مصر حزينه

[iwan]

مصر حزينه ياريس كلمه قالها الطالب بلال دياب اثناء الكلمه التي كان يلقها رئيس الوزراء احمد نظيف في جامعة القاهره بمناسبة مئوية الجامعه
بجد مصر حزينه ومش حزينه وبس دي مصر ضيعه
مصر بتبكي دموع وبتنزف دم علي ابنائها بجد ياجماعه احنا مش في مصر مش هي دي مصر الي كنت بسمع عنها واي كان جدي بيحكيلي عنها مصر الحضاره مصر التاريخ مصر النيل مصر الاهرامات مصر الفراعنه مصر 6 اكتوبر دلوقتي مبقتش مصر كان طموحي وانا صغير اطلع مثلا طيار او اطلع مهندس او حتي دكتور كان املي كبير في الدنيا وده كان امل كثير من المصريين دلوقتي ايه هو طموح الشعب المصري ممكن حد يجوبني ؟؟ امل الشعب دلوقتي او معظمه انهم يلاقوا رغيف العيش انا بجد بشوف كل يوم مهازل بتحصل للناس في افران العيش ومش بس كده لا الحياه حلوه اوي انا ساكن في مدينة المنصوره عروسة النيل زي ما بيقوله في المنصوره الحياه جميله اوي الموصلات تمام والعيش في متناول ايد الجميع والموظفين بيقبضوا بدولار والحياه سهله والرفهيه سائده الاجواء بجد حياه جميله !!!!!! اوعي حد يصدق الكلام ده بس ممكن تصدق العكس علي طول من غير ماتفكر انا كل اما انزل الشارع بحزن علي شكل الناس خلاص بجد الناس مدبوحه الناس معتش قدره تتنفس خلاص بجد اتخنقنا
لازم يكون فيه حل ومش هنقعد بقي نستني الحل موت يا .... انتوا عرفين بجد ياجماعه احنا شباب البلد دي لازم كلنا نقف مع بعض غلشان نغير بلدنا هتقوله واحنا في ايدنا ايه لا احنا في ايدنا كتير كتير اوي علي الاقل اعرف ايه حقوقك اعرف ايه واجباتك تجاه البلد الي انت عايش فيها ومتخفوش ايه الي هيحصل اكتر من الي بيحصلنا هنموت ياعم الرب واحد والعمر واحد هيعتقلونا طب ما احنا معتقلين دلوقتي
هنضرب ما هما طول عمرهم بيضربونا بالجزمه يعني كنا اتكلمنا عادي خالص والله ياجماعه انا بتكلم من منطلق الواجب تجاه البلد الي احنا عيشين فيها تجاه مصر عرفين من هي مصر مصر دي بلدنا ووطنا ومستقبلنا ليه كل شاب عايز يكون نفسه يسافر علشان احنا ضيعين هنا يعني ضيعين في بلدنا ومش هنضيع بره دي من اكبر المشاكل الي بتوجهنا والحكومه وقفه محلك سر الحكومه الغلبانه طبعا الي كل يوم يجيبوا لواء شرطه ويعينونه محافظ لا رئيس مجلس مدينه او حتي رئيس هيئة الصرف الصحي علشان طبعا اللواء ده يدينا بالجزمه طب ما احنا طول عمرنا بناخد بالجزمه بجد احنا ضيعين لو موقفناش جنب بعض وحبنا بعض وصممنا علي التغير علشان نبقي اجمل واحسن من كده بجد بلدنا فيها خير كتير لازم نعرف بيروح فين بحبك يامصر

[حنين مصر]

اوعي يا مصر تحزني
طول منتى في قلب شعبك اطمني
ح نحارب الدنيا عشانك من غير ما تتكلمي
انتى بس بصي علينا وسلمي

تحيااااااااتي

[أدهم]

أول موضوع لك وله قيمة عالية ولك حس صادق وكلامك كلام مسئول والأمل فيك كبير وحماسك مهم جدا .. تقبل تحياتى

[أدهم]

المشاركة الأصلية بواسطة حنين مصر

اوعي يا مصر تحزني
طول منتى في قلب شعبك اطمني
ح نحارب الدنيا عشانك من غير ما تتكلمي
انتى بس بصي علينا وسلمي

تحيااااااااتي

كلمات جميلة .. شكرا حنين مصر

[iwan]

مرسيه حنيبن مصر ومرسيه ادهم علي مروركم واهتمامكم بالموضوع

[hazzom]

