عاوزه اتجوز....نقاش جاد

[عمااانية]

طرحك للموضوع في قمة الروعة

بالفعل طرح رائع

سلمت يداك اخيتي

تحياتي

[ليله]

بسم الله

مشكوره عمانيه ع مرورك

[abc]

المشاركة الأصلية بواسطة ليله

بسم الله

اولا مشكور ع مرورك.....وردك

ثانيا بالنسبه لاول حاجتين دول مبلوعين شويه وفعلا فيه ناس بتفكر كده لكن المشكله هنا ان الحاجه التانيه عندك انت مخطيء فيها لان الالتزام مش معناه ان الاخت مش هتهزر وكده لا بالعكس دي هتحاول تدخل البهجه علي قلب زوجها لتكون نعم السكن له

ثالثا انا مش عارفه اخر كلامك ده هزار بقي ولا ايه؟؟؟ارجو التوضيح

أنا حاسس إني قلبت المواجع ..
و رديت على رد قديم قوي ممكن يكون اتنسى ...

للأسف آخر كلامي ده مش هزار ...
فيه شباب كتير لا يقبل على الزواج -و إن كان راغب فيه- لأسباب معظمها اجتماعية ...

يعني لما يبقى الواحد بيشوف في الكلية مناظر من ناس المفروض انهم محترمين ... بل أكيد هم محترمين في مدنهم و عندهم في الشارع ... و تلاقي الوالد راجل كباره و بناته محترمين ....
لكن تلاقي البنت في الكلية .. حاجة تانية خالص !!!!

طيب أنا أضمن منين إنها تكون محترمة في بيتها و شارعها ... و ما تكونش محترمة في الكلية زي اللي بنشوفهم ؟؟ !!

تاني حاجة ... الجواز دلوقتي أصبح مسؤولية متكلفه ... يعني مش جايبه همها ...
الواحد يدفع دم قلبه و يستلف من فلان و علان علشان ايه ؟؟؟
أهل العروسة عاوزين فرح في قاعة ايه ... و لا شقة فين ؟ و لا عفش منين ...
ليه التكلف ده ؟؟ ما تحترموا نفسكم شوية .. هو الناس لاقية ؟؟

لأ .. و بعد الجواز كمان ... العيال هيحتاجوا مصاريف .. و لو ماكانش مرتبك كبير و عيشتهم على القد هيحسوا انهم أقل من زملائهم ...
و الواحد نفسه هيحس بالهم في توفير المعاش لهم ...

و لو ربنا كرمك بقى ببنت ... هتبقى مصيبتك مصيبة !!!
هتخاف عليها من الناس الزبالة اللي كتروا اليومين دول ...
و ممكن البنت تطلع مش محترمة -بس دي بتبقى من العائلة أولا - و تبهدل عائلتها ...

و حتى لو محترمة ... ابقى قابلني لو اتجوزت بعد كده ... إذا كان دلوفتي العنوسة زي ما انتم شايفينها .. و الغلاء و الحاجات دي كله ... فما بالكم بعد 20 سنة مثلا !!؟؟

و بعدين "ما من عام ياتي غلا و الذي بعده شر منه حتى تلقوا ربكم "
يعني انا هخلف عيال في زمان هو أسوأ من زماننا هذا ...
يبقى أنا عاوز اعذبهم بقى ...

و بعدين أنا نفسي حد يقول لي فائدة واحده تعود على الابناء من "تخليفهم" في الدنيا ؟؟
كل الفائدة تعود على الوالدين الأنانيين اللي بيفكروا في مصلحتهم و بس .. و عاوزين عيل يلاعبوه و يفرحوا بيه .. أو حد يرعاهم لما يكبروا , أو عزوة أو ......

لكن ما فكروش في العيل ده و الزمن الاسود اللي هيعيش فيه !!

و المشكلة بره لو جيت تتقدم لواحده و تقول لها مش عاوز أخلف .... احتمال تخرج من بيتها متبوعا بكام شلوط من والدها .. لأنهن يعتبرن ذلك نية سيئة !!!


