عاوزه اتجوز....نقاش جاد

[ليله]

بسم الله

الحمد لله الذي جعل اليسر في شرعنا .. واصطفي من بين الخليلين نبينا((صلي الله عليه وسلم)) وبعد

عاوزة اتجوز.!!!!!!!
اسفة لو كنت تجرأت وحكيت لكم علي ما في قلبي.. لكن واجب عليكم ان تسمعوا ما اشتكي منه.. السنا اخوة في الله!!!!؟؟؟؟؟
يا جماعة انا خلاص هعنس... ولسة مفيش حد تقدم... واللي بيتقدم اهلي بيرفضوه.. واللي اهلي بيوفقوا عليه مش بيكون زي ما انا عاوزة.. واللي بيكون زي ما انا عاوزة هو بيرفض.. عشان انا مش جميلة... او عشان انا مش جامعية.. او عشان مستواه الاجتماعي اعلي مني... واهلي قالولي..لازم توافقي ع اللي نقولك عليه مادام الاخ مش موافق علي الاخت.. هو برده مش النبي ((صلي الله عليه وسلم)) قال ذات الدين؟؟؟
اعمل ايه يا اخوتي؟؟؟؟؟ اوافق وذنبي في رقبة الاخ اللي وجعني برفضه ليا عشان انا مش جميلة اوي... واوافق بواحد عادي قبلني عشان انا في نظره صاحبة دين...
هذه مشكلة تعاني منها كثير من الاخوات الحياري
تري ماالحل؟؟؟
هل توافق؟؟؟
هل ترفض؟؟؟
ماذا تفعل؟؟؟
افتح باب المناقشة وارجو الرد؟؟؟؟؟؟؟؟؟؟؟؟
اخوتي لو نظرنا لهذه المشكلة نظرة دين لقلنا لابد ع الاخ ان يتزوج اي اخت صاحبة دين.....
اخي الفاضل.... ع اي شيء تختار؟؟؟ ولما تتزوج؟؟؟
الجمال؟؟؟؟؟
ام
الدين؟؟؟؟؟؟
جميلة وليس صاحبة دين؟؟؟ ام صاحبة دين لكن عادية او متوسطة الجمال؟؟؟؟؟؟؟
اخي الفاضل... لو كنت تريد العفة فكلاهما ستعينك ع العفاف
اما اذا كنت تريد الجنة فلن تعينك سوي صاحبة الدين
اخي لما تحب امك.. واختك.. وتتعامل معهن .. و تقبل كل شيء منهن؟؟؟ ع الرغم من ان امك قد لا تكون باهرة الجمال,,او اختك فاتنة الجمال بل قد تكون احداهن اقل جمالا من الاخت التي ذهبت لرؤيتها؟؟؟؟؟
اخي المشكلة ليست ف جمال الاخت... المشكلة في عينييك اللتان تتعامي عن الخير.. فتري بالعكس
اخي... هذا حقك ان تختار الجميلة ويا حبذا لو كانت صاحبة دين
لكن لا تصمم ع ان تكون جميلة والا فلن تتزوج
اخي احتسب في زواجك بها
1_ اعفافها...
2_اعانتها ع الطاعة..
اخي ان الصحابة لم تكن تفرق معهم الجميلة انما الذي كان يفرق معهم هو الدين.........
فان كنت تريد الدين فاقبل وصدقني سيعينك الله وسيجملها في عينك وان لم يعجبك شيء غيره فانت تستطيع
لكنك لن تستطيع ان تغير في غير الدينة شيء اذ ان المبدأ من البداية لم تكن ع الدين.......
اخي....... قالوا ان الجمال جمال الروح..
فما بالك لو كان جمالها دينها
اخي ......اترضي ان توافق الاخت ع انسان قد يكون سببآ في انتكاستها لانه لم يوافق بها اخ....
اخي ... استعن بالله ولا تظلم نفسك بزواجك من امرأة ليس لشيء الا لجمالها.. وتظلمها لانك رفضت صاحبة دين ليس لشيء الا لانها ليست ع قدر من الجمال او التعليم او المكانة الاجتماعية
اخي.... يسر ييسر الله لك.
يسر الله لكم جميعآآآآآآآآآآآ الجنة

[al_copraa]

