| |
09-05-2008, 01:23 PM
|
#1 (رابط ثابت)
|
|
!! always like that
تاريخ التسجيّل: Apr 2008
الإقامة: SomeOne Else's Life
المشاركات: 2,387
|
موزمبيق يا حبي ... يا حتة من قلبي !!!
بسم الله الرحمن الرحيم
موزمبيق يا حبي ... يا حتة من قلبي !!!
أعد ذِكر "موزمبيق" إن قلبيَ مولعٌ بـ"موزمبيق" *** و من ليَ أن ترى مُقلتي "موزمبيق"
ياااااااااااااه على موزمبيق 
و حلاوة شمسها و خفة ظلها و الجو عندها !!!
و كل ما أفكر إني أبعد عنها و لا أقلل حبها , الشوق "يلطشني" تاني لأهلها !!!
أنا عارف إني عمال أمدح في موزمبيق , و انتوا مش حاسسين بمدى حبي الشديد و تعلقي المتين بموزمبيق ... حكومة و شعبا !!!
بس أقول ايه ؟؟
ما انتم ما تعرفوهاش أصلا ممكن تكونوا عارفينها اسما بس لكن مش عارفينها عن قرب , علشان كدة مش قادرين تتفهموا شعوري و لا موقفي !!!
لكن لو انتوا عارفين موزمبيق ... هتحسوا بي بجد , و هتلاقوا "صعوبة شديدة في تركها" , و لو قررتم بجد انكم "تفارقوها" هتلاقوا صعوبة شديدة !!!
طبعا , فليس من رأى كمن سمع !!!
و هو ده يا أسيادنا "مرمط" الفرس !! 
انك لو قررت تسيب, أو تفارق, أو تقلع عن أي حاجة أو عادة قد لازمتها و اعتدتها و عرفتها , فستجد عنتا و مشقة من لو كنت لم تعرف هذه الحاجة أصلا !!!
يعني ايه ؟؟
يعني مثلا يعني مثلا , لو واحد عمره ما سمع عن السجاير مثلا , أو سمع عنها و ما جربهاش , و جيت تقول له السجاير وحشه , ما تشربهاش , هيقوللك ايه ؟؟
ماشي , أنا عارف انها وحشة , و مش هشربها !!! ده لأنه ما جربهاش !!
طيب فرضا إن نفس الشخص "لعبت الخمر برأسه"  و الشيطان "لطشه" , أو "صحاب السوء خانوه"  و قال : أجرب .. أعرف بس السجاير دي ايه اللي فيها ؟؟ عبارة عن ايه ؟؟ بس مش هدمنها و لا حاجة  !!! هجرب بس , من باب المعرفة يعني !!
لو جيت تكلم الشخص ده نفسه بعد ما شربها و "عجبته" -و حط خطين تحت "عجبته" دي , و خطا تاني فيويها علشان الشمس - و قلت له بطلها ... ??? 
أيوه ممكن يبطلها ..... بس هيبطلها بصعوبه داخلية أكثر من ذي قبل , لأنه جربها , و شافها و عجبته , فلما ييجي يبطلها , هيبطلها لكن نفسه تهواها  , على عكس حالته الأولى قبل أن يجرب , فقد كانت نفسه لا تنازعه فيها , فكان عنها مقلعا و منفكا بدون عنت أو صراع بين شهوته و بين عقله !!
-ده طبعا بافتراض ان السجاير حلوة , و ما تاخدش المثال على السجاير بس , ده عموما , يعني مثلا انت مش عاوز تسمع أغاني و مقتنع بكده -لأنها حرام أولا - و لأنك أصلا مش عاوز , و مرتاح من غيرها , راح واحد قاللك اسمع الـ"طقطوقة" دي للفنان الحقير فلان أو الفنانة الوضيعة فلانه , ثم لاقى الصوت او اللحن هوىً في نفسك , فإنك ستجد أن نفسك ستنازعك بعد ذلك أن تعود , و ستجد أن إقلاعك عنها أصعب من لو لم تكن سمعت هذه المقطوعة ابتداءاً ..... و قس على ذلك حاجات كتيييييييييييير قوي , و بلاش نفتَّح بقى ,
الخلاصة إن أي حاجة انت عارف انها حرام أو غلط و بطلتها من غير ما تجربها أو تخوض فيها و تقترب منها , فسيكون أسهل من لو أنك جربتها و عرفتها و حاولت تبطلها .....
دي طبعا وجهة نظري و رأيي المتواضع عن هذه المسألة ... و للأسف عن تجربة !!!
