ده زي أخويا

[بنت الإسلام 200]

انا جديده معاكم هنا في المنتدى وده اول موضوع ليه في المنتدى أتمنى
ان ينال منكم تفاعل
وانا حابه اني ابدأ الموضوع بالايه الكريمه دي كمقدمه للموضوع
قال تعالى : " وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الْإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ " سورة النور / 31

طبعا الكل لايخفى عليه مين هما محارم المرأه ومين هما غير المحارم
المحارم كل من يحرم عليه الزواج منها
وغير المحارم كل من يجوز لها ان تتزوج منه
سؤالي دلوقتي ليه اكتر البنات مش بتلبس الحجاب قدام اولاد عمها
واولاد خالتها وخيلانها وعماتها؟؟؟؟
وبتقولك ده زي اخويا ازاي زي اخوها وهو ينفع يتجوزها
بجد ليه الظاهره دي منتشره قوي قوي
وتلاقيها كمان بتقولك انا محجبه في الشارع بس
ازاي يعني هو ربنا فرض علينا الحجاب بس في الشارع
ياجماعه انا بنادي بأعلى صوت اتقوا الله اتقوا الله
انا عايزه اشوف ارائكم في الموضوع اللي مزعلني قوي ده

[عتاب]

اهلا بنت الاسلام
معاكي حق فيه كتير كده
ومش في الحجاب وبس
حاجات كتير بنغلط فيها ونقول اصل ه زي اخويا
تلاقي البنت على علاقة مع شاب اجنبي عنها وتكلميها تقولك ده زي اخويا
تلاقيها بتتكلم معاه وتحكيله اسرار عمرها ماتقدر تقولها لاخوها وتقولك ده زي اخويا
الكلمة دي بنستخدمها عشان نبرر الشيء الغلط اللي بنعمله
فيه كتير محجبات اسما بس
تلبس الحجاب في الخروج وياريته حجاب والا مغطي حاجة اصلا
تطلع البلكونة من غير حجاب .. تفتح باب الشقة من غير حجاب ..
تقعد قدام قريبها من غير حجاب ..
كلها حاجات بتعملها بحجة ده زي اخويا
ومن جواها عارفة ومتأكدة انها غلط !!

[abc]

إذ أصبح عادة
لا عبادة
فكان ما ترين !!

[al_copraa]

موضوعك استفز جوايا موضوع نفسى اطرحه من زمان وبصراحه خايف من رد فعل الاصدقاء ولكنى ساطرحه واتمنى لو اختلف معى اى صديق ان لا يفسد هذا الخلاف للود قضيه
انتظرى الموضوع وسيكون اسمه
حجاب _ نقاب _ اسلام !!