عيد ميلاد أبو الفساد

[iwan]

ياللا حالا مالا بالا . . غنوا لأبو الفساد
قولوا فى عيد ميلاده الليلة . . أتعس الأعياد
يسقط أبو الفساد . .
أنا الغرقان بانادى . . وباقول للبحور
يوم أغبر رمادى . . عيدك ياطرطور
لك ملايين اعادى . . عايزينك تغور
امتى حا تفرحهم . . وتسيب البلاد
فى داهية يابو الفساد . .
أنا عاطل مكافح . . على كرهك أمين
يابو مخ سايح . . ضيع ملايين
طول عمرك مقاوح . . ويا الشقيانين
اسمك مكروه جدا . . من كل العباد
فلتسقط يابو الفساد . .
وأنا جعان وواقع . .جيبى كمان نضيف
رحت طابور وراجع . . مافيش معايا رغيف
لقيت واحد هطنفل . . بيبيع عا لرصيف
موبايل بألف جنيه . . بيغطى البلاد
خربت يابو الفساد . .
انا عانس بأقاسى . . لا عيلة ولا أصحاب
قوضتى فاضيه عليه . .مافيهاش غير الدولاب
شنطى جاهزة تملى . . حاطاها جنب الباب
أنا مش زى خديجة . . عشان ما بقولش داد
إعتقنا يابو الفساد . .
انا السرطان بلانى . . من أكل الحمير
تعالى عيش مكانى . . ويا الصراصير
مش بعيد عن قصرك . . ده أنا فى ترب الغفير
واللا انت عايز مدفن . . فى أرض الميعاد
ماتموت يا أبو الفساد . .
وأنا مش رايح أغشك . . ألعبان خطير
يامولود فى عشة . . مفطوم عالجرجير
مين يقدر ينشك . . وإنت ابن الغفير
إحنا بتوع عظمتك . . حافظين الوداد
فلتحيا يابو الفساد . .
أنا إبن بهانة . . محتاج مترين قماش
عشان مافيش صيانة . . أرضى راحت بلاش
وقبل الأربعين . . طلعت عا المعاش
وأنت فى الثمانين . . ضارب فيها طناش
دا احنا قرفنا منك . . ومن الإستبداد
ما تغور يابو الفساد
من كثر المهانة . .عيدك يوم بكانا
فيه الحزن جانا . . من كثر ظلمك لينا
شوف بقى يا أخينا . . لولا انت ما حفينا
حاسبوا يا أصحاب . . من حسنى النصاب
الواجب علينا . . نشيله من فوقينا
ونهتف ونقول له . . غرقت السفينة
شوف بقى يا أخينا . . لولا انت ما حفينا
جينا قرب دارك . . نقولك يا مبارك
لا فى ليلك أونهارك . . ولا باجدع رجالك
حانسيبك تبرطع . . وتتمريس علين

[True_Face]

كده بقى انت اكيد رجل جوه ورجل بره!

احيك على كلماتك الجرئية التى تعبر عن مشاعر 75 مليون مواطن

والـ 2 التنين هما اللى عايشين

[لاجئة]

كلمات نابعة من قلب اضناه الفساد واعياه الهم!!
تحياتي على هذه الماسات الجريئة..

سلامي لشخصك الكريم.
لاجئة.

[iwan]

مرسيه ياجماعه علي ردكم ويارب يكون الموضوع اعجبكم لانه بجد بيعبر عن المأساه الي احنا عيشنها مرسيه مره تانيه