ياااااااااه .. ده أنا طولت خالص !!!
آسف جدا ... و الموضوع معقد جدا ...

كل ما أستطيع قوله هو أن الزواج الآن ... أصبح من أفشل أو من أخطر -حسب طبيعته- العلاقات الاجتماعية الحالية ... و لولا أنه نصف الدين و فيه العفاف ... ما ظننت أن شابا يفكر فيه ..

تحيتي .. و آسف مرة تانية على الإطالة ..

[ليله]

بسم الله

اولا مفيش داعي للاسف واهلا بيك في اي وقت

تاني حاجه بقي انا هرد ع ردك ان شاء الله



حضرتك قلت:: يعني لما يبقى الواحد بيشوف في الكلية مناظر من ناس المفروض انهم محترمين ... بل أكيد هم محترمين في مدنهم و عندهم في الشارع ... و تلاقي الوالد راجل كباره و بناته محترمين ....
لكن تلاقي البنت في الكلية .. حاجة تانية خالص

بص ياسيدي الفاضل انا مؤمنه بمقوله قولتها حلوه اوي اسمع كده

من لم يحترم نفسه لن يقدر علي احترام الاخرين

معني الكلام ده ايه؟؟يعني لو البنت مش محترمه نفسها عمرها ماهتحترم حد نهائي وقيس كده ع الولد كمان يعني الاحترام موجود وان قل...وكمان الاحترام عمره ماهيتجزأ يعني البنت اللي مش محترمه في كليتها مش هتكون محترمه في بيتها ولا في شارعها الا لو كانت بتعرف تمثل أوي وبتتكشف بردوا مع الوقت دوله الباطل زايله ولا ايه

يعني انت بفراستك تقدر تعرف الولد ده محترم ولا راسم الدور وبردوا قيس كده ع البنت


حضرتك قلت:: تاني حاجة ... الجواز دلوقتي أصبح مسؤولية متكلفه ... يعني مش جايبه همها ...
الواحد يدفع دم قلبه و يستلف من فلان و علان علشان ايه ؟؟؟
أهل العروسة عاوزين فرح في قاعة ايه ... و لا شقة فين ؟ و لا عفش منين ...
ليه التكلف ده ؟؟ ما تحترموا نفسكم شوية .. هو الناس لاقية ...لاخر الكلام

مش كل الناس والله متكلفه فيه ناس بتكون محترمه جدا وبتشتري فعلا رجاله...وبتحل الحاجات دي مع الشاب لان باختصار محدش لاقي عريس وطالما وجدوا ان الراجل اللي جاي لبنتهم راجل بمعني الكلمه يبقي خلاص ايه المشكله انهم يساعدوا ان كان يستحق ده!!

حضرتك قلت:: لأ .. و بعد الجواز كمان ... العيال هيحتاجوا مصاريف .. و لو ماكانش مرتبك كبير و عيشتهم على القد هيحسوا انهم أقل من زملائهم ...
و الواحد نفسه هيحس بالهم في توفير المعاش لهم ...


باختصار شديد جدااااا ربنا قال سبحانه وتعالي:: (( المال والبنون زينه الحياه الدنيا))
وبعدين الاولاد بيجوا وبيجيبوا الرزق معاهم....وربنا قال في ايه فيما معناه ان لاتقتلوا اولادكم خشيه الاملاق يعني مش تموتوا اولادكم علشان خايفين من الفقر؟؟وبعدين الفقر موجود بيهم او بعدمه..

حضرتك قلت ::و لو ربنا كرمك بقى ببنت ... هتبقى مصيبتك مصيبة !!!
هتخاف عليها من الناس الزبالة اللي كتروا اليومين دول ...
و ممكن البنت تطلع مش محترمة -بس دي بتبقى من العائلة أولا - و تبهدل عائلتها ...

