لا تكن لطيفاً أكثر من اللازم‏ !!!!

[The Caesar]

لا تكن لطيفاً أكثر من اللازم‏ !!!!

تحاول دائماً أن تفعل ما يتوقعه منك الآخرون‏,‏ وتحرص على ألا تؤذي مشاعرهم‏,‏ تسارع إلى مساعدة الأصدقاء والأقارب كلما احتاجوا إليك وتتفادى مضايقتهم حتى لو أثاروا غضبك‏,‏ إذاً أنت شخص لطيف وتحب وتحرص علي أن يصفك الناس هكذا‏.
‏ومع ذلك إذا وأمعنت التفكير في سلوكياتك‏'‏ اللطيفة‏'‏ ستكتشف أنها في كثير من الأحيان سلوكيات‏'‏ انهزامية‏'‏ كأن تقول نعم حينما كان ينبغي أن تقول لا‏,‏ أو تتظاهر بالهدوء عندما تكون غاضباً‏,‏ أو تلجأ للكذب لأنك تخشى إيذاء مشاعر الآخرين,‏ وقد تتحمل أعباء فوق طاقاتك حتى لا تحرج شخصاً عزيزاً عليك‏.‏ أي أنك في سبيل الحفاظ على التعامل مع الآخرين بلطافة ترتكب العديد من الأخطاء التي قد تؤثر بطريقة سلبية على عملك وعلاقاتك الاجتماعية‏.‏
ومن أكبر الأخطاء التي يقع فيها من يتسم باللطافة هي النزعة إلى الكمال مما يفرض ضغوطاً كبيرة عليه‏,‏ ويتطلب مجهودا مضنيا منه لاثبات الذات‏,‏ والقيام بالمهام المختلفة على أكمل وجه‏,‏ فضلاً عن الإرضاء الدائم للآخرين.
‏ويجب هنا توضيح أن محاولة الوصول للكمال في حد ذاتها ليست عيباً ولكنها تصبح خطأ عندما تدفعك لوضع معايير غير واقعية لنفسك‏,‏ أو تكبدك ما لا تتحمل من مجهود أو وقت أو مال‏,‏ أو عندما تصبح هاجساً لدرجة تعرقل أداءك لعملك‏.
‏وأول خطوة لتصحيح هذا الخطأ هو الإيمان(‏ وليس مجرد ترديد العبارة‏)‏بأنه لا يوجد أحد كامل وتقبل نواحي القصور لديك‏, ‏يأتي بعد ذلك إدراك أن الكمال ليس هو الطريق الوحيد لحيازة قبول الآخرين‏.‏
وبجانب النزعة للكمال يلخص ديوك روبنسون في كتابه‏'‏ لا تكن لطيفاً أكثر من اللازم‏'‏ أخطاء أخري يقع فيها الناس اللطفاء بشكل يومي منها‏:‏
‏-‏القيام بالتزامات أكبر من طاقتك‏:‏ عادة دون أن نشعر يوقعنا اللطف في مأزق‏,‏ إما أن نقول لا لشخص عزيز يطلب منا شيئاً فنشعر بالأنانية والذنب‏,‏ أو نحاول القيام بكل ما يطلب منا فنستنزف طاقتنا‏.‏
‏-‏عدم قول ما تريد‏: ‏وربما تلجأ لذلك لأنك تعتقد أنه غير مناسب اجتماعيا‏ً,‏ أو لا تريد أن تظهر بمظهر الضعيف‏,‏ أو تخشى الرفض أو لا تريد أن تسبب حرجاً لمن تحب‏.‏وفي كل الأحوال فإن عدم الإفصاح عن مشاعرك ومتطلباتك وكبت ما تريد في سبيل الآخرين سيؤدي بك إلى المرض النفسي والعضوي كما قد تتبدد ملامح شخصيتك‏.‏
‏-‏كبت غضبك‏:‏ المقصود هنا هو الإبقاء على هدوء الأعصاب في حين أن داخلك يغلي نتيجة استغلال الآخرين لك أو إيذائهم لمشاعرك وهو ما يعتبر نوعاً من التزييف والكذب على النفس وعلى الآخرين‏، ‏والدعوة لعدم كبت غضبك لا تعني أبداً أن تثور كالبركان‏,‏ كل ما عليك أن تظهر للآخرين أن ذلك التصرف يضايقك حتى لا يكررها‏.‏
