للسحالى فقط...انواع الشباب على النت..

[violla]

بسم الله الرحمن الرحيم

انواع الولاد علي النت........................


انواع الولاد علي النت........................



المرحلة الأولى : الي يدوبك لسه متعلم يدخل نت


طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت
سمع من صحابه عن النت والبنات وجاي يجرب حظه



المرحلة الثانية: الي بيقعد على النت بس مش كتير


النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي
يبقى لحوح ويفضل يطلب نفس الطلب وصباح الملل


(المرحلة التالته)



الي قاعد على النت ليل نهار
ده بقى شرحه يطول وينقسم لعدة انواع





1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت


2- ابو دم خفيف



ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك




3- المودي


دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه بلوك ودليت



4- اللزقه


والنوع ده عايز حزم ف التعامل
معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟


5- الناصح


صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت




6- الحبيب


انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه
ودول كتير جدا جدا


7- حريقة بنات


ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي
ويندمج وبعدين يطلع واحد صاحبه
هههههههههههههههههه يعيني شرب المقلب


8- الكداب ...




من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب
هههههههههههههه
بردو كتير جدا جدا


9- العبيط




ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه
ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة


يعني دماغك

[انا مصريه]

هههههههههههههههههههه
انتي شردتيهم

[violla]

هههههههههههه بس على فكرة فى ولاد
كتير كويسين مش كلهم كدة
ههههه
مرسي لمرورك منورة التوبيك

[Dr.Hammood]

- المودي


دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

[love_baby]

violla
تسلم ايدك عالموضوع
تحياتى....

[violla]

مش كدة يادكتور حمود
بجد انتوا دوختونا سواء على النت او في الحقيقة
ههههههه
مرسي على مرورك

[violla]

مرسي يادودى على مرورك
ويارب يكون عجبك التوبيك وتكونوا استفدتوا
تحياتى

[Dr.Hammood]

المشاركة الأصلية بواسطة violla

مش كدة يادكتور حمود
بجد انتوا دوختونا سواء على النت او في الحقيقة
ههههههه
مرسي على مرورك

قال يعني انتوا مريحنا اوي

وطبعا ههههههههه

[بحار بلا مرسا]

شردتينا على النت
بس للاسف دى الحقيقة
اهنيكى على عقلك الكبير
بس ارجع واقولك ان صوابعك مش زى بعضها
انتى قولتى كل الوحش هو مفيش حلو

[yasser_2002]

المشاركة الأصلية بواسطة violla

هههههههههههه بس على فكرة فى ولاد
كتير كويسين مش كلهم كدة
ههههه
مرسي لمرورك منورة التوبيك

طبعا مش كلهم وفى بنات بردو بنفس الكلام اللى انتى قواتى علية
تحياتى ياسر
بس ايه الكلام الجامد دة ههههههههههه

[soso2008]

[b] مشكور على الموضوع[ /B]

[Dr-Ayat]

يا عيني عليكي يا فيولا ده انتي شردتيهم عالآخر برافو

[hamada_omar2]

على فكره دمك خفيف البنات دول نوع واحد يحبوا اللى يترمى عليهم وبعدين يشوفوا غيره وانتى بنت والحدقه تفهم

[الورد الجوري]

المشاركة الأصلية بواسطة hamada_omar2

على فكره دمك خفيف البنات دول نوع واحد يحبوا اللى يترمى عليهم وبعدين يشوفوا غيره وانتى بنت والحدقه تفهم

اهلا بيك
معلش مش من حقك تعمم على البنات كلهم
منورنا في النص الحلو
شكرا فيولا للطرح

[yasser_2002]

طب انواع البنات على النت فى بجبنة
وكاتشب
والشطة واليمون
والملح
والفرخ
والكباب
والخل
ولا ايه رايكو هههههههههههههههههههههههههههههه
تحياتى ياسر