و حتى لو محترمة ... ابقى قابلني لو اتجوزت بعد كده ... إذا كان دلوفتي العنوسة زي ما انتم شايفينها .. و الغلاء و الحاجات دي كله ... فما بالكم بعد 20 سنة مثلا !!


اهو انت بنفسك قلت الاسره عليها العامل الاساسي يعني لو ربيت بنتك صح عمرها ماهتطلع مش محترمه واهم حاجه انك تربيها ع الدين وخشيه الله ولا ايه رايك؟؟

حضرتك قلت::و بعدين أنا نفسي حد يقول لي فائدة واحده تعود على الابناء من "تخليفهم" في الدنيا ؟؟
كل الفائدة تعود على الوالدين الأنانيين اللي بيفكروا في مصلحتهم و بس .. و عاوزين عيل يلاعبوه و يفرحوا بيه .. أو حد يرعاهم لما يكبروا , أو عزوة أو ......

أقولك حاجه جميله بلاش نبصلها كده خالص..تعالي نبصلها من ناحيه تانيه؟ليه ربنا خلق الانس اساسا؟مش علشان نعبده!!! يعني لما الناس تخلف والعيال يطلعوا مؤمنين مش هيدخلوا الجنه ويتنعموا بالنعيم والاحسن من كل ده رؤيه وجه ربهم؟؟ اي عذاب يهون للهدف ده والنعيم ده...




مرورك وردك اسعدوني جدا ويارب ردي ليك يكون له حسن القبول
وجزاكم الله خيرا...

[فارس اصيل]

المشاركة الأصلية بواسطة abc

لو كان الموضوع للشباب بس ....
يبقى أتكلم عن نفسي و بلاش أذكر وجهة نظر جنس آخر ...

ب
و ثانيهما : قلت أتجوز بقى واحدة منتقبة و محترمة و متدينة ....
تبقى حافظة قرآن و تعرف السنة و كل ده ...
طيب ما أنا كده هبقى ما أساويش جنبها حاجة , و هبقى أنا اللي هجرها للغلط و أشدها لتحت , و ممكن أزهق منها أو أكره نفسي لما ألاقي واحدة أحسن مني معايا كده على طول ,
و بعدين أنا حاسس اني هحترمها زيادة عن اللزوم , لدرجة إني ممكن أتكسف أهزر معاها من شدة هيبتها في قلبي ...

مين قالك كده

الاخت المنتقبه تلبس النقاب لتبعد نظرات الاجانب عنها
انما هى فى بيتها عروسه وست الستات ان شاء الله

ومش حاتزهق منها لما تتاكد انها عفت نفسها وانت ترى منها مالايراه حتى اخوتك
على العكس حاتحبها اكثر لانك حاتحس انها لك لوحدك حتى عيون الاخرين لا يصلون اليها
بس انت جرب وحاتدعيلى

[فارس اصيل]

انا من راىىالشخصى ان من يعطل الشباب ويزيد البنات عنوسه هى تقاليد المجتمع الفاشله
ايشى شبكه وايشى ديب فريزر وايشى فرح خمس نجوم
والشباب الان ظروفهم الماديه لا تتحمل تلك النفقات
وان هذا العيب موجود فى المجتمع
لم اسمع عن اباء بيقولوا الان اننا نشترى راجل
انا لسه راجع الان من قاعده صلح بين عائلتين عاوزين يكتبوا فى القائمه 50 جرام ذهب
ليه التعقيدات دى وهل حق البنت بس هو اللى بيدور عليه المجتمع امال فين حق الشاب اللى بيطحن علشان يرجع لبيته بلقمه من حلال هناك نساء للاسف تصرف فلوس ازواجهم المتغربين على حثاله فى المجتمع من اجل الشهوات المحرمه
اين حق هؤلاء الشباب المتغربين
انما حقهم لن يضيع عند الله
ايها المجتمع افيق
ان تعاليم الغرب بدات تظهر على شباب الامه وبنات المجتمع عنست بسبب التعلق بالموضه فى الزيجات
لو حسبناها الان صح نجد ان الزواج العادى لا بد له من توافر اكثر من 120000 جنيه بين شقه عاديه وعفش عادى واجهزه عاديه وعروسه عاديه جدا
لو جبنا شاب واعطيناه الف جنيه فى الشهر وصام عشر سنوات لا اكل وشرب ولا حتى لبس
يبقى بالعافيه لحقاخر سلسله فى مجرى الزواج ساعتها حايكون زوج لا فائده منه
هناك نساء فى المجتمع عاوزه تتزوج حتى لو كانت زوجه رابعه
الله يكون فى عون شباب المجتمع