‏-‏التهرب من الحقيقة‏: ‏حرصاً على أن تكون لطيفاً دائماً فإنك كثيراً ما تتهرب من قول الحقيقة حتى لا تحرج الآخرين ولكن ذلك لا يفيدك ولا يفيدهم‏، ‏ عليك قول الحقيقة بتواضع وحساسية‏.
‏فعلى سبيل المثال: إذا سألتك زوجتك عن رأيك في صينية البطاطس التي لم تعجبك‏,‏ لا داعي لأن تكذب وتقول إنها كانت رائعة‏,‏ ولا داعي أيضاً أن تكون فظاً وتقول إنها كانت سيئة, بل يمكنك الإجابة بأنك عادة تحب البطاطس من يدها ولكن طعمها هذه المرة كان مختلفا بعض الشيء‏. ‏وهكذا تكون قد خرجت من المأزق بأقل الخسائر‏.‏
الأشخاص اللطفاء غالباً ما يفعلون الأشياء التي يتوقعها الآخرون منهم، ويحاولون إرضاء متطلباتهم، دون أن يؤذوا مشاعرهم، ودون أن يفقدوا أعصابهم. وعندما يهاجمهم الآخرون بغير تعقل، يحافظون على لطفهم وهدوئهم.
غير أن هؤلاء الأشخاص اللطفاء كلّما أمعنوا في التصرف بهذه النوايا الحسنة، ومساعدة الآخرين، وتحدثوا وتصرفوا بكل هذا المستوى الرائع من اللباقة، ينتابهم شعور بعد ذلك بالإرهاق والإحباط وعدم الثقة بالنفس.
إن هذه السلوكيات التي يسلكها الأشخاص اللطفاء بنية حسنة، وبطريقة معتادة لديهم، تؤثر بطريقة عكسية على علاقاتهم، وتنتزع البهجة من حياتهم.
بعد يوم تعترض هذه السلوكيات طريقنا، تصيبنا بالجنون، وتسرق وقتاً وطاقة ثمينتين هما أثمن ما نملك، وتلخص هذه السلوكيات بتسعة أخطاء ذات نتائج عكسية، وهي جديرة بالاهتمام لأننا بقليل من التفكير والجهد نستطيع التوقف عن فعلها:
• أن نحرر أنفسنا من الالتزام بما يتوقعه الآخرون منا مما لسنا مقتنعين به.
• أن نقول: لا، عند الضرورة، وأن نقي أنفسنا من تحمُّل ما لا تطيق.
• أن نخبر الآخرين بما نريده منهم، وأن نتلقاه فعلاً.
• أن نعبر عن غضبنا بطريقة تداوي، وتصون علاقتنا.
• أن نستجيب بصورة فعالة حين يهاجمنا الناس أو ينتقدوننا بلا تعقل.
• أن نخبر أصدقاؤنا بالحقيقة حينما يخذلوننا.
• أن نهتم بالآخرين دون تحمل عبء محاولة إدارة حياتهم.
• أن نساعد أصدقاءنا وأحباءنا الذين يميلون لتدمير أنفسهم على أن يستعيدوا صحتهم النفسية.
• أن نشعر بأهليتنا، ونفعنا عند مواجهة الألم، والحزن.
ومن المعلوم أن النساء تعاني ضغوطاً اجتماعية أكبر مما يعانيه الرجال كي يكن لطيفات، وأن معظم الناس يعتقدون أن الرجال لا يملكون المستوى نفسه من لطف النساء، ولكن سواء كنت رجلاً لطيفاً، أو امرأة لطيفة فمن المحتمل أنّك تكرر الوقوع في هذه الأخطاء التسعة مما يلحق بك الضرر.
إن التخلص من الأخطاء البسيطة السابقة لا يعني إطلاقا التوقف عن أن نكون لطفاء, بل فقط تساعدنا على ترشيد المجهود الإضافي المبذول للحفاظ على التعامل بلطف في كل الأوقات والذي كثيراً ما يأتي علي حساب أعصابنا وراحتنا‏. ‏
من كتاب لا تكن لطيفاً أكثر من اللازم للكاتب ديوك روبنسون.

