انا وفرختين فوق سطوح بتنا

[AGIBA]

السلام عليكم ورحمة الله وبركاتة

بقالى كتير مبكتبش لظروف خاصة كدة كنت بمر بيها بس بجد واحشتونى انا قعدت افكر اكتب اية لما ارجع اكتب تانى اكتب فى السياسة مش وقتة اكتب موضوع عن الامتحانات هما الناس ناقصة ماكفاية اللى هما فية طب اكتب ايييييييييييييييييية فقررت انى اكتب عن حكايتى مع الفرختين اللى فوق السطح الفرختين دول بقى يا رجالة مش سيبنى فى حالى نقرنى فى الرايحة والجاية اخرهم اول امبارح طالع اشم هوى فوق السطوح فى امان الله لقتهم بيتهمسو وبيتودودو علية تعالوا نشوف عملو فيا اية

الفرخة البيضا : تعالى نرخم شوية على سى الاستاذ ونشوفة قاعد لية كدة


الفرخة الحمرا : لا يا ستى دة عيل غبى وممكن يتخنق منا يقوم دابحنا انا عرفاه


الفرخة البيضا : تعالى بس متخفيش


وقامو جين نحيتى وانا قاعد وعامل نفسى انى مش شايفهم علشان يختشو على دمهم ويسبونى فى حالى لكن مافيش دم تقول اية بقى


الفرخة البيضا : اية ياسى الاستاذ قاعد كدة لية وشايل طاجن ستك


الفرخة الحمرا : اية ياعم شكرى سرحان هيا الست مريم فخر الدين ما طلعتش تاكل الفراخ ولا اية


انا : امشى يا حلوة انتى وهيا روحو بيضو فى حتة تانية


الفرخة البيضا : لا بجد قولنا مالك لو حابب ان احنا نندهالك معندناش مانع


وراحة باصة للفرخة الحمرا وقايللها روحى للديك الشركسى اللى انتى ماشية معاه واسالية هيا ست الحسن ماتلعطش لية هههههههههههه ههههههههههه ههههههههههه


ونزلو ضحك هما الجوز عالية وكانى ديك واقف فى وسطيهم


انا : انتو مش هتتلمو بقى ولا اية


الفرخة الحمرا : ياعم مالك نافش ريشك علينا كدة لية ما ترقد فى حتة بقى


انا : يالة يا ماما انتى وهيا روحو كاكو فى حتة تانية انا مش فاضى


الفرخة البيضا : لا بجد يا سى الاستاذ مال بالك مشغول لية


انا : مافيش بس بشم هوى فى مانع


الفرخة الحمرا : طب ماتيجى عندنا فى العشة بدل قعدتك هنا وعلشان كمان نقوم معاك بالواجب


انا : لا يا ستى كتر بيضك مش عايز


الفرخا البيضا : انت خايف حد يشوفك معانا وكلام الناس يكتر


الفرخا الحمرا : انت بتخاف على سمعتك يا بيضة


انا : بقولك اية منك ليها ليموها بقى وامشو بدل ما انتف رشكوم ومشيكو قرع وسط الفراخ


الفرخة البيضا : ماشى ياعم الحلاق بكرة تحتاج لبيضى وانا اقولك ما كنش ياتعز


الفرخة الحمرا : سيبك منه دة خالية يدن لوحدة كدة


ههههههههههههههههه ههههههههههههههههههه هههههههههههههههههههه


انا : اه يا ولاد الفراخ علية النعمة لكون دبحكم ومن سعتها وانا بجرى وراهم فوق السطح حد يجى يحلق معاياااااااااااااااااااااااا

[وائل المصري]

عن جاد القصه جميله ساخره لكنها بالفعل تنقل صوره حيه عما يحدث الان بين الجيران وبعضهم لا احد يترك احد في حاله
عارف ادبحهم واعمل عليهم ملوخيه
ها اجي امسكهم معاك بس بشرط؟؟؟؟؟؟؟؟؟؟؟؟؟
مع تحياتي
وائل المصري.

[wesamelsamry]

ما شا ء الله .. ما شاء الله

أنت اللى سمحت للمهازل ديه تحصلك يا استاذ

وكمان تعالى هنا وقولى ...

أنت طالعلهم ليه وانت عارف انهم هيرخموا عليك .؟؟؟

ولا هو نظام القط يحب خناقه (( عجبت لك يا زمن ))

متزعلش منى يا صحبى .. كنت المفروض تاخد منهم موقف قوى وصارم من الاول

أمال هما بيتريقول على نفش الريش ليه يا ريس

ما انت لو كنت ورتلهم العين الحمرا من الاول ... (( بينى وبينك وزارة الصحة يعنى )) مكنش حد فيهم اتنيل وبق بق بكلمة واحدة حتى

بص يا صحبى .. عايزك تبطل جرى وراهم دلوقتى .. وتسيبهم على رحتهم اوى

والمرة اللى جيه ... اقطع الشك باليقين وخلص نفسك من الحوارات ديه

وعزل احسنلك من السطح ده


-----------------------------
------------------------
----------------


قصة قمة فى الكوميديا والضحك اخى الحبيب ... وأعتقد انها قصة هادفة كما اوضح الاخ الفاضل الاستاذ / وائل المصرى


وبصراحة فكرتها بسيط (( أو انا بيتهيئلى يعنى ))

بس تعمل ايه بقى فى الناس الفاضية اللى عمالة تتناقل فى سيرة الخلق وتتفنن فى مضيقتهم (( بمختلف الطرق والمسميات الظاهر منها والضمنى ))

سلمت يمينك وبارك الله فى قلمك اخى الحبيب

تقبل خالص تحياتى ومنتظر اضافات ممتعة منك ومن باقى الاخوة المشتركين فى المنتدى

[نيهال]

حى الفراخ مش سايباك فى حالك......

بالف هنا وشفا مقدما

[new1]

AGIBA
احلى ما في قصصك البساطه والطرافه وبصراحه عملالي جو
مرسي خالص على القصه الطريفه وما تشلش هم هبعتلك المكنه اللي شفتها في فيلم الكرتون " Chicken Run" هتحلقهملك على الزيروو

[duha]

agiba

كنت متصورة اني لوحدي باعرف اكلم الديدان والنمل
يبدو ان هناك منافس وبيكلم الفراخ
بس انا على الاقل لما الدودة ترخم عليا اروح اشنقها على الشجرة
ولا النمل اعذبه تعذيب محصلش
احق بيته او اغرقه بالميا
لكن الفرخه
صعب انك تقدر عليها
اصلها انثى

قصه حلوة بجد
شكرا لك

[AGIBA]

متشكر على ردودكم الجميلة أما بخصوص ان انا اللى سمحت بالمهازل دى فدة حقيقى بس اعمل معاهم اهية غصب عنى اما يا نيهال بخصوص ان حتى الفراخ مش سيبانى فى حالى فانا اصلى من الناس اللى بتمشى تتخانق مع دبان وشها فلازم هما كمان يخنوقوا علية