البكاشيين
دول حكايتهم حكاية
شوية تلاقيهم يسار
وشوية تلاقيهم يمين
كل يوم يحكوا كلام
فى كلام
ويشمموك ويسجدوك
ويشربوك
وسكى وحشيش ويبرشموك
علشان يبيعولك كلام
وانت نايم فى التمام
البكاشين بيبيعوا كل حاجه
حتى الوطن
ما هو ده طبعهم
لما شافوا شعبهم م الطيبين
فى فكرهم
دول رعاع
ويطلعولك البتاع
وينزلولك البتاع
ويأكلولك البتاع
ويشربوك م البتاع
ويقولوك دا البتاع
اضحك عليهم بكلمتين
دول بيصدقوا أى حاجه
ما دام يدوب مش محصليين
كام رغيف
من غير غموس
طب آيه حا يحصل لو
أديت لكم للعيش غموس
تملوا بطونكم تشبعوا
وترجعوا تتكلموا ع البكاشيين
خليكوا كده جوه فى مكانكم
مأنفديين
وصدقوا أى حاجه يقولها ليكوا البكاشين
لما يطلعوا كل حاجه فى السليم
هما الحكومه وأنت الناس الطيبين
شوف كبيرهم لما وقف ع المصطبه
ومعاه شويه نصابين
فى عرف الوطن فنانيين
دول أصل الكدب كله
وهما أصل الكدابين
باعوا الوطن بالرخيص
ولبسوا توب أبن الخسيس
وأنضموا دوغرى للبكاشيين
البكاشيين صرفوا علاوه
علشان يا شعب
يسجدوك
ويدو أوك طعم الحلاوة
وبعد يوم
غلوا عليك كل حاجه
مين اللى قالك
تصدق أى حاجه م البكاشيين
ما دمت نايم
يا أبن والدى
وبيحكمك
شلة غجر م البكاشيين
ليهم كبير
بيعبدوه
ويمجدوه
ويقولوا إن ده هو
أمام البكاشيين
طب نعمل آييه
يا شعب طيب
تاكل حرنكش
وتلبس مزركش
وتعمل حرفرش
وتقوم تكسر
فى البكاشيين
يا أما كده
يا تموت بحسرة
على اللى ظلم
وقال رعاع
وأنتوا أصل
الطيبيين
فوق يا مصرى
فوق بقى
***********
كتابات / حسن أرابيسك
__________________
عن أبي سعيد الخدري رضي الله عنه عن النبي صلى الله عليه وسلم قال
أفضل الجهاد كلمة عدل عند سلطان جائر
رواه أبو داود والترمذي وقال حديث حسن
آخر تعديل بواسطة hassan omran ، 07-05-2008 الساعة 10:26 PM.
رائع حرفك كالعادة
يعبر بقوة عن البكاشين وشعب بياكل الحلاوة !!!!!!!!
تحياتي استاذ حسن
__________________
انا عضو لا يتلائم مذهبي مع مذهبكم فامسحوا كل اثر لي بدنياكم رحلنا والحمد لله الى دنيانا التى نهواها وتهوانا
معلش نسيت ان كلمة هوى حرام !!
البكاشيين...........
النمط الخطي