منقول للافاده

[برديس]

ياريت بجد الواحد يقدر يتخلص من لطفه
قصدى تحمله اعباء على نفسه
لكن اوقات الظروف بتكون اصعب من انك تتخلص من ده
اكيد المتضرر الوحيد هو انت نفسك
لكن تيجى على نفسك ولا تزعل شخص عزيز عليك
ممكن نعمل ده مع الاصحاب لكن معتقدش اننا ممكن نعملها مع الاهل

نقل مميز يا قيصر
شكرا لك

[amr_miza1]

كونك تبقى مسالم بشكل مطلق فدا ابعد ما يكون عن الصواب
مش هنقول اننا هنفرض شخصية متغطرسة ولكن على الاقل هو تحديد الموقف
بين الرضا او عدمه ..
المهم يكون الاعتراض بلباقة وعدم ارتكاب الاخطاء بحقى او بحق الاخرين .


شكرا قيصر للموضوع
نقل متميز

[sandrella2008]

موضوع جميل قووي

وأستفدت منه بجد

اللطافة لازم تكون بحدود وأهم حاجة إنك ماتجيش على حساب نفسك

عشان ترضي الأخرين ... وفالأخر برده حتلاقيهم مش راضيين

الكلام ده صحيح بس ياخسارة عرفته متأخر

يعني أنا مثلا من كتر ما استحملت أخطاء الناس وكتمت زعلي فنفسي

مرضت نفسياً وجسدياً و اكتشفت إني كنت غلط

تسلم إيدك ياقيصر عالموضوع بس ياريتني قاريته من زماااااااااااان قوي

ما كنتش وصلت للي أنا فيه دلوقت

لك من خالص الشكر والتقدير

تحياتي..

[امرأة العزيز]

موضوع رائع اخي قيصر..

وان كنت كمثل السابقيين تعلمت هذا مؤخراً... فكثيرا ما كنت اسامح اخطاء الاخرين.. واتعامل معهم من جديد ... من باب اكيد كل منا عرف خطئه ولن يكرره .. ولكني وجدت انني بالفعل ارهق نفسي عندما اعطي للاخرين فرصة ثانية وان كانت علي حساب نفسي..

الان تعلمت ان لا انظر الا الي ما يريحني شخصيا .. مع مرعاة عدم التعدي علي الاخرين ...

فمن الرائع ان نوزن امورنا ونكون محل التوسط فلا نكلف انفسنا فوق طاقتها .. ولا نتعدي علي الاخرين بها .. ولا نعتزل ايضا للاخرين لنعيش فقط لانفسنا ...

كل الود لك واكثر..

[الورد الجوري]

اهلا قيصر
موضوع جميل جدا بجد
ياريت الواحد يتخلص من التعاملات اللي زي كده
لان الواحد بيعامل الكل كويس
و بيصعق من سوء المعامله و ردود الافعال و حياكة المقالب
و مع ذلك في ناس مش بتحس بفداحة تصرفاتها
و التعامل اللطيف بتاعنا في الاخر بييجي على دماغنا
و بنتعب صحيا كمان و اسالني انا
ربنا يهدينا للوسطيه في التعامل
و لمعاملة الناس كما يستحقون
مع ان ادفع بالتي هي احسن
بس بردو في نفوس لا تتعظ
شكرا لموضوعك الطيب
اجدت الطرح
لك تحياتي

[abc]

الكتاب فعلا رائع أخي قيصر
أنا قرأته كاملا ..... و إن شاء الله أبقى أنزله في المنتدى على حلقات ....
لكن بعد الامتحانات :(

تحيتي لك

[عتاب]

موضوع جميل يا سيزر
فعلا المفروض الواحد مايبقاش لطيف اكتر من اللازم
اه اكون لطيفة واجي على نفسي مرة او اتنين بس مش دايما ومش مع كل الناس
كل شيء في المعقول بيكون كويس
وخير الامور الوسط


abc
في انتظار الحلقات بعد الامتحانات
ربنا يوفقك

[The Myth]

جميل جدا الكلام ده سيزر
يا ريت اقدر اغير تعاملاتي مع بعض الناس اللي ماتستاهلش
خير ان شاء الله
شكرا ليك قيصر

[The Caesar]

المشاركة الأصلية بواسطة برديس

ياريت بجد الواحد يقدر يتخلص من لطفه
قصدى تحمله اعباء على نفسه
لكن اوقات الظروف بتكون اصعب من انك تتخلص من ده
اكيد المتضرر الوحيد هو انت نفسك
لكن تيجى على نفسك ولا تزعل شخص عزيز عليك
ممكن نعمل ده مع الاصحاب لكن معتقدش اننا ممكن نعملها مع الاهل

نقل مميز يا قيصر
شكرا لك

اهلا برديس
كلامك سليم
الواحد لو يبقي رخم كده...ويضايق اللي حواليه
احسن ما يبقي لطيف وظريف ..ويتحمل هوه بقي
ساعات بتبقي الرخامه احسن من اللطافه
لان الانسان بيبقي علي اعصابه
وبالذات في البلد دي...
اللي ساعاااااااااااااااات كتيررررررررررررررررررررررررررر
لازم الواحد يبقي رخم ..وبارد ...ومستفز ..

