الفيزياء المطبخية !!!

[**ريفيرا**]

انا عندي فكرة يا abc
انا بقول طالما ان وضع الملح في الماء هيزود درجة الغليان
يبقي نحط مع الحاجات الي عاوزة تستوي قوي زي اللحوم مثلا
نحط لها ملح بدل ما نستخدم الحلة الضغط
علشان انا سمعت ان الحلة الضغط استخدامها خطر
وانه ممكن من كتر الضغط الي جواها اول ما بنفتح الحلة
بتلاقي بخار الماء كله جه في وشك وبالتالي
هيسبب لك بعض الحروق وده حصل فعلا مع واحدة من
معارفنا
تحياتي لك ولموضوعك الاكثر من رائع
اعتقد انك كلية علوم صح

[فراق84]

المشاركة الأصلية بواسطة عتاب

ههههههههههه
ولا يهمك يا حبيبتي
اسألي براحتك وادخلي الموضوع براحتك
احنا كلنا اخوات (حتى بعزمك على موضوع مش بتاعي اهو ههههههه)

شكلو abc حيطردنا احنا التنتين
شكرا يا عتاب
وشكرا اكيد لabc

[mostafa10]

سالخير عليكو

انا لقيت ريحة الموضوع بدأت تطلع اما ادخل خصوصا ان خبراتي في المطبخ حاليا لا تتعدى طريقة الاكل
كان ليا صولات وجولات قبل كده بالذات مع الرز
وكان دايما بيتعجن عشان كده اعتزلت المطبخ دا خالص وسبتوا للست الوالدة تبرطع فيه براحتها من غير نظريات

شكلى هرجع تاني ياواد
الموضوع دا فتح شهيتي تاني

كلمة اخيرة مش عارف هي ايه عشان اقولك انى معجب بالموضوع

متابع باقي النظريات

[mostafa10]

المشاركة الأصلية بواسطة **ريفيرا**

انا عندي فكرة يا abc
انا بقول طالما ان وضع الملح في الماء هيزود درجة الغليان
يبقي نحط مع الحاجات الي عاوزة تستوي قوي زي اللحوم مثلا
نحط لها ملح بدل ما نستخدم الحلة الضغط
علشان انا سمعت ان الحلة الضغط استخدامها خطر
وانه ممكن من كتر الضغط الي جواها اول ما بنفتح الحلة
بتلاقي بخار الماء كله جه في وشك وبالتالي
هيسبب لك بعض الحروق وده حصل فعلا مع واحدة من
معارفنا
تحياتي لك ولموضوعك الاكثر من رائع
اعتقد انك كلية علوم صح

-اسمحلي أتدخل يا abc بعد اذنك

-البيت بيتك يادرش اتفضل

- يا ريفيرا الفكرة مش في كده
الملح مع اضافته للماء بيزود درجة الغليان وكلما زادت تركيز محلول الملح كلما زادت درجة الغليان اكتر لغاية ما نوصل لدرجة التشبع
المهم ما علينا
احنا عشان نوصل لدرجة غليان مرتفعة زي طريقة الضغط ان شاء الله هتحطي نص كيس ملح باليود من ابو نص جنيه -مستورد طبعا - وطبعا كده مش هتبقى لحمة هتبقى اكيد حاجة تانية

الحلة السب بقى يا لو أصلية ومضمونة متخافيش منها بالذات ان بيبقى فيها صفارة من فوق عشان تصرف البخار سلولي سلولي
اوعي تكوني بتفتحيها اول ما تخلصي علطول كده مش البخار اللي هيجي في وشها كده الحلة كلها ان شاء الله .
دا رايي في الموضوع من وجهة نظر مطبخية فيزيقة بحتة

[الورد الجوري]

اهلا بالجميع
سعيده بالنقاشات اللي حاصله دي

بالنسبه لموضوع الملح
انا فاكره كويس انه و انا في ثانوي دارسه
ان الملح بيزيد درجه غليان الماء
يعني الماء بيغلي عند 100 درجه مئويه
بس الماء اللي فيه ملح درجته بتزيد عن 100
و اعتقد في تفسيرات علميه للموضوع ده
لكم جميعا تحياتي