الاخت التى كادت ان تدمعنى / ليله
لقد تأثرت بحكايتك جدا واتمنى من الله ان تتزوجى وتسعدى بحياتك وبالزريه الصالحه ان شاء الله
واحب ان اقول لك انك على حق فى نظرتك للزواج ولا تستسلمى لاى احد
تزوجى فقط مما ترين انه الانسب لك
رأيك هو الاهم
لا احد سيتزوج غيرك فلا تفوضى احد بالاختيار نيابه عنك
واعلمى ان فى السماء رزقكم وما توعدون
وياريت حضرتك تعرفينى انت منين وعندك كام سنه ....
اشكرك جدا وادعو لك ان تتحقق كل اَمالك

[al_copraa]

انا اسف يا ليله / انا افتكرتها مشكلتك الشخصيه

[ليله]

بسم الله

مشكور ع المرور

بس فين رايك كشاب؟

[طائر ليل حزين]

الل اقدر ارد بيه انه هو الخاسر فماذا يفيد ان كانت فاتنه بلا أخلاق ستكون في شك وجحيم طوال حياتك ولن ماذا لو كانت صاحبة أخلاق متدينه فقد اشتريت راحة بالك وآخرتك وضمنت لبيتك الصون وذرية صالحه

أخيرا وليس آخرا ً ليس الجمال يقاس بفتنه الفتاه ولكن مقياس الجمال الحقيقي هو جمال الروح الذي يتكون من التدين والأخلاق الحميده

تقبلي مروري ليلة وارفعي وجهك للسماء ولن يخذلك رب العالمين وشكرا ً

[ليله]

بسم الله

مشكور طائر لكن الموضوع ليس موضوعي

انما موضوع فتياااات كتير جدا يعانون من التفكير السطحي للشباب

[al_copraa]

ليله /
انا شخصيا اعشق جمال الروح ولا ارى تقريبا جمال الشكل
قد تكون نظرتى وقناعاتى مختلفه عن كثير من الشباب ولكنى ارى واقتنع جدا بان اى جمال فى الدنيا ( جمال الشكل طبعا )سوف يزهد بمجرد حصولك عليه ولكن جمال الروح هو الجمال الابدى والذى يدوم الى ما بعد الحياه
وكما قال صديقى طائر ليل حزين ان هذه الشخصيه ( المتدينه ) سوف تحفظ فى وجودك وفى غيابك
تعرفى يا صديقتى ان المشكله الحقيقيه مش فى كل اللى اتذكر لا
المشكله الحقيقيه ان اساسا مابقاش فى بنات متدينه اساسا
بقى فى بنات مدعيه للتدين معتقده ان التدين حجاب او خمار او حتى ( نيو لوك ) اقصد نقاب
المقصود من كلامى ان اى شاب يعثر على البنت النادره ( المتدينه ) فليتزوجها فورا ودون اى انتظار وتبقى من حظه وربنا راضى عليه

[عتاب]

للاسف يا ليلة دي مشكلة بنات كتير
لا والغريب ان ممكن البنت تكون جميلة ومتدينة وبرده ماتتجوزش
ليه بقا
لان فيه نسبة من الشباب الغير متدين بيبحثوا عن البنت اللي يقدر يعرفها قبل الزواج
يتصاحب الاول حبها يبقى يتجوزها .... ماحبهاش يبقى يشوف غيرها
طيب والبنت المتدينة اللي صاينة نفسها تتجوز ازاي!!
للاسف البنت الغير متدينة جوازها بقا اسهل كتير من البنت المتدينة بسبب النظرة السطحية للشباب
وطبعا في الاول والاخر كل شيء نصيب ومكتوب

[نرجسية]

تم النقل عن طريقى الى قسم دهاليز المجتمع

[وجيه]

انا شاب ميسور صغير السن زيجتين فشلت وماللدينوماللجمال بس عقول ناسنا بفلوس فقط كلش طيب ال تكون صاحبة دين ومابالعبرة جمال والحسن بلخلق الطيب

[The Knight]

المشاركة الأصلية بواسطة ليله

اخي المشكلة ليست ف جمال الاخت... المشكلة في عينييك اللتان تتعامي عن الخير.. فتري بالعكس

مشكورة أخت ليله على الموضوع الصادم ..

أي شخص يعرف تمامًا أن جمال الشكل ليس أساس الإختيار السليم .. ولكن في الغالب يقع في هذه المشكلة ويتعامى عن الخير ، قد يكون دون قصد ، ولكنه يحدث للأسف ..

فليس هناك إنسان دميم أو قبيح الشكل .. ولكن الدمامة في سوء الأخلاق والتصرفات ..

قد يكون هناك فقط من لا يستطيع إظهار جماله الحقيقي ، جمال روحه وطيبة نفسه ..

