| |
06-05-2008, 07:32 PM
|
#1 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
أنا فيومية و عندي بط !!! ايه ؟؟؟
البارحة ...
زي الوقت ده تقريبا ,
طلعت فوق السطوح - هز الهوا كمي  - , علشان أغير جو 
و طبعا ما أخدش 3 دقائق و نزلت تاني علشان الجيران المتربصين في البلكونات
أما صدقوا حاجة يتفرجوا عليها 
المهم , ما لفت انتباه "جناب حضرتنا" في سطوح بعييييييييييد
هو وجود سيدة "بتلم كتاكيتها " و "تعتني" -عيني على الفصاحة- بالفراخ بتاعتها
و هي لابسة .... "كمامة" على بقها !!!!
طبعا أنا ما خدش بالي قوي من "أول بصه" -الست كبيرة يعني و من بعيد و متغطية و محجبة يعني ما حدش تفكيره يسرح لبعيد -
بصيت و اتأكدت فعلا انها لابسه كمامه على بقها
لزوم انفلونزا الطيور بقى و كل سنة و انتاو طيبين 
أنا طبعا كمصري -و أبويا مصري- لا زم أتريق على الوضع من أول "وهلة"
بس رجعت قلت لنفسي ... طيب و فيها ايه يعني ؟؟؟
بالعكس ده هو ده الصح
و لا هو احنا أي حاجة ام اتعودناش عليها
نقعد نتريق عليها ؟؟
و افتكرت مرة كنت شفت في الجزيرة تقرير مش فاكر في الصين و لا اليابان ,
و المراسل عمال "يقفّل" في نهاية التقرير و يختمه بالكلمتين "اللي فيهم النصيب"
و كام واحد و واحدة عدوا -مروا يعني - من وراه و كانوا لابسين كمامات برضه ؟؟
كده من غير وجود و باء في البلد و لا حاجة
علشان التلوث بس 
و طبعا أنا ما نسيتش أتريق عليهم أيامها برضه
المهم بعد اللت و العجن اللي أنا قلته ده ,,,
أكيد معظمكم شايف الناس اللي مثلا بتلبس كمامات دي
علشان الوقاية بس , انهم مش غلط
و لا فرافير و خايفين على صحتهم و لا بيدلعوا
بل أظن ان منكم -و أنا من ضمنكم- من يتمنى لو كانت الحكاية دي منتشرة في البلد
علشان كنا نلبسها و ام حدش يتريق علينا ,
خاصه في الأماكن الزحمه و الشوارع و التراب اللي ماليين البلد 
سؤالي بقى اللي عاوز أعرف رأيكم فيه :
1- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
3- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟ 
4- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
يعني لو رحت أي مصنع مثلا تلاقي العمال "بتتكسف"  !!!! تلبس الـsafety ؟؟؟
لييييييييييييييييه كل ده ؟؟؟
==========
و آسف على التطويل
آه و بالنسبة للعنوان , ده اللفظ اللي اتريقت بيه أول ما شفت المنظر
كنت سمعت الأغنية دي في "عالم سمسم" أيام زمااااااااااااااان 
آخر تعديل بواسطة abc ، 07-05-2008 الساعة 03:07 PM.