**
تم تثبيت الموضوع لمدة اسبوع
لتعم الفائده

[الورد الجوري]

المشاركة الأصلية بواسطة فراق84

شكرا اختي ورد للتوضيح
انا دلوقتي فهمت اكتر القصد والطريقة
وبديت افهم حكاية الغليان والمية
شكرا جدا
اختك فراق

اهلا فراق حبيبتي
لا شكر على واجب
انتي تؤمري حبيبتي
سعيده بدخولك عزيزتي الى طعم الكلام

المشاركة الأصلية بواسطة **ريفيرا**

انا عندي فكرة يا abc
انا بقول طالما ان وضع الملح في الماء هيزود درجة الغليان
يبقي نحط مع الحاجات الي عاوزة تستوي قوي زي اللحوم مثلا
نحط لها ملح بدل ما نستخدم الحلة الضغط
علشان انا سمعت ان الحلة الضغط استخدامها خطر
وانه ممكن من كتر الضغط الي جواها اول ما بنفتح الحلة
بتلاقي بخار الماء كله جه في وشك وبالتالي
هيسبب لك بعض الحروق وده حصل فعلا مع واحدة من
معارفنا
تحياتي لك ولموضوعك الاكثر من رائع
اعتقد انك كلية علوم صح

اهلا ريفيرا
زي مقالك مصطفى
حلة الضغط مش خطره
بس الحرص واجب مع كل شيء
اهم شيء
1- اطفاء النار بعد الوقت المحدد
2- رفع الصافره و الحله مغلقه لتسريب البخار
3- دائما وضعية فتح الحله تكون ليها شكل الامان
بمعنى انه الغطا لو من النوع المنزلق يبقى اخلي ناحيه الانزلاق باتجاهي و ناحيه اول بخار هيطلع تكون الناحيه البعيده عني
و بكده هتضمني ان الامور سليمه و هتعدي بخير ان شاء الله
منورانا في القسم

المشاركة الأصلية بواسطة فراق84

شكلو abc حيطردنا احنا التنتين
شكرا يا عتاب
وشكرا اكيد لabc

لا متخافيش
الموضوع فيه مساحات نقاشيه طبعا لتعم الفائده
و غير كده بقى يا حبيبتي متخافيش
نحن هنا
" ارهاب مش اشراف "

***
مصطفى .. تواجدك في القسم اسعدنا
و اكيد في انتظارك دائما

لكم جميعا تحياتي

[**ريفيرا**]

اهلا ريفيرا
زي مقالك مصطفى
حلة الضغط مش خطره
بس الحرص واجب مع كل شيء
اهم شيء
1- اطفاء النار بعد الوقت المحدد
2- رفع الصافره و الحله مغلقه لتسريب البخار
3- دائما وضعية فتح الحله تكون ليها شكل الامان
بمعنى انه الغطا لو من النوع المنزلق يبقى اخلي ناحيه الانزلاق باتجاهي و ناحيه اول بخار هيطلع تكون الناحيه البعيده عني
و بكده هتضمني ان الامور سليمه و هتعدي بخير ان شاء الله
منورانا في القسم

ده نورك يا عسل
وشكرا علي شوية النصايح الحلوة دي

[**ريفيرا**]

المشاركة الأصلية بواسطة mostafa10

-اسمحلي أتدخل يا abc بعد اذنك

-البيت بيتك يادرش اتفضل

- يا ريفيرا الفكرة مش في كده
الملح مع اضافته للماء بيزود درجة الغليان وكلما زادت تركيز محلول الملح كلما زادت درجة الغليان اكتر لغاية ما نوصل لدرجة التشبع
المهم ما علينا
احنا عشان نوصل لدرجة غليان مرتفعة زي طريقة الضغط ان شاء الله هتحطي نص كيس ملح باليود من ابو نص جنيه -مستورد طبعا - وطبعا كده مش هتبقى لحمة هتبقى اكيد حاجة تانية

