هل صاحب الاشتراك يقدر يشوفني ؟ا

[سوسه حبيبت عبدو]

السلام عليكم

من غير مقدمات

احنا موصلين النت من واحد فوقينا وبنديلو كل شهر فلوسو

السؤال ..

هل هو يقدر يعرف كل حاجه بنعملها بالكمبيوتر بتاعنا ؟

يعني يقدر يعرف احنا بندخل مواقع ايه .... و لما اقعد على المسنجر هل يقدر يشوفني أنا بعمل ايه وقاعده مع مين ويتفرج على كل حاجه ويشوفنا ؟

بليز اي حد عندو خبره يقولي عشان احنا شاكين بالموضوع دا اوي بليز من غير طناش


وبسرعه عشان ايدي على قلبي

[فتى الرياض]

يقدر يسويها انا مع الاحيان اتجسس على اصحاب بالماسنجر في العمل في مجال المزح معاهم

وهم بعد يقدرو يدخلو علي ويتجسسون

لااننا مربوطين بشبكة واحدة وخلال الشبكة تقدر تدخل تجسس على اللي تبغى

لكن هناك برامج حمياة من التجسس لازم تثبتها عندك

ماني خبير بالكمبيوتر لكن حبيت اعطيك فكرة بس

[سوسه حبيبت عبدو]

يالهوي انت متأكد ؟؟؟؟؟؟؟؟؟

يعني هو كان مراقب كل حاجه ويشوف كل حاجه ؟؟؟؟؟؟؟


مش عايزه كلام وبس انا عايزه حد متأكد

[mos200]

اولا انا عايز اقولك اني سجلت في المندى دا مخصوص بس عشان ارد على سؤالك
استحالة انه بعرف كل اللى بتعملية استحالة مليون في المية
الحاجة الوحيدة اللى ممكن يعرفها هية المواقع اللى بتفتحيها ودا لو كان هوة محترف
ومعتقدش انه محترف بدليل انه موصلك وصلة

[فتى الرياض]

المشاركة الأصلية بواسطة mos200

اولا انا عايز اقولك اني سجلت في المندى دا مخصوص بس عشان ارد على سؤالك
استحالة انه بعرف كل اللى بتعملية استحالة مليون في المية
الحاجة الوحيدة اللى ممكن يعرفها هية المواقع اللى بتفتحيها ودا لو كان هوة محترف
ومعتقدش انه محترف بدليل انه موصلك وصلة

ياعمي احنا هنا نتجسس على بعض بالماسنجر

ولا يوجد مستحيل في عالم النت ؟؟

واتمنى انه فيه محترفين ياكدو كلامي

[mos200]

يا حبيبي انتا مش فاهم هية بتقول اية
هية بتقول انه يقدر يشوف هيه بتعمل اية
انما انتا بتقول بتجسسو على بعض بالماسنجر دا اكيد لأنكم مشيرين لبعض محداثتكم مثلا او لأنكم بتستخدموا برنامج معين يخلي اي حد معاكم على الشبكة يتحكم في جهاز التاني انما هية ما بتسخدمش وبأكد انه مستحيييل

[سوسه حبيبت عبدو]

حرام عليكو كدا ارحموووني انا خايفه اوي كل واحد يقول حاجه والتاني يقول العكس


هو يقدر يشوفني وانا مشغله الكام والا لا ؟؟؟ وهو يقدر يشوف اللي قاعدين معايا ؟؟

[Lose Angel]

هاي انا حبيت اطمنك احنا برضه مشتركين مع جيرانا في النت وصدقيني هو ميقدرش يشوف اي حاجه بتعمليها على جهازك ده صعب مليون في الميه الا لما يكون ده تخصصه او هوايته انته يخترق اجهزه وشبكات مش واحد بيستخدم النت عادي يعني

ده على حد علمي بس متقلقيش

[سوسه حبيبت عبدو]

ربنا يطمنك ويريحك يا Lose Angel

بس يا ريت محدش يكدب عليا عشان يطمني بس والا يقول حاجه وهو مش عارفها او مش متأكد منها انا عايزه افهم عشان اعرف اتصرف


وياريت كمان الباقيين يدونا رأيهم

[abc]

بصي .. أنا ماليش في الكلام ده قوي

بس أول ما وصلت نت , قالوا لي شغل firewall
رحت مسطب واحد اسمه zone alarm
كان كل شويه يقول لي "واحد آي بيهه كذا عاوز يخش جهازك , أسيبه و لا لأ يا باشا ؟؟ " و أنا أقول له لأ طبعا ,,
بس مش عارف الأجهزة اللي كانت عاوزة تخش دي ... تقدر تعمل ايه ؟؟
الأسلم انك تسطبي فاير وول ده ....

