دمي سال

[أسير فلسطين]

دمي سال

دمّي سال وعِلْيِِ الصوت

فِدَى بلادي يهون الموت





لا تتمـنى ولا تقـول لـوْ

عـتم الليـل وما في ضـوْ

محاصـر أنت أرض وجـوْ

ومـالك درب منها تفوت





دمّي سال وعِلْيِِ الصوت

فِدَى بلادي يهون الموت





علي الصوت وما فيه ردْ

وقفنا وما ظل معنا حد

سلاح الثورة على الـقدّ

وما في عنا حتى القوت





دمّي سال وعِلْيِِ الصوت

فِدَى بلادي يهون الموت





ظـلّك واقف عالْمينا

بلكي بتوصل سفينة

فيها سلاح ومرتينا

وفدائية بدها تموت





دمّي سال وعِلْيِِ الصوت

فِدَى بلادي يهون الموت





ثوري ثوري ولا تروقي

فوْري الدم إلْ بعروقي

ويوم إلْ ضاعت حقوقي

ناموا العرب عالتخوت





دمّي سال وعِلْيِِ الصوت

فِدَى بلادي يهون الموت





عالم أعمى وما بيشوف

سرقة وطن عالمكشوف

ارهابي ومدوّن بكشوف

الفلسطيني هالممقوت





دمّي سال وعِلْيِِ الصوت

فِدَى بلادي يهون الموت





فلسطيني ومين قدُه

مين بيقدر عا ردُه

شال كلاشِن وشدُه

وفجّر لُغمُه بالريموت





دمّي سال وعِلْيِِ الصوت

فِدَى بلادي يهون الموت





غيم الجو .. وما في شمسْ

وصار اليوم زي الأمس

مطموسه القضية طمس

وعَشّش عليها العنكبوت





دمّي سال وعِلْيِِ الصوت

فِدَى بلادي يهون الموت





زاد الظلم وساد الشر

من سنين وما حد مر

يا حكام ارسوا ع البر

ودشروا الكراسي والبشوت





دمّي سال وعِلْيِِ الصوت

فِدَى بلادي يهون الموت





بينا وبينكو لَنْخُطْ خَطْ

صرنا المد وأنتو الشط

نذل وواطي اللي حط

كرامة شعبه فِالتابوت





دمّي سال وعِلْيِِ الصوت

فِدَى بلادي يهون الموت





هَبِّتْ عِزْ و وقفة حر

شوية نخوة ما بتضر

على الحلو وعلى المر

يا وطنّا لآخر فوت





دمّي سال وعِلْيِِ الصوت

فِدَى بلادي يهون الموت





ضمير مات وما هو حيّ

اللّي رمى لحمه نيّ

وقطع عنهم حتى المي

وما سترهم بورقة توت





دمّي سال وعِلْيِِ الصوت

فِدَى بلادي يهون الموت





طق القلب منك طق

معك الباطل صار الحق

معروفه ومن أول دق

اللعبة ومحروقة الكروت





دمّي سال وعِلْيِِ الصوت

فِدَى بلادي يهون الموت





ابن العم وحتى الأخ

بطريقي حطوا الفخ

قُلْتْ أيْ وقُلْتْ أخْ

ولمّا صرت ببطن الحوت





دمّي سال وعِلْيِِ الصوت

فِدَى بلادي يهون الموت





وين نلقّي وين نروح

ما في إلنا حل مطروح

نصبنا خيام على الجروح

وضاقت علينا هالبيوت





دمّي سال وعِلْيِِ الصوت

فِدَى بلادي يهون الموت





كنّك شاطر جيب الحلْ

صار الواقع زي الخل

ناس بتشرد وناس بتظل

وناس بتلجأ للسكوت





دمّي سال وعِلْيِِ الصوت

فِدَى بلادي يهون الموت





همّنا كبير وما بْيِلْتَمْ

مين بيصمد مين بِيْتَمْ

اللّي عنده نتفة دم

يواجه معنا هالطاغوت





دمّي سال وعِلْيِِ الصوت

فِدَى بلادي يهون الموت





حطوا النقط عالحروف

مين وصّلنا لهالظروف

ليش الجاني مش معروف

وليش القاتل ظل مفلوت





دمّي سال وعِلْيِِ الصوت

فِدَى بلادي يهون الموت





اصرخ لأْ وإعصي الأمر

وإمشي حافي على الجمر

أنت خالد .. وانت عمرو

وبسلاحك نصرنا مبتوت





دمّي سال وعِلْيِِ الصوت

فِدَى بلادي يهون الموت

[المحب من فلسطين]

يا أُمَّةً سَارَتْ بِقِصَّتِها أحَادِيثُ الزَّمَانِ
عَدْلاً وحُسْنَ سِيَاسَةٍ لِلْخَلْقِ مِنْ قَاصٍ ودَانِي
مَا بَالُهَا فِي هَذِهِ الأيَّامِ تَرْضَى بالهَوَانِ ؟!
يَا أُمَّة انْتَفِضِي فَمَا فِي الأرْضِ عَيْشٌ للْجَبَانِ
أبَداً ولَيْسَ هُنَاكَ للضُّعَفَاءِ فِيهَا مِنْ مَكَانِ

[أدهم]

غيم الجو .. وما في شمسْ

وصار اليوم زي الأمس

مطموسه القضية طمس

وعَشّش عليها العنكبوت

.
البداية فى كامب ديفيد
ومن بعدها كله بقى على ضوء الشموع و ضوء القمر
النهاردة على عينك ياتاجر ..
.
مابقى غير إن يسيل الدم ويعلا الصوت
تسلم يديك

[أسير فلسطين]

مش عارف كيف بدي أرد على ردودكم الحلوا
يسلموا