الحلة السب بقى يا لو أصلية ومضمونة متخافيش منها بالذات ان بيبقى فيها صفارة من فوق عشان تصرف البخار سلولي سلولي
اوعي تكوني بتفتحيها اول ما تخلصي علطول كده مش البخار اللي هيجي في وشها كده الحلة كلها ان شاء الله .
دا رايي في الموضوع من وجهة نظر مطبخية فيزيقة بحتة

اهلا يا مصطفي
فين الحاجات دي من زمان
فهمت وجهة نظرك
تحياتي لك

[abc]

المشاركة الأصلية بواسطة محمد كمال على

فكرة عبقريه للمخلل
شكرا ياabc

أستاذ محمد

مرورك أسعدني ...

تحيتي لك ..

[abc]

المشاركة الأصلية بواسطة جناب العمدة

abc أيه تجليات المطبخية دى كلها
طيب لى سؤال :
الوالدة كان ردها أيه بعد تحليلاتك العلمية دى
أصلى لو قلت للست والدتى النظريات دى ممكن تبطل تخلل بعد كده .
ولو قلتلها H2O هتقوللى دور عليه فى الرف هناك .
بهزر طبعاً .

جناب العمدة ....

تجليات ايه بس ... ده من "غلبي" أياميها , لا و الله ما كنتش تعبان و لا حاجة

أما بالنسبة للوالدة ... فلا تعترف بقدراتي الهندسية حتى الآن ... إلا في معرض التبكيت و العجز .. لما ما أعرفش أعمل حاجة بس ساعتها تقول لي مش عارف تصلح الحاجة دي يا .... باشمهندس

تحيتي لك

[abc]

المشاركة الأصلية بواسطة الورد الجوري

اهلا بيك
لا و الله مش قااصده ان الكلام مش علمي
اللي اقصده ان القسم هناك بيناقش البحوث
يعني لما هتجيب المعادلات و الكيرفات و كده
هتكون اصبت الهدف بوضعها في البحث العلمي و التكنولوجي
لكن هنا زي منت شايف
انتو احنا بنتكلم عن العلوم البسيطه المتعلقه بمطبخنا
اتمنى تكون الصوره وضحت
**
نيجي بقى للمخلل
الطريقه فعلا لطيفه
انا بشوفها بتتعمل كده
بس الواحد مفكرش ليه
هو عمايل و خلاص
ميرسي للتفسيرات
و سلامنا للوالده
سؤال بقى .. هو حضرتك طالب او خريج اي كليه ؟

الورد الجوري ....
شكرا لك ..
و فعلا فهمت قصدك ...
و على فكرة الكلام كده أحسن من الكلام المتفزلك بتاع المعادلات اللي يكره الناس في الفيزياء ..

و شكرا لسلامك على الوالدة
أما لسؤالك .. فطالب ... هندسة الطاقة = power mechanics

شكرا لمرورك ..

[abc]

المشاركة الأصلية بواسطة عتاب

الحرارة الكامنة للتصعيد
بمعنى ان درجة الحرارة بعد الغليان بتفضل ثابتة عند100 درجة لحد ما الماء يتبخر
وبالفعل الحل هو رفع درجة الغليان نفسها

شكرا على المعلومات المفيدة

عتاب .. شكرا لكِ ....

فعلا هي الحرارة الكامنة للتصعيد = latent heat

هنا فيه نقطة خلاف
اللي اعرفه ان الملح بيقلل درجة غليان الماء مش بيزودها
من دخولي المطبخ يعني عارفة المعلومة دي
وده الاقرب للصواب اننا بنحط الملح عشان نقلل درجة الغليان
عشان المية تغلي بسرعة وتبدأ تتبخر والكسكسي يستوي على البخار

ده رأيي المطبخي
بس معرفش تأثير الملح العلمي ايه

موضوع جميل جدا بصراحة

أحب الاختلاف علشان بيجيب نقاش ..

