انا بكره السعوديه واللى منها ..!!

[مستر كاراتيه]

بسم الله الرحمن الرحيم

السلام عليكم ورحمه الله وبركاته


طبعا كلنا شايفين العنوان ومدى الكراهيه اللى فيه

انا كمان مستغرب من الكراهيه دى ..

ليه يكون في بنا كراهيه .. وحقد ..

ليه منكونش إخوه كلنا احنا العرب

ليه منكونش إيد واحده .. ليه بنحارب فى بعض

ايه الفرق بين المصرى والسعودى والمغربى والفلسطينى و الكويتى والاماراتى ..الخ

كلنا عرب يا إخوانا

كلنا إخوات يا جماعه ... ليه نكره بعض ؟؟؟؟

***
انا وصلتلى رساله من الأخت سراب ..

بتقول انها ناويه متدخلش منتدى بن مصر تانى ...

بتقول انها هاتسيبه للمصريين بس .. - ده على اساس انه للمصرييين بس -

بتقول انها مش عاوزه تكون ضيفه تقيله لى المصريين - مع اننا اخوات -

سراب قالت كده

علشان فى حد من الاعضاء بيغلط فى السعوديه وبيهين السعوديه
وهيا طبعا مقدرتش تسحمل الكلام ده عن السعوديه فضلت انها تبعد
علشان تحافظ على كرامتها وكرامه بلدها .. وفضلت عدم الرد .. لأدبها - دووم يا سراب -

سراب ..
كرامه السعوديه من كرامه مصر ..
مفيش فرق بنا ..

ومن تانى إحنا العرب إخوه

كلنا إيد واحده

تقبلوا منى خالص التحيه والتقدير يا شعب الوطن العربى

إنسان بسيط جدااااا

مستر كاراتيه

..

[فراق84]

اكيد مافيش فرق بينهم
ولو واحد حكى عن السعودين كدة
هو ما بيمثل الشعب المصري
او اي واحد مش بالضرورة يكون يمثل شعبو
واحنا اخوات كلنا
لو كلمة حتخلينا نبعد كدة
عمرنا ما حنحل مشاكلنا
ياريت يا سراب تفكري تاني
واهلا وسهلا فيكي بأي وقت
وشكرا يا مستر كاراتيه للموضوع
اختكم فراق

[بائع الورد]

اولا مصر طول عمرها بلد العرب وعمرنا ما اسمعنا أن في عربي شعر انه غريب قي مصر !!
ثانيا : لو فيه حد هان السعودية كلنما بنعتذر يا اخت سراب نيابة عنه لاننا ما نعرفهوش

تحياتى لكاتب الموضوع على لفتته الطيبة

[توتى3000]

اكيد مفيش فرق بينا ولو حصل حاجه وحشه دى شواذ على القاعده وسراب احنا بنحبها جدا وهى عرفه ده كويس
شكرا

[zm_18]

اكيد مافيش فرق بينهم
ولو واحد حكى عن السعودين كدة ربنا يسامحه وجزائه على الله واطلب من المشرفين حذف العضويه
هو ما بيمثل الشعب المصري
او اي واحد مش بالضرورة يكون يمثل شعبو
واحنا اخوات كلنا
لو كلمة حتخلينا نبعد كدة
عمرنا ما حنحل مشاكلنا
ياريت يا سراب تفكري تاني وترجعى
واهلا وسهلا فيكي بأي وقت وتنورى المنتدى
وشكرا على الموضوع يا مستر كاراتيه

تقبلوا منى zamalek4ever

[مستر كاراتيه]

شكرا ليكم كلكم بجد على شعوركم الطيب تجاه سراب ..
واللى بيمثل شعور نحو العرب كافه ...

ومن تانى والله إحنا العرب إخوه

..

[teto_g14]

طبعا إحنا العرب إخوه

وبجد مفيش فرق

سراب انسانه محترامه جدااااااااااااااااااااااا

لزم تفكره تانى

[أدهم]

مشكلتنا التعميم فى الكلام .. وكأننا مناديب للدول .. ياريت كمان ماحدش يزعل لدرجة إنه يسيب المكان .. لأننا فى المنتدى عرضه لدخول أى حد فى أى وقت ويدعى مايدعيه .. ونبنى إحنا عليه .. لازم الواحد يكون مستوعب الوضع .. وبعدين أنا مشاكلى كتير جدا جدا فى السعودية واللى واقف معايا فيها سعوديين .. مش عارف ؟ ممكن أحب ولآ أكره ؟ بالمنطق العجيب ده !! .. سراب لازم تستوعب الحقيقة دى والموضوع مش كرامة البلد زى ماقريت .. لما حد يتجاوز فيه أساليب كتير وفيه إدارة ترد لها إعتبارها .. منتظرينك ياسراب .

