موت؟؟؟؟ اغتصاب؟؟؟ وفي الاخر يقول امان؟؟؟؟

[وائل المصري]

منذ زمن طويل لم اكتب في هذا القسم ما يجب ان اكتب ما يجب ان اقول
هو ممكن صوتنا يوصل ؟ ممكن يجيب الي احنا بنعمله نتيجه؟
طيب في حل ؟اعتصام..اضراب..ارهاب...خراب...موت....حبس صوت جلد سجن مش مهم المهم الصوت
الصوت لازم يوصل الصوت لازم يوصل قبل ما نموت ايه يعني هنموت منموت ما الي قبلنا قالوا كده
وربنا سترها محدش بيموت من غير معاد الموت بمعاد والحياه باوان بس المهم السلام والامان
وهو فين الامان ؟؟؟؟
ومين هيحس بالامان ؟ الانسان
اي انسان المحروم الغلبان ولا الجعان ؟
ياعم محدش بينام جعان؟
لا في كتير كتير بيموت وهو جعان يعني عاش مسكين ومات غلبان ومش بس لا وجعان.
امان اي امان؟
لما تموت في قسم ولا مركز ولا لومان؟
هو ده الامان؟
اي امان لما تجوع ان وعيالك ومش بس لا وتموت عريان وجعان؟
هو ده الامان؟
اي امان لما تخاف تتكلم تخاف تتنفس تخاف حتي تاكل وتشرب .
هو ده الامان؟
الامان هو السلام هو الحنان هو الاخلاص .
الامان حريه رأي حريه عقيده حريه أختيار.
حتي الخيار معدش نافع لا للاكل ولا حتي للاختيار.
عزاب .... خراب.... جوع ..... فقر .... اهانه ..... سرقه ..
لا ومش بس كده وكمان لازم نستحمل ونفرح وتهتف عاش عاش.
مين الي عاش انت كده غشاش لما حتي المنحه جينا نخدها ملقناش
وفي الاخر عاش عاش
كده احنا شعب غشاش هنعيش ونموت بلاش ببلاش
طيب تعرفوا الخفاش ؟؟؟؟ الخفاش
احنا كده زي الخفاش مش عارفين ننزل ولا نطلع ولو طلعنا يقلا لا متطلعهاش
ولو نزلنا نسمع حد يقول متنزلهاش
قول ياقلم ... اياك تخاف لحظة ندم .... قول ياقلم قول
اصرخ ولم الناس..... افتح لنا الكراس....
صفحه قصاد عينا نقرأ فيها عالمنا
كنا ايه واحنا الان ايه
معونه طظ......
موت طظ.........
ايوه طظ
لما نموت في بلدنا يبقي طظ.
لما نخاف في بيوتنا يبقي طظ.
لما نجوع علي ارضنا وفي وسط خرنا يبقي طظ.
لما نشحت في ظل الرخاء الي في البلد يبقي طظ.
لما يغتصب ويقتل ويهرب يبقي طظ.
لما يسرق الاف مؤلفه ومحدش يكلمه يبقي طظ.
لما نتهان ونتحبس وننضرب بالجزم من القريب والغريب يبقيطظ.
نشحت مهو احنا شحاتين.......
ننداس مهو احنا بننداس ...........
امته هنقول لا لا لا ؟؟؟؟؟
لازم حد يقول لا؟
لا للرشوه؟
لا للمحسوبيه؟
لا للمعونات والاهناة الامركية؟
لا للوسطه والكوسه والملوخية؟؟؟
لا للقمع والظلم والتوريث والبلطجه والضرب والاهانة؟؟؟؟
مين فينا صلاح الدين؟؟؟ جوي بلدنا عيشين ميتين؟؟؟؟
لا لنعيش لنموت ؟؟؟ مش مهم النبوت احنا نستحمل ونستحمل
بس عيلنا هتعمل ايه ؟؟؟؟
انت هتعمل ايه؟؟؟
انا هعمل ايه؟؟؟؟؟؟
عارف ان انا زودتها بس اسف جدا لكن
لازم تصرخ ونلم الناس لازم تصحي الاحساس لازم قبل مننفعص وننداس
ده ان كان لسه في احساس؟
مع تحياتي
وائل المصري قاضي المنتدى.؟

[مهدي هلال]

ايعقل ان كل ماتقول يحدث فى ام الدنيا؟

[السجين]

استاذ وائل مع احترامي لحضرتك وشكري للكلام المؤثر الواقعي اللي تسلم عليه انك ظهرتو لينا

ليا سؤال عند حضرتك واتمني ان حضرتك متاخدوش بحزازيه واتمني كمان ان حضرتك تجاوبي هو حضرتك لسه بتحب حسني مبارك وعايز تدافع عنه؟

[True_Face]

كلام جميل منك اخ وائل
رغم انك من مؤيدن النظام ومحبين حاكم البلد

[المحب من فلسطين]

في بلادنا العربية ....


