لحظات حرجه 1 ( وانا صغير )

[al_copraa]

يوم لا انساه
فى يوم من الايام لقيت والدتى بتصحينى من النوم وبتقولى ياللاه يا حبيبى عايزاك تيجى معايا مشوار مهم
كان عمرى تقريبا 11 او 12 سنه
المهم بسرعه غيرت ملابسى واستعديت للمشوار
واحنا ماشيين قالتلى ان احنا رايحين لطانط ام مجدى علشان فى عندهم شيخ جايبينو يعرف مكان ابنها اللى تايهه بقالو اكتر من سنه
سألت نفسى طب وانا مالى بكل ده المهم كبرت دماغى وقلت اما اشوف اخرتها ايه
وصلنا البيت ولقيت طانط ام مجدى وواحده صاحبتها والشيخ ( قصدى اللى عامل نفسه شيخ )
ساعتها عرفت ان انا اللى هاكون الوسيط بالنسبه للشيخ وده كان طلبه انهم يجيبو له طفل صغير ليكون وسيطه
المهم طلب السيخ فنجان قهوه فاحضروه له وقام بلف ايشارب حول عينى وترك مسافه صغيره للرؤيه
وقال لى بص فى الفنجان ولما تشوف حاجه ابقى قول لى بينى وبين نفسى قولت( ماشى يا ابن القرعه) لما اشوف اخرتها ايه
اطفأت الانوار وساد السكون فى الغرفه وبدأ يتمتم ( وانا ميت على نفسى من الضحك )
وقال ها شايف حاجه
قلت لا
وكرر نفس السؤال اكتر من مره وانا احاول ان ارى اى شيئ فى الفنجان ولكن لم ارى سوى القهوه
واخيرا وبعد ممل من السؤال قررت ان انهى هذا السخف وانتظرت سؤاله
ها شايف حاجه
قولت اه
لاحظت ابهار الجميع ما عدا عم الشيخ اللى قاللى بسرعه شايف ايه
مالقتش رد ... قلت له شايف خيال بيجرى فى الفنجان
وواحد واقف ادامى
قالى اسأله مجدى فين وخليه يكتبلك الاجابه
ينهار اسود اقوله ايه ده
المهم قولتله مكتوب ادامى حروف قاللى اقرأها
بدأت اقرأ ب و ر س ع ي د
فرحت الحاجه ام مجدى للمعلومات القيمه اللى وصلنا ليها وانتظرت المزيد
تابع عم الشيخ فين بالظبط اسأله و خليه يكتب العنوان
يادى اليوم اللى مش هايعدى ياعم خلصنى بقه من العته ده
المهم بدأت افكر فى اسم شارع يكون مشهور فى اى محافظه قولت اه الجمهوريه
بدأت اقرأ للشيخ اسم الشارع اللى فيه مجدى ا ل ج م ه و ر ي ه
سألنى عن رقم البيت قلت فى نفسى يارب يكو اخر سؤال
وفكرت فى رقم اقوله واستقر خيالى على رقم 13 اللى هو فى ناس مش بتتفائل بيه
بعد ما قولت رقم البيت الشيخ قال خلاااااااص شكرا يا حبيبى
واضاءت الانوار وساد جو من الفرحه والسعاده والزغاريد والشربات والتهانى .... ايه كل ده ده نصاب وانا كداب وكله وهم فى وهم هذا ما قلته فى نفسى
فرحت امى بى كثيرا وكذلك ام مجدى والموجودين جميعا ووعدونى بهديه قيمه لما يروحو يجيبو مجدى
قررت ان احفظ هذا السر فى نفسى وان لا ابوح به حتى لأمى
فى اليوم التالى ذهبت ام مجدى الى بور سعيد ومعها ابنها الكبير واحدى صديقاتها وبحثو عن شارع الجمهوريه ووصلو الى المنزل رقم 13
وكانت الفاجأه المنزل مهدم فبكت ام مجدى وكان بداخلها قناعه بان ابنها كان فى هذا المنزل فعلا
وقد يكون تركه وذهب لمكان اخر
وعادت الى القاهره مستسلمه الى قضاء الله داعيه ان يرجع ابنها اليها
اقسم بالله العظيم ان كل حرف فى هذه القصه
حدث معى بالفعل بدون اى
مبالغه