و قد يؤيد رأيي هذا حديث لرسول الله -صلى الله عليه و سلم- من أجمل الأحاديث التي سمعتها و خالطت شغاف قلبي :
يقول -صلى الله عليه و سلم - : "ضرب الله تعالى مثلا صراطا مستقيما , و على جنبتي الصراط سوران فيهما أبواب مفتحة , و على الأبواب ستور مرخاة , و على باب الصراط داع يقول: يا أيها الناس ! ادخلوا الصراط جميعا و لا تتعوجوا , و داع يدعو من فوق الصراط , فإذا أراد الإنسان أن يفتح شيئا من تلك الأبواب قال: ويحك لا تفتحه فإنك إن تفتحه تلجه , فالصراط الإسلام , و السوران حدود الله تعالى , و الأبواب المفتحة محارم الله تعالى , و ذلك الداعي على رأس الصراط كتاب الله , و الداعي من فوق واعظ الله في قلب كل مسلم " صحيح الجامع الصغير - المجلد الثاني - حديث رقم 3887 ( صحيح ) .
و الشاهد من هذا الحديث قوله "ويحك لا تفتحه , فإنك إن تفتحه تلجه" و قد فسر صلى الله عليه و سلم الأبواب بمحارم الله , أي ما حرم الله , أي أننا نجب ألا نقربها , فلو قربناها و قلنا "مش هندخل" , احنا "هنبص بس" فكأننا "بنفتح الباب"  و "إنك إن تفتحه تلجه" !!!
جزاكم الله خيرا على "طول نفسكم" معايا ,
و سيبكم من موزمبيق بتاعة الأول دي , و أكيد كل واحد فينا ليه "موزمبيقات" كتيرة يتمنى أن لو لم يكن يعرفها أصلا حتى يستطيع أن يتركها بدون أن تشتاق نفسه إليها !!
و لا تنسونا من دعوة بظاهر الغيب , و انتوا هتستفيدوا انتوا كمان لما الملَك يؤمن على دعائكم و يقول "آمين و لك بمثل"
و طبعا باب النقاش "متوارب" زق و ادخل .. و أي خطأ أرجو أن تنبهوني له ...
و جزاكم الله خيرا
=====
|
|
|
|
09-05-2008, 02:42 PM
|
#2 (رابط ثابت)
|
|
الاميره الصغيره
تاريخ التسجيّل: Nov 2005
الإقامة: أرضى وأرض جدودى
المشاركات: 13,099
|
دخلتك للموضوع فعلا متميزه
وانا اللى قاعده افكر ...........هيه مالها موزمبيق دى كمان
الحياه مليانه باشياء كتير اتلقنا بيها...جايز تكون صح وجايز تكون غلط
لكن ان الانسان يحاول يبعد عنها ....دى بتكون مجاهده النفس
ربنا يثبتنا
__________________
....
.....
مراقبه دهاليز المجتمع و البحث العلمى
|
|
|
|
|
09-05-2008, 03:42 PM
|
#3 (رابط ثابت)
|
|
ناقلة الإحساس من الداخل
تاريخ التسجيّل: Dec 2007
الإقامة: يوما ما كنت هناك ...في فلسطين!!
المشاركات: 7,069
|
موضوع مهم فعلا
وربنا يبارك فيك
وكويس انها مش عن موزنبيق
لاني ما بعرفهاش
بس كلامك كلو صح
جهاد النفس اعظم جهاد
شكرا لك
اختك فراق
__________________
اللهم هؤلاء عيني لا تراهم ..فبعينك اللهم ارعاهم ..ولا تحرمني لقياهم اذا كانت الحياة تقاس بالسعادة .. فاكتبوا على قبري مات قبل ان يولد
|
|
|
|
|
09-05-2008, 07:44 PM
|
#4 (رابط ثابت)
|
|
!! always like that
تاريخ التسجيّل: Apr 2008
الإقامة: SomeOne Else's Life
المشاركات: 2,387
|
إقتباس:
المشاركة الأصلية بواسطة نيهال
دخلتك للموضوع فعلا متميزه
وانا اللى قاعده افكر ...........هيه مالها موزمبيق دى كمان
الحياه مليانه باشياء كتير اتلقنا بيها...جايز تكون صح وجايز تكون غلط
لكن ان الانسان يحاول يبعد عنها ....دى بتكون مجاهده النفس
ربنا يثبتنا |
نيهال
شكرا على المرور
فعلا مجاهدة النفس من أصعب الأشياء ....... و أهمها !!! |
|
|
|
|
09-05-2008, 07:47 PM
|
#5 (رابط ثابت)
|
|
!! always like that
تاريخ التسجيّل: Apr 2008
الإقامة: SomeOne Else's Life
المشاركات: 2,387
|
إقتباس:
المشاركة الأصلية بواسطة فراق84
موضوع مهم فعلا
وربنا يبارك فيك
وكويس انها مش عن موزنبيق
لاني ما بعرفهاش
بس كلامك كلو صح
جهاد النفس اعظم جهاد
شكرا لك
اختك فراق
|
فراق
شكرا للمرور
و بارك الله فينا و إياكي
و بصراحة و لا أنا أعرف موزمبيق و لا حتى هي فين على الخريطة
بس حبيت أبدأ الموضوع بأسلوب غير معتاد
شكرا لمرورك |
|
|
|
|
|
مواضيع مشابهة
!! ؟؟
النمط الخطي