النهب والسرقة.... تنمية

القمع والقتل..... حرية

توحيد الحزب ثم الله.... تعددية

بناء السجون.... اعمار

كل الهزائم في إعلامنا..... انتصار

في بلادنا العربية
هناك من يراقب أحلامي... إذا حلمت

هناك من يراقب كل لقمة في طعامي... إذا أكلت

هناك من يكتب تقريرا.. إذا ما بيني وبين ربي خشعت

فأجهزة أمننا..

تعلم بأخبار العصافير... وأخبار السنابل

تعلم حتى بما يحدث في بطون الحوامل

في بلادنا العربية
كل شيء يذبح حلالا

عدا اللحوم

في بلادنا العربي

تبادلنا الأدوار واختبأنا وراء الستار
فأصبح العالم جاهلا والجاهل عالما
أصبح اللص عفيفا طاهرا
و الشريف رخيصا خائنا لبلده ووطنه المزعوم

في عرف انظمتنا العربية
البريء متهم حتى يثبت جرمه
المجرم بريء حتى تثبت براءته

أعذرني سيدي على خربشاتي المتواصلة في متصفحك

[المحب من فلسطين]

ولكن يا امتنا العربية

الاتدرون
ان
في بلادنا العربية ....

أجدادنا اخترعوا الأبجدية
وكانوا أول من صنع الزجاج والسفن
وداروا حول بحار الدنيا قبل كل البشرية

ومن بلادنا ....
انتشر الاسلام للعالم
وقدم للعالم التشريع والقانون
ومن أرضنا ظهرت المسيحية
فلا تقارنوا الأمس باليوم
حتى لايصيبكم الجنون
اما ان لنا

ان نستعيد امجادنا

وان نكون احرار
احرار الكلمة والقرار

اما ان لنا ان نلفظ من بيننا الاشرار

ومن باعوا بلادنا بالدرهم والدولار

اما ان لنا ان نتذكر قادتنا العظام الاخيار

ونقف وقفت عز وفحار

ونرفض الذل والعار

ونقول لا وكفي لاذناب الاستعمار

اه ثم اه ثم اه
عار عليكم السكوت

يا امة المليار

[وائل المصري]

ايعقل ان كل ماتقول يحدث فى ام الدنيا؟
************
دائما وابدا نتحدث بصيغه الماضي سيدي ام الدنيا ده كان زمان ممكن تكون ام الدنيا بس شاخة معدش زي الاول
تحياتي
وائل المصري

[وائل المصري]

استاذ وائل مع احترامي لحضرتك وشكري للكلام المؤثر الواقعي اللي تسلم عليه انك ظهرتو لينا

ليا سؤال عند حضرتك واتمني ان حضرتك متاخدوش بحزازيه واتمني كمان ان حضرتك تجاوبي هو حضرتك لسه بتحب حسني مبارك وعايز تدافع عنه؟
__________________
حبي للرئيس شيء والي بيحدث الان في مصر شيء تاني
ليس حبي لمبارك هو السبب الرئيس للدفاع عنه لكن السبب الرئيسي هو
عن جاد الراجل ده له حجات كتير حصلت في عده وعلي ايده بس عن جاد ما يحدث اليومين دول يخلي الحجر يتكلم مش انا بس
شكرا علي الكلام الجميل
وائل المصري.

[وائل المصري]

كلام جميل منك اخ وائل
رغم انك من مؤيدن النظام ومحبين حاكم البلد
__________________
سيدي الي ضايع منك حاجه ومش عارف تدي زيها او مش عارف هههههههههه
الف الف شكر ليك علي هذا الكلام الجميل
تقبل تحياتي

[وائل المصري]

سيدي الفلسطيني
تقبل تحياتي واعتزاري عن تقصيرنا في حق القضيه الفلسطينيه والف شكر علي هذه الكلمات الجميله المؤثره
تقبل تحياتي