الحضري ضمن قائمة محترفي منتخب مصر للمرة الأولي

[amr_miza1]

غريب: الحضري ضمن قائمة محترفي منتخب مصر للمرة الأولي

أعلن الجهاز الفني للمنتخب المصري بقيادة حسن شحاتة المدير الفني أسماء سبعة لاعبين محترفين للانضمام لمعسكر المنتخب يوم 22 مايو الجاري استعدادا لخوض مباريات تصفيات كأس العالم 2010 ، والتي ستنطلق بلقاء الكونغو الديمقراطية في القاهرة يوم 30 مايو الجاري .

وصرح شوقى غريب المدرب العام للمنتخب - لوكالة أنباء الشرق الاوسط - الخميس بأن القائمة ضمت حارس المرمى عصام الحضري لأول مرة بعد احترافه في نادي سيون السويسرى، كما شهدت عودة حسام غالى لاعب توتنهام هوتسبير الانجليزي وأمير عزمى مدافع أنورثيس فاماجستا بطل الدورى القبرصى بعد فترة غياب طويلة.

وأضاف غريب أن القائمة شملت كابتن المنتخب أحمد حسن لاعب أندرلخت البلجيكي ، ومحمد زيدان مهاجم هامبورج الألماني بالإضافة للثنائي وائل جمعة وحسن مصطفى المعارين لأندية السيلية القطرى والوحدة السعودي على الترتيب .

وأشار غريب إلى أن الجهاز الفنى للمنتخب سيعلن باقي أسماء اللاعبين من الدوري المصري وعددهم 23 لاعبا يوم 20 مايو الجاري، كما سيعلن حينها البرنامج التدريبي للمنتخب استعدادا لخوض تصفيات كأس العالم التى تنظمها جنوب افريقيا عام 2010 .

وبهذا يكون الجهاز الفنى للمنتخب قد استبعد لاعب ميدلسبره محمد شوقى بسبب الاصابة ، والثنائى إبراهيم سعيد وسيد معوض المحترفين فى تركيا بسبب غيابهما عن المشاركة مع فريقيهما أنقرة جودجو وطرابزون سبور على الترتيب.

كما تواصل غياب أحمد حسام "ميدو" مهاجم ميدلسبره الانجليزى بسبب الإصابة،والثنائى عبد الظاهر السقا مدافع جنشلربيرليجى التركى،وأيمن عبد العزيز لاعب وسط طرابزون سبور التركي.

يذكر أن منتخب مصر سيخوض أربع مباريات متتالية خلال 22 يوما فقط فى تصفيات كأس العالم ، تبدأ بلقاء الكونغو الديمقراطية بالقاهرة يوم 30 مايو الجارى ، ثم لقاء جيبوتى على ملعبها يوم 7 يونيو المقبل ، ثم لقاء مالاوى على ملعبها يوم 15 من نفس الشهر ، قبل أن يلتقى مع مالاوى مرة أخرى فى بداية مباريات الاياب بالقاهرة يوم 22 يونيو المقبل .

نقلا عن yallakora

[احمد13]

شكرا ليك ياعمرو علي نقل هذة الاخبار

وعلي ما اعتقد مقدموش غيرهم عشان يختارهم


بس طبعا سيد معوض وابراهيم سعيد لعدم المشاركة خسارة سيد معوض في الجبهة اليسري


وكمان ميدو وشوقي للاصابة

اما بخصوص الحضري فمعندهوش غيره حارس مرمي ايه يعني هيجيبوا مين طيب

[عتاب]

شكرا يا عمرو على الموضوع
مش مهم الحضري او غيره
بغض النظر عن تصرفاته بس هو لاعب في المنتخب
ربنا يوفقهم في تصفيات كاس العالم
نفسي نوصل بقا
يارب

[eshoo4ever]

معتقد ان الحضرى هرجع بمستواة
لا اعتقد نهائى لانة اصلا انا عارف انة مش مرتاح نفسيا

[BATISTA]

اهلا عمرو


بالتوفيق للمنتخب فى استعدادة للتصفيات وان شاء الله موفق واعتقد ان مافيش اسماء غريبة هتنضم للمنتخب


شكرا على المتابعة

[amr_miza1]