اما بالنسبه للاصدقاء والاهل....طبعا دول ليهم قاعده اخري خالص
هيه ..كن لطيف واستحمل بقي

[The Caesar]

المشاركة الأصلية بواسطة amr_miza1

كونك تبقى مسالم بشكل مطلق فدا ابعد ما يكون عن الصواب
مش هنقول اننا هنفرض شخصية متغطرسة ولكن على الاقل هو تحديد الموقف
بين الرضا او عدمه ..
المهم يكون الاعتراض بلباقة وعدم ارتكاب الاخطاء بحقى او بحق الاخرين .


شكرا قيصر للموضوع
نقل متميز

كلامك سليم عمرو
هوه مفيش قاعده مطلقه..او محدده مع كل الناس
كل انسان وهناك اسلوب للتعامل معه
بس الفكره هوه ان الانسان ما يبقاش لطيف عاطل علي باطل
يبقي " حازم" لطيف مع اللطيف...ومش لطيف مع اللي مش لطيف
غطرسه ايه لا سمح الله
فيه ناس مش عايزه غطرسه عايزه تترش بالنووي...من رخامتها وغطرستها " وعيشتها في الدور قوي"
دول بقي بعزهم بيني وبينك..وبستمتع كده بالحوار معهم
بس زي ما انت قلت
قواعد اللعبه
اللباقه ومحدش يمسك عليك غلطه
كله بالطريقه

[The Caesar]

المشاركة الأصلية بواسطة sandrella2008

موضوع جميل قووي

وأستفدت منه بجد

اللطافة لازم تكون بحدود وأهم حاجة إنك ماتجيش على حساب نفسك

عشان ترضي الأخرين ... وفالأخر برده حتلاقيهم مش راضيين

الكلام ده صحيح بس ياخسارة عرفته متأخر

يعني أنا مثلا من كتر ما استحملت أخطاء الناس وكتمت زعلي فنفسي

مرضت نفسياً وجسدياً و اكتشفت إني كنت غلط

تسلم إيدك ياقيصر عالموضوع بس ياريتني قاريته من زماااااااااااان قوي

ما كنتش وصلت للي أنا فيه دلوقت

لك من خالص الشكر والتقدير

تحياتي..

سندريلا
للاسف الزمن ده عايز ناس...مش رقيقه دايما...او قولي عايز ناس رخمه شويه
او قادره علي نشر الرخامه
تعرفي ان فيهناس ده منهجها في الحياه
" ازاي اكون رخم واضايق اللي حواليا "
او " البرود مفيش احسن منه"
انا اعرف عينات كده كتير...
فلو جيه الانسان علي حساب نفسه علشان يرضي الي حواليه
مش هايخلص
بجد انا استفدت من المقال ده كتير
اني اكون علي طبيعتي اكتر...يعني لو مضايق...من حد...اقوله في وشه
كنت قبل كده...ممكن ..اكتم ..واقول اكلمه بعدين....
ما بقاش ينفع الكلام ده
تلاقي بقي الشيطان مستلمك ..انت ليه مقلتلوش كده
ليه معملتش كده يا ناصح...
- يا عم سيبني في حالي
- انت كنت مفروض تضربه علقه تخليه ينسي اسم جده الكبير
- اعوذ بالله من الشيطان الرجيم
تروحي تصلي مثلا...يستلمك برضه
انت مقلتش لفلانه كده ليه..انت معملتش كده ليه...بكره الصبح تكون مخلص
الشيطان بيستغل المواقف دي ...بقوه..شيطان شاطر
فعلي ايه بقي الواحد يتعب نفسه ويتعب الشيطان معاه
اللي جوا الواحد يقوله...وربنا كريم
كده كده الناس بتزعل في الاخر
بصي مش تكتمي جواكي بعد كده
اي حد يضايقك...اطلعي فيه...لو حد زودها...الطشيه قلمين كده...
هاتحسي انك مبسوطه..بس مش تحلمي بده كتير

نورتي الموضوع بمشاركتك الجميله
واديك شايفه كلنا بشر زي بعض بنتحمل بعض..وبتحمل الاخرين..واكيد الاخرين برضه بيستحملونا واحنا مش عارفين

تحياتي

[The Caesar]

المشاركة الأصلية بواسطة امرأة العزيز

موضوع رائع اخي قيصر..

وان كنت كمثل السابقيين تعلمت هذا مؤخراً... فكثيرا ما كنت اسامح اخطاء الاخرين.. واتعامل معهم من جديد ... من باب اكيد كل منا عرف خطئه ولن يكرره .. ولكني وجدت انني بالفعل ارهق نفسي عندما اعطي للاخرين فرصة ثانية وان كانت علي حساب نفسي..

