!!!!!!!!!!!! تعالى نركب الميكروباص

[منمونة]

السلام عليكم ورحمة الله وبركاته


الموضوع بيتكلم عن كل حاجه بنشوفها مع الميكروبصات




(( مثلا اول حاجه الشعارات اللي بيكتبوها ))



متبصليش يا عبيط أنا جايبها بالتقسيط


العين صابتني و رب العرش نجاني


م ن ق و ل

الحارس الله




عضة أسد ولا نظرة حسد


عايزينك يا بابا- أحمد و رشا


خدي بالك من الواد، انا نازل يا سعاد


إذا كان من الموت بد، فلتموت في سبيل من تحب


التدخين ممنوع


إذا كان من حقك أن تدخن فمن حقي أن أستنشق هواء نظيفا


مركز صيانه كريازى و كريازك و كريازنا كلنا 235979997ت

الأمورة هبه

الأمير محمد و البرنسيسة منار

الأجرة لو سمحت

سوق على مهلك يا بابا.


(( تاني حاجه بقي جيبلكم حوار داخل الميكروباص ))



ونبي يا أخوانا الأجرة مع بعض


الأجرة موحدة يا أخوانا إحنا بالليل



لسه فيه واحد مد فعش



حد ليه باقي


على جنب يا أسطى


الناصية الجايه يا ريس


ونبي أديله واحد يا خويا


خليهم أتنين معاك لو سمحت


خد أتنين من الجنيه وواحد من الخمسة جنيه


أبعت ربع جنيه ورا يا أسطى


الباقي يا أسطى عشان نازل


ونبي يا أسطى الربع جنيه دا مقطوع غيٌرة


حد معاه ربعين؟


معاك ربع و تاخد ُنص؟


حد عايز فكه 5- 10- 20


ثانيه واحده ونبي لما أنزل يابني


السواق :أنزلي يا حاجة براحتك


بيرد واحد من الركاب: ربنا يشفي كل مريض


ويبدأ الدعاء للسائق


متشكرة أوي يابني


ربنا يسهل لك طريقك يابني


ولله يا جماعه عليها أقساط


والمخالفات مبترحمش


ربنا معاك يا أسطى


قبل الكوبري معاك يا أسطى


قبل الكوبري ممنوع عشان فيه دوريه


يا جماعة اللي مد فعش ورا


كل العربية معاك


لسه واحد ناقص


ياخويا دا أبني و قاعد على حجري


دا واد صغير – عاوز أجرة عليه كمان


كل دا صغير يا ست- دا الواد في الجامعة اهو


يسمع منك ربنا ياخويا ويطلع دكتور أو
بشمهندس أد الدنيا


أيه يا أسطى- مش قلت لك على جنب


طيب يابيه مسمعتش


أنت أطرش ولا ايه


ليه الغلط يا افندي


انا اغلط زي ما انا عاوز


أنا أشتريك و أشتري عربيتك دي


خلاص يا جماعه صلوا على النبي


ماهو اللي بيغلط يا أخوانا- ولله مجيت جنبه


معلش يا أسطى


ولله يا أفندية الواحد مش عارف يعمل ايه للزباين


خليك أنت الكبير يا أسطى



وطبعا الاسطي يسكت


وفيه اللي مش بيسكت

:chair:

[زهره مصر]

ايه فاموس الميكروباصات ده
انتي كتبتيه في اده ايه
بس فعلا رغم اني مش بركب مكربصات كتير بس هو ده الكلام اللي بيحصل

[محمد كمال على]

ههههههههههههههه
ماشى على حديده ومسمار وربك هو الستار
هههههههههههههه

[منمونة]

المشاركة الأصلية بواسطة زهره مصر

ايه فاموس الميكروباصات ده
انتي كتبتيه في اده ايه
بس فعلا رغم اني مش بركب مكربصات كتير بس هو ده الكلام اللي بيحصل

شكرا على مرورك زهرة مصر اهوه قولت اغير لكم

[منمونة]

المشاركة الأصلية بواسطة محمد كمال على

ههههههههههههههه
ماشى على حديده ومسمار وربك هو الستار
هههههههههههههه

شكرا على مرورك طبعا حديدة ومسمار وربنا يستر علينا وعليهم

[شيكس]

واضح ان انتي بتركبي الميكروباص كتير وعلشان ده اضيق مكان الناس بتتقابل فيه وبيكون الوقت طويل شويه فبيحصل كده

[الورد الجوري]

اهلا منمونه
هههههههههه
المكروباصات دي مشكله
او اعتقد دول السرافيس اللي بيبقوا كده
انا بقى بيعجبني قوي اقرا الجمل بتاعتهم
و اللي كمان على عربيات النقل
و بيضحكني جملتين
عربيه قديمه جدا جدا و مكسره و يكتب عليها
" عضه اسد و لا نظرة حسد "
و التانيه .. عربيه نقل بمقطوره كبيره
واخده الطريق كله و السواء موسطن العربيه على خط النص بتاع الطريق و ماشي بسرعه 20 كيلو و كاتب عليها
" ياتهدي يا تعدي "

ميرسي ليكي

[دلوووعة مصر]

ههههههههههههههههه
حلو اوي الشعارات دي
بس في واحد مهم نسيته
مع انو هواكتر واحد بيكتبو
يا ناس يا شر كفاية قر
والحوار جميل اوي
انا مبركبش ميكروباصات كتير
بس لما بركب بسمع كلام من دة

[مووووني]

واضح انك كنت بتركبي مكرباص

مخصوص ومعاكي ورقه وقلم

وتعدي تسجلي كل حرف

ههههههههههههههههههههه

بس الموضوع جميل جداً جداً

[بنت الاردن]

هههههههههه ميرسي الك الموضوع روعه شكرا
تحياتي ببنت الاردن

[**ريفيرا**]

هههههه
فعلا بالضبط ده الي بيحصل
شكرا ليكي