مصر فى عام 2052

[الفنانة]

[size="6"][font="Arial Black"]ازيكم يا أحلى منتدى
النهاردة هاقدم لكم حوار بين حفيدة مع جدتها والحكاية دى هاكتبهالكم على هيئة حلقات وياريت تعجبكم
بس اصبروا عليا لانى باكتبها بنفسي
وعاوزة أشوف رايكم
وشكرا [/[/
ونبتدى بسم الله الرحمن الرحيم

الحلقة الاولى

المكان أحد أحياء القاهرة
الزمان يوم من أيام صيف عام 2052
حفيدة في سن المراهقة (12سنة) تجلس مع جدتها (70سنة) ويدور بينهما هذا الحوار:
الحفيدة:تيتة ميرو ازيك ..بقالى زمان ما قعدتش معاكى
الجدة: وهو أنا عارفة أتلم عليكى خالص..دة أنا قاعدة زهقانة قوى ومش لاقية حاجة تسلينى
الحفيدة :وما بتفتحيش الدش لية يا تيتة
الجدة: التليفزيون بقي ممل خالص مافيهوش غير 9700محطة بس! وأنا كمان ما بعرفش أغير المحطات.
الحفيدة واية الحلاوة دى ؟ حلو البادى اللى انتى لابساة دة . بس دة موضة قديمة قوى يا تيتة!
الجدة: يا بنتى أنا ست دقة قديمة وبالبس زى ما جيلنا الصاعد اتعود وحسب التقاليد القديمة بتاعتنا
الحفيدة :ايوة بس مش حاسة انك مخنوقة وانتى لابساة؟
الجدة :ابدا هو دة اللبس المحتشم اللى المفروض الكل يلبسة ويحافظ علية .. فين أيام زمان لما كنا نلبس البادى اللى مبين البطن والظهر بس ,مع البنطلون السترتش الجلد .. كانت حاجة اخر روشنة
الحفيدة: ياه ياتيتة ..دة انتو كان ليكم تقاليد غريبة خالص!
الجدة : وهو انتى فاكرة ان ايامكم دى ايام؟ يابنتى أيامكم دى ما يعلم بيها الا ربنا .. فين أيام سنة 2002 هى الواحدة فينا كانت تستجرى تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش ..امال اية كان فية حاجة اسمها أخلاق
الحفيدة : معقول يا تيتة ؟للدرجة الفظيعة دى!!؟
الجدة :امال انتى فلكرة اية .. وبعدين كانت الست من دول ما تلبسش اللبس الخليع بتاع اليومين دول ..يعنى الجيبة كان ما يقلش طولها عن شبر وربع ..وكانوا الستات يلبسوا فوقيها بلوزة باستمرار .. مش زى دلوقتى ! حسبي الله ونعم الوكيل !
الحفيدة :يا خبر ..واية كمان يا تيتة
الجدة :حقول اية ولا اية يعنى خدي عندك مثلا ..زمان كنا نسمع الطرب الأصيل لمطربين حقيقيين زى مصطفي قمر وعمرو دياب وطبعا كانت سيدة الغناء "شاكيرا" وكانت الأغنية مدتها أكثر من دقيقتين متواصلين من الطرب الأصيل والموسيقي الهادية الراسية اللى تعمر النافوخ بصحيح كانوا مطربين روشين واخر طحن
الحفيدة وبعدين يا تيتة
الجدة : وبعدين كنا نسمع على حاجة اسمها اسطوانات ليزر ودى صحيح انقرضت بس كان ليها طعم عن دلوقتى , يا سلام لما كنا نحطها في الووكمان ونعلقها فى حزام البنطلون كدة ونمشى فى الشارع كدة , كانت ايام جميلة .. حسبي الله ونعم الوكيل !!
الحفيدة: حكاويكى ممتعة قوى يا تيتة .. ثانية واحدة بس لما اصحى سمسم صاحبي فى المدرسة لانة بايت معايا فى الاودة من امبارح ..اصل الانمسان الآلى بتاع الصحيان بايظ ولازم نصلحة النهاردة
الجدة :طيب يا حبيبتى روحى .................................................. .