المشاركة الأصلية بواسطة احمد13

شكرا ليك ياعمرو علي نقل هذة الاخبار

وعلي ما اعتقد مقدموش غيرهم عشان يختارهم


بس طبعا سيد معوض وابراهيم سعيد لعدم المشاركة خسارة سيد معوض في الجبهة اليسري


وكمان ميدو وشوقي للاصابة

اما بخصوص الحضري فمعندهوش غيره حارس مرمي ايه يعني هيجيبوا مين طيب

بالظبط يا احمد هو مجبر على كدا ..
يعنى الاستثناءات كلها كانت للإصابة ..
وطبعا اللاعبين اللى فى تركيا سبحان الله مش مكتوب ليهم اللعب فى المنتخب
بس بصراحة مش متميزين سواء عبد الظاهر او ايمن عبد العزيز ..ممكن ابراهيم سعيد

شكرا يا احمد للمتابعة

[amr_miza1]

المشاركة الأصلية بواسطة عتاب

شكرا يا عمرو على الموضوع
مش مهم الحضري او غيره
بغض النظر عن تصرفاته بس هو لاعب في المنتخب
ربنا يوفقهم في تصفيات كاس العالم
نفسي نوصل بقا
يارب

ان شاء الله هنوصل يا عتاب .. انا متفاءل جدا
انجولا وصلت فمش معقول احنا منوصلش يعنى

والحضرى رغم كدا الا انه الحارس اللى ممكن نعتمد عليه فى المنتخب

شكرا عتاب

معتقد ان الحضرى هرجع بمستواة
لا اعتقد نهائى لانة اصلا انا عارف انة مش مرتاح نفسيا

ايشو ..

اللاعب فعلا عليه ضغط عبى كبير جدا
عصام الحضرى مش من اللاعبين اللى اتعودوا على السفر
وكون انه يسافر وهو فى السن دا _ كبير طبعا _ اكيد صعب .

شكرا ايشو

[amr_miza1]

المشاركة الأصلية بواسطة BATISTA

اهلا عمرو


بالتوفيق للمنتخب فى استعدادة للتصفيات وان شاء الله موفق واعتقد ان مافيش اسماء غريبة هتنضم للمنتخب


شكرا على المتابعة

اهلا محمد

كنت لسه بقول فعلا انه مش هيستعين بأسماء غريبة .. زى ايمن عبد العزيز او عبد الظاهر مثلا
يمكن امير عزمى اللى يعتبر جديد .
لكن فى النهاية تقريبا هو مجبر عليهم او مفيش غيرهم للأسف

هنرجع ونتكلم تانى عن مشكلتنا وازمة المحترفين , فشل التسويق بجد هو السبب فى ضعف وقلة عدد المحترفين المصريين .

شكرا باتيستا للمتابعة

[نيهال]

بالتوفيق ان شاء الله لمنتخبنا القومى

مرسيه يا عمرو.........

[ميت العامل1]

goooooooooooooooooooooood

[Ebn elbalad]

أنا كنت متوقع أكيد إن حسن شحاته هيضم الحضرى
لكن مش مشكلة دلوقتى أهم حاجة نكسب الماتش إن شاء الله
ومش هنعرف نكسب طالما بنعمل كده مع الحضرى
لازم فى ماتش مصر نشجعه وإلا هنندم كلنا بعد كده بسببه

[shady esam]

المشاركة الأصلية بواسطة BATISTA

اهلا عمرو


بالتوفيق للمنتخب فى استعدادة للتصفيات وان شاء الله موفق واعتقد ان مافيش اسماء غريبة هتنضم للمنتخب


شكرا على المتابعة

[ابتسامة الحياة]

فعلا اسماء كلها معتادة
وطبيعى ان الحضرى يجى يا عمرو
وعندى تفاؤل بردو السنة دى
ربنا يسهل

[amr_miza1]

نيهال .. ميت العامل

شكرا لمتابعتكم والرد

[amr_miza1]

المشاركة الأصلية بواسطة Ebn elbalad

أنا كنت متوقع أكيد إن حسن شحاته هيضم الحضرى
لكن مش مشكلة دلوقتى أهم حاجة نكسب الماتش إن شاء الله
ومش هنعرف نكسب طالما بنعمل كده مع الحضرى
لازم فى ماتش مصر نشجعه وإلا هنندم كلنا بعد كده بسببه

اكيد طبعا تشجيع الحضرى فى النهاية بيصب لصالح المنتخب
مش هيبقى فى مصلحة اى حد اننا نهاجمة وخوصا فى وقت زى دا ..

شكرا ابن البلـــــد

المشاركة الأصلية بواسطة ابتسامة الحياة

فعلا اسماء كلها معتادة
وطبيعى ان الحضرى يجى يا عمرو
وعندى تفاؤل بردو السنة دى
ربنا يسهل

اهلا با ابتسامة ..
ان شاء الله خير نتأهل للكأس الحلم ان شاء الله