فكره خطرت فى بالى

[رؤيه]

اعضاء ابن مصر الكرام كيف الحال ؟؟؟
يارب تكونو فى افضل حال وبسعاده وامان
فكره وخطرت فى بالى شاركونى وفكرو معايا ازاى نطورها وننفذها
احنا بندرس فى سنوات التعليم فى مصر حاجات كتير جدا تاريخ وجغرافيا دول غريبه واقتصاد منزلى ومجال زراعى وصناعى وحاجات كتييييييييييير
ليه مش ندرس القانون المصرى الجميل اللى بيحافظ على حقوق المواطنين ويحميهم
ويكون فى كل سنه دراسيه جزء من القانون بشكل مبسط وسهل لتعريف المواطن بحقوقه وبقانون بلده اللى هو بيعيش ويموت وهو مش عارفه اساسا
وعلى فكره فى قاعده جنائيه بتقول لايجوز الاعتذار بالجهل بالقانون
يعنى انا لو عملت مخالفه او جريمه لازم اتعاقب ومينفعش اقول انا مكنتش اعرف ان القانون بيعاقب على كده او ان فى ماده كده فى القانون
طيب ليه مش يدرس القانون فى سنوات التعليم الطويله عشان نعرف اللى لينا واللى علينا
وعلشان منكونش زى هانى رمزى اللى قرأ الدستور لاول مره فى حياته بالصدفه البحته
مش افضل من المواد الكتير اللى بننساهابعد مانخرج من الامتحان والمواد اللى بتحكى عن شعوب وبلاد تانيه
وعشان ميحصلش اللى بنشوفه دلوقتى ونرجع نقول فيييييييييييين حقوق الانسان اللى فرط فى حقوقه اصلا من الاول
ولا ايه رأيكم ؟؟؟

[فتى الرياض]

عفوا رؤية

انتي قلتيها فكرة خطرة (خطرة يعني خطيرة )

يعني لازم نقضي عليها ونشيلها من بالك مانطورها


عذرا المتكلم (( دكتاتوري))

اسف رؤية فكرتك اعجبتني واعجبتني بالحيل

ويالتيني اعرف شي عن القانون المصري علشان اشاركم بالموضوع

واتمنى لك التوفيق بالموضوع ولكل الاعضاء

[محمد كمال على]

الفكرة فى حد ذاتها جميله
ولكن
من يسمح بذلك
هل سيسمحوا للمواطن ان يعرف حقوقه كامله

احب اضيف جزء اعرفه عن القانون المصرى
القانون لا يحاسب على النيه

[نيهال]

فكره جميله يا رؤيه

اتمنى انهم يطبقوها على الاجيال القادمه
واتمنى اننا نقدر نعرف حقوقنا وحقوق بلدنا علينا ايه

[True_Face]

الاخت الفاضلة

فكرة جميله او امنية او حلم

ولكن اى نظام ديكتاتورى
يزور فى التاريخ
يهمه جهل المواطن
تجويع المواظن
ويعرف ايه الموطن اللى مش منحقه يعمله

ولاكن لا يعرفه حقوقه

فى جميع دول العالم ممكن شراء دستور البلد وشرحه
او مكتوبات بحقوق المواطن
او نشرات دوريه تعرف المواطن حقه


وا والف مليون و

[abc]

فكرة حلوة

أنا سمعت انهم بيدرسوا مادة في كل الجامعات اسمها حقوق إنسان

بس مش عارف بيدرسوا فيها ايه دي ؟؟

[نرجسية]

فيه ضابط شرطة خارج الخدمة عمل كتاب اسمه ( عشان ما تنضربشى على قفاك )
الكتاب ده بيعرف المواطن حقوقه اذا كان فى قسم شرطة
أو مصلحة عامة
امتى تطلع هويتك لشخص يستوقفك فى الشارع

و أمور تانية كتيرة تكشف معلومات عن حقوق المواطن

تعرفى ان الكتاب صادروه

يا ترى ايه السبب ؟!

أكيد عشان المواطن يفضل جاهل بحقوقه

تفتكرى انهم ممكن يدرسوا القانون للطلبة

و بالرغم من ان الفكرة محترمة لكن تطبيقها يكاد يكون مستحيل

شكرا يا رؤية على الفكرة الخطيرة

بس انا عايزة اعرف هو انتِ بقيتى عضوة فى هيئة تطوير المناهج الدراسية من ورانا ؟؟؟؟

[محمدعادل(م.ش.م)]

هو الكلام جميل بس التنفيذ فكرى كدة لما مصر كلها يدرس لها القانون فى المدارس وتسمحى اقول لك اننا شعب رخم وبارد وموش بتاع قوانين
مثلا لو انتى ماشية فى الشارع وبعدين نزل شلة من المخبرين وقبضوا عليك كدة منغير حاجة تعتقدى انة لسة حيستنى منك انك تستعملى حقوقك الدستورية ؟؟ وفى الاخر انتى مظلومة
تعالى نعكس القصة كدة ...نقول ان فية واحدة ماشية فى الشارع (الى بيقبضوا فية على الناس)وبعدين جت شلة المخبرين اياها وقبضوا عليها وكان ردهم انها خطر على الامن القومى وبعدين الست استعملت حقوقها الدستورية وسابوها شوف هى رايحة تدمر حاجة وهى كانت فعلا خطيرة على الامن بس احنا للاسف نعيش فى بلد القانون ليس هو المسيطر بل بعض من القانون وبعض من الشريعة وبعض من العفيجية والفهلوة بس هى دى الصورة وببساطة

[مستر كاراتيه]

بجد فكره ممتازه

يارب تتحقق فىالمدارس والتعليم وميكونش القانون مقتصر على طلبه كليات الحقوق

شكرا ليكى

[أدهم]

رؤية رائعة من رؤية .. وأعتقد أن المطلوب هو التعريف بالقانون وليست الدراسة الأكاديمية .. أفراد المجتمع مطلوب لهم المعرفة التامة بالقانون المنظم لحركة حياتهم اليومية .. والأنظمة الحاكمة على كافة الأصعدة تعمد إلى الحجب المعرفى لتلك القواعد والقوانين .. ومجرد توجيه سؤال لأحد المسئولين يحمل فى طياته المعنى الذى ندور هنا فى فلكه .. كفيل بخلق أزمة قد تودى بقضاء المصلحة .. بكل المقاييس هو أمر غاية الأهمية وأساسى لرقى المجتمعات والعقول وتنظيم السلوك المجتمعى.. سرنى جدا قراءة هذا الموضوع ولك تقديرى .

[abc]

علشان ما تنضربش على قفاك :

للتحميل ... كتاب:علشان ما تنضربش على قفاك

[AGIBA]

بصى يا ستى انا هقولك لية الفكرة دى مش هتنجح لأننا فى مصر مشين بنظام القطعة فى التعليم بمعنى ان اللى بيدرس فى الابتدائية لا يمت من قريب او بعيد باللى بيدرس فى الاعدادية وبلمثل اللى فى الاعدادية ولا يعرف اى حاجة عن اللى فى الثانوية يعنى انتى تفضلى تدرسى احياء وكميا وفزيا وطبيعة وتاريخ وجغرافيا ورياضيات وتجيبى مجموع قليل فى الثانوية فاتدخلى حقوق مثلا او خدمة اجتماعية او حتى معهد لاسلكى المهم تبقى اى حاجة مالهاش اى علاقة خالص بكل اللى درستية دة ولما تيجى تسالى طب اية لزوم اللى انا درسته دة كله يظهر ليكى الف علامة تعجب واستفهام وولا اجابة واحدة