عايز اقول ليك تلت الشعب المصرى حرامية وتلت التانى نصابين اما اخر تلت هو البيتنصب علية وبيتسرق

[أدهم]

المشاركة الأصلية بواسطة hazzom

عايز اقول ليك تلت الشعب المصرى حرامية وتلت التانى نصابين اما اخر تلت هو البيتنصب علية وبيتسرق

ماينفعش الكلام كده ياحزوم .. زعلان وزهقان صحيح .. بس مش نقول فى صفات زى دى الشعب .. وبعدين لو كلامك فيه أقل نسبة صح .. دا كان زمان الدنيا حلوة ياحزوم .. بقى التلت هما الضايعين .. ماكانوش بانو .. ياريتك تراجع تعليقك وتغير الكلام الجارح ده .. ياسيدى فيه نسبة ضايعة ونسبة تايهة ونسبة جاهلة .. يعنى دبرها بمعرفتك كده ياحزوم .

[Lonely Doc]

ياترى ياحزوم انت تبقى من انهى تلت فيهم ؟؟

طبعا لازم مصر تبقى حزينة
حبيت اضيف شىء صغير

مصر مبلمة...ايوه الشعب المصرى حاليا فى حالة من التبليم

لما تقع على راسك مصيبة (زى الزيادات اللى اتحفونا بيها دى) بيكون اول رد فعل لك انك بتبلم,,بتبقى مش مصدق اللى بيحصل ده

بعد رد الفعل الاول ده بيكون فيه رد فعل تانى ياما تستنكر الكلام ده وتعبر عن استنكارك بكل الطرق لحد ما يتغير ياما بتستسلم وتمصمص شفايفك وتقول ادينا عايشين

ان الله لا يغير ما بقوم حتى يغيروا ما بانفسهم
ياترى الشعب المصرى حيفوق من "التبليم " وحالة اللامبالاة دى امتى ؟؟؟
اتمنى من كل قلبى بسرعة قبل فوات الاوان

تحياتى

[hend]

مصر حزينه اااه مفيش خلاف
بس هى متعوده على الازمات
زمان كانت محتله وفيه فقر وجهل وقامت بثورة وحاربت بدل المرة الف من اول بداياتها
مصر هتقوم وتقف زى ما عودتنا

[iwan]

مرسيه ليكم ياجملعه علي ردودكم وبجد البلد عمرها ما هتتغير لوحدها مده لازم الشعب كله يتحرك عمال موظفين فلاحين طلاب ونقول ولو مره لا لا لا للفساد لا للنهب لا لسرقه لا للطغيان نفسي في بلد جميله بلد بجد تكون حره احما بجد محتلين بس مش احتلال خارجي لاكن احتلال داخلي

[dmo3_el2amar]

مصر حزينه اااه مفيش خلاف
بس هى متعوده على الازمات
زمان كانت محتله وفيه فقر وجهل وقامت بثورة وحاربت بدل المرة الف من اول بداياتها
مصر هتقوم وتقف زى ما عودتنا


هدا كلم صحيح وأكيد حتوقف متنسة هي أم دنية
تحياتي تمنياتي بتوفيق

[hazzom]

انا عايز اقول للناس ال بتنتقد كلامى انزل الشارع وروح السوبر مركت او البقال مثلا لو الحاجه بجنيه هيغليها على مزاجه ويخليها بتلاته جنيه. انزل اى مصلحه حكومية وشوف الرشاوى ازاى تبقى سرقه ونصب ولا لا . ومثلا روح للدكتور هيجبلك مرض مش عندك اساسا ( ويقول ليك تعاله تانى عشان تدفع تانى ) وربنا يستر لو ادلك كمان دواء غلط .الخ الخ ... وللبيقول انا من انهى تلت انا بقوله انا لا دكتور ولا محامى ولا شغال فى مصلحه حكوميه واكيد كل واحد شايف نفسه انه صح بس فى الاخر انا الحمد لله راضى عن نفسى لا بسرق ولا بنصب على حد

[iwan]

بجد بشكركم ياجماعه علي رودكم الجميله وبجد نفسي في يوم من الايام اكتب موضوع
يكون عنوانه جميله يامصر او سعيده يامصر فهل هيجي اليوم الي اكتب فيه الموضوع ده ولا انسي وخلاص
اشكركم كلكم علي رودكم وتقبلوا تحياتي