ان

[احساس فنان]

أنا هقول حالتين اول واحدة للشباب
كانت حالة مشهورة خالص تناقلتها كل التلفزيونات عن شابه في منتهى الجمال اتزوجت وكان جايبين صورها في الفرح حاجه مفيش بعد كده ومفيش كلهم شهور اتخانقت مع اخت العريس رشت مية نار في وشها اتشوه خالص مبقتش جميله ولا حاجه يعني انا بقول للشباب لو اختها للجمال ممكن الجمال يروح ف لحظة

الحالة التانية
للبنات البنت في اول حياتها تفضل تقول ده منخاره طويل لا ده قصير لا ده مبيسبيلش ده مستواه ده تعليمه لحد ما تقرب تعنس تحمل الخطأ للشباب وللمجتمع يا جماعة مينفعش
أغلب البنات اللي بتقدم طلبات على النت اول ما تاخد اميل الشاب من دول تقوله عاوزه اشوف صورتك قبل كل حاجه عاوزه اشوف صورتك لو وبعد كده ممكن تفكر تكلمه تاني وممكن لا

الخطأ مشترك بين البنات والولاد

وكمان توجد حالا فردية بتكون البنت هي فيها الضحية الحالة اللي معانا حاليا ديقه مقدمهاش غير تطرق باب ربنا تدعي ولو ربنا كاتب لها حاجه هتشوفها اكيد ولا ننسى ان الدعاء بيغير القدر

[احساس فنان]

أنا هقول حالتين اول واحدة للشباب
كانت حالة مشهورة خالص تناقلتها كل التلفزيونات عن شابه في منتهى الجمال اتزوجت وكان جايبين صورها في الفرح حاجه مفيش بعد كده ومفيش كلهم شهور اتخانقت مع اخت العريس رشت مية نار في وشها اتشوه خالص مبقتش جميله ولا حاجه يعني انا بقول للشباب لو اختها للجمال ممكن الجمال يروح ف لحظة

الحالة التانية
للبنات البنت في اول حياتها تفضل تقول ده منخاره طويل لا ده قصير لا ده مبيسبيلش ده مستواه ده تعليمه لحد ما تقرب تعنس تحمل الخطأ للشباب وللمجتمع يا جماعة مينفعش
أغلب البنات اللي بتقدم طلبات على النت اول ما تاخد اميل الشاب من دول تقوله عاوزه اشوف صورتك قبل كل حاجه عاوزه اشوف صورتك لو وبعد كده ممكن تفكر تكلمه تاني وممكن لا

الخطأ مشترك بين البنات والولاد

وكمان توجد حالا فردية بتكون البنت هي فيها الضحية الحالة اللي معانا حاليا ديه مقدمهاش غير تطرق باب ربنا تدعي ولو ربنا كاتب لها حاجه هتشوفها اكيد ولا ننسى ان الدعاء بيغير القدر

[abc]

المشاركة الأصلية بواسطة ليله

حضرتك قلت:: يعني لما يبقى الواحد بيشوف في الكلية مناظر من ناس المفروض انهم محترمين ... بل أكيد هم محترمين في مدنهم و عندهم في الشارع ... و تلاقي الوالد راجل كباره و بناته محترمين ....
لكن تلاقي البنت في الكلية .. حاجة تانية خالص