السبب: سؤال أضيف
|
|
|
|
06-05-2008, 07:38 PM
|
#2 (رابط ثابت)
|
|
----------------
تاريخ التسجيّل: May 2008
الإقامة: -----------
المشاركات: 1,131
|
إقتباس:
|
1- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
|
مع طبعا ,,, ﻷني مع الصح ,,, والناس مش دايما صح
إقتباس:
|
2- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟
|
ﻷ هلبسها ومش هتريق
إقتباس:
3- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
يعني لو رحت أي مصنع مثلا تلاقي العمال "بتتكسف" !!!! تلبس الـsafety ؟؟؟
لييييييييييييييييه كل ده ؟؟؟
|
مش عارف ,,, بس تقدر تقول ثقافة مجتمع
شكرا على الموضوع الجامد دا
__________________
وابصِرْ دَربَكَ يُغْنِكَ عَنْ سوءِ الدُروبِ
ـــــــ
do your work ,,,
control yourself ,,,
do not be stupid
|
|
|
|
|
07-05-2008, 03:08 PM
|
#3 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
الله يخليك يا مصطفى
و شكرا على التفاعل
و معلش
أنا زودت سؤال جديد كان لا بد منه  |
|
|
|
|
07-05-2008, 03:10 PM
|
#4 (رابط ثابت)
|
|
----------------
تاريخ التسجيّل: May 2008
الإقامة: -----------
المشاركات: 1,131
|
إقتباس:
|
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
|
والله لو في امكانية هلبسها
حتى هتكون احسن من اللي لابس جينز مقطع ولا مربي شعره شجرة فوق
__________________
وابصِرْ دَربَكَ يُغْنِكَ عَنْ سوءِ الدُروبِ
ـــــــ
do your work ,,,
control yourself ,,,
do not be stupid
|
|
|
|
|
07-05-2008, 04:48 PM
|
#5 (رابط ثابت)
|
|
يوم جديد امل جديد
تاريخ التسجيّل: May 2008
الإقامة: ام الدنيا
المشاركات: 39
|
- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
بلعكس انا معاها طبعا وخصوصا في القاهرة لانها فعلا تراب جامد او مش تراب دخان وعوادم
انا لما بروح القاهره طبعا مع الحر وشي بيعرق فبمسح وشي بالمنديل "امر طبيعي "
وبعدين ابص على المنديل الله لا يريكم كله تراب
والنظارة تراب
والايد تراب
ببقى نفسي ارجع الفيوم بسرعة عشان استحمه
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
لا طبعا هلبسها والي عايز يتريق يتريق زي مهو عايز
"مع ان المفروض محدش يتريق "
3- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟
لا عادي كنت هلبسها
4- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
والله معرفش"ما تجوبينا انت مدام انت منهم"
يمكن اتعودو يتريقو او بمعنا اصح يدحكو وعشان كده اتعودو
يعني لو رحت أي مصنع مثلا تلاقي العمال "بتتكسف" !!!! تلبس الـsafety ؟؟؟
لييييييييييييييييه كل ده ؟؟؟
انا عرفه؟
==========
و آسف على التطويل
آه و بالنسبة للعنوان , ده اللفظ اللي اتريقت بيه أول ما شفت المنظر
كنت سمعت الأغنية دي في "عالم سمسم" أيام زمااااااااااااااان
ههههههه فكرتني بعالم سمسم
ايام زمان
والله ايام حلوة
__________________
نحن قوم لا تهزنا الجبال العواتي فكيف بورقه كتب فيها :
اجب عن السؤال الآتي |
|
|
|
|
07-05-2008, 05:48 PM
|
#6 (رابط ثابت)
|
|
عضو مسجل
تاريخ التسجيّل: Oct 2007
الإقامة: مصــــر
المشاركات: 6,976
|
اسلوبك تحفة
فكرتنى باعلان جولدستار .. انا اسمى عبد الستار .. وعندى شَعر
إقتباس:
|
ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
|
انت بمجرد انك اتعودت على الحاجة الجديدة عليك او على مجتمعك فمش هتتريق .
مثال .. انت لو شفت دلوقتى موظف او طالب عامل فيها افندى ولابس طربوش طبعا مش هتعتقه وهتبهدله تريأة
وزمان كان الطربوش رسمى لكل المواطنين وكان عادى جدا .
بس موضوع جميل وخفيف تسلم ..
__________________
اعطنى القدرة حتى ابتسم ..
عندما ينغرس الخنجر فى صدر المرح
ويدب الموت ، كالقنفذ ، فى ظل الجدار
حاملا مبخرة الرعب لأحداق الصغار
اعطنى القدرة ... حتى لا أموت
اعطنى القدرة .. حتى ابتسم
أمل دنقل
my Blog
|
|
|
|
|
07-05-2008, 08:51 PM
|
#7 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
إقتباس:
المشاركة الأصلية بواسطة mostafa10
والله لو في امكانية هلبسها
حتى هتكون احسن من اللي لابس جينز مقطع ولا مربي شعره شجرة فوق
|
ألف شكر على متابعتك يا مصطفى
و وجهة نظر محترمة جدا
إذا كان أهل الباطل لا يستحون
فأنا أريد الحق و النفع لنفسي
إذا أنا أولى بفعل ما يحلو لي و إن كان لا يحلو للناس إذا كان فيه صلاحي و نفعي
جزاك الله خيرا على ردك اللي بجد أفادني  |
|
|
|
|
07-05-2008, 09:00 PM
|
#8 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
إقتباس:
المشاركة الأصلية بواسطة عاشقة نوبل
- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
بلعكس انا معاها طبعا وخصوصا في القاهرة لانها فعلا تراب جامد او مش تراب دخان وعوادم
انا لما بروح القاهره طبعا مع الحر وشي بيعرق فبمسح وشي بالمنديل "امر طبيعي "
وبعدين ابص على المنديل الله لا يريكم كله تراب
والنظارة تراب
والايد تراب
ببقى نفسي ارجع الفيوم بسرعة عشان استحمه
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
لا طبعا هلبسها والي عايز يتريق يتريق زي مهو عايز
"مع ان المفروض محدش يتريق "
3- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟
لا عادي كنت هلبسها
4- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
والله معرفش"ما تجوبينا انت مدام انت منهم"
يمكن اتعودو يتريقو او بمعنا اصح يدحكو وعشان كده اتعودو
يعني لو رحت أي مصنع مثلا تلاقي العمال "بتتكسف" !!!! تلبس الـsafety ؟؟؟
لييييييييييييييييه كل ده ؟؟؟
انا عرفه؟
==========
و آسف على التطويل
آه و بالنسبة للعنوان , ده اللفظ اللي اتريقت بيه أول ما شفت المنظر
كنت سمعت الأغنية دي في "عالم سمسم" أيام زمااااااااااااااان
ههههههه فكرتني بعالم سمسم
ايام زمان
والله ايام حلوة
|
عاشقة نوبل ...
