السلام عليكم ورحمة الله وبركاته....
اولا انتم اخباركم ايه؟؟؟اتمنى انكم تكونوا ف احسن حال..
ثانيا ايه رايكم ف يوم 6 ابريل؟؟؟؟؟؟؟
شوفتوا اليوم ده عمل ضجه ازاى ف مصر وبره مصر كمان؟؟...
وثار المواضيع الساخنه ف الاعلام بكل وسائله...واكيد وصل لفوق بس اللى مش اكيد هل ممكن يغير حاجه ف المطحنه اللى احنا فيها؟؟؟؟؟؟
وهل تتوقعوا انه علشان يوم واحد بس الدنيا ف مصر حتتصلح؟؟؟؟
وطبعا ف اليوم ده مش كل الناس فعلا عملت اضراب يعنى الاضراب ده مش نفع معاهم
طيب ف مثل انا عارفه ومعظمكم عارفينه بيقول....
((اضرب ع الحديد وهو سخن))&((كتر الزن ع الودان امر من السحر))
ايه رايكم لو كررنا اليوم ده تانى ونخليه يوم او يومين او ثلاثه انشاء الله حتى اسبوع
وقتها بس حيحصل حاجه ف مصر بجد
لانه مش معقول مصالح الناس ومصالح مصر تتعطل اسبوع
لكن لو حصل يبقى بجد الناس اللى فوق تعرف ان الناس اللى تحت خلاص بتتخنق وحتموت
ايه رايكم ماتيجوا ننظم يومين كده ع الماشى نقول فيها حرام كفايه تعبنى واتخنقنا
اكيد ف ناس مش فارق معاهم الغلا والبهدله اللى بتحصل ف مصر
واقلكم بامانه انا واحد من الناس دى!!!!!.....اه ماتستغربوش انا فعلا مش فارق معايا الغلا ده
بس اللى فارق معايا بجد الناس الغلابه اللى كانوا زمان مشلاقيين ثمن كيلوا عدس ايام ماكان ب3ج
امال الحين لما بقى ب10ج حيعملوا ايه؟؟؟؟؟؟؟؟؟؟؟؟؟؟؟؟؟؟؟
والله الناس اللى شايفه ده بيحصل قدامهم وساكتين وانا عارف انهم مجبريين يسكتوا((طبعا عارفين مجبريين ليه))ربنا يجعل كلامنا خفيف عليهم..والله حيتسالوا ع ده يوم القيامه
والرسول (عليه الصلاه والسلام) قال ف حديثه الشريف...
((من راى منكم منكرا فاليغيره بيده وان لم يستطع فبلسانه وان لم يستطع فبقلبه وذلك اضعف الايمان))
احنا مش قادرين ع ده بايدنا ولا بلسانا خلاص نغيره بقلبنا ونسكت ونقعد ف البيت يومين ثلاثه اصلا القعاد ف البيت مش حيفرق معانا لانها كده كده خربانه خربانه
بس حيفرق مع مصالح مصر واكيد حتتعطل وده مش حيرضى الناس اللى فوق وممكن تحصل معجزه والحال يتصلح...
ايه رايكم؟؟؟ياريت مش كل واحد يقول انا ماليش دعوه خلينى ف حالى
لما تقول كده فكر ف اخوك او اختك اللى نايمين ع الرصيف مش لاقيين الغطا وبردانين ف عز الصيف والحر وكمان جعانين نفسهم بس ف رغيف عيش حاف من اللى فيه مسامير..ده كل امنيتهم بس
قلتم ايه؟؟؟؟؟معايا ولا انا خلاص بنادى ف صحره ومن كتر الجوع والبهدله ف مصر مبقاش ف قلوب تسمع وتخاف ع بعض؟؟؟؟؟؟
ياريت اللى يشوف الموضوع يرد حتى لو مش عاجبه الكلام
واكيد حلاقى ناس بتقول ((انت فاكر نفسك حتصلح الكون))
اقلهم لو انا وانت وهى وهو وهم وكلنا حطينا ايدنا ف ايد بعض وقلوبنا حست ببعض اكيد اكيد اكيد حنصلح الكون وحنرجعه ع الاقل زى زمان ايام ماكان الفقير اللى هو فعلا فقير مابينمش من غير عشا
لكن الحين بقى بيصحى من غير فطار ولا يعرف ايه هو الغدا
وبعدين مفيش اروع من الاخت الفاضله اللى نظمت الاطراب اللى فات وهى ف الاول والاخر ست يعنى ماتستحملش اى بهدله من الناس اللى فوق
لكن فين الرجاله واللى الرسول (عليه الصلاه والسلام)حيباهى بيهم الملائكه يوم القيامه...
ياترا لسه موجودين؟؟؟؟؟
ياريت اللى معايا يقول وانا حنشر الموضوع ده ع النت واللى مشترك ف منتديات تانيه ياخد ينشره وانشاء الله ربنا معانا وحينصرنا كما قال رسوله الكريم(صلى الله عليه وسلم)
( يد الله مع الجماعه)
وكما قال الله عز وجل ف كتابه الشريف((ان الله لايغير مابقوما حتى يغيروا مابانفسهم))
صدق الله العزيز الكريم
انا ف انتظار ردودكم...وفى انتظار الرجاله اللى بجد
ابقوا اسالوا عليه لان الكلام ف الزمن ده بقى بحساب
ربنا يستر
شكرا
اخوكم.....
مواضيع مشابهة
يوم الاضراب ف مصر يتتكرر تانى...مهم؟؟؟؟؟؟؟
لا تأسفن على غدر الزمـــان
النمط الخطي