بص ياسيدي الفاضل انا مؤمنه بمقوله قولتها حلوه اوي اسمع كده

من لم يحترم نفسه لن يقدر علي احترام الاخرين

معني الكلام ده ايه؟؟يعني لو البنت مش محترمه نفسها عمرها ماهتحترم حد نهائي وقيس كده ع الولد كمان يعني الاحترام موجود وان قل...وكمان الاحترام عمره ماهيتجزأ يعني البنت اللي مش محترمه في كليتها مش هتكون محترمه في بيتها ولا في شارعها الا لو كانت بتعرف تمثل أوي وبتتكشف بردوا مع الوقت دوله الباطل زايله ولا ايه

يعني انت بفراستك تقدر تعرف الولد ده محترم ولا راسم الدور وبردوا قيس كده ع البنت

- طبعا الطبع يغلب التطبع ....

لكن مش في كل الأوقات ..
يعني مثلا لما تبقى البنت في في شارعها ... ما بتتكلم مع حد .. و أبوها راجل محترم ... و طبعا ما يعرفش عنها حاجة , زي معظم الرجال و النساء المحترمين اليومين دول ..
تلاقي الوالدين محترمين و متدينني , لكن معقدين و لا دهم , فالطبيعي أن يحدث "الانفجار" خارج حدود سلطة البيت .. في الكلية ..

و بعدين تلم نفسها لما ترجع للحدود تاني ... !!!

واحدة زي دي .. تتعرف إزاي ؟؟

أما حكاية إنها تتعرف مع الوقت ... فدي عاوزة وقت طويل ... لأن فترة الخطوبة ما بنفعش يخرجوا لوحدهم طبعا .. و الموضوع ده عاوز وقت طويل ...

فغالبا لن تنكشف الأخلاق و الطباع الحقيقية إلا بعد الجواز و تكون .. الفاس وقعت في الراس !!

حضرتك قلت:: تاني حاجة ... الجواز دلوقتي أصبح مسؤولية متكلفه ... يعني مش جايبه همها ...
الواحد يدفع دم قلبه و يستلف من فلان و علان علشان ايه ؟؟؟
أهل العروسة عاوزين فرح في قاعة ايه ... و لا شقة فين ؟ و لا عفش منين ...
ليه التكلف ده ؟؟ ما تحترموا نفسكم شوية .. هو الناس لاقية ...لاخر الكلام

مش كل الناس والله متكلفه فيه ناس بتكون محترمه جدا وبتشتري فعلا رجاله...وبتحل الحاجات دي مع الشاب لان باختصار محدش لاقي عريس وطالما وجدوا ان الراجل اللي جاي لبنتهم راجل بمعني الكلمه يبقي خلاص ايه المشكله انهم يساعدوا ان كان يستحق ده!!

لكن قلييييييييل جدا ...
و بعدين نظرة الأقارب علشان ما تبقاش أقل من بنت "طنط فلانة" و علانة ..

ده غير إن كتير من العائلات بيحبوا يغلوا علشان يشوفوا إذا كان العريس "شاري" و لا لأ , و علشان يبينوا إن بنتهم "غالية" و إنهم مش راميينها !!

حضرتك قلت:: لأ .. و بعد الجواز كمان ... العيال هيحتاجوا مصاريف .. و لو ماكانش مرتبك كبير و عيشتهم على القد هيحسوا انهم أقل من زملائهم ...
و الواحد نفسه هيحس بالهم في توفير المعاش لهم ...


باختصار شديد جدااااا ربنا قال سبحانه وتعالي:: (( المال والبنون زينه الحياه الدنيا))
وبعدين الاولاد بيجوا وبيجيبوا الرزق معاهم....وربنا قال في ايه فيما معناه ان لاتقتلوا اولادكم خشيه الاملاق يعني مش تموتوا اولادكم علشان خايفين من الفقر؟؟وبعدين الفقر موجود بيهم او بعدمه..

