سؤال للجميع ؟؟ !!

حنين · 23-09-2002, 07:52 PM

هلا ليش العرب نايمين ؟؟

وليش بس الفلسطينين اللي بالمخيمات الفلسطينية هم اللي عم يتظاهروا وغضبانين زي اخوانهم بفلسطين!!

اشمعنى العرب لساتهم نايمين .. مع انه لازم يصحى ولو كم يوم بس (slp)

والفلسطيني حن على اخوه الفلسطيني !!@

صدق الدم الفلسطيني واحد !!

الله يبارك بالجميع عالتضامن الاخوي العظيم !goood/

تحياتي

ابن فلسطين · 23-09-2002, 09:41 PM

و الله سؤالك صعب يا حنين ..

و فعلا شي محير جدا .. حتى على مستوى اضرابات ما في ..

الله يهدي هالامة ..

تحياتي للجميع ..

=BASSEM= · 23-09-2002, 10:59 PM

هلا ليش العرب نايمين ؟؟
وليش بس الفلسطينين اللي بالمخيمات الفلسطينية هم اللي عم يتظاهروا وغضبانين زي اخوانهم بفلسطين!!
اشمعنى العرب لساتهم نايمين .. مع انه لازم يصحى ولو كم يوم بس
والفلسطيني حن على اخوه الفلسطيني !!@
صدق الدم الفلسطيني واحد !!
*************************************************
جزاكي الله كل خير يااختي حنين علي موضوعك الاكثر من رائع و روعته تتمثل في كلماته
انظري انا هافنطلك موضوعك جزئيه جزئيه و هارد عليه
1- هلا ليش العرب نايمين
(sleeeep) (sleeeep) (sleeeep) (sleeeep) (sleeeep) (sleeeep)
هل ياحنين قصدك كل العرب يعني كل العرب و بما انك جمعتي العرب و استثنيتي عرب فلسطين
فهرد علي الاساس ده و انا دمي بيتحرق من الموضوع الغريب بتاعك بصي يا اخت حنين
1- المشرفين علي منتدي فلسطينين و ده طبيعي لكن بصي في المنتدي نفسه
تجدي ان اغلب المتواجدين به عرب ده مسال صغير بصي بقي للحياه طبيعي ان يتولا القضيه فلسطينين
و ذلك لانهم اقدر الناس ان يعبروا عن ارضهم و مشكلاتهم
و لكن هل كانت الانتفاضه تستطيع ان تعيش لولا تمويل العرب باموالهم و مقاطعتهم و الجهد النفسي
و الحاله النفسيه السيئه التي بها كل العرب مما نراه باجهزه الاعلام او مما نقراه و بصراحه لو مكانش عشان خاطر الشعب الفلسطسنس يبقي عشان الاقصي
العرب مش نايميين العرب مستنيين و هي دي الكارثه ان العرب كلهم اعتادوا علي ان يسيروا تحت عباءه الرؤساء العرب
-----------------------
2-وليش بس الفلسطينين اللي بالمخيمات الفلسطينية هم اللي عم يتظاهروا وغضبانين زي اخوانهم بفلسطين!!
هههههههههههههههههههههه
ماشاء الله الله يسامحك يااختي الفاضله
بقي الفلسطسنسن اللي بالمخيمات هما اللي عم يتظاهروا علي اخوانهم بفلسطين
بس طب المظاهرات اللي في الجامعات كل يوم و المقاطعه و الكره الدفين للمعتدي طب احنا دلوقت مش قادرين نروح فلسطين عشان نساهم يبقي خلاص مابنساهمش مساهمه فعليه
لا اعتقد ذلك
-----------------------
3-اشمعنى العرب لساتهم نايمين .. مع انه لازم يصحى ولو كم يوم بس
اشمعنى الرؤساء العرب لساتهم نايمين .. مع انه لازم يصحى ولو كم يوم بس
اظن انك تتفقي معايا ان الجمله التانيه اصح و ادق الرؤساء
-----------------------
4- والفلسطيني حن على اخوه الفلسطيني !!@
صدق الدم الفلسطيني واحد !!
شكرا جدا جدا الدم الفلسطيني و احد
احب افكرك ان مافي حاجه اسمها فلسطيني او مصري او عراقي او اردني او او او او
لحكايه دي اللي عاملها المحتل في بدايه القرن العشرين
زي فرنسا و انجلترا و غيرها
يعني الدم العربي و احد و الا كنا قلنا عادي بقي فلسطين ايه و بتاع ايه و مكانش دمنا اتحرق عشان فلسطين
-------------------------
5- الله يبارك بالجميع عالتضامن الاخوي العظيم !
لو كانت دي سخريه فالعرب بيشكروكي علي تقدير جهودهم
----------------------------
و لو كنت عرفتي فين الخطا يبقي موضوعك الاصح يبققي كده
******************
هلا ليش الرؤساء العرب نايمين ؟؟
وليش بس العرب في كل انحاء العالم اللي بالمخيمات الفلسطينية هم اللي عم يتظاهروا وغضبانين زي اخوانهم بفلسطين!!
اشمعنى الرؤساء العرب لساتهم نايمين .. مع انه لازم يصحى ولو كم يوم بس
والعربي حن على اخوه العربي اللي بفلسطين !!@
صدق الدم العربي واحد !!
*******************
و شكرا لكي