المشاركة الأصلية بواسطة ليله

اخي ... استعن بالله ولا تظلم نفسك بزواجك من امرأة ليس لشيء الا لجمالها.. وتظلمها لانك رفضت صاحبة دين ليس لشيء الا لانها ليست ع قدر من الجمال او التعليم او المكانة الاجتماعية
اخي.... يسر ييسر الله لك.
يسر الله لكم جميعآآآآآآآآآآآ الجنة

أشكرك كثيرًا كثيرًا للتذكير ،، الذي نحتاجه دائمًا ...

جعله الله بميزان حسناتك ..

والله يعطيكي العافية ..

[abc]

موضوع حلو جدا ...
حبيت أشارك بس علشان أفتكر أرجع تاني ...

و لي عودة

[نيهال]

هوه الموضوع للشباب بس.؟؟

بصى حقولك راييى واللى انا بشوفه .....مش موضوع انك تكونى فاشقه الجمال
لان الجمال ده مساله نسبيه من شخص لاخر
ولكن بالبدايه بيكون القبول
مش ينفعه ارتبط باى انسان علشان اخلاقه كويسه وخلاص

القبول المبدئى وبعد كده بتاتى اشياء اخرى

[لما]

السلام عليكم

الانسان قد اعطاه الله امورا وقد اعطاه عقلا ليختار امورا اخرى

اعطاه الجمال....فلله ما يعطي ولله ما يأخذ..في لحظة ممكن ان يتحول الثري الى مفلس

وأعطاه المال...فلله ما يعطي ولله ما يأخذ...في أي وقت ممكن ان تنفجر انبوبة غاز لا سمح الله وتتشوه الوجوه الملائكية

وأعطاك العقل لتميز به الجيد من الرديء والصالح من الطالح ...ولكي تعرف ربك

فإن عرفت ربك ...فهذا زرعك وبالتالي حصادك سيكون يوم القيامة

ولكن هذا الزرع هو الباقي ليس كالمال والجمال

فابحث اخي عما هو باقٍ لك في دنياك وفي اخرتك في زوجتك

تحيتي

[abc]

لو كان الموضوع للشباب بس ....
يبقى أتكلم عن نفسي و بلاش أذكر وجهة نظر جنس آخر ...

بالنسبة للجمال , لا أظن أن أحدا يعبأ به هذه الأيام , هو معتبر لكنه ليس أول اعتبار , المهم الشكل المقبول العادي , ثم الأخلاق و الصفات و الميول

أما أنا فمررت على طبقات ثلاث :
أولها : كنت بقول أتجوز واحده متبرجة علشان قال ايه ... ربنا يهديها على ايدي !!!
لما ربنا يهديني أنا الأول أبقى أهدي الناس ,
بس لقيت انه غلط خالص ... ممكن هي اللي تفسدني
أو تحول حياتي جحيم و أبقى بحارب بره و جوة , و عمر البيت بالنسبة لي ما هيبقى سكن ,
و بعدين بقى هي دي آخرتها مع البنات المحترمات يعني ؟؟؟
طيب ما كده نبقى بنشجع المتبرجات على التبرج علشان يتجوزا حد يهديهم !!!
راي غلط خالص ..

و ثانيهما : قلت أتجوز بقى واحدة منتقبة و محترمة و متدينة ....
تبقى حافظة قرآن و تعرف السنة و كل ده ...
طيب ما أنا كده هبقى ما أساويش جنبها حاجة , و هبقى أنا اللي هجرها للغلط و أشدها لتحت , و ممكن أزهق منها أو أكره نفسي لما ألاقي واحدة أحسن مني معايا كده على طول ,
و بعدين أنا حاسس اني هحترمها زيادة عن اللزوم , لدرجة إني ممكن أتكسف أهزر معاها من شدة هيبتها في قلبي ...

ثالثا : قلت لا دول و لا دول ,
لا جواز و لا دياولوا ...
ما فيش حاجة مضمونة ... حتى المحترمة ممكن ما تطلعش محترمة -قاعدة شاذة لكنها ممكنة- و بعدين جواز و خلفه في زمن زي ده و أجيب عيال يتبهدلوا في الدنيا ...
لا يا عم , أنا أتجوز واحدة أوروبية تكون ما بتخلفش -لو متاح يعني - أو ما أتجوزش خالص ...

و إن شاء الله ما حد اتجوز و لا اتنيل , يعني هم اللي اتجوزا أخدوا ايه ؟؟