نيجي للنقطة اللي عمر ما حد أقنعني بيها , و لا عمري أقنعت بيها حد ...
اللي شايف إنهم زينة .. يجيبهم .. أيوة طبعا هم زينة .. لكن منهم "عدوٌ لكم فاحذروهم" , أنا لو خلفت -بعد الجواز طبعا- و ما كانش معي ما يكفي منك النقود فأنا عارف نفسي إني ببقى متوتر جدا و قلقان لما بكون في أي مشكلة ...
و بعدين احنا مش هنقتلهم خشية الفقر ...
احنا مش هنجيهم و خلاص !!
و نريحهم من الدنيا بحالها ..

حضرتك قلت ::و لو ربنا كرمك بقى ببنت ... هتبقى مصيبتك مصيبة !!!
هتخاف عليها من الناس الزبالة اللي كتروا اليومين دول ...
و ممكن البنت تطلع مش محترمة -بس دي بتبقى من العائلة أولا - و تبهدل عائلتها ...

و حتى لو محترمة ... ابقى قابلني لو اتجوزت بعد كده ... إذا كان دلوفتي العنوسة زي ما انتم شايفينها .. و الغلاء و الحاجات دي كله ... فما بالكم بعد 20 سنة مثلا !!


اهو انت بنفسك قلت الاسره عليها العامل الاساسي يعني لو ربيت بنتك صح عمرها ماهتطلع مش محترمه واهم حاجه انك تربيها ع الدين وخشيه الله ولا ايه رايك؟؟

ماشي .. الدور الأكبر على الأسرة في التربية ...
لكن ممكن أتجوز واحدة ما بتفهمش تصاحب بنتها ... أو أنا أصلا ما أعرفش أربي ..
يبقى الأسلم .... عدم الإنجاب ..

و ده طبعا في التربية ...
طيب لما البنت تعنس ... التربية برضه هتجوزها ؟؟
و لما الولد ما يلاقيش شغل و لا يعرف يتجوز ... التربية برضه هي اللي هتجوزه ؟

حضرتك قلت::و بعدين أنا نفسي حد يقول لي فائدة واحده تعود على الابناء من "تخليفهم" في الدنيا ؟؟
كل الفائدة تعود على الوالدين الأنانيين اللي بيفكروا في مصلحتهم و بس .. و عاوزين عيل يلاعبوه و يفرحوا بيه .. أو حد يرعاهم لما يكبروا , أو عزوة أو ......

أقولك حاجه جميله بلاش نبصلها كده خالص..تعالي نبصلها من ناحيه تانيه؟ليه ربنا خلق الانس اساسا؟مش علشان نعبده!!! يعني لما الناس تخلف والعيال يطلعوا مؤمنين مش هيدخلوا الجنه ويتنعموا بالنعيم والاحسن من كل ده رؤيه وجه ربهم؟؟ اي عذاب يهون للهدف ده والنعيم ده...

ليه بلاش نبص لها كده ؟؟
هي ما بيتبصش لها غير كده !!

و حتى لو بصينا لها كما ذكرتِ ..
دلوقتي عندنا احتمالين :
العيال يبقوا مؤمنين و يدخلوا الجنة
العيال يبقوا فساق و يدخلوا النار

يبقى ليه نحطهم في الاختبار من البداية ؟؟
و لا احنا عاوزين نوجع دماغهم و خلاص ؟؟؟
ما نسيبهم في علم الغيب و خلاص ؟؟

و بعدين هو الزمن الجميل اللي احنا فيه ده بيشجع حد يدخل الجنة ؟؟
ده "ما من عام يأتي إلا و الذي بعده شر منه حتى تلقوا ربكم" .. و الفتن هتزيد و هتبقى العملية أصعب على من أراد الاستقامة ..

أنا عارف إنكم زهقتم .. بس دي وجهة نظري ... أكدب يعني ؟؟


جزاكِ الله خيرا ..