ابن فلسطين · 23-09-2002, 11:16 PM

اخي الكريم B_AMAR ..

شكرا الك على ردك المنطقي و المعقول ..

لكن صدقني يا اخي احنا ما بنقول هالكلام الا من القهر الي داخل قلوبنا ..

احنا نفسياتنا اصبحت محطمة .. ما حد شاعر في مدى المأساه الي بنمر فيها .. ما اعتقد انو مر على اي امة مثل ما بيمر على الفلسطينيين في الوقت الحالي ..

و الله يا اخي وضعنا لا يمكن وصفه ببضع كلمات .. وضعنا ما بيعرفه و ما بيقدره الا الي عاش فيه .. لاني ما اتوقع اي انسان جربه ..

و الشعور بالقهر صعب جدا .. الشعور انك مقهور و مغلوب على امرك مش سهل .. الموت ولا القهر .. لانا جربنا القهر و اعرفنا شو معنى انسان مش قادر يعمل الا الصبر .. مع انو في من جنسه اكثر من 14 مليون بني آدم ..

لما بنقول هالكلام .. المفروض اتراعوا شعورنا .. لانا فعلا مش لاقين حد يوقف لجنبنا ..

يا اخي حزب الله كان وراه ايران و سوريا .. مصر كانت تتلقى دعم من الاتحاد السوفيتيي .. و كان عندها جيش نظامي .. و اسلحة ..

احنا الامة الوحيدة الي ما اتلقت الدعم .. صدقني يا اخي ما في في كل طولكرم قطعة سلاح وحدة .. ذخيرتنا نفذت .. و العرب بيمنعوا وصول الذخائر النا .. طيب ليش ؟؟ احنات مش بشر ؟؟ احنا ما بنستحق نعيش مثلنا مثل غيرنا بكرامتنا ؟؟ ما بيحقلنا اندافع عن اراضينا حتى ..

حنين · 23-09-2002, 11:18 PM

اخي باسل ..

ما بدي اكون زعلتك لهالدرجة !!

رغم اني حكيت هالحكي لكنني ما جمعت !!

صدقني اشوف اشيا تخليني احكي من هيك كمان !! لكني لم اجمع !

والله انا ما جبتش سيرتكم ولا جبت سيرة الطلبة اللي بالجامعات ! جبت سيرة اغلبية العرب !! تنكر انه فيه اغلبية كبيرة من العرب متخاذلة .. وانا لا انكر الشهيد المصري البطل اللي استشهد من اسبوع !!

لكن اللي نشفوه هاليومين واللي اقراه كل يوم على الجزيرة يوضح انه ما في تضامن عربي قوى !!

ولا انكر مقاطعة عدد لا يستهان به من العرب وعدم مبالة الاغلبية !

اقول هاليومين للمرة التانية

وعلى حكاية الرؤوساء .. كلنا نتفق على انهم خونا وعلى انهم هم السبب الاكبر

" لكن الله لا يغير ما بقوم حتى يغيروا ما بانفسهم " ..

---------

بدي اقول لك اشي .. صدق او لا تصدق !!

انا فرحت من غضبك من اللي انا حكيته .. يمكن كان غرضي اصلا من الموضوع الاستفزاز !

واجت عليك .. بس صراحة ومرة تانية صدق او لا تصدق

انا هلا مش ندمانة اني كتبت الموضوع .. على الاقل شفت اخ واحد انحرق على اعتقاده بجمعي اله لمجموعة من الناس التي لا تبالي !

بارك الله فيك ..

وصراحة اسفة ان ازعجتك بالموضوع ..