تحيتي لك و لرأيك ... اللي ممكن أعتبره جريء لكنه سليم
أما بالنسبة ليه الناس -اللي أنا منهم - بيتريقوا على كدة ...
أحب أوضح إني أشجع بصراحة أي واحد يعمل كدة
و لو كنت في بلد من البلدان "المحترمة" كنت هعمل كدة ,
إنما المشكلة بالنسبة لي هي في مصر
هتلاقي الناس كلها بتبصلك و لسان حالهم يقول .... "ده عبيط ده و لا ايه " ؟؟
يعني المشكلة في الناس و نظرتهم لفاعل هذا الأمر , و ليست في الأمر نفسه فإنه جميل !!
تحيتي لكِ ... و دلوقتي أنا عرفت العنوان شدك ليه |
|
|
|
|
07-05-2008, 09:02 PM
|
#9 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
إقتباس:
المشاركة الأصلية بواسطة amr_miza1
اسلوبك تحفة
فكرتنى باعلان جولدستار .. انا اسمى عبد الستار .. وعندى شَعر
انت بمجرد انك اتعودت على الحاجة الجديدة عليك او على مجتمعك فمش هتتريق .
مثال .. انت لو شفت دلوقتى موظف او طالب عامل فيها افندى ولابس طربوش طبعا مش هتعتقه وهتبهدله تريأة
وزمان كان الطربوش رسمى لكل المواطنين وكان عادى جدا .
بس موضوع جميل وخفيف تسلم ..
|
عمرو
بجد نورت الموضوع
و ضحكت كتير لما افتكرت الاعلان بتاع عبد الستار ده 
و أنا معاك .. هو التعود مهم فعلا ...
أو العادات نفسها بتاعة المجتمع و مدى خروج هذا الأمر عنها -حتى إن كان لا يضادها- تؤثر في سلوك الناس و انتهاجهم لما هو جديد و مفيد و غير مضر لأحد ...
تحيتي لك أخي عمرو  |
|
|
|
|
07-05-2008, 09:06 PM
|
#10 (رابط ثابت)
|
|
العااااااااااااشق
تاريخ التسجيّل: Apr 2008
الإقامة: المغرب
المشاركات: 779
|
[quote=abc;662831][center][center][b][size=3][color=Blue]
1- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
أنا أكيد معاها وميهمن إز أي حد تريق علي علشان لو مكنتش عرفة قمتهة مكنتش لبستهة
أشكرك على الموضوع تحياتي
__________________
 محاولات لقتل امرأة لاتقتل 
لقد كنت أكدب من شدة الصدق
والحمد لله أني كذبت,,,,,,,,,,: 
|
|
|
|
|
07-05-2008, 11:38 PM
|
#11 (رابط ثابت)
|
|
!!! weak 'n freak
تاريخ التسجيّل: Apr 2008
الإقامة: !! somewhere COLD
المشاركات: 1,564
|
[quote=تامير;664165]
إقتباس:
المشاركة الأصلية بواسطة abc
[center][center][b][size=3][color=Blue]
1- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟
أنا أكيد معاها وميهمن إز أي حد تريق علي علشان لو مكنتش عرفة قمتهة مكنتش لبستهة
أشكرك على الموضوع تحياتي
|
تامير
أشكر لك مرورك و مشاركتك
بس اشمعنى جاوبت على سؤال واحد بس |
|
|
|
|
08-05-2008, 10:19 PM
|
#12 (رابط ثابت)
|
|
الاميره الصغيره
تاريخ التسجيّل: Nov 2005
الإقامة: أرضى وأرض جدودى
المشاركات: 11,315
|
إقتباس:
المشاركة الأصلية بواسطة abc
1- انت مع أو ضد أي حاجة غير تقليدية لكنها مفيدة رغم انها ممكن تكون محط "تريقة" , زي لبس الكمامات في الشوارع مثلا ؟ |
معاها
لان الناس مش دائما رايها صح
ولو مشينا ورا اللى بيعجب الناس مش حنخلص
إقتباس:
المشاركة الأصلية بواسطة abc
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
|
لو عندى حساسيه وبتاثر على صحتى بعملها طبعا
وعلى فكره عملتشئ شبيه ب كده ببدايه عملى
اينعم اخدت تريقه من الناس البسيطه اللى كنت بشتغل معاها
لكن العوامل والمتغيرات اللى اتعرضت ليها كانت جامده
وتعبت لما مش استخدمتها......
