فكرتي هتلبسي إيه في الصيف ولاّ لسه مش عارفة، ومستنيّة لما يكون عندك وقت علشان تنزلي وتلفّي وتشوفي إيه الموضة اللي نازلة، وبعدين تختاري اللي يعجبك ويناسبك؟...
طيب إيه رأيك لما اوفّر عليك
كل اللف والدوران ده..
واجيب لك كل اللي عايزة تعرفيه هنا؟..
طبعاً كلكم متفقين معايا إن ملابس الصيف لها طبيعة خاصة جدّاً بتميزها سواء من حيث خامة القماش أو لونه أو من حيث تصميم الموديل نفسه وزي ما أنت عارفة برضه إن كل بنت ليها جسم يختلف عن التانية...
يعني مثلاً فيه بنت رفيعة، وفي بنت ممتلئة، وفي بنت قصيرة، وفي بنت طويلة، وكل واحدة من دول لها قماش معين يناسبها، ولها لون معين يناسبها، ولها كمان تصميم معين يناسبها.. موافقاني في الكلام ده ولا لأ؟؟..
بما إننا متفقين من حيث المبدأ يبقى تعالوا نعرف مع بعض واحدة واحدة إيه اللبس اللي ممكن نلبسه في الصيف، ويكون مناسب لنا، وفي نفس الوقت يكون شيك...
بالنسبة للبلوزات
تعتبر البلوزة من القطع الأساسية اللي مفيش بنت تقدر تستغنى عنها في الصيف، وده لأنها عملية جدّاً في اللبس، ومناسبة جدّاً لكل الأعمار ولكل الأوقات يعني من الآخر كده تقدر تلبسها البنت اللي في ثانوي والبنت اللي في الجامعة واللي بتشتغل، وكمان تقدري تلبسيها في أي وقت الصبح وبعد الظهر...
بس وأنت بتشتري البلوزة لازم تاخدي بالك وتختاري موديل يناسب طبيعة جسمك؛ يعني مثلاً:
لو كنت ممتلئة الأرداف:
يبقى يا ريت تبعدي نهائيا عن البلوزات القصيرة والطويلة قوي، اللي على شكل (تونيك)، واختاري البلوزة اللي يكون نهاية طولها عند منتصف الأرداف..
وده لأن البلوزة القصيرة بتبرز جدّاً امتلاء المنطقة دي، والبلوزة الطويلة قوي هتظهر المنطقة دي وكأنها عريضة أكتر من اللازم.
لو كنتِ ممتلئة الذراع:
يبقى يا ريت تختاري البلوزة اللي يكون كُمّها واسع وطويل والكتف ساقط عشان يخفي العيب ده، وعلى فكرة كمان الكم "الشارلستون" مناسب جدّاً وبيداري امتلاء الذراع.
لو كنتِ صاحبة صدر كبير:
يبقي لازم تراعي إن لون البلوزة يكون غامق، وتفتحي لون البنطلون من تحت..
وتبعدي نهائيا عن البلوزات اللي فيها قصات من تحت الصدر أو فيها تطريز على الصدر أو تحت الصدر علشان ما تلفتش النظر إلى امتلاء المنطقة دي.
ويا ريت كمان تبعدي في اختيارك عن البلوزات المصنوعة من القماشات الخفيفة...
لو كنتِ قصيرة:
بصي يا ستي لو كنتِ قصيرة يبقى يا ريت تختاري البلوزات اللي مقلّمة بالطول، وتبعدي عن البلوزات المقلمة بالعرض..
وابعدي عن البلوزات الطويلة "التونيك" واختاري البلوزات متوسطة الطول..
لو كنتِ رفيعة:
هتلاقي إن كل أشكال البلوزات مناسبة لكِ جدّاً.
بالنسبة للألوان اللي نازلة الصيف ده
صيف 2008 بتميز بوجود بلوزات بألوان كتير قوووي زي "الروز" و"اللبني" و"الأصفر" و"الأخضر" و"البستاج" و"التركواز" و"البرتقالي" بالإضافة إلى الألوان الثابتة زي "الأحمر" و"الأبيض" و"البيج" بدرجاته المختلفة.. ده بالإضافة إلى وجود بلوزات فيها ألوان متداخلة مع بعضها..