[Ebn elbalad]

أكيد كلنا أخوات طبعا ومفيش أى فرق بيننا .. وإن كان هناك أحد الأعضاء عمل كده فأكيد الباقى مش هيقولوا زيه بل بالعكس دول هيعارضوه ويعارضوا رده
أهلا بيكى يا سراب فى أى وقت .. أكيد أنتى صاحبة بيت هنا ومحدش يقول غير كده
وحتى تلك اللحظة .. ابتعادك مرفوض .. بالعافية بقى

[جناب العمدة]

مستر كاراتيه ..
سراب مخطأة أيضاً ولا نعفيها من المسئولية .. لا تستغرب كلامى .
الانسحاب من اسراء للمنتدى وكلامها هسيبوا للمصريين لمجرد واحد
أخطأ هو ده خطأ اسراء ..
إن كان فى حد أخطأ فى حق السعودية .فيوجد فى المنتدى العشرات
ممن يحبون السعودية وكل بلد عربى من ذوى العقل الفاهم والواعى بأن كلنا نسير فى مركب واحد وغير العربي ينظر الينا كلنا بمختلف أقطارنا على اننا ( العرب ) والخطر يداهم الكل .
وأيادى السوء تحاول أن تطال من الجميع من المحيط الى الخليج .
كلمة للذى أساء الى السعودية :
أعمل عقلك ولا تعمم الحكم لمجرد اساءة شخصية (حادث فردى ربما ) وفى من أسأت اليهم
الكثير الكثير (الغالبية ) ممن يحبون مصر وأهل مصر ويهيمون بها عشقاً رأيت هذا أنا بأم عينى ولو سمعت الشيخ عايض القرنى وهو يتحدث عن مصر وأهل مصر فى حديثه فى معرض الكتاب لعرفت ذلك ولمسته فى صدق تعبيره .
أتقى الله يا أخى ولا تسىء لأخوة لك فى العقيدة والدم وتحقد عليهم وهم ليسوا الا أهلا للحب
يا اخى اتق الله ولا ينطق لسانك الا بالخير وبالحسنى واعلم أن أن ديننا أمرنا بمعاملة الغريب بالحسنى فما بالك بأهل عروبتنا وبنى جلدتنا .
وأوجه كلمة لسراب :
لو صادفت أحد يذكر السعودية بلدك بسوء ردى عليه بالعقل والحجة وأثبتى له خطأه وبينى له
محاسن بلدك والتى أراها أنا شخصياً كثيرة جداً والانسحاب ليس الحل .
يا أخت سراب السعودية لها مكانها فى قلب المصريين وأنا شخصياً أكن لها كل الود
ولى فيها أصدقاء أعتز بصداقتهم والتى أظن أنها ستبقى دائمة بإذن الله .
وكيف لا نحب هذا البلد وهو بلد الحرمين الشريفين . ارض الوحى ونشهد لأهله بالكرم
وحسن معاملة الغير .
تحية منى عى صفحات هذا المنتدى للسعوديين كافة وأقول لهم أننا نحبكم ونجلكم ونحفظ قدركم .

[حنين مصر]

لا تعليق انا بس شدني العنوان ....
وانابشوف الناس كلها زي بعض في كل مكان في العام في الكويس والوحش....
حنين من السعودية

[بنت فلسطين]

مع احترامي للجميع لكن الأخت التي أخطأت بالسعودية لا تمثل كل المصريين
ولا تمثل كل من في هذا المكان الذي يرحب بكل عربي
اعتقد ايضا ان الأخت سراب لا يجب ان تسمع لهذا الكلام ولا تترك له مجالا ليؤثر بها
السعودية هنا كمصر .. كرامتهتما واحدة في قلب كل واحد منا
أختي لا تهتمي لهذا الكلام
أنا ولدت بالسعودية وأعيش يها وأحبها حبي لموطني
أدام الله عزها وعز كل بلاد المسلمين

[amr_miza1]

الاخت سراب ..

كلنا مش بنفرق فى المعاملة سواء مصريين او سعوديين .. فى النهاية اخوات والمنتدى مش للمصريين لوحدهم ..

نتمنى عودتك .. ومنتظرينك


شكرا يا احمد للفتتك الطيبة ..

[برديس]

اكيد مفيش فرق بين العرب
ودى احلا حاجه فى النت انه بيجمع العرب
مفيش سعودى ولا مصرى ولا فلسطينى
كلنا عرب

[Lonely Doc]

مستر كاراتيه

لن ازيد بعد كلام كل الاخوة والاخوات هنا

لكن لو سمحت اريد عنوان الموضوع (او المواضيع) التى تتحدث عنها الاخت سراب حتى يمكن اتخاذ اللازم

واذا كنت تجد اى حرج فى وضعها هنا يمكنك ارسالها لى بالرسائل الخاصة

لابد من اعطاء كل ذى حق حقه وفى نفس الوقت لا نلقى بالتهم جزافا على الاخرين

تحياتى