إقتباس:
المشاركة الأصلية بواسطة abc
3- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟
|
مش بتريق على حد الا فى حاله واحده بس
لو كان بيستعرض
إقتباس:
المشاركة الأصلية بواسطة abc
4- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
|
علشان مش بتاخد دقيقه تفكير
لو الانسان فكر ان ده علشان الصالح العام
وفيه ناس عندها حساسيه من حاجات كتير
انما كل الناس حاسبه نفسها اسمنت
__________________
i am what i am
|
|
|
|
|
09-05-2008, 04:19 AM
|
#13 (رابط ثابت)
|
|
العااااااااااااشق
تاريخ التسجيّل: Apr 2008
الإقامة: المغرب
المشاركات: 779
|
طيب ولا تزعل 
2- طيب ممكن تلبسها في مصر في الزحمة و أيام التراب و اللذي منه ؟ و لا هتخاف الناس تتريق عليك ؟؟
لو كنت مصلحتي فكد أكيد مش حخاف.
3- و لو كنت في بلد بتلبسها عادي , كنت هتلبسها و لا هتتريق عليهم برضه ؟؟
4- و ليه الناس أصلا -و أنا واحد منهم- أو المجتمع عامة , بيتريق على الحاجات اللي زي دي , مع انها مفيدة و مش مضرة ؟؟؟
فدي معرفش بس يمكن عشان عوزين يدحكو 
يعني لو رحت أي مصنع مثلا تلاقي العمال "بتتكسف" !!!! تلبس الـsafety ؟؟؟
لييييييييييييييييه كل ده ؟؟؟
معك حق حتنكسف من ئه دشغلهة وشغل مش عيب 
شكرا لك تمنياتي بتوفيق
__________________
محاولات لقتل امرأة لاتقتل
لقد كنت أكدب من شدة الصدق
والحمد لله أني كذبت,,,,,,,,,,:
|
|
|
|
|
09-05-2008, 06:37 AM
|
#14 (رابط ثابت)
|
|
H.S.C
تاريخ التسجيّل: Jan 2008
الإقامة: القاهرة
المشاركات: 81
|
بسم الله الرحمن الرحيم
السلام عليكم ورحمة الله وبركاته
الاخ الحبيب / abc
أحب أعبرلك عن مدى أعجابى الشديد بأنتقائك للمواضيع الجميلة ... وما شاء الله عندك قوة ملاحظة وروح ناقدة حساسة
بالاضافة لتطعم هذه الروح بروح فكاهية شديدة الجمال والمرح
تعبيراتك كلها جميلة وملفتة للنظر وتشد الذهن والوجدان اخى الحبيب
أهنيك على الاسلوب الرائع ده
أما بالنسبة للاسئلة
أعذرنى أخى الحبيب ... أنا مش هعرف أضيف اى اضافات رائعة او كلمات مختلفة عن باقى اخوتى السابقين للموضوع لان أرائهم جميلة وصحيحة ما شاء الله
وبجانب كده ... أنا كمان مصرى زى حالاتك ومش هعرف امسك لسانى عن التريقة والسخرية حتى لو كان الموضوع ده صح ومفيد
بصراحة انا عجبنى جداً شدة ملحظتك لموضوع زى ده
واللى عجبنى أكتر تلميحاتك الذكية جداً والاسئلة البارعة
بارك الله فيك اخى الحبيب صاحب الطرح الجميل ده
سلمت يمينك
__________________
الله لا اله الا انت سبحانك انى كنت من الظالمين
<< H . S . C >>
|
|
|
|
|