وعلى فكرة مبقاش فيه حاجة اسمها إن اللون ده مش موضة لأن كل الألوان بقت موضة وبكده بقى عندك فرصة كبيرة جدّاً للاختيار..
ودي شوية بلوزات ممكن تشوفيها
ونكمل بكرة مع الفساتين والبنشوهات
__________________
أغـلـى الناس عليا أنا وأحلى الناس حبيبي أنا
وأنا وياك بحس الكون
مخلوق عشاني
وحدي أنـــــــــــــــــــــــــــا[/center]
هتوحشوني اوووووي يا احلي اصحاب
آخر تعديل بواسطة *ملك روحي* ، 04-05-2008 الساعة 03:21 PM.
دي كمان قطعة ممكن تلبسيها في الصيف والفستان فيه منه أشكال كتير قوووي، ففيه مثلا الفستان القصير اللي ظهر بشكل كبير في السنتين اللي فاتوا، ولسه موجود برضه موضة الصيف 2008.
ومع الفستان ده هتحتاجي تلبسي بادي وبنطلون سواء جينز أو قماش..
وعلى فكرة الشكل ده مناسب أكتر للبنات الصغيرين من سن 16 سنة إلى سن 23 سنة..
وبرضه لازم تاخدي بالك إن الشكل ده علشان يكون شيك في اللبس محتاج إن اللي تلبسه تكون بنت جسمها مش مليان خاصة من منطقة الصدر والإيد والأرداف..
كمان في الفساتين الطويلة ودي موجودة من زمان، ولسه برضه موضة، وفيه منها القماش والجينز ودي هتحتاج إنك تلبسي معاها بادي بس لازم تاخدي بالك من إنك لو كان ذراعك مليان يبقى يا ريت إنك تلبسي مع الفستان ده بلوزة سادة وبلاش بادي.
و دي شوية فساتين
__________________
أغـلـى الناس عليا أنا وأحلى الناس حبيبي أنا
وأنا وياك بحس الكون
مخلوق عشاني
وحدي أنـــــــــــــــــــــــــــا[/center]
ده ظهر السنة اللي فاتت، وانتشر بشكل كبير جدّاً، ولسه موجود موضة في صيف 2008، ومعاه هتحتاجي تلبسي من تحته بادي؛ لأنه غالبا بيكون مصنوع من القماش الشيفون، وكمه بيكون واسع، وعلى فكرة الشكل ده مناسب لكل الأجسام..
و دي تشكيلة بونشو
__________________
أغـلـى الناس عليا أنا وأحلى الناس حبيبي أنا
وأنا وياك بحس الكون
مخلوق عشاني
وحدي أنـــــــــــــــــــــــــــا[/center]
أهم حاجة بتميز صيف 2008 هي اختفاء البنطلونات الجينز اللي فيها تطريز من على الرجل والبنطون الباجي.. وعودة موضة السبعينيات في البنطلونات القماش "اللي بتتميز بإن رجل البنطلون بتبقى واسعة جدّاً".
كمان بيتميز الصيف ده بوجود بنطلونات بخامات متنوعة بين القماش والجينز والكتان..
وبالنسبة للألوان فصيف 2008 بيتميز بوجود بنطلونات بألوان جريئة جدّاً زي "الأحمر" و"الأبيض "و"البرتقالي" و"الموف، "ولو عايزة تبقي بنت متميزة في الصيف ده يبقى احرصي أن يكون في دولابك بنطلون أبيض؛ لأنه بيدي شياكة خاصة لو اتلبس معاه بلوزة ألوانها فاتحة..
ودي تشكيلة من البنطلونات
بس كده خلاص
اتمني الموضوع يعجبكم ويفيدكم
__________________
أغـلـى الناس عليا أنا وأحلى الناس حبيبي أنا
وأنا وياك بحس الكون
مخلوق عشاني
وحدي أنـــــــــــــــــــــــــــا[/center]
النمط الخطي
