لعبتوها صح يا ولاد الــــ............

[Menino]

لم اتمالك نفسي من الضحك حينما سمعت بالقرارات الجديده والزيادات الجديده التي أقرها مجلس الشعب علي أسعار البنزين والسولار والكيروسين والغاز والتي تصادف ان تأتي يوم 5 مايو بعد يوم من الموعد الذي كان من المفترض ان يكون إضراب يتزامن مع عيد ميلاد السيد الرئيس لكي يصل صوت المقهورين إلي صناع القرار
والرئيس مبارك بحكمته المعهوده خرج علي الشعب ليعلن بكل سعاده مكافئته الجديده والغير مسبوقه علي حد تعبير الزمارين والطبالين لمحدودي الدخل لمساعدتهم علي مواجهه تكاليف المعيشه فقطع الرجل الطريق بكل حكمه وذكاء علي الذين كانوا يخططون لإفساد عيد ميلاده المشهود ... وأكتمل المشهد بسيل المديح والإشاده بالرجل الذي إنتصر للفقراء والمحتاجين وتخدر الناس لمده أربعه أيام إعتقدوا فيها بأن الحياه اصبحت ورديه وأن هناك من يحس بهم ...ثم جاءت قمه المشهد الدراماتيكيه بطرح القرارات الجديده للموافقه عليها في مجلس الشعب وإذا بالموقف ينقلب رأساً علي عقب ....الأمر كما يحاولون ان يروجوا له الأن أن هذه الزياده موجهه لتعويض عجز الموازنه جراء الزياده الجديده في المرتبات وأن ذلك سيتم بزياده سعر البنزين ومن سيتضرر هم من مالكي السيارات أي انهم من غير المحتاجين !!! الأمر من الممكن ان يكون مفهوما إذا كانت الزياده علي أسعار البنزين العالي الأوكتان اي 92 و 95 ...لكن ما شأن البنزين العادي 90 لأن 80 أصلا لم يعد متوافراً في المحطات وما العله في السولار والكيروسن ؟؟ هل يستخدمهم القادرين في قواربهم السريعه مثلاً ؟؟ أم ان الأغنياء لا يستخدمون الكهرباء ويستخدمون بدلا منها المصابيح التي تضاء بالكيروسين لعمل Show مختلف ؟؟؟ والله حاجه تضحك اوي
طيب هل زياده اسعار البنزين لن تؤثر علي اسعار المواصلات التي يستخدمها عامه الشعب وهم ايضا من محدودي الدخل وجزء كبير من رواتبهم يضيع تحت بند المواصلات ونحن هنا نزيد عليهم عبء هذا البند ؟؟؟
وما مشكله الغاز الطبيعي الذي صدعوا رؤوسنا به وبكمياته الوفيره لماذا زاد هو الأخر أم أن حكومتنا الرشيده رأت ان تعوض فرق خسائرها من عقد الغاز المباع لإسرائيل لمده عشرين عاماً والذي بدأ ضخه الأسبوع الماضي في طي الكتمان ...أم ان حكومه مصر المحروسه تعمل لرفع المعاناه عن كاهل محدودي الدخل الإسرائيليين ؟؟
اول مره اشوف حكومه بتسرق شعبها ... كان نفسي اقول عندي أمل لكن من الواضح انه لم يعد هناك لا أمل ولا عمر

وسمعوني سلام العلاوه يا ريس

[نرجسية]

العلاوة بتاعة 30 % بيدوها باليمين و ياخدوها تانى بالايد الشمال

يقول لك بنزين 80 لم يزداد سعره فى حين انه مش موجود أصلاً دلوقتى

الحكومة دى مش حتجيبها لبر

مش عارفين يستنفذوا اموال الشعب منين و للا منين

أنا حاسة ان اللى بيمشى البلد عيّل صغير

زودوا الكهربا
زودوا البنزين
زودوا فواتير التليفون

مافيش نقصوا مرة كله زودا زودا


هو مش شايف الفقر اللى الناس فيه
يعينى عليك يا شعب مصر

[hend]

لا وانت الصادق قول اول مرة اشوف شعب بالهبل دا الحكومه تديله فلوس الصبح وتاخد كل اللى معاه بعد الظهر

[المحب من فلسطين]

انا لا اعتقد بانه يوجد مجلس شعب حقيقي في اي دولة عربية

وان الدولة الوحيدة التي وجد بها مجلس تشريعي هي فلسطين

ولذالك تم اختطاف اعضاء المجلس التشريعي وتغيبهم قصرا

لذالك اتمني لمصر الحرية والاستقلال

[Menino]

