سلام انا مليش مكان هنا

[Ebn elbalad]

يا زمالك أكيد محدش من الأعضاء يقصد يطنشك
وبعدين يا راجل الزملكاوية كتير فى المنتدى هنا أنا لاحظت كده
بس ليه لاعيبة الأهلى يموتوا يعنى ؟؟ .. هما عملوا إيه غلط ؟؟

انسحابك مرفوض بالتأكيد

[Dr.Hammood]

المشاركة الأصلية بواسطة zamalek4ever

انشاء الله انشاء الله
الاهلى يتهزم ولاعيبه الاهلى كلهم يموتوا

ايه الساديه دي

ارجع يا عم

12 يوم وعاوز الناس كلها تشارك معاك

انا قعدت شهرين على ما حد عبرني

[**ريفيرا**]

براحة عليه يا استاذ محمد فهموه القوانين براحة
ومعلش حضرتك رجل طيب وهو شكله عضو جديد بس نشيط حبتين
وشكله مش فاهم قوي
معلش مش فاكرين قول الله تعالي(ولو كنت فضا غليظ القلب لانفضوا من حولك)
انا مش بدافع عنه لشخصه بس زعلت لما قال مطنشني
وانتوا رديتوا عليه بقسوة شوية
وبالنسبة لدعائه علي المسلمين فالدكتور وضح النقطه دي وربنا فوقه
وطبعا الي حضرتك شايفه صح لانكم بصراحة نعم المشرفين كلكم
ودا كان مجرد راي

[BATISTA]

المشاركة الأصلية بواسطة **ريفيرا**

براحة عليه يا استاذ محمد فهموه القوانين براحة
ومعلش حضرتك رجل طيب وهو شكله عضو جديد بس نشيط حبتين
وشكله مش فاهم قوي
معلش مش فاكرين قول الله تعالي(ولو كنت فضا غليظ القلب لانفضوا من حولك)
انا مش بدافع عنه لشخصه بس زعلت لما قال مطنشني
وانتوا رديتوا عليه بقسوة شوية
وبالنسبة لدعائه علي المسلمين فالدكتور وضح النقطه دي وربنا فوقه
وطبعا الي حضرتك شايفه صح لانكم بصراحة نعم المشرفين كلكم
ودا كان مجرد راي

السلام عليكم

انا بوضح بس الى حصل لان قبل كدة تم الاشارة ان الصورة تم وضعها للرد على عضو أخر وقلت ياجماعة الردود تكون محترمة شوية احنا مش فى حرب بعد كدة لقيت الصورة فى توبك منفرد قلت لة ان دة مخالف للقوانين المنتدى وتم شرح الموضوع بكل احترام وادب

بعدها لقيت الصورة فى توبك أخر تم غلق التوبك مرة أخرى وبعد الرد على الرسايل الخاصة شرحت لة قوانين القسم الرياضى وطلبت منة الالتزام بيها ثم بعد كدة وضحت لة ان الاميل بتاعى مش متاح ولو اى حد عايز حاجة ممكن يطلبها عن طريق الرسايل الخاصة زعل وقال كلام عصبى شوية كدة

ماعلينا النهاردة نفس الامر نفس الصورة ونفس الكلام وكاتب لى

لو مسحت الصورة يبقى منك لله

رديت علية وقلت كلنا مننا لله مش لحد

اعتقد ان وضحت قوانين القسم الرياضى ولكن لاحياة لمن تنادى

دمتم بخير

سهرة سعيدة

[**ريفيرا**]

جزاك الله خيرا
وربنا يهديه

[أوجاع الروح]

السلام عليكم

طبعا يا جماعة بعد ما قريت الموضوع استغربت
ماهو المفروض ان ماحدش بيكتب مواضيع زي دي بتاعت الوداعات و الكلام ده
لان ده ممنوع و تقريبا انا قريت كده في المنتدى ده مرة

و بعدين يا عم الزملكاوي
ارفع رأسك انت زملكاوي
بس بيني و بينك الزمالك مش يستاهل انك تزعل الناس منك بسببه
ليه التعصب و العصبية لأجل ناديك
كل ده كلام فاضي
و كأنك خلصت اللي وراك و عملت واجبات ربنا اللي عليك و فضيت و بتتكلم في الزمالك اللي واكسنا
ده انا زملكاوي أبا عن جد عن جد الجد كمان
بس انا مابقاش ليا نفس اتفرج عليه

اتقي الله يا راجل و استهدى بالله

بعد كلام السادة الافاضل المشرفين و الاخوة الأعضاء ماقدرش اقول حاجة زيادة
كفاية عليك كده

سلام يا عم الزملكاوي

[zm_18]

شكررررررررا لكم جميعااااااا
وانا اسف لو قلت كلمه غلط بشان يموتوا
بس انت يا باتستا مش عارف مالك

[abc]

ايه يا عم إسلام ؟؟

زعلان ليه يا راجل ؟؟

و الله لا الأهلي و لا الزمالك يستاهلوا انك تخسر أو تغلط في أي حد مسلم علشانهم ...

و بعدين لو حاسس ان فيه تعصب ضدك علشان الاسم يعني ... فانت ممكن تطلب من الإدارة تغيره بالاسم اللي انت عاوزه

أما موضوع التطنيش ده فكلنا معرضين ليه ,
ممكن انت بتنشر الموضوع في وقت ما بيبقاش الأعضاء موجودين في المنتدى أو لأي سبب آخر ...

فكها يا راجل , و لا انت علشان جبت الموبايل بقى ما بقيتش فاضي للنت

هستنى مواضيعك بإسمك الجديد إن شاء الله ..
ماشي يا إسلام ؟؟

[فراق84]

مافيش داعي للزعل دا كلو
كلنا كدة
اي انسان عاوز وقت عشان يتعود على المكان
وعلشان الناس تعرفو
على العموم اهلا وسهلا فيك تاني
انا مش كتير بالرياضة ..بس مش معناها مطنشة المواضيع ..بس ماليش خبرة
اختك فراق

[طاير في السماء]

بجد يا جماعا انتو رائعين بغض النظر من الي هيمشي او هيقعد

[تامير]

المشاركة الأصلية بواسطة وشوشنى

زمالك بلييييز اهدى شوية احنا كلنا اخوات و صحاب هنا و بعدين لو عضو طنشك فى الف عضو بيحبوك و عايزينك معاهم تشاركهم هنا...
بليز اهدى و فكر كويس...

تحياتى..

هدا ري كمان أعد تفكير فيقرارك

[zm_18]

اوك انا موافق يا abcانا بعت
بس الادارة وكانها مش عارفه بعتلهم رسايل ومواضيع ومحدش رد عليا

[عتاب]

المشاركة الأصلية بواسطة Lonely Doc

ياصديقى واخى العزيز

مشرفنا التقنى غير موجود حاليا وسيعود قريبا ان شاء الله

وان شاء الله اول حاجة حيعملها هو تغيير اسمك

رجاء خاص الا ترسل المزيد من الرسائل الخاصة لى ولباقى المشرفين بخصوص هذا الموضوع

وان شاء الله نلبى طلبك فى القريب العاجل

تحياتى

ده رد دكتور محمود عليك في قسم الشكاوى
احنا عارفين طلبك وفي انتظار المشرف التقني