[koko15]

لا الة الا الله

[al_copraa]

سيدنا محمد رسول الله

[mostafa tifa]

بس على فكرة ده غلطك من الاول والمفروض مكنتش كدبت والمفروض كمان انك تصاح طنط ام مجدى بالحقيقه

[دعاء الجندى]

هههههههههههههههههههههههههه
بجد موقف جامد مووووووووووووووووووووووووت
بس ده مايمنعش انك غلطان علشان كدبت
حاول تصلح غلتطك وتصارح مامتك او طنط
والمره الجايه ابقى قول الحقيقه
عارف كان فى ايدك انك تكشف النصاب ده
سلام

[al_copraa]

شكرا لتشريفكم وردكم على الموضوع
بس فى حاجه عايز اقولها الكلام ده قديم بقالو سنين وحصل وانا كنت لسه صغير يعنى كنت باتصرف بعقليه طفل مكونتش مدرك الصح من الخطأ وبصراحه انا ما اقدرش اصارح حد بالموضوع ده وخصوصا صاحبه الموضوع
على العموم اشكر لكم تشريفكم لى
صديقى مصطفى / وصديقتى دعاء

[eshoo4ever]

طبعا نصاب انتة عملت منة شيخ
بس دى طفولة
والطفولة بتكون لذيذة بكل معانيها حتى المواقف
الى بتحصلنا زمان بنفتكرها ونضحك شكرا لانك حكيت لينا

[al_copraa]

شكرا لمرورك وردك على الموضوع
ويسعدنى دائما تشريفك لى

[نيهال]

دلوقتى الانسان ده عمل لنفسه موقف من لاشئ واشتهر على كلامك........كنت اتمنى انك تقدر تصارح الجيع بما قلته
اينعم هوه كان لعب اطفال ومرح......لكن فيه ناس اتعلقت بامل لا وجود له وممكن قلبها يكون تعبان علشانه حتى الان

[طاير في السماء]

انا عايز اسأل
اشمعنا راحو بور سعيد
ما في شارع الجمهورية بلقاهره
يكونو مخادوش بالهم
علعموم انا دلوئتي هسخن موتور الاف 16 المعدله بمصر
وهطير ادور عليه هناك

[al_copraa]

نهال / انا معاكى ان الانسان ده اخد شهره مزيفه عن طريقى ولكن الموضوع ده ماكانش فى بالى وقتها كل اللى كان يهمنى انى اخلص من الموقف ده باى شكل
اشكرك جدا على ردك على الموضوع وتشرفت جدا بمرورك
طاير فى السما / انا اللى فكرت ابعتهم اى مكان بعيد وساعتها خطر فى بالى بور سعيد
شكرا جدا لمرورك وتشريفك بالرد على الموضوع

[new1]

المشاركة الأصلية بواسطة mostafa tifa

بس على فكرة ده غلطك من الاول والمفروض مكنتش كدبت والمفروض كمان انك تصاح طنط ام مجدى بالحقيقه

انا بضم صوتي لصوت مصطفى بالفعل انت بالتصرف ده بتعزز صورة الناس دول على انهم على حق وبصراحة الست صعبت علي وربنا يرجعلها ابنها بالسلامة

[محمد العجمى00]

انا حضرت مواقف كتير زى دى كتير جدا وكان فى حجات صح وحجات غلط

[al_copraa]

نيو / انا قلت قبل كده انى ماكانش قصدى اجعل من الدجال ده بطل بس انا كان سنى صغير جدا واتصرفت على قدر ادراكى للامور وقتها
اشكر لك تفاعلك مع الموضوع شكرا يا صديقى
محمد العجمى / ياريت تحكيلنا على مثال مما حضرت وشكرا لمرورك الكريم

[روما الشعنونة]

اية ياجماعة براحة عليه شوية
هو يعني غلط انه جه يقول براحة براحة علية
هو بيقول انه كان طفل خلاص بقي
عمتا بجد هو موقف جامد موووووووووووووت
واشكرك ع صراحتك