[سوسه حبيبت عبدو]

شكرا abc


ناس تقول آه وناس تقول لا


ايه الحل يعني ؟؟ هفضل بالحيره دي

[BATISTA]

السلام عليكم


طبعا معظم الناس موصلة نت عن طريق الاشتراك

بخصوص ان حد يتجسس عليكى دى مش طريقة ساهلة لان التجسس بيتم عن طريق برامج تجسس وهاك زى برنامج نوفا 10 وغيرة من البرامج وبيتم التجسس عن طريق ارسال باتشات وانتى بتستبقليها ويتم تحميل الباتش فى الجهاز بتاعك والباتش دة غالبا بيكون صورة أو ملف فيديو أو اغنية حتى يسهل ارسالها ويطمع المستقبل فى الإستقبال .....

يعنى من الاخر الى ممكن يعملة لو انتى عاملة شيرنج للبرتشنات بتاعة الجهاز (f/d/e/g) انة يشوف محتويات البرتشينات دى من افلام ومسلاسلات وجيمز ومسرحيات يعنى الحاجات الى بتبقى موجودة على معظم الاجهزة

لكن انة يتجسس عن طريق الهوت أو الياهو أو المواقع وفتح الكام ..........الخ صعب انة يتجسس عليكى غير باستخدام البرامج الى قلت عليها والى بيتم التعامل معاها عن طريق ارسال الباتشات يعنى يقولك استلمى الاغنية دى أو الصورة وبيكون عن طريق يتم ارسال الباتش وبالتالى يقدر يتجسس على الجهاز



اطمنى ماتكبريش الموضوع بس ياريت ماتقبليش اضافات من حد ماتعرفهوش وايضا ماتحمليش ملفات غير معلومة الهوية

تحياتى

سهرة سعيدة

[teto_g14]

المشاركة الأصلية بواسطة BATISTA

السلام عليكم


طبعا معظم الناس موصلة نت عن طريق الاشتراك

بخصوص ان حد يتجسس عليكى دى مش طريقة ساهلة لان التجسس بيتم عن طريق برامج تجسس وهاك زى برنامج نوفا 10 وغيرة من البرامج وبيتم التجسس عن طريق ارسال باتشات وانتى بتستبقليها ويتم تحميل الباتش فى الجهاز بتاعك والباتش دة غالبا بيكون صورة أو ملف فيديو أو اغنية حتى يسهل ارسالها ويطمع المستقبل فى الإستقبال .....

يعنى من الاخر الى ممكن يعملة لو انتى عاملة شيرنج للبرتشنات بتاعة الجهاز (f/d/e/g) انة يشوف محتويات البرتشينات دى من افلام ومسلاسلات وجيمز ومسرحيات يعنى الحاجات الى بتبقى موجودة على معظم الاجهزة

لكن انة يتجسس عن طريق الهوت أو الياهو أو المواقع وفتح الكام ..........الخ صعب انة يتجسس عليكى غير باستخدام البرامج الى قلت عليها والى بيتم التعامل معاها عن طريق ارسال الباتشات يعنى يقولك استلمى الاغنية دى أو الصورة وبيكون عن طريق يتم ارسال الباتش وبالتالى يقدر يتجسس على الجهاز



اطمنى ماتكبريش الموضوع بس ياريت ماتقبليش اضافات من حد ماتعرفهوش وايضا ماتحمليش ملفات غير معلومة الهوية

تحياتى

سهرة سعيدة

طبعا يا محمد حت انا بردو بحاول اشوف الى موصلين عنده مش عارف والله بس الحمد لله عارفة اسم البرنامج نوفا 10

شكر يا باتيستا

الاخت صحابة الموضوع انتى خايفه ليه كده بدال مبتعملش حاجه غلاط متخفيش

[مستر كاراتيه]

حبيت بس أساعد

...
فى برنامج بيخلى شاشه الكمبيوتر عندك .. كأنها صوره عنده بتعرض كل اللى بيحصل على الشاشه عندك .. بالكامل بدون مبالغه بالكامل ويقدر يتحكم فى كل حاجه عندك على الجهاز والبرنامج ده انا متأكد من وجوده 100% ..بس بشرط تصطيبه على كلا الجهازين ...

وشكرا ..يعنى عكس كل الناس سورى يا شباب سهل جدا ان ده يحصل ...

[سوسه حبيبت عبدو]

شكرا ليكو كلكو

انا بصراحه مش فاهمه اوي اللي بتقولوه

بس انا بطلب منو احيانا يجي يعملي حاجات على الكمبيوتر احيانا تبقى مشاكل وهو يجي يصلحو بس معرفش هو بيعمل ايه او بيحط ايه بيجيب معاه سيديهات ودخلها



يعني بالنهايه هو قادر على كل حاجه