للأسف الملح لا يقلل درجة الغليان لكن يرفعها ...
و لو تفتكري حاجة اسمها boiling point elevation
هي الفرق بين درجة غليان المحلول - الماء النقي ... و طبعا موجبة يبقى درجة غليان المحلول أعلى من الماء

ده غير ان الماء لما الملح بيدوب فيه و يكون روابط أيونية بين أيونات الصوديوم و الكلوريد , و الروابط دي بتحتاج طاقه علشان التفكيك ... يبقى درجة الغليان هتزيد علشان تتغلب على الروابط اللي "حلت" على المية النقية ..

أرجو أن أكون قد وضحت ..


و شكرا جزيلا للمناقشة ........ و المرور

[abc]

المشاركة الأصلية بواسطة فراق84

نظرية فعلا ...جديدة علي..
او بالاحرى المطبخ كلو جديد علي
بس منطقية فعلا...وحجربها بالسمك
المهم
طيب علميا ايه اللي يخللي المخلل يتخلل؟؟
معلش غلبتك
اختك فراق

فراق ...
شكرا جزيلا لمتابعتك ..
و بالعكس ما فيش زهق .. أنا أحب النقاش

و متهيأ لي الأخوات ردوا عليكي في مسألة الملح اللي كانت مدوخاكي .. صح ؟
نيجي بقى لسؤالك ده ...

الي يخللي المخلل يتخلل هو الملح

و الملح أصلا وظيفته هي ......... "القتل" .. قصدي التذويب و "الهريان" ,
يعني هو بيدخل جوة الأكل -خيار أو جزر أو زتون- يقتل البكتيريا اللي بتخليهم يتحللوا و يبوظوا .. و في نفس الوقت يتغلغل جوة الجزر مثلا و يبقى جزء منه و يبقى الجزر بقى جزر مخلل ...

أرجو ان اكون جاوبت على السؤال ...

[abc]

المشاركة الأصلية بواسطة **ريفيرا**

انا عندي فكرة يا abc
انا بقول طالما ان وضع الملح في الماء هيزود درجة الغليان
يبقي نحط مع الحاجات الي عاوزة تستوي قوي زي اللحوم مثلا
نحط لها ملح بدل ما نستخدم الحلة الضغط
علشان انا سمعت ان الحلة الضغط استخدامها خطر
وانه ممكن من كتر الضغط الي جواها اول ما بنفتح الحلة
بتلاقي بخار الماء كله جه في وشك وبالتالي
هيسبب لك بعض الحروق وده حصل فعلا مع واحدة من
معارفنا
تحياتي لك ولموضوعك الاكثر من رائع
اعتقد انك كلية علوم صح

شكرا على أفكارك و مداخلتك يا ريفييرا ..

هي فكرة ... بس المشكلة انها هتزيد ملوحة الأكل ...
و مش هترفع حرارة الغليان بدرجة كبيرة ...

يعني علشات ترفعي الحرارة خمس درجات مثلا , هتحطي ملح كتير قوي و ابقي قابليني لو حد عرف ياكل الأكل ده
بس الملح بينضاف في حالة الطهي بالبخار و عدم وجود تلامس بين الأكل و الملح كي لا يؤثر على ملوحة الطعام ...

أما بالنسبة لحلة الضغط فاستخدامها ليس خطرا كما أوضحوا ...
بشرك التأكد من سلامة "الصفارة" لأنها عبارة عن صمام ضغك يسرب الضغط الزائد بالداخل ... فلو الصفارة دي بايظة يبقى ممكن الضغط يزيد جواها عن المطلوب و تنفجر لا قدر الله بس ده ما بيحصلش إلا نادر جدا ...

و أما البخار اللي طالع أول ما بنفتح ... فبلاش نحط وشنا فوقيه و خلاص

تحيتي لكِ و شكرا على المداخلة ...

و للاسف .... قصدي الحمد لله