عاوزة اتكلم

[ola kotb]

مش ممكن اللى بيحصل ده مافيش حد بيكلم حد علشان عاوز يكلمه
لا علشان عاوز منه حاجة
واذا انتهت هذه الحاجة خلاص خالتى وخالتك واتفرقوا الخالات
ممكن نتكلم يا شباب
انا بحب الكلام
لانه الحاجة اللى ميزنا بها الله عن غيرنا
طبعا مش الحاجة الوحيدة
ولكن على الاقل دى لغة التواصل بيننا

الكلام باه انواع نوع يخليك تضحك بس ما لوش هدف وده علشان تريح بيه دماغك
ونوع يخليك تضحك بس تشغل دماغك
ونوع يخليك تضحك كالبكاء وده اللى بيسموه الكوميديا السوداء
ونوع تبقى زهقان من صاحبه وتقول يا رب يسكت

ونوع مش حقولك عليه كملوا انتو بقيت الانواع وانا مستنية الردود

[فراق84]

ونوع ...ممكن يحدث اعصار
ونوع ممكن تندم عليه في يوم من الايام
اختك فراق

[eshoo4ever]

احيانا الصمت بيكون افيد من ميت كملة

فى كلمة من الكلام الكتير تهد بيوت

كلمة تعمر بيوت


فى كلام كتير

شكرا على موضوعك الهايل تقبلى مررى

[justme]

مين قال ان محدش بيحب يسمع حد لمجرد انه يسمعه ؟؟؟
انا عن نفسي مشترك في منتديات كتير واول حاجة بدخل عليها فضفضة عشان بحب اشوف الناس اللي عندها مشاكل وعايزة حد يرد عليها...وان لقيت المشكلة اكبر مني ومعرفش اقول حاجة مبردش عشان متبقاش فلسفة وخلاص

[ليله]

بسم الله

فعلا الصمت ابلغ من الكلام احيانا

ولسانك حصانك

وخير الكلام ماقل ودل

دايما كتر الكلام بيجيب الغلط

[أوجاع الروح]

ايوة...
نعم...
أنا بحب أقول برده
احنا حلوين أوي أوي في الكلام
و نقول اجدع كلام في العالم
بس الكلام بس

شكرا على الموضوع اللي مالوش حل خالص ده
خلاني افكر في حاجات كتير
تسلمي
تقبلي مروري و تعليقي المتواضع

[دلوووعة مصر]

كلام مفيد و مختصر
و
كلام فاضي مكنش له لزمة يتقال

[وائل المصري]

سيدتي للكلمه انواع منها المفيد الصالح ومنها الضار الفاسد
لكن الكلمه هي
الكلمه هي هذا الميثاق الذي يربط بين كثير من الناس بمعني
كلمه بينك وبين الناس تعيش اما سعيد او تعيس
كلمه بين ابوك وامك اتية انت الي الدنيا
كلمه بينك وبين الله تعيش بها اما سعيد او تعيس
ربي كلمه القة بقائلها في النار سبعين خريف
علي العموم موضوع جميل ورائع واهلاله معنا بالمنتدى بالفعل جيده
تقبلي تحيات اسره محكمه المنتدى
عنهم
وائل المصري قاضي
المنتدى

[لاجئة]

ونوع.....
اللي بقولوا مبكنش مقتنع بيه وبحاول يقنعك بيه!!

[al_copraa]

فى انتظار موضوع افضل من ده

[وردة النيل]

السكوت من ذهب والكلام من فضة

وكثرة الكلام توقع في المحظور

وان خير الكلام ما قل ودل

تقبلي مروري

[وشوشنى]

بس مفيش مانع من الكلام الهادف و الدردشة والفضفضة و ناخد خبرات بعض وفى الاخر كلنا اخوات...

[ola kotb]

يا استاذ انا ما بقولش على النت انا بقول كلامنا لبعضينا وجها لوجه النت اصبح اقوى من الاقارب
وممكن نستغنى بيه عن كل من حولنا ودى كارثة

[ola kotb]

شكرا يا استاذ وائل بس برضه حضرتك مش فهمتنى انا بقول ان لغة الحوار بينا تلاشت
انا ساعات بحس انى بتكلم فى المنتديات افضل من مع الناس والمفروض العكس هو اللى يصح
يعنى المقلوب فرض نفسه زى اى شئ حولنا
واتعودنا عليه كانه هو الصح
وعلى العموم شكرا على ردك