انا عارفة انه استفزازي كتير .. كنت مفكرة انه رح يتطنش متل مواضيع استفزازية اكتر مثله .. بمعنى اما احكي عنكم هيك ما رح تنزعجوا لكني شفت منك العكس وهذا شي مفرح

بارك الله فيك واسفة مرة اخرى

-----------------------------------

شكرا ابن فلسطين عالرد وانا عارفة انه صعب الرد عليك .. لكن الله يبارك فيك

وانت وضحت مدى قهركم واحساسكم انكم لوحدكم كتير .. فاعذرونا على التقصير من ناحيتكم .. لكن ما باليد حيلة.. عارفين مقاطعتنا ودعائنا ما يكفوكم .. لكن الله معكم .. اعذرني لو قلت كلنا اصنام ومهما ساوينا ما نكفيكم حقكم !!

نصركم الله..

تحياتي

=BASSEM= · 23-09-2002, 11:38 PM

انت بهذا الموضوع لاتعرفوا انكم جعلتموني اشعر كم انا ضعيف احمق
و الله العظيم انا فعلا مش قادر اكتب لكن انا ممكن ارد عليكو لما اتمالك نفسي
و صدقي او لا تصدقي
انك بردك قد قذفتيني بجبل و اني تارك المنتدي و انا ابكي لاني شعرت بمعني
الظلم
لانكم لاتقدرون ان هناك من يحبكم و يحب ارضكم لانكم اهلنا

حنين · 23-09-2002, 11:42 PM

انا اسفة مرة اخرى !!

هالاحساس احس انا فيه من قبلك !

اسفة مرة اخرى ..

تحياتي

أبو العبد · 24-09-2002, 11:39 PM

بالرغم من انه لي تحفظات كثيرة،على كل الردود، الا اني لن ادخل في التفاصيل لعدم حصول مشاكل نحن في غنا عنها.

لكن ارجو منك يا باسل انك تشيل هاي العبارة:

إقتباس:

و لكن هل كانت الانتفاضه تستطيع ان تعيش لولا تمويل العرب باموالهم و مقاطعتهم و الجهد النفسي

صراحة نرفزتني كثير.

ابن لبنان · 25-09-2002, 02:56 PM

حنين........
انتي أكتر واحده عارفه انو احنا لو بايدنا نعمل كنا عملنا بس شو بايدنا نعمل
أنا والله العظيم طلبت من أمي اني أروح فلسطين في بداية الانتفاضه
بس للأسف أنا ما بقدر أروح لأنو الحدود مش مفتوحه أصلا
وصدقوني أو ما تصدقوني مع انكم عارفين صراحتي بالمنتدى
أنا شو ممكن فيد فلسطين لو رحت أنا كنت بدي روح عشان استشهد وبس
يعني من قلة شباب فلسطين(??) ؟؟؟؟؟؟؟؟
وصدقوني أنا الشي الوحيد الي قادر اعملو هلأ اني اقاطع وبس (ok) (ok) (ok)
وتحياتي وشكرا عالكلام الحلو(ac:: (ac:: (ac:: (ac::

حنين · 25-09-2002, 03:19 PM

ابن لبنان

ابقى اقرأ ردودي كلها الاول !!

مش الموضوع بس ..!!

تحياتي

ابن لبنان · 25-09-2002, 03:32 PM

أنا قرأتهم بس ما لقيت أي اختلاف يعني لاحظت انو الاتهام لسه موجود
بكل الردود ويمكن أنا فهمت غلط(??)
والله أعلم.......(kjl)

حنين · 25-09-2002, 03:35 PM

اه فهمت غلط ..

بكرر طلبي اقرأ ردودي منيح ..

وانت ضروري عارف اني مش رح اجمع الكل ..

جمعت فئة كبيرة مش منيحة وللاسف الفئة بتزايد!!

تحياتي

ابن لبنان · 25-09-2002, 08:47 PM

أنا فعلا كنت فاهم غلط
بس أنا يمكن لأني قرات الموضوع أول شي
والموضوع عصبني فبطلت افهم شي (ok) (ok)
يعني ما قدرت امسك أعصابي..............

حنين · 25-09-2002, 09:17 PM

ولا يهمك يا ابن لبنان ..

حصل خير

تحياتي

=BASSEM= · 26-09-2002, 04:30 AM

مش تقول الجمله نرفزتك ليه يابو العبد عشان نفهم
معلش انت عارف العرب بقي
لو سمحت ارجو توضيح كلامك اللي فعلا ممكن يعمل مشاكل
؟

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع: