عاشت الشرطة المصرية القوية.

[i'm egyptian]

أعتقد بعد الأحداث الدامية فى بيروت من حق الأمن المصرى أن يحكم بيد من حديد حتى لانصبح

لبنان آخر.

[mostafa10]

ايه الكلام اللي يضحك دا

طبعا مش بتكلم على الشرطة
انا بقول ان دا مش مبرر لاي انتهاك لحق المواطن

انت اصلا مش زي لبنان في تعدد القوى السياسية
معندكش ولا حزب محترم اصلا .

ثانيا لبنان بلد بتحارب اسرائيل ,,, انت مش بتحارب اسرائيل ولا تقدر تعمل زي لبنان انت بتصدرلها الغاز بارخص الاسعار

اللي بيحصل في لبنان دي حرب بين امريكا واسرائيل من طرف وايران من طرف اخر .

ثالثا ودا الاهم
انا من اول النهار قاعد بسمع الاخبار مش عارف مين مع مين ولا مين ضد مين

المشكلة في لبنان ان مفيش جيش قوي ,,, وطبعا البديل هو المقاومة بتاعت حزب الله -وان كانت شيعية - فيكفي انها ابقت على اخر قطرة خجل عربية امام الكيان الصهويني وحققت اول انتصار عربي على الصهاينة .

احترامي للجيش والشرطة في مصر
بس دي لعبه اكبر من مصر بكتير

سلام

[hossam606]

شرطة ايه وجيش ايه اللى بتتكلموا عنه دى لبنان مخترقة وكل مخابرات العالم موجودة هناك وبعدين أنا عاوز اسأل هو مين كلامه اللى صحيح كل واحد بيرمى على التانى والجيش مع المقاومة ومكسوف من الحكومة عشان كدة مش عارف يعمل حاجة

[مشاعر دفينة]

مشكله لبنان انها بلد فيها انواع عديده من البشر والطوائف
ما بين مسلم ومسحيى من جهة
شيعى وسنى ودرزى من ناحيه
ومارونى غيرهم من ناحيه اخرى
فهى بحق تجمع من طوائف متعددة
وهو ما يجعل النظام فيها محكوما دائما بتوازانات دقيقة على الجميع حفظها والا انفجرت فى وجه الجميع

وحزب الله ولو انه شيعى
والحكومة ولو انها سنيه
فان اراها قد اخطأت عندما اتخذت فى ظل الظرف العصيب فى لبنان فهى بلا رئيس
والانقسام وصل بالفرقاء للشارع
فكان يجب على الحكومة ان تكون اكثر وعيا فلا تنزلق لهذا المنحى الخطيرر
فهم يعلمون بامر شبكة الاتصالات منذ العام 2000 لماذا تذكروها الان بعد تصريحات امريكا واسرائيل عنها
هناك مبدأ الموائمة السياسية
فهل اتخذته الحكومة

مودتى

[وائل المصري]

مع اختلاف الكثير مع هذا الكلام لكن
يجب ان تعترف ان هناك في مصر رجال من رجال الشرطه اقوياء واوفياء وايضا هناك منهم المقصر والمتغطرص لكن
تحيه الي كل هؤلاء الرجال الساهرين علي الامن والامان
ومن يقصر ان يتكبر فحسابه عند خالقه
ولا ننسي ان من هؤلاء الرجال
(جاري وجارك,,اخي واخوك..عمي وعمك..خالي وخالك..الخ
من يقوم بعمله في هذه الدوله بكل امانه فله السلامه ومن دون ذلك ربنا يهديه.
مع تحياتي
وائل المصري.