اين تذهب عندما تبكى؟؟

[الفراشة الحائرة]

من منا لم يتشاجر مع اخوته ؟
من منا لم يبكي يوما لموقف ما؟
من منا لم يبكي يوما لفراق الحبيب؟؟؟
و من منا لم يهرب جريا عندما يحدث أمر كهذا؟
ولكن الى اين تذهب ؟؟؟

طبعا معظمنا فعل ذلك.. لكن ؟!
هل فكرت لماذا تذهب الى هناك و ليس
الى حضن امك او اخوك الكبير او اختك الكبيرة مثلاً ؟!
ماذا تفعل هناك؟
تخرج خارج المنزل ؟؟
ام تختبئ في زاوية في خلف المنزل او في المطبخ او المخزن ؟؟
الى اين تذهب؟؟
ومتى تعود ؟؟
ما هو شعورك حينها ؟؟
وهل ضحكت يوما على نفسك عما تفعله؟؟؟
وهل الان انت تفعل هذا الامر؟؟




وان شاء الله ينال اعجابكم

[**ريفيرا**]

فعلا موضوع جميل
انا لما ببكي بحب اكون لوحدي
في غرفة مظلمة او ليس بالضروري مظلمة المهم اكون لوحدي
ومش بضحك علي نفسي لما اتذكر اني كنت بعيط
تحياتي لك

[روما الشعنونة]

بجد توبك جميل جدااااااااااا
انا بحب اكون لوحدي ممكن في الاوضة بتاعتي
وبفضل ان الدنيا تكون ضلمة
ولو مخنوقة اوي بصلي ركعتين واعقد اعيط
وكمان اقرا قران واعقد عيط
بردو عمري ماضحكت ع نفسي وعلي الي بعمله

[قمر الزمان]

انا لما بحب اعيط بروح يا أما في الحمام
يا أما بدخل الأوضه بتاعتي واعيط براحتي فيها بقى
بس بعدين لما بفتكر اني كونت بعيط مش بضحك على نفسي
ولا حاجه
بس ببقى في حاله صعبه اوي اوي اوي
تسلمي يا قمر على التوبك الحلو
تقبلي مروري ....

[فراق84]

ابكي وحيدة
او امام من اعرف ان دموعي غالية عنده
ولا يستخف بحزني
شكرا لك
اختك فراق

[وردة مصرية]

أولا شكرا ليكي ياقمر عالتوبيك الجميل ده

أنا بقى لما ببقى مضايقة ياأما بروح المطبخ وأعد أبدع طبعا وقبل ده

كله باعد أعيط والطبخة اللي بدعت فيها بتطلع تحفه

أو بقفل عليه الأودة وبمسك دفتري وقلمي وأعد أكتب اللي جوايا وأعيط

ولما بهدى وأعد أقرى اللي كتبته بحس إني مش أنا اللي كتباه بحس

شاعر اللي كتبه كلام حلو أوي مش عارفة بيجي إزاي ههههههههه

على العموم مرسي ليكي ياقمر

[الفراشة الحائرة]

ميرسى ليكم ياجماعة على ردكم على موضوعى
ويارب يكون عجبكم وربنا مايجيب حزن ابدا ولا حد يزعل ولا يعيط

[zm_18]

انا عن نفسى لمل ابكى احاول اجد مكان افرح فيه
مثل اذهب عندى اصحابى العب كورة بلاى ستشين
بحاول انسى ايه الى خلانى ابكى عشانه
شكررررا على موضوع الجميل وارجو منك المزيد

[teto_g14]

بحب اكون لوحده فى مكان هادى

محدش يعرف انا بيبكى ليه

شكر موضوع حلو اوى اوى

[*ملك روحي*]

انا لما باكون مدايقة بحب اقعد في اوضتي لوحدي
و اقفل علي نفسي وافضل اعيط
و عمري مادحكت علي كده خالص
مرسي عالتوبيك الجميل ده

[abc]

لا ابكي للاسف
عند الخنقة
اجلس وحيدا
بالغرفة أو على الكورنيش

[تامير]

موضوع جميل جدا
عندما أتعرض لموقف يبكين أبكي ولكن إدى كنتو وحدي أما إدا مكانة هناكة شخص غيري معي حتى لو كنت أمي أكتم حزني حتى أنفرد بنفسي لأني لأحب أن أضهر ضعفي لأين كان وإزة كن معأحد بدل نأبكي أحول أخفي حزني بأي شكل .
رحألك شي صار معي أخر مره .
كنت أتخنق معى أخي لأنو ديأني كتير وكنت كتير معصب عم صرخ عليه وفجئه رن مبيل هيد رفيقت وإزة مردي رح تعملي يها أص ومرح أخلص أمت سكت لأأخي شلت المبيل وحكيت بكل هدوء حتى ضحكت وأنهيت لتصال على خير وبعد مأفلت الخط رجعت كمل حديتي مع أخي بكل عصبية لإيته عم يطلع في بتعجب وألي طب لي تنرفزتي مأنتي كنتي عم تضحكي.
أسف كولت عليك شكرا كتير ع الموضوع الجميل
تحياااااااااااااااااااااااااتي

[وائل المصري]

بالفعل الموضوع جميل لكن ينم علي حزن واثني بين طيات جنبات سيادتيك
ادعوي الله ان هذا الموضوع لا يكون عن تجارب شخصيه
اما فعن الموضوع
عندما ابكي اذهب الي الله سبحانه وتعالي بالحق لا استطيع ان ابكي الي وانا بين يدي الله سبحانه وتعالي وانا ساجد
تقبلي مروري وتحياتي
وائل المصري قاضي المنتدى

[حنين مصر]

انا بروح البلكونة واعيط هناك برحتى
وامى اهداء برجع... واجلس مع نفسي وانا مغمضى عنيا اوقات لساعات بفتكر ايام حلو عشتها...

[عاشق الترحال]

المشاركة الأصلية بواسطة الفراشة الحائرة

من منا لم يتشاجر مع اخوته ؟
من منا لم يبكي يوما لموقف ما؟
من منا لم يبكي يوما لفراق الحبيب؟؟؟
و من منا لم يهرب جريا عندما يحدث أمر كهذا؟
ولكن الى اين تذهب ؟؟؟

طبعا معظمنا فعل ذلك.. لكن ؟!
هل فكرت لماذا تذهب الى هناك و ليس
الى حضن امك او اخوك الكبير او اختك الكبيرة مثلاً ؟!
ماذا تفعل هناك؟
تخرج خارج المنزل ؟؟
ام تختبئ في زاوية في خلف المنزل او في المطبخ او المخزن ؟؟
الى اين تذهب؟؟
ومتى تعود ؟؟
ما هو شعورك حينها ؟؟
وهل ضحكت يوما على نفسك عما تفعله؟؟؟
وهل الان انت تفعل هذا الامر؟؟

وان شاء الله ينال اعجابكم

بالرغم من بساطه تساؤلك وانه فعلا بيحصل كتير لينا لكن مش عارف ليه توقفت كثيرا قبل ان اسطر ردى به جايز لانى مقدرتش استرجع من ذكرياتى لحظه بكيت فيها وجايز لانى فعلا مفكرتش قبل كده انى اقاوم دموعى ولو فتره من الزمن حتى اذهب الى مكانا اتصافا به مع ذاتى وجايز لانى مش متعود ارتبط بمكان معين حتى لايكون عنوانا للحزن فى حياتى ولكن بالرغم من كل هذا فقد استطاعت كلماتك ان تجعلنا نتوقف ولو لحظات صادقه مع قلوبنا كنا فى اشد الاحتياج لها حتى لا نكون بنيانا ضعيف من الممكن ان ينهار فى وقت امام اى شئ حزين يقابلنا ويؤثر فينا فشكرا كثيرا لكى