريات الطيبه لا نحملها الا لانسان عزيز علينا ومش انسان يمر مرور الكرام

فطبيعى اذا حدث اى خلاف بسيط......فلا يكاد يذكر
انما لو فيه خلاف كبير.........ده اللى بيكون فيه وقفه ساعتها
يا اما بيتحل وده بيكون غالبا.......المشكله اننا فى لحظه الغضب بتكون مشاعرنا مجروحه جدا لدرجه عدم احساسنا بالامان تجاه هذا الصديق مره اخرى


اتمنى اننا نحاول نكون حتى لا نكون


مرسيه يا ادهم على مرروك الطيب

[دقه قلب]

انا رأيي ان اللى بيتكسر ما بيتصلح هاد ان كان انكسر حقيقى يعنى مش مجرد شوية زعل صغيرين ويروحوا لحالهم

وده بيرجع للطرفين مع بعض
بس فعلا اخطر مرحلة هى اللى بحكى معك عليها انه تحسى ان جواكى شىء انكسر واتغير ساعتها ولا بتنفع اى شىء فى الدنيا للاصلاح او للعلاج

نورتى يا قمر

[Lonely Doc]

اهلا نيهال ومواضيعها المميزة

"الى ينكسر ما بيتصلح"
أتدرين لماذا قيلت هذه العبارة؟؟
لان ما يُكسر يُرمم فقط لكنه لا يتصلح
مهما كان الترميم دقيقا لا بد من وجود خدش مكان هذا الكسر

لكى ينصلح لا بد من صهره فى بوتقة واعادة تشكيله وقد لا يعود الى حالته الاولى
هذا بالنسبة للزجاج لكن هل ينطبق على الانسان؟؟

علاقة ما .. حب .. صداقة ..
يحدث ما يعكر صفوها
اذا كان جسيما فهو خدش وان كان بسيطا فهى بقعة
الخدش لا يمكن ازالته بينما يمكن ازالة البقعة

ورغم ذلك نقنع انفسنا احيانا ان ما حدث كانت بقعة وليس خدشا
لاننا حريصون على الطرف الاخر
هى خدش لكننا نراها بقعة ونحاول ازالتها مثلما نزيل البقع
يصدمنا السطح الخشن للخدش وندرك بندم وخيبة امل انه لا يمكن ازالته

كما تفضل بعض الاخوة هنا
عمق العلاقة هو البوتقة التى يمكن ان نصهر فيها الخدش فينصلح اخيرا
ولا بد ان يكون عمق العلاقة متكافئا بين الطرفين والا صارت بوتقة ناقصة

احذر كل الحذر ان ترى بقعة خدشا حينها ستكون انت من كسرت
لكن لا مانع أن تخدع نفسك وترى الخدش بقعة لان لصاحب هذا الخدش رصيد كبير جدا فى قلوبنا

تحياتى

[فراق84]

اللي انكسر ما يتصلح!!!!
لا انا مش مع الكلمة دي
كل حاجة اكيد ممكن تتصلح
وفي اي وقت
وباي وسيلة
ما عدا لو تكسرت وتهشمت تماما
ولو مست مبدأ اناارفضه تماما(خيانة مثلا)
دي محتاجة وقت مش تتصلح بس
تتقبل تاني
وترجع الثقة تاني
بس برضو احنا بشر
وبنغلط
وربنا بيغفر على الخطأ لما نتوب
فأكيد اللي ينكسر يتصلح
موضوع مهم
تسلم ايدك
اختك فراق