المشاركة الأصلية بواسطة نرجسية

العلاوة بتاعة 30 % بيدوها باليمين و ياخدوها تانى بالايد الشمال

يقول لك بنزين 80 لم يزداد سعره فى حين انه مش موجود أصلاً دلوقتى

الحكومة دى مش حتجيبها لبر

مش عارفين يستنفذوا اموال الشعب منين و للا منين

أنا حاسة ان اللى بيمشى البلد عيّل صغير

زودوا الكهربا
زودوا البنزين
زودوا فواتير التليفون

مافيش نقصوا مرة كله زودا زودا


هو مش شايف الفقر اللى الناس فيه
يعينى عليك يا شعب مصر

المشكله يا دكتوره إنهم مش بس بيزودوا ....المشكله انهم مع كل زياده في اسعار سلعه او خدمه بيحاولوا انهم يقنعونا ان ده في مصلحتنا وطبعا الطبالين والزمارين زي ممتاز القط وأسامه سرايا وغيرهم كثير بيحاولوا يبيعوا للناس الوهم وكأننا شعب من المتخلفين عقليا وده مش صحيح وإن شاء الله قريبا حتطبل علي دماغهم

[Menino]

المشاركة الأصلية بواسطة hend

لا وانت الصادق قول اول مرة اشوف شعب بالهبل دا الحكومه تديله فلوس الصبح وتاخد كل اللى معاه بعد الظهر

لا لا لا لا يا هند ما لكيش حق خالص ...الحكومه سابت الناس 4 ايام كاملين مع حلم العلاوه ودي فتره كفايه اوي إحنا حننهب كفايه اربع ايام امل يا ريت كل سنه فيها اربع ايام حلوين كده

[Menino]

المشاركة الأصلية بواسطة المحب من فلسطين

انا لا اعتقد بانه يوجد مجلس شعب حقيقي في اي دولة عربية

وان الدولة الوحيدة التي وجد بها مجلس تشريعي هي فلسطين

ولذالك تم اختطاف اعضاء المجلس التشريعي وتغيبهم قصرا

لذالك اتمني لمصر الحرية والاستقلال

نتمني معك يا صديقي ان تتحسن الأحوال سواء في مصر او في فلسطين

[True_Face]

سبقتنى بمقالك
الذى كنت اكتب فيه بعنوان
يديله بالمين وياخدهم بالشمال

لا تعليق سوى اذافة ما كتبته الاخت هند

والشعب الاستسلامى يستاهل اكتر من كده واللى جى اكتر

[بنت فلسطين]

والله فعلا هم يضحك وهم يبكي هههههه
بيعطوا العطية وياخدوها تاني .. وبالسرعة دي !! طب يستنوا كم يوم بس يفرحوا الناس الغلابا
عموما ..
دة طبيعي والمفروض اننا اتعودنا على القرارات دي من حكامنا الـ ......
استغفر الله العظيم بس الواحد مش عايز يرتكب ذنب على حاجة فاضية

ربنا يحرمهم التعمة زي محرموا الي محتاجينها

[Menino]

المشاركة الأصلية بواسطة True_Face

سبقتنى بمقالك
الذى كنت اكتب فيه بعنوان
يديله بالمين وياخدهم بالشمال

لا تعليق سوى اذافة ما كتبته الاخت هند

والشعب الاستسلامى يستاهل اكتر من كده واللى جى اكتر

يا صديقي ولا يهمك أنا كتبت او انت كتبت الأهم هو اننا جميعا نعلم القصه جيدا ولسنا غافلين كما يتصوروننا
اشكرك علي مرورك الرائع

[Menino]

المشاركة الأصلية بواسطة بنت فلسطين

والله فعلا هم يضحك وهم يبكي هههههه
بيعطوا العطية وياخدوها تاني .. وبالسرعة دي !! طب يستنوا كم يوم بس يفرحوا الناس الغلابا
عموما ..
دة طبيعي والمفروض اننا اتعودنا على القرارات دي من حكامنا الـ ......
استغفر الله العظيم بس الواحد مش عايز يرتكب ذنب على حاجة فاضية

ربنا يحرمهم التعمة زي محرموا الي محتاجينها

أمين يا رب يحرمهم من النعمه اللي اغتصبوها من الناس الغلابه
رغم اننا اتعودنا علي القرارات لكن المشكله انهم بيتعاملوا معانا علي اساس اننا مجموعه من الأغبياء وده هو اللي بيزعل اما هم فتأمل منهم مفقود
نورتي يا اختي

[لاجئة]

لكم الله...
الله الغني عن انذال البلاط والحاشية!
النوايا المبيته باتت واضحة للعيان لكل من راق له الوضع واصر على الامعان فيه!
فاقد الشيء لا يعطيه.. فلا تنتظروا "الكرم" ممن لا كرامة لديهم.. مع انه ليس كرم وانما هو مال الشعب المنهوب والمهمش..
الحكام يلعبون بنارا وقودها الشعب المحترق من براكين القهر والجور اصلا!!
من علا فالله اعلى.....


تحياتي على هذا النص المميز يا احمد.
وعذرا للتأخير.
لاجئة.

[sherry_poetry]

حسبنا الله و نعم الوكيل
يا ريت مننساش دايماً "لا يغير الله ما بقوم حتى يغيروا ما بأنفسهم "