[abc]

المشاركة الأصلية بواسطة فارس اصيل

مين قالك كده

الاخت المنتقبه تلبس النقاب لتبعد نظرات الاجانب عنها
انما هى فى بيتها عروسه وست الستات ان شاء الله

ومش حاتزهق منها لما تتاكد انها عفت نفسها وانت ترى منها مالايراه حتى اخوتك
على العكس حاتحبها اكثر لانك حاتحس انها لك لوحدك حتى عيون الاخرين لا يصلون اليها
بس انت جرب وحاتدعيلى

ما حدش قال إنها مش عروسة و لا ست الستات ..

بس المشكلة لما تبقى أحسن مني ..

تبقى هي محترمة و حافظة القرآن و عارفة في الدين و أنا زي البتاع مش عارف حاجة في حاجة ..
متهيأ لي هتكسف أبص في وشها أصلا ...

يعني لازم أتظبط أنا الاول علشان أكون لها أهلا ..

و على فكرة أنا من المؤيدين للنقاب .. و إن شاء الله سألزم زوجة المستقبل به ...

[ليله]

بسم الله

يا اخي abc

انت بتدخل في كلام غريب بجد ربنا يوفقك وثق اللي ربنا كتبهولك هتشوفه مهما عملت او فكرت بطريقتك دي

مشكور

[ليله]

المشاركة الأصلية بواسطة abc

ما حدش قال إنها مش عروسة و لا ست الستات ..

بس المشكلة لما تبقى أحسن مني ..

تبقى هي محترمة و حافظة القرآن و عارفة في الدين و أنا زي البتاع مش عارف حاجة في حاجة ..
متهيأ لي هتكسف أبص في وشها أصلا ...

يعني لازم أتظبط أنا الاول علشان أكون لها أهلا ..

و على فكرة أنا من المؤيدين للنقاب .. و إن شاء الله سألزم زوجة المستقبل به ...

بسم الله

جزاكما الله خيرا وزقما ما تتمنا

ومشكور احساس فنان ع ردك الطيب

[فارس اصيل]

المشاركة الأصلية بواسطة abc

ما حدش قال إنها مش عروسة و لا ست الستات ..

بس المشكلة لما تبقى أحسن مني ..

تبقى هي محترمة و حافظة القرآن و عارفة في الدين و أنا زي البتاع مش عارف حاجة في حاجة ..
متهيأ لي هتكسف أبص في وشها أصلا ...

يعني لازم أتظبط أنا الاول علشان أكون لها أهلا ..

و على فكرة أنا من المؤيدين للنقاب .. و إن شاء الله سألزم زوجة المستقبل به ...

طيب وليه تبقى زى البتاع ما تبدا بنفسك
واتعلم كلام ربنا وذاكر الاحاديث النبويه
وانت تلاقى نفسك هداها الله
وساعتها ما تتكسفش من حد
ده اللى بيتكسف من بنت عمه بيتجوز بنت خاله

[ليله]

بسم الله

خلاص ياجماعه مش عاوزين نخرج عن الموضوع الرئيسي جزاكم الله خيرا

[نسيمه]

السلام عليكم
فى مواضيع كتيره احنا بنقراها لكن بنبتعد عن المشاركه فيها
لكن الموضوع ده يستحق المشاركه بجد
اولا الموضوع بيمس مستويات كتير من الشعب المصرى والشعوب العربيه عامه
انا شخصيا اؤمن بان الزواج رزق من الله يؤتيه من يشاء ويمنعه من يشاء
وكما قال الله عز وجل وفى السماء رزقكم وما توعدون
اما مساله التدين فى الزواج فكل واحد يقبل غلى الزوجه التى يعتقدها هى شريكه حياته فارى ان نؤمن بالقسمه والنصيب
ولكن لنحاول جاهدين ان نغير من فكر شبابنا العربى فتيات ورجال حتى نستطيع ان نقوم بالتوعيه الصحيحه لنقيم مجتمع اسلامى هادف وقويم
تقبلوا مرورى