الان تعلمت ان لا انظر الا الي ما يريحني شخصيا .. مع مرعاة عدم التعدي علي الاخرين ...

فمن الرائع ان نوزن امورنا ونكون محل التوسط فلا نكلف انفسنا فوق طاقتها .. ولا نتعدي علي الاخرين بها .. ولا نعتزل ايضا للاخرين لنعيش فقط لانفسنا ...

كل الود لك واكثر..

امرأة العزيز
واضح ان القاعده في هذا المقال..يا ريتني قريته قبل كده
انا برضه قلت كده اول ما قريته.....
هوه احنا بنبقي لطاف مع الناس اوي كده ليه ؟ مع ان الناس معظمهم مش لطيف اصلا ولا ظريف ولا شيء ...مستنقع من الرخامه ..حلوه مستنقع دي
بجد مالاقيتش سبب ..
وزي ما قلتي برضه
الواحد بييجي علي نفسه لحد ما يرهق نفسه..علي ايه
وعلشان ميه
وليه الواحد ييجي علي حساب نفسه ..ايه الطيبه المستفزه دي ؟
من احسن الينا نحسن اليه..ومن اساء فله ما اساء او العفو
فعلا التوازن مهم جدا...علشان نقدر نستمر..ونستحمل مفاجات الحياه الجميله
اللي كل يوم بتخلي الواحد فعلا..مش هايقدر يغمض عينيه

مشاركه جميله امرأة العزيز
نورتي الموضوع بمرورك الكريم

[The Caesar]

المشاركة الأصلية بواسطة الورد الجوري

اهلا قيصر

موضوع جميل جدا بجد
ياريت الواحد يتخلص من التعاملات اللي زي كده
لان الواحد بيعامل الكل كويس
و بيصعق من سوء المعامله و ردود الافعال و حياكة المقالب
و مع ذلك في ناس مش بتحس بفداحة تصرفاتها
و التعامل اللطيف بتاعنا في الاخر بييجي على دماغنا
و بنتعب صحيا كمان و اسالني انا
ربنا يهدينا للوسطيه في التعامل
و لمعاملة الناس كما يستحقون
مع ان ادفع بالتي هي احسن
بس بردو في نفوس لا تتعظ
شكرا لموضوعك الطيب
اجدت الطرح
لك تحياتي

اهلا الورد الجوري
اينعم " ونعم بالله" ادفع بالتي هي احسن"
مفيش اي تعارض طبعا مع اللي بنقوله
لان الانسان بييجي علي نفسه كتيررررر
وده بيخليه ينضغط نفسيا..ويبقي زي البالونه اللي هاتنفجر..وممكن تنفجر في اقرب حد ليه ومالهمش ذنب

عارفه الحاجات الصغيره قوي..
تقعد تتجمع تتجمع ..زي نقطه الميه...واحده واحده
لحد ما الانسان يلاقي نفسه مخنوق ومضايق
من ايه
ما يعرفش السبب
يقوم من النوم كده...مش طايق نفسه ولا حد
هوه ده
تراكمات من الضغط النفسي..والتعاملات اللطيفه الضعيفه
اللي المفروض كان ياخد فيها موقف وسابها ..او كان مفروض يتعامل فيها بشكل اكثر قوه وكان اداءه ضعيف..وهكذا
اللطف مع الناس مطلوب يا ورد
لكن في نفس الوقت...ليس علي حساب نفس الانسان
واهديكي بالمناسبه اغنيه المطرب ..اللطيف البشع ...مش فاكر اسمه ايه
" جي علي نفسك ليه "
شوفتي حتي المطربين بيشتكوا تقدري تقوليلي بيشتكوا ليه دول

مش تتعبي الورد الجوي ..ومش تتحملي شيء بعد كده مش مفروض تتحمليه
خلصي نفسك من الاعباء اول باول
الموضوع ده هايزعل ناس ..كتير
بس المثل يقول ..الصراحه راحه

تحياتي

[The Caesar]

المشاركة الأصلية بواسطة abc

الكتاب فعلا رائع أخي قيصر
أنا قرأته كاملا ..... و إن شاء الله أبقى أنزله في المنتدى على حلقات ....
لكن بعد الامتحانات :(

تحيتي لك

abc
طب فين الكتاب بقي
مش تجيبه كده و ترفعهولنا....
منتظر لينك الكتاب
لسه هاستني حلقات

انا بكره الانتظار
abc
الكتاب يكون هنا خلال اسبوع يا اما مفيش مواضيع هاتنزل


لا بجد نورت الموضوع بمشاركتك..تحياتي لك