هتعمل ايه لو زميلتك فى الكلية قالتلك بحبك!!

[haa912005]

ازيكم يا اجمل شباب و بنات
اكيد كلنا اما لسة مدخلتش كلية او فى الكلية او مخلص
لو زميلتك قالتلك بحبك! هتتصرف ازاى؟؟
انا مش بسال علشان حاجة بس عاوز اعرف الناس بتفكر ازاى دلوقت
و انا طبعا بحترم كل الاراء الجريئة
و عاوز اعرف راى البنات كمان؟ ياترا لو اعجبتى بواحد زميلك فى الجامعة مثلا هتتصرفى ازاى؟!

[haa912005]

بس متنساش الصراحة!!؟

[قلب جرئ]

لو زميلتك قالتلك بحبك! هتتصرف ازاى؟؟

الصراحة ،،، أنا مش بحب البنت إنها هيا اللي تفاتح وخصوصا في موضوع الحب .... لأن الولد

هوا المفروض اللي يكون شاري ........ طيب حتقولي طيب والبنت أزاي تبدي إعجابها وحبها

لشخص ما ؟ أقولك ممكن من خلال تصرفاتها معاه ممكن تلملحلة أو تبدي إعجابها وبإهتمامها بيه

وسؤالها عليه .... أكيد هوا حيحس بيها ... ولو في تبادل مشاعر حب بين الطرفيين أكيد حيكلمها

ويعترف بحبه لها..... ولو مش في ميول ليها...... يبقا هوا حاطط عينة علي واحدة تانية..... وأكيد

في الحالة التانية البنت مش عرضت نفسها للإحراج أو للجرح .... حتي علي الأقل مش تبني

أحلامها علي مفيش.

طيب ،،، حتقولي مثلا ... لو هيا خلاص قالتلي بحبك ؟ انا طبعا حكون مكسوف جداااااا ....

بس لو انا شايف نفسي مايل ليها وعجباني حقولها خلينا لما نعرف بعض أكتر. ولو مش كده

حاحول اوصلها فكرة إننا نكون أصدقاء وبس .... بس بطريقة مهذبة وفي نفس الوقت عشان مش

أجرحها.


مااااااااااااااااااااااااااا أجمل الحب ؟؟؟؟؟؟؟؟؟؟؟؟؟؟؟؟؟؟؟؟

شكراااااااااااااااااااا ليك يا هااااااااااااااا علي موضوعك الجميل .... وننتظر منك المزيد والمزيد ،،،،

وتقبل مني أجمل التحيات وأرق المني
قلب جرئ

[b_smsm]

هقولها كان فيه منه وخلص

ههههههههه

وجهة نظرى

ان الموضوع ميستهلش يتعمله توبيك مخصوص

اسف لو ضايقت حد

بس خلاص الدنيا خلصت من المشاكل هنقف علي ان واحدة في الكلية بتقولك بحبك

سبحان الله

[haa912005]

انا بشكرك جدا على ردك بس المنتدى موجود علشان كل عضو يطرح موضوع مش شرط تكون انت بتفكر في و التفكير مش حكر على حد معين و لو هنفكر فى المشاكل اللى بتفكر فيها انت و انت كمان ممكن تكتب على المشاكل ده بس لو سمحت متقللش من مواضيع اى شخص

[وردة مصرية]

مرسي ليك ياها عالتوبيك ده

هو موضوع من نظري يحتاج للمناقشة

لأن بشوف بنات كتير وبسمع حكايات كتير إن البنت لو حبت شخص بتروح

تقولو أنا بحبك وطبعا أنا مش مع البنات اللي كده عشان الطبيعي إن

الولد هو اللي يروح يقول للبنت أنا بحبك مش العكس وحتى لو هي حبتو

تحتفظ بالمشاعر دي لنفسها لغاية ما تتأكد من مشاعره بس أكيد لازم

توضح ده في تصرفاتهامع الشخص اللي بتحبه وبعدين البنت من صفاتها

الحياء يعني البنت الطبيعية أكيد هتتكسف إنها تروح تقول كلمة زي دي

لشاب حتى هي يكن تنزل من عينه أو يبصلها بنظرة إنها إنسانه تافه

الشاب بيحب البنت التقيلة


اسمحلي عالتطويل

تحياتي

[*ملك روحي*]

موضوع بجد حلو اوي
و يستاهل المناقشة
و فعلا في بنات كتير هي اللي بتبدا وتصارح الولد بحبها ليه
بس انا اعتقد ان البنت اللي بتعمل كده بتنزل من نظر الولد
منتظرة اشوف اراء المزيد من الاعضاء في الموضوع

[musslima]

موضوع جميل فعلا الرودود احلى وخصوصا وردة هى فعلا وردة مصرية

[فتى الرياض]

ياعمي ياسمسم اي زميله حنا ماعندنا زميلات بالجامعه

عندنا اشكال بتخوف احلا كلمه تطلع منهم هي بقتلك الليله

[بنت القاهره]

بص ياعم هااااااااا بصراحه كده مش بحب البنت اللي تروح تقول لولد انها بتحبه اولا المفروض خجلها يمنعها افرض هو قلها لا صدقني هتتعب اكتر والمفروض تبقي حطي في دمغها موضوع النصيب و لو قلها اه صدقني اول خلاف بنهم هيقولها انت اللي كنت عوزاني وبعدين احنا وصلنا لمرحلت ان البنت تقول للولد طب الولد يعمل اه يازمن العجب الدنيا بقيت مشيا بالمقلوب

[الشافعى سرور]

الموضع جميل على فكره وانا من رئى ان البنت هى اللى تجبر الولد انه يقلها ميت بحبك كمان

بحترمها والتزمها قدام الناس كفايه انه يتقال عليها انها بنت محترمه اجمل من بحبك والله


وكمان البنت اللى تقول لولد انها بتحبه دى بنت سورى فى اللفظ تافهه فى هنا الاحترام بقى

ولو حد سئل اى ولد ما هى صفات البنت اللى ممكن ترتبط بيها يقلك محترمه صح

يبقى هى فقدت جانب الاحترام فى وحهة نظره حتى لو كانت جميله مش مشكله

وكمان حاجه تانيه لو البنت بتحب ولد اوى ومش قادره تقله تصبر ولو فى نصيب بنهم دى حاجه بتاعت ربنا

بس هى ممكن تلمحله بى حاجات بصيته شويه يعنى وممكن هو ياخد باله من كده ولو هو خد باله ومش قلها حاجه او حتى ابدى اعجابه تفهم هى بقى انه مرتبط بحد تانى وسعتها مش تزعل هى

لان البنت لو خدت الولد اللى بحبها احسن بكتير لما تاخد الولد اللى تحبه

وشكرا اوى على الموضع وتقبل مروى