يارب تعجبكو ا استنو الحلقة الجاية ممتعة جدا وكمان هتعرفوا فيها حكاية سمسم
مستنية اراؤكم
باى باى

[mostafa tifa]

المشاركة الأصلية بواسطة الفنانة

[size="6"][font="Arial Black"]ازيكم يا أحلى منتدى
النهاردة هاقدم لكم حوار بين حفيدة مع جدتها والحكاية دى هاكتبهالكم على هيئة حلقات وياريت تعجبكم
بس اصبروا عليا لانى باكتبها بنفسي
وعاوزة أشوف رايكم
وشكرا [/[/
ونبتدى بسم الله الرحمن الرحيم

الحلقة الاولى

المكان أحد أحياء القاهرة
الزمان يوم من أيام صيف عام 2052
حفيدة في سن المراهقة (12سنة) تجلس مع جدتها (70سنة) ويدور بينهما هذا الحوار:
الحفيدة:تيتة ميرو ازيك ..بقالى زمان ما قعدتش معاكى
الجدة: وهو أنا عارفة أتلم عليكى خالص..دة أنا قاعدة زهقانة قوى ومش لاقية حاجة تسلينى
الحفيدة :وما بتفتحيش الدش لية يا تيتة
الجدة: التليفزيون بقي ممل خالص مافيهوش غير 9700محطة بس! وأنا كمان ما بعرفش أغير المحطات.
الحفيدة واية الحلاوة دى ؟ حلو البادى اللى انتى لابساة دة . بس دة موضة قديمة قوى يا تيتة!
الجدة: يا بنتى أنا ست دقة قديمة وبالبس زى ما جيلنا الصاعد اتعود وحسب التقاليد القديمة بتاعتنا
الحفيدة :ايوة بس مش حاسة انك مخنوقة وانتى لابساة؟
الجدة :ابدا هو دة اللبس المحتشم اللى المفروض الكل يلبسة ويحافظ علية .. فين أيام زمان لما كنا نلبس البادى اللى مبين البطن والظهر بس ,مع البنطلون السترتش الجلد .. كانت حاجة اخر روشنة
الحفيدة: ياه ياتيتة ..دة انتو كان ليكم تقاليد غريبة خالص!
الجدة : وهو انتى فاكرة ان ايامكم دى ايام؟ يابنتى أيامكم دى ما يعلم بيها الا ربنا .. فين أيام سنة 2002 هى الواحدة فينا كانت تستجرى تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش ..امال اية كان فية حاجة اسمها أخلاق
الحفيدة : معقول يا تيتة ؟للدرجة الفظيعة دى!!؟
الجدة :امال انتى فلكرة اية .. وبعدين كانت الست من دول ما تلبسش اللبس الخليع بتاع اليومين دول ..يعنى الجيبة كان ما يقلش طولها عن شبر وربع ..وكانوا الستات يلبسوا فوقيها بلوزة باستمرار .. مش زى دلوقتى ! حسبي الله ونعم الوكيل !
الحفيدة :يا خبر ..واية كمان يا تيتة
الجدة :حقول اية ولا اية يعنى خدي عندك مثلا ..زمان كنا نسمع الطرب الأصيل لمطربين حقيقيين زى مصطفي قمر وعمرو دياب وطبعا كانت سيدة الغناء "شاكيرا" وكانت الأغنية مدتها أكثر من دقيقتين متواصلين من الطرب الأصيل والموسيقي الهادية الراسية اللى تعمر النافوخ بصحيح كانوا مطربين روشين واخر طحن
الحفيدة وبعدين يا تيتة
الجدة : وبعدين كنا نسمع على حاجة اسمها اسطوانات ليزر ودى صحيح انقرضت بس كان ليها طعم عن دلوقتى , يا سلام لما كنا نحطها في الووكمان ونعلقها فى حزام البنطلون كدة ونمشى فى الشارع كدة , كانت ايام جميلة .. حسبي الله ونعم الوكيل !!
الحفيدة: حكاويكى ممتعة قوى يا تيتة .. ثانية واحدة بس لما اصحى سمسم صاحبي فى المدرسة لانة بايت معايا فى الاودة من امبارح ..اصل الانمسان الآلى بتاع الصحيان بايظ ولازم نصلحة النهاردة
الجدة :طيب يا حبيبتى روحى .................................................. .


