الاول راجل فل سيد الناس
يتعشي كفيار والخمر في كاس
بقوم من النوم طقهان
كسلان , همدان
يفطر باتون ساليه وتشكيلة اجبان
يعمل كام تليفون بره وجوة
يعرف اخبار البورصه
وملايينه زادت كام مرة
يرجع ثاني لحضن سريرة
********
الرجل الثاني غلبان زى ومهموم
يكمل عشاه صبر ونوم
يقوم من النوم برضه مهموم
تقوله ام عيالة خذ المصروف
انزل اتفرج واتصرف وشوف
هات لنا فطار ومتنساش الغذاء
وللبيت هات عشائة
يمشي يكلم نفسة
اصله شايل طاجن سته
يبص لفوق يطلب امنية
تقع عليه بلكونة جارة
يضحك وهو في ميته
ويقول فيه رب للمرأة وعياله
**********
الرجل الثالث بية شحات واليط
عايش عاله وعواله وشطارة
يقوم من النوم يفطر احلي فطار
ينزل يشتغل الناس شغل الشطار
ماهو كلامة تجارة زى التجار
ينادى عليك ويقولك ممكن بسه جنية
اروح الشغل مش شحاته يابية
ويلف كام ساعه
يروح القهوة
يطلب شيشة
وقهوة زيادة
وصبي يلمعله حذائة
**************
الرابع اكيد واحد من اهالينا
مش من كوكب ثاني
ده واحد انسان منا وفينا
بتقول امتي يقوم من النوم؟
هو اصلا عندة مكان للنوم
بالخبرة عارف كام عمارة
وعارف امتي بيرمو الزباله
يلاقي نفس القطة ونفس الكلب
تحصل عركه بين القطه وبين الكلب
تجرى القطة يتفق الراجل وى الكلب
ياكلو الاثنين
شبع الراجل
وشكر الكلب
وحمد الرب
ويقول من غيظة اه يادنيا
يابنت الكلب
*******
قولي ياصحبي يابو الرجاله
شفت حكاية الاربع رجالة
هو الظلم بس في بلدى
ولا العدل في بلاد العالم
ولا هو هم كل الرجالة
********
مواضيع مشابهة
النمط الخطي