يارب تعجبكو ا استنو الحلقة الجاية ممتعة جدا وكمان هتعرفوا فيها حكاية سمسم
مستنية اراؤكم
باى باى

ههههههههه بجد قصه حلوة وانا مستنى منك بقيته وشكرا على مجهودك

[الفنانة]

المشاركة الأصلية بواسطة mostafa tifa

ههههههههه بجد قصه حلوة وانا مستنى منك بقيته وشكرا على مجهودك

بجد مرسي جدا جدا يا مصطفى انا فرحانة ان فى حد رد عليا

[sandrella2008]

طبعا لازم نرد عليكي

بجد حكاية تحفة

هلكتيني من الضحك

يا (( فنانة ))

مستنية حكاية المحروس سمسم أما نشوف حيهبب إيه كمان

أحلى تحية مني ليكي

[mostafa tifa]

المشاركة الأصلية بواسطة الفنانة

بجد مرسي جدا جدا يا مصطفى انا فرحانة ان فى حد رد عليا

انا اللى متشكر جدا يا فنانه وبجد القصه حلوة اوى

[marmar bebo]

قصة جميلة يا فنانة ولا زم اى قراها هيرد ع طول

[marmar bebo]

وبجد احنا مستنين باقى القصة دى

[marmar bebo]

دى اكتر حتة شدتنى فيها:


الجدة :ابدا هو دة اللبس المحتشم اللى المفروض الكل يلبسة ويحافظ علية .. فين أيام زمان لما كنا نلبس البادى اللى مبين البطن والظهر بس ,مع البنطلون السترتش الجلد .. كانت حاجة اخر روشنة



دقة قديمة اوى يعنى ههههههههههههههههههههههههههههههههههه
واخر احتشام هههههههههههههه

[الفنانة]

مرسي يا سندريلا على ردك الجميل وان شاء الله هاكتبلكوا الحلقة التانية اليوم
وشكرا مرمر على مرورك وذوقك وبقية الحلقات ان شاء الله احلى واحلى واخر روشنة

[الفنانة]

الحلقة الثانية

)بعد عدة دقائق)
الحفيدة :هية ياتيتة ..وبعدين
الجدة:أحلى ايام بقي كانت أيام الدراسة والفصل كان على ايامنا رايق وعدد التلاميذ فية ما يزيدش عن ستين سبعين تلميذ وكنا ساعتها بنعرف نفهم الدرس كويس مش زى دلوقتى وكانت الشوارع فاضية يعنى كانت اشارة المرور تقعد ساعة الا ربع بس لان مصر كان تعدادها 70 مليون مش اكتر تخيلى بقي الروقان اللى كنا فية ؟حسبي الله ونعم الوكيل!
الحفيدة :70مليون بس؟!!
الجدة :أمال اية ..عشان كدة كانت كل حاجة رخيصة يعنى مثلا كيلو اللحمة يوم ما يضربة الدم كان يبقي بخمسة وعشرين أو بتلاتين جنية وكان اتخن جوز جزمة ب250جنية وكان الواحد يقدر يشترى شقة تمليك ب150الف جنية بس ..وكان الدولار بخمسة جنية بس تخيلى بقى؟؟
الحفيدة :ما هو علشان كدة الجواز على ايمكم كان سهل خالص واحنا بقي خلصنا من العقد دى !
الجدة: امال اية ..ده احنا الواحدة مننا كانت لما توصل سن 17 سنة تبتدى تفكر فى الجواز العرفى على طول وماكانش عندنا الأفكار الغريبة اللى بتعملوها دلوقتى أنا شخصيا شايفة ان دة أوفر شوية ده احنا يا بنتى على ايامنا كان لا يمكن البنت تتاخر برة البيت عن الساعة اربعة صباحا طب دة باباها كان ممكن ساعتها يخاصمها
الحفيدة: ياي !دة انتوا كنتوا متزمتين خالص يا تيتة !!!
الجدة يابنتى احنا اتربينا على الأخلاق والفضيلة والعادات والتقاليد ..يعنى كان أهل الفن محتشمين جدا وكانوا دايما يطلعوا بالمايوهات البيكينى والمذيعات كانوا يقعدوا جنب الضيف مش على ركبتة زى دلوقتى.. هييييييييييه ..الله يرحم دى ايام ..فكرتينى بالذى مضي ..حسبى اللة ونعم الوكيل
(الجدة بتليفون فى حجم علبة الكبريت )
الحفيدة :هتكلمى مين يا تيتة
الجدة: الحقيقة انا كنت موصية الجزار على اتنين كيلو لحمة واديتة 600دولار عربون وعايزة اطلبة أشوف اذا كانت اللحمة وصلت ولا لأ ..
الحفيدة: (تنهض من مكانها ) تشاو سي يو تيتة !
الجدة :سي يو .
وبعد مرور عدة ساعات انتابت الجدة خلالها غيبوبة بسبب الشيخوخة
وفى المساء دار هذا الحوارررررررر

ونكمل الحلقة الجاية

[مووووني]

بجد جميل جداً يا فنانه كملي انا هاستنى الباقي ما تتاخريش علينه

وبجد انتي قصتك حلوة اوي زيك الى الامام يا قمر

[masraweyaa]

بجد جميل قوي الحلقتين اجمل من بعضيهم
مستنيا الحلقة الجاية
شكرا على مجهودك..

[دلوووعة مصر]

هههههههههههههههههههه قصتك حلوة أويييييييييييييييييييي

[الفنانة]

[size="6"]

الحلقة الثالثة

]حوار بين الحفيدة والجدة في المساء
الجدة :انتى كنتى فين يا فتفت؟
الحفيدة :اصل احنا كنا بنجيب الولد من الحضانة ...
الجدة:ولد!! ولد اية اللى أخدتوه من الحضانة؟؟
الحفيدة:آه صحيح أنا نسيت اقول لك .. اصل انا جبت ولد من سمسم صاحبى
الجدة: يا بنتى مستعجلين على اية مش لما تتجوزوا؟ حسبي الله ونعم الوكيل !
hgptd]يا سلام عليكى يا تيتة ..انتى عليكى تحكيمات غريبة طيب اية اللى يمنع نخلف من غير جواز انا شخصيا عملتها ونفعت
الجدة :مشكلتى انىى ما باعرفش ازعل منك يا فتفت يا عكروتة ..وسميتوا المحروس اية بقي ؟
الحفيدة :سميناة(دوت كوم )
الجدة:نعم ..دوت كوم ؟نظام هاى تك بقي؟يعنى لما تعوزى تنادى علية تدوسى (انتر) ولا اية بالضبط؟
الحفيدة :ههههههههههه...اية الخفة دى يا تيتة ..والله فكرة ..لما اعوز اندهلة ادوس انتر ..ولما احب اقولة روح اودتك ادوس (الت اف 4)
الجدة: واخدتوة من الحضانة وديتوة فين بقى ؟
الحقيدة :وديناه النادى الصهيونى بتاع الحى
الجدة: النادى الصهيونى بتاع الحى؟؟!!
الحفيدة: ايوة.. دة نادى معمول برعاية كبار رجال الأعمال .. وتحت رعاية وزارة الزراعة ودة بيعلم الأطفال حاجات ظريفة خالص ومصاريفة رخيصة جدا وبعدين الولد الكويس ممكن يبعتوة يكمل دراستة في اسرائيل على نفقة وزارة الزراعة أصل *ميدو يوسف والى*وزير الزراعة دة راجل متفتح قوى ..
هة افتحلك التليفزيون يا تيتة عشان تشوفى نشرة الأخبار
الحفيدة تضغط الريموت كنترول لنرى شاشة كبييييييييرة بطول وعرض الحائط وتظهر صوت مذيعة مصحوبا بلقطاط للانباء وتقووووول.....
المذيعة:هاي شلة! اليكم عناوين الأخبار
SIZE][[
*أمريكا ترصد 25 مليار دولار لراس تامر بن محمد بن لادن المتهم الأول فى تفجير قصر السفير الأمريكى في افغانستان
*واشنطن تتهم ليبيا بتفجير سفينة فضاء فوق كوكب المريخ
*وزير الاقتصاد د.فريد بطرس غالى يصرح:اعدام الفقراء هو الحل لخروجنا من عنق الزجاجة
*موافقة مجلس الشعب أخيرا على خصخصة معبد الكرنك
أخبار عربية
*زهوة ياسر عرفات تطالب بانسحاب اسرائيل حتى حدود عام 2030 , واعلان الدولة الفلسطينية فى مايو المقبل
*سيريلانكا والفلبين تطرد خمسة الآف خادمة كويتية
*اسرائيل ترفض الإنسحاب من البصرة إلا بعد ضمان أمن مستوطناتها في بغداد
*اشتباكات على الحدود الاسرائيلية المغربية
أخبار الفن
*زفاف المطربة صباح على حفيد الفنان راغب علامة
*رئيس قطاع الإنتاج لم يستقر بعد على بطلة قوازير رمضان ويعقد اجتماع مع السيدة توتى محمد صفوت الشريف وزيرة الإعلام الجديدة لمناقشة هذة القضية
*الفنان محمد هنيدى يهاجم نجوم الكوميديا الجدد
المذيعة :فينش باى
الجدة:لأ بقى حسبى الله ونعم الوكيل فيكم فعلا !!! ويغمى عليها
الحفيدة :تيتة ..تيتة ..تيتة...........

وكدة انتهت قصتى يارب تنال اعجابكم

[مووووني]

بس يا خسارة

بجد جميله اوي اوي

اتمني اني اشوف ابداعاتك القادمة

ويارب ما تكونش